الشرثان: على المجلس الاعلى للبترول امتصاص حدة غضب القطاع النفطي *

الكاتب : سالم الخالدي | المشاهدات : 2,144 | الردود : 25 | ‏26 يونيو 2011
  1. سالم الخالدي

    سالم الخالدي رئيس اللجنة الإعلامية فريق الإعلام

    5,139
    1
    38
    مشغل غرفة تحكم - مصفاة ميناء عبدالله
    الكويت
    [​IMG]


    العاملين في القطاع النفطي يترقبون اقرار زياداتهم من المجلس الاعلى للبترول
    *
    قال عبدالعزيز محمد الشرثان العجمي – رئيس اتحاد عمال البترول وصناعة البتروكيماويات إن اتحاد عمال البترول وبالتنسيق مع مؤسسة البترول الكويتية وطوال أشهر عدة سابقة من منطلق حرصه وتأكيده على أهمية العنصر البشري في القطاع النفطي قام بعدة اجتماعات لبحث زيادة رواتب العاملين بهذا القطاع الحيوي وتم التوصل إلى نتائج إيجابية بهذا الصدد لاقت استحسان الجميع وراعت مجمل الدرجات الوظيفية.
    *
    وبين الشرثان بأن ما آلت إليه الظروف السياسية في الآونة الأخيرة من انتكاسات أثرت سلبا على الاداء الحكومي كان له التأثير المباشر في تعطيل الحقوق وتأخير البت فيه وإقراره من قبل المجلس الاعلى للبترول رغم الانتهاء منه وإقراره من مجلس إدارة المؤسسة وانتهاء اللجان المختصة من توفير الايضحات المطلوبة للمجلس الاعلى للبترول.
    *
    وأوضح الشرثان بأن اتحاد البترول وصناعة البتروكيماويات وهو يراقب عن كثب هذه المتغيرات السياسية ومن منطلق حرصه على المصلحة الوطنية والاستقرار السياسي في البلاد فقد وضع نصب عينه هذا الامر وآثر في التروي لحين تشكيل الحكومة الجديدة وتشكيل المجلس الاعلى للبترول حتى يتم البت في مطلب جموع العاملين في القطاع النفطي .
    *
    وإننا وبعد عودة الأمور لنصابها الصحيح وانعقاد اجتماع المجلس الاعلى للبترول فإننا نطالب أعضاء المجلس أن يقروا ما تم الاتفاق عليه من حقوق وامتيازات للعاملين كاملة دون استثناء وامتصاص حالة الغضب التي تسود الوسط العمالي الذين يترقبون اقرار حقوقهم التي بنيت على أسس علمية ودراسات مستفيضة.
    *
    واختتم الشرثان بتأكيده على عدم الاستهانة بمطالب العاملين وأنه يقف جنبا إلى جنب مع جموع العاملين في القطاع النفطي وأنه على يقين في تفهم المجلس الاعلى للبترول لهذا المطلب وأن يتم اقراره بالشكل الصحيح حتى لا تتفاقم حدة الغضب بين العاملين وتأخذ منحنى لايخدم قطاعنا والبلاد بشيء
     
  2. المهندس

    المهندس بـترولـي خـاص

    1,305
    8
    0
    الله يعينا على الدبلوماسيه والمهاوده في الطرح ... مافي اي ريحه للتصعيد من الاتحاد كللش ... يهدد في غضب العمال مو اصلا العمال غاضبين وخالصين ولايعه جبودهم .. عبالك يالشرثان مستانسين .... كنت اتمنى تصريح اقوي واوضح ويتبناه الاتحاد ....

    الله المستعان
     
  3. Dr. Lucifer

    Dr. Lucifer بـترولـي نشيط

    54
    0
    6
    يا جماعة لابد من التصعيد ، نسمع إشاعات عن عدم جدية المجلس الأعلى في إقرار الزيادة في اجمتاع 27-6-2011. إذا كان الأخوة في الاتحادات يهادنون ويسايسون ، فيجب على البقية التصعيييييييد ، نبي إعلانات بالجرايد ، نبي تحركات جادة .
     
  4. kokaieen

    kokaieen بـترولـي نشيط

    111
    0
    0
    ذخر يا بن شرثان .. وحبكها لكم وانشالله الزياده قادمه من مصدر موثوق وثقه
     
  5. مو معقول

    مو معقول موقوف

    663
    0
    0
    بوجهة نظري مالنا الا اللجنه التطوعيه مالت المهندسين اللي جمعت 1400 توقيع انها تنضم اضراب على مستوى القطاع:)
     
  6. q8security

    q8security بـترولـي خـاص أعضاء الشرف

  7. واحد من خلق الله

    واحد من خلق الله بـترولـي نشيط جدا

    296
    0
    0
    اعتقد ان مافيه اضراب في جميع الاحوال واعتقد ان اتحادنا ضعيف حتى ماجاب طاري الاضراب
     
  8. almostishar

    almostishar بـترولـي مميز

    567
    5
    18
    نطق الشرثان اخيرااااا ..
    والله ماعرفنا انت تتبع القطاع النفطي او مجلس الوزراء ..
     
  9. Knpc lawyer

    Knpc lawyer بـترولـي نشيط جدا

    271
    1
    16
    نطق الصنم اخيرااا

    ولله يالشرثان لو مكمل نومتك ومتلحف بكمبلك وايد ابرك تصريحك هذا جنك قاعد انطر حسبي لله عليكم من اتحاد خزي وعار على العمل النقابي أنتو ونقابة الانبطاح وأوص لحد يسمعكم ولله فشلتونا وان أقرت الزياده ليس لكم اي فضل فيها ...
     
  10. اطفائي محترق

    اطفائي محترق بـترولـي خـاص

    1,187
    0
    0
    اشب الضيان
    الشعيبه
    العتب مو عليك ياسيادة الرئيس
    العتب والله على اللي حطوك في هالمنصب وانتخبوك ...
    لكن ماانقول الا الشكوى لله وبس

    واعتقد موضوع الاضراب يبي له زلم .... مثل محمد حضيري الهملان ...
     
  11. fatherlife

    fatherlife بـترولـي نشيط

    54
    0
    0
    حسبي الله ونعم الوكيل ، الظلم ظلمات يوم القيامة
     
  12. بو زياد

    بو زياد بـترولـي نشيط

    147
    0
    0
    من كلامه واضح ان مافي زياده ومتأكد بعد
    والدليل ان ماهدد بالاضراب لان اذا هدد وماقرو الزياده
    تصير ممسك عليه
    الكرسي اللي قاعد عليه اكبر منك
    والشرهه مو عليك الشرهه على اللي وصلك رئاسة الاتحاد
     
  13. ابو هاني

    ابو هاني بـترولـي نشيط

    146
    0
    0
    ذخر يا بن شرثان متفائلين فيك واحنا معاك وانشالله يعتمدونها
     
  14. ابوسعووود

    ابوسعووود بـترولـي نشيط جدا

    222
    0
    0
    شـكــ وبارك الله فيك ـــرا لك ... لك مني أجمل تحية .
    قووووووووووووووول وفعل
     
  15. kokaieen

    kokaieen بـترولـي نشيط

    111
    0
    0
    ولله حاله .. شوف الردود .. ولله يا بن شرثان انك تنفخ برجبه مبطوطه ومهمه سويت عندك ناس مايعجبهم الا التراب

    رجل مسوي لكم زياده ماتحلمون فيها وطبخها لكم على نار هاديه وبالاخير تتحسبون عليه

    يالله الي سب بن شرثان وقعد يتحسب عليه ويدعي عليه عشان جم دينار يوريني وجهه الحين بعد مانغرت الزياده ..!!

    ولاتقعدون تتخششون مثل الدجاج كل واحد يعتذر عن الكلام الي انقال في شخص بن شرثان
     
  16. بو زياد

    بو زياد بـترولـي نشيط

    147
    0
    0
    كوكايين اول شي التراب حق اهله
    ثاني شي الزياده ماخلصت باقي الخدمه
    الشرثان ذخر لك والا عندي لاذخر ولا سند
    بعدين الشرثان لا له فضل ولا منه وما ادى واجبه بالشكل المطلوب
    يمكن متوسطلك بشي هذا شي بينك وبينه رفعله على كيفك

    الله يخلي بو صباح سمو الرئيس اللي وقع عليها
     
  17. بو زياد

    بو زياد بـترولـي نشيط

    147
    0
    0
    قال إيه قال الشرثان مسويلكم زياده وطابخها
    والله شي يضحك
    ترفيع وتضبيط وتطبيل
    ضحك على الذقون
    لو مادحين الهملان نقول يستاهل اذا وعد بالاضراب نفذ
    اما الشرثان وعد وأخلف وهذا اذا دل
    يدل على ان المنصب اكبر من الشرثان
    اخ ليتك يالهملان رئيس الاتحاد
    جان قرو الزياده ( منذ مبطي )
     
  18. kokaieen

    kokaieen بـترولـي نشيط

    111
    0
    0


    اول شي هذا رئيس اتحادك يا كبتن .. اعرف منو تكلم عنه

    ثاني شي لو انه مو ذخر جان ماشفت في زياده اصلا

    وثالث شي انا اتحداك من الحين لي تشوف الزياده بالجريده اذا جبت لي جدول عند غير بن شرثان

    لأن الجدول عنده بروحه واهو الي عاده مع ناس ثقات بالنقابه .. وخل ربعك الي بالنقابه الي قاعد يستلقون على افااا الاتحاد وكل يوم طالع لي واحد ويبارك ويهنئ ويتوعد ويبيسوي وهم حتى جدول ماعندهم ولا شاركو بالدراسه ولا قالها الله

    وللعلم لولا علاقة بن شرثان بـ الشيخ احمد العبدلله ووقع له الزياده ولا جان مكانك راوح

    هالشغلات اذا ماكنت تدري عنها وانا اخوك .. انورك فيهـا لك ولغيـرك

    وبو صباح ماراح يسمع كلمتك وهذرتك بالمنتدى ومطالبك بالزياده لولا ما كان لك ممثل من الاتحاد اعد وحبك وخطط للزياده ومشا فيها

    بس شكله الربع اهنيي يحبون الـ show زياده عن اللزوم وتحبوون الصراخ والمناحر .. ليش انه الرجل يعمل بصمت صار مو زيـن ومو عاجبكم

    على العمـوم مابي ادش في سجلات انا بغنى عنها يمكن انت وغيرك بس تبي الزياده وبس ماهمك الرجل وشسوه

    بس انا اعرف الرجل هذا واعرف قدرته ومايقدر الرجال الا الرجال :)
     
  19. kokaieen

    kokaieen بـترولـي نشيط

    111
    0
    0


    منذ مبطي .. عرفنا سالفتك ومكشوفه

    اول شي التطبيل عند اهله .. والي يشوف ردك يعرف منو الي يطبل

    انا اتكلم عن رئيس اتحاد الي يمثلك .. شكو الهملان .. منو الحين اي قام يلمع ويرش اس تي بي على الاسماء ؟,؟

    منو رئيس الاتحاد الشرثان ولا الهملان ..؟؟ شكو طاري الهملان بالموضوع الحين ..؟ شالترفيع

    على العموم تمتمع بزياده لم ولن تجيييك بمستقبلك الوظيفي كله وعلى مر السنين وتذكر انها بعهد بن شرثان وان دل دل على نجاح هذا الرجل

    ومع احترامي حق حضري الهملان عطنا انجازاته مع اني اعرفه ومن اشد المقربين بس كلمة الحق تنقال الرجل صج مجتهد لكن ما صابت معاااه

    وبالاخير كلهم بني عم .. وعيب علينااااا نكران جهووود الرجال :)
     
  20. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    وسع صدرك kokaieen كلهم فيهم خير وماعليك من بو زياد مدحه للهملان نكاية في بن شرثان ولا هو مايواطنهم
    عنصري رايح فيها شايف مشاركاته غرقانه عنصريه وصدقني هالنوعيه لو شنو مايسوي رئيس الاتحاد ويجيب انجازات
    بتشوف بو زياد يذم فيه ومايعترف بالحق الافضل عطه طاف وبعدين لايستفزك وتغلط على الهملان ولا غيره اللي في وضعنا اللي حنا فيه لازم نوقف مع نقاباتنا واتحادنا الشرعي ونبعد عن الخلافات اللي مامنها فايده غير زيادة الطين بله
    وان شاء الله تعدي زيادتنا ونفرح باقرارها نهائياً اما بن شرثان والهملان وغيرهم بيواجهون بيض الله وسود الله وكلاً بيواجه افعاله سواء طيبة ولا رديه وعليها الناس بتحاسبهم باعطائهم الثقه او العكس
     
جاري تحميل الصفحة...
مواضيع مشابهة
  1. الصراف
    الردود:
    26
    المشاهدات:
    2,991
  2. المحرر النفطي
    الردود:
    12
    المشاهدات:
    2,875
  3. المحرر النفطي
    الردود:
    0
    المشاهدات:
    1,342
  4. المحرر النفطي
    الردود:
    0
    المشاهدات:
    497
  5. المحرر النفطي
    الردود:
    3
    المشاهدات:
    2,256

مشاركة هذه الصفحة