حملة لا للإختلاط في أندية شركة النفط

الكاتب : أم راشد | المشاهدات : 5,198 | الردود : 60 | ‏27 يونيو 2011
  1. أم راشد

    أم راشد بـترولـي جـديـد

    26
    0
    0


    السلام عليكم و رحمة الله و بركاته

    كما عاهدت الخوات و الأخوه لن أتوقف حتى يضع المسؤولين في الشركه حدا للمهزله المستمره في الانديه التابعه

    للشركه ( نادي الاتحاد و نادي الحبارى) و سوف الجأ للصحف و للكتاب ذو التوجه الاسلامي للمساهمه في منع

    الاختلاط في هذه الانديه.

    لا اعلم حقيقه من هو المستفيد من استمرار الاختلاط في هذه الانديه مع ان وزير النفط الجديد منتميا للحركه

    الدستوريه الاسلاميه و المسؤولون عن النادي ينتمون لأسر كريمه محافظه , فلماذا لا يتم تخصيص احد الناديان للرجال

    و الآخر للنساء خصوصا ان الناديان بهما نفس المرافق ( مطعم, حمام سباحه , كرة تنس و سله, ساحه للأطفال) .

    هل يقبل اصحاب القرار ان يشاركوا برعاية هذا الوضع المخالف لديننا الاسلامي و عاداتنا و تقاليدنا ؟!!.

    مواضيع ذات صله

    1- يا وزير النفط و يا نقابه نادي الاتحاد

    http://www.q8ow.com/vb/showthread.php?t=37027

    2- فلبينيه في ملاعب شركة النفط

    http://www.q8ow.com/vb/showthread.php?t=34518&highlight=%C7%E1%DD%E1%C8%ED%E4%ED%E5
     
  2. مو معقول

    مو معقول موقوف

    663
    0
    0
    :) اختلاااط وين؟؟؟؟؟؟؟؟؟؟؟؟ علمينا الله يخليج على ايدج:) )))) وين مكان هالانديه؟؟؟


    اختي الشركات النفطيه ماعندها هالتفكير اللي اهو منع الاختلاط والشغل يحتاج ان الواحد يشيل من باله فكرة جنس الانسان سواء ذكر او انثى ويستخدم عقله في شغله وبس...وانا ما اتوقع يمنعون الاختلاط كلش واتمنى ان يفكونه من الحريم ويخلونهم يروحون الوزارات ويخلون القطاع النفطي ذكري بحت:)
     
  3. واحد من خلق الله

    واحد من خلق الله بـترولـي نشيط جدا

    296
    0
    0
    اخوي الله يهديك تراك صرت موظف وكبرت المفروض تخلي التعليقات الصبيانيه وتكون جدي شوي الاخت تكلم عن الاختلاط في الانديه والمسخرة الى قاعده تصير في النوادي من بعض الجاليات.

    انا معاج يام راشد والله يوفقج في حملتج.
     
  4. LaRambla

    LaRambla بـترولـي خـاص أعضاء الشرف

    2,041
    3
    38
    مالج الا الاعضاء الاسلاميين الطبطبائي والوعلان والحربش وهايف

    وصليلهم الموضوع وابشري بمنع الاختلاط

    صارلي 15 سنة بالشركه عمري مادشيت هالاندية
     
  5. أم راشد

    أم راشد بـترولـي جـديـد

    26
    0
    0



    أخي الكريم انا لا اتحدث عن مقر العمل بل عن انديه اجتماعيه ترفيهيه خصصتها الشركه لموظفيها, ارجو منك الاطلاع

    على الروابط المرفقه مع الموضوع لكي ترى حجم المشكله, شكرا لك
     
  6. أم راشد

    أم راشد بـترولـي جـديـد

    26
    0
    0

    كل الشكر لك اخي الكريم و لا نستغني عن جهودكم المباركه, سؤال يحتاج لاجابه اندية الحبارى و الاتحاد لها نفس

    المرافق فلماذا لا يتم تخصيص احدها للرجال و الاخر للنساء؟
     
  7. أم راشد

    أم راشد بـترولـي جـديـد

    26
    0
    0



    تم مخاطبة الوزير عن طريق النائب الفاضل جمعان الحربش قبل اكثر من ثلاثة اسابيع و لم نشاهد نتيجه على ارض

    الواقع بعد و قد و عدني النائب جمعان الحربش بمتابعة الموضوع, و ارجو كل من له علاقه مع احد من اعضاء مجلس

    لامه او اصثحاب القرار بالشركه ان ينقل لهم الصوره لعل و عسى ان ينتهي هذا الموضوع المزعج للاسر من مرتادي
    النادي.

    جاري مخاطبة جميع الاعضاء من ذوي التوجه الاسلامي و المحافظين
     
  8. ambition girl

    ambition girl بـترولـي جـديـد

    9
    0
    0
    استغفر الله انا افتكتي من هالسالفة بالجامعة حتى هني تتحجون بهالسالفة ؟؟؟ @@


    والله الدول الثانية عندهم اختلاطات للراس وانتاجية الدولة متطورة مادري شتبون بهالسالفة ؟؟؟ الواحد يروح يستقيد ماروح والله علشان اشوف في شباب ولا ماكو ... سوالف يهال متى تكبرون ؟؟

    وشنو تهددون بالجماعات الاسلاميية حسسوني ان محد يخاف الله غيرهم

    الي واثق من تربيته مايتحجى بهالامور لانها امور تافهة ....
     
  9. LaRambla

    LaRambla بـترولـي خـاص أعضاء الشرف

    2,041
    3
    38
    تفضل

    3 مشاركات ومسجلين على شان يقولون هالكلمتين

    الله لا يبارك بهالفكر وبهالعقلية اللي تعتقد الدين رجعيه وتخلف

    الله يفكنا من اشكالكم
     
  10. واحد من خلق الله

    واحد من خلق الله بـترولـي نشيط جدا

    296
    0
    0
    ياجماعة الخير ليش التخلف الواحد يدش مدرعم مايدري شنو الموضوع ويعلق يعلق على العنوان ترا والله عيب اللحين صرتوا موظفين سوالف المدرسه انسوها الموضوع عن المسخرة الى قاعدة تصير بالنوادى دشوا الروابط وشوفوا شنو فيها وبعدين علقوا ترا مو كل مرة نعيد الكلام.
     
  11. مو معقول

    مو معقول موقوف

    663
    0
    0
    اخوي القطاع النفطي كله مع الاختلاط...اذا تقدر تمنعه تسوي خير بالموظفين والموظفات صراحه

    بعدين نادي اجتماعي...يعني شنو بالله عليك..الواحد يروح بروحه يوم واليوم الثاني يودي زوجته بروح؟

    يعني اذا بروح النادي اروح بروحي على شان اقعد اسوي اي نشاط اجتماعي...معقوله هالكلام:)


    بس ودنا نعرف شنو المصخره اللي صايره بهالنوادي الاجتماعيه اللي انت والاخت تبون تمنعون فيهم الاختلاط


    من اسمه نادي اجتماعيييييييي...يعني للأسره مو حق الحريم او حق الرجال
     
  12. koc-76

    koc-76 بـترولـي مميز

    591
    0
    0
    اقتراحي انهم يخصصون يوم للنساء بكل اسبوع مع اداره نسائيه لهذا اليوم نفس المعمول فيه بالاكوابارك والمدينه الترفيهيه
     
  13. Moe_equate

    Moe_equate بـترولـي نشيط

    68
    0
    0
    شفيييييك الله يهديك بس !! هذول يبون يمعت حريم وحب وجاي وحش بخلق الله !!
    الوحده مو فاضيه اتروح النادي ويا زوجها تبي تفتك منه لازم كل واحد من الزوجين له يوم بروحه بالنادي !!
    ولا شرايك ؟ :d


    بعيد عن الضحك والغشمره
    اذا منعو الاختلاط شلون الواحد بودي مرته والعيال للنادي ؟ شنو يعني ما يطلع مع اهله ؟ ولا يروح بروحه النادي جنه مينون لول؟! ولا تنسون انه اكثر من نص الشركه هالاجانب !!

    انا اقول خلو منكم كلام منع الاختلاط الفاضي وحطو ظوابط وقوانين للنادي واي مخالف يمسكونه الباب :)
     
  14. واحد من خلق الله

    واحد من خلق الله بـترولـي نشيط جدا

    296
    0
    0
    شباب والله مايصير كم مرة قلت لكم اقروا الموضوع واقروا الروابط ياجماعه ترا عيب عليكم هذي ثالث مرة اقولها دشون مدرمعين تعلقون على عنوان الموضوع بس المشكله انكم للحين عايشين اجواء المدارس والجامعات للحين ما تاقلمتوا مع وضعكم الحالي اخر تعليق عليكم.
    عالم تحسب التقدم والتطور في امور تافهه باللبس والكلام واحد يقول شلون اطلع مع زوجتي لحمام السباحه والثاني يقول نادي اجتماعي ترى على فكرة عايشين في الكويت دولة مسلمه ولها عادات وتقاليد اذا مو عاجبتك يمدحون اوربا يقولون مايعرفون شي اسمه الغبار. *
     
  15. ambition girl

    ambition girl بـترولـي جـديـد

    9
    0
    0


    كلمة تخلف ما تنقال لي انا فاهم ؟؟؟ تنقال حق الي بمستواك .. والكلام اقوله من رايي الشخصي مو غصب تفرض رايك علينا .. واذا كان في سوالف مسخرة فكل واحد وتربيته ان شاء الله ماتدش دوامك علشان تربي الامة ... كل واحد يتحمل تصرفاته مو عاجبك مو ملزوووم تشارك معاهم ... تحبون القيل والقال والحجي الزايد .. وادرعم وين ما ابي لمن يصير المنتدى منتداك تعال كلمني ..
     
  16. ambition girl

    ambition girl بـترولـي جـديـد

    9
    0
    0
    الي يبي الخرابيط والله لو تشيلون الاختلاط بكبره الي يبي الحرام يسويييه والي قريته ما أثر فيني لان هالسوالف مليانة مستغربة ليش منصدمييين واذا شاديين حيلكم بالاعضاء ( الاسلاميييييييين ) ترى يدرون بس يتحجون متى مايبون وحاليا موفاضييين لان الشعب الحيين ينادي بكادر المدرسييين فيدورون الاغلبية شيبون هالامور الي تناقشونها موجودة وترست الكويت .. وتكلم عنها العوضي بس معطينهم طااااااااااااااااااااف ... :)
     
  17. eng 87

    eng 87 بـترولـي نشيط

    54
    0
    0
    Drilling Engineer
    Kuwait
    والله اهيا بصراحه مو أمور تافهه.. واذا مو هامج الموضوع غيرج يهمه..

    واذا في حل لهالموضوع ان شالله يحلونه
     
  18. واحد من خلق الله

    واحد من خلق الله بـترولـي نشيط جدا

    296
    0
    0
    مشكلة البعض انه يدخل المنتدى مشحون بمشاكله الخاصه ويحاول يفرغها في المنتدى فا تلقى مشاركات تدل على عقلية صبيانيه ومتخلفه وتنسى ان الكويت دولة مسلمه وان شاء الله بتضل مسلمه الى يوم الدين ترفض الاختلاط والمصخره وشكرا.
     
  19. الصراف

    الصراف بترولي خاص أعضاء الشرف

    319
    35
    28
    ذكر
    كبير مراقبي الخدمات (koc)
    الكويت
    بصراحة انه اتفق وياج بالرأي و بصراحة استغرب من الناس إلي للحين معنى الاختلاط = الخرابيط والي يدور الخرابيط ما ينطر الاختلاط لا نحط كل المشكلة على الاختلاط و ننسى التربية

    و إذا على مشكلة الأندية وياج حق يا أم راشد احنا عندنا عادات وتقاليد ما نطلع عنها و الغلط ما نرضى فيه و عندنا فريق إسمه فريق خدمة المجتمع أهو المشرف على الأندية و أكيد في موظف موجود بكل نادي يشرف عليه و لو عندج أي مشكلة انشألله أهو يفيدج
     
  20. Moe_equate

    Moe_equate بـترولـي نشيط

    68
    0
    0


    يا ليت تقرا الرد وتطبقه على نفسك

    ترى مو شرط انا اكون مأيد رايك وهذا مو معناته انا غلط لانه راي غير عن رايك ويا ليت تخلي التعليقات الي مالها داعي وتناقش شنو يا معاك بنفس الراي ولا تاكل الواحد بقشوره ؟ لي متى تفكيرك جذي اكبر يبه والله عيب

    حتى لما حاولت اقلد اسلوبك مو قادر اعتقد مو متعود على هالنوعيه من فرض الراي
    والله انتو مشكله بتفكيركم
     
جاري تحميل الصفحة...

مشاركة هذه الصفحة