استفسار عن الاجازة الدراسية افيدونا

الكاتب : ali_85 | المشاهدات : 2,900 | الردود : 9 | ‏21 يونيو 2011
  1. ali_85

    ali_85 بـترولـي نشيط جدا

    419
    0
    0
    السلام عليكم

    عندي استفسار عن كيفية الاجازة الدراسية وقصدي الاجازة الطويلة لتكملة الدراسة مو شهر اداء الامتحانات

    شنو شروطها وشلون طريقتها ياريت تفيدوني انا خدمتي خمس سنوات والشركة كي ان بي سي

    لاتبخلون علينا مشكورين
     
  2. مو معقول

    مو معقول موقوف

    663
    0
    0
    هلا بعلي شيخ الموظفين:)

    يا اخوك هذي الميزه اللي ياخذها مو احنا اللي نعرفه والظاهر ما نقدر نتعرف عليه اصلا:)

    عموماً القطاع ينزل كل سنه عدة تخصصات غير موجوده بجامعة الكويت ويطلب من الموظفين اللي صارلهم اعتقد اكثر من 3 سنوات واهم على رأس عملهم وزيادتهم السنويه اكثر من 6% وتوفل 550..انهم يتقدمون لهالمنحه

    وطبعاً كلام الموظفين السابقين اللي مار عليهم ناس واجد راحوا للدراسه انها يبيلها واسطه و ان محد ياخذها الا اللي عنده واسطه...ولا اعلم صحة هذا الخبر:)

    والشي الغريب والادهى ان القطاع النفطي يدعمك دراسياً لإكمال الماجستير ويعطيك فلوس ويعطيك اجازه دارسيه للإمتحانات ولكن لا يعطيك تفرغ لإكمال دراساتك العليا كما هو الحال بالوزارات............والادهى والامر ان لما تجيب الشهاده وتجي مستانس عندهم........ماكو اي احترام للشهاده لا بالميزات الماليه ولا المعنويه ولا العينيه....ماكو شي يعني مثل ما رحت رديت...ويمكن ربعك بعد اللي داشين وياك يكونون طايفينك بالترقيات وانت توك تبدأ من جديد
     
  3. ali_85

    ali_85 بـترولـي نشيط جدا

    419
    0
    0
    الله يعطيك العافية انا ماقصد منحتهم ام واصطات هاذي انا اقصد اذا عندي دبلوم وبكمل بكالريوس على حسابي الخاص وابي تفرغ دراسي
    لانه القانون اليديد لازم تفرغ دراسي من دوامي ولا مايفتحولي ملف
     
  4. مو معقول

    مو معقول موقوف

    663
    0
    0
    اي تبي نفس الوزاره تقعد اربع سنين وبعدين تاخذ تفرغ دراسي تروح تكمل دراستك.... بالقطاع النفطي ما فتحوا المجال حق اللي يبي يدرس دكتوراه تتوقع يفتحون حق الدبلوم؟

    انا عن نفسي ما اتوقع ان راح يفتحونها الا اذا في ضغط نيابي بمجلس الامه


    وهذا الشي بصراحه مو بس راح يفيد القطاع ولكن راح يفيد البلد ويفيد مستوانا التعليمي بين الدول الاخرى...والحين انا اشوف السعوديين مكتسحين الدراسه بالخارج وهذا بدعم من حكومتهم

    شرايك باللي يقولك ان هناك عدد للمبتعثين يعني مثلاً تروح تدرس بجامعه يقولون لك الكويت مو راضيه احد يدرس فيها اكثر من 30 شخص...يعني لو 31 واحد جايبين بالثنويه نسبة 100% ويبون هالجامعه...شنو بيسوون التعليم العالي؟ بيقولون حق اللي رقم 31 شوفلك مكان ثاني!!! ويفتحون المجال للي يدرسون بسلوفاكيا ويصيرون مهندسين والفلبين لا:) والله فشله هالقرارات اللي قاعد يتخذونها بحق البلد....والا عمركم شفتوا مهندس مايعرف يتكلم انجليزي بأساسيات الهندسه؟!؟!؟! مثلث بالانجليزي ما يدري شنو...تسأله تقوله المثلث جم ضلع يقولك ما ادري...والتعليم العالي معترف بشهاداتهم وحاطهم مهندسين على الدوله......الدوله تعاني من مرض السرطان في المخ في موضوع التعليم واكمال الدراسه...وكل يوم لهم قرار. والمشكله اللي تقهر ان الدوله تدري ان اللي دارسين بهالجامعات مو فاهمين شي بس تمشيهم وتزحلقهم........والا جامعة المعادي يقولك مدير الجامعه يقول لهم اذا مو عاجبك المراقب قولولي اغيره لكم افا عليكم يالفلوس اللي بتمشي:)
     
  5. ali_85

    ali_85 بـترولـي نشيط جدا

    419
    0
    0
    الصراحة كفيت ووفيت والي فهمته الحين اني اذا بروح ادرس الحل الوحيد اني استقيل
     
  6. مو معقول

    مو معقول موقوف

    663
    0
    0
    اخوي في ناس راحوا بطريقه غير رسميه وتم اعتماد شهاداتهم والحين بدلوا وظائفهم. وما ادري اذا الفرصه متاحه لي الحين والا تم التشديد عليها!!! وانا اللي اشوفه منك انك رجل قانوني ولا مستعد تغامر وتقط فلوسك واخر شي ما يعتمدون شهادتك:) يعينك الله ان شاء الله

    انا اتمنى والله ان القطاع النفطي يفتح المجال حق اللي يبون يكملون دراساتهم حالنا حال الموظفين بالوزارات....بصراحه بالاونه الاخيره انا اشوف تعسف وفشل اداري بالقطاع النفطي وانا ودي اعرف شنو اهم الاجراءات اللي اتخذتها هالاداره خلال الخمس سنوات اللي طافوا؟ شنو التطور اللي سووه؟ شنو انجازات هالاداره؟ والا ديوان المحاسبه مايحاسبهم على هالامور؟ يعني واحد يبي يكمل دراسته ليش يوقفون بطريقه ويقولون له ممنوع وبالوزاره ربعه يكملون دراستهم ويحصلون على الشهادات الجامعيه....تصدق انا اعرف واحد نفس حالتك اول ما دش القطاع النفطي قاله واحد اكبر منه تبي نصيحه؟ قدم استقاله و روح الوزاره انا دبلوم نفسك وربعي اللي راحوا بالوزاره كلهم الحين مهندسين و رايحين عن طريق تفرغ من الوزاره وانا البترول ما يعطوني تفرغ على شان اكمل دراستي.

    الزبده...البترول يبون واحد يكدونه ما يبون واحد يخلونه يروح يكمل دراسته ويرجعلهم واهو متطور....يبون شغل

    وانا انصحك اذا فيك دراسه .....ترى الوظيفه بتلقى ان شاء الله وظيفه احسن من هالوظيفه بس الشهاده ما راح تلقى بدالها شهاده
     
  7. Mr.Ahmad

    Mr.Ahmad بـترولـي مميز

    اخ علي

    انا موظف تقريبا من 4 سنين ونص

    عقب 4 اشهر من تاريخ التعيين قررت اني اكمل دراستي وبإحدى الجامعات الخاصة داخل الكويت

    لان لمه سألت عن البعثات عن طريق المؤسسة .. قالولي شروط معينة + واسطة + تنطر دور

    وأحد الشروط ان شركتك نفسها تحدد التخصص اللي اهي بحاجة له (( بالواسطة يغيرون التخصص ويحطون تخصص غيره))

    وغير هذا ان المؤسسة كانت تبتعث 20 موظف سنوياً من اصل 16 ألف موظف !!

    وبعدين زادوا العدد من 20 لي 25 (( تدري انحرجوا من كثر الواسطات ))

    يعني انطر دورك :/

    قلت لو ادرس على حسابي راح اتخرج ودوري ما وصل :D

    وفعلاً لي الحين شغال بالوظيفة والدراسة

    ادري تعب لان ملتزم بمكانين ويومياً !! ( ما شاء الله علي ) :q

    بس اطلب من مكان عملك ورقة (لا مانع من الدراسة) عشان اذا تخرجت وحاب انك تعدل وضعك بالشركة تقدم لهم الشهادة + ورقة (لا مانع من الدراسة) عشان لا يسوون لك سالفة وتحقيق ليش درست وبإذن منو درست

    موفق
     
  8. K-O-C

    K-O-C بـترولـي جـديـد

    26
    0
    0

    بأي جامعة تدرس ؟ ومن الساعة كم لي كم؟ وجم تكلفة الكورس تقريبا ؟

    لأن بغيت اسجل بالعربية المفتوحة بس قالولي نظامها انجليزي وصعب .. انت شرايك , تسوى الدراسة بعد الدوام؟
     
  9. Mr.Ahmad

    Mr.Ahmad بـترولـي مميز

    العربية المفتوحة مادري عنها

    انا ادرس بالاسترالية

    الدبلوم تقدر تختار سواء من 8 لي 12:30 .... ومن 1:30 لي 6 .. ونظام الدبلوم انك تسجل الكورس كامل يعني ما تقدر تختار المواد على كيفك .. الكورس يكلف بحدود 1850

    نظام البكالريوس يختلف لان ماكو وقت محدد حق المحاضرات .. يحطون اوقات مختلفة حق كل مادة وانت تحضر بكيفك والمادة تكلف 650 دينار يعني الكورس يطلع عليك بـ 2600

    اذا طموحك دبلوم (فقط) حياك الاسترالية لان ماكو مشاكل بالدبلوم وسهالة

    بس اذا تبي بكالريوس .. من الاساس اقولك شوف جامعة ثانية

    لان البكالريوس مشاكل ما تخلص منها .. وحتى لو خلصت الدبلوم وحبيت تحوّل جامعة ثانية , راح يعادلون لك سنة وحدة بس
     
  10. Mr.Ahmad

    Mr.Ahmad بـترولـي مميز

    متأسف توني اشوف آخر سؤال

    انا بأول اسبوع حسيت جني قطيت نفسي بـ درب طويـــــل :/

    لان نوعاً ما راح تكون اغلب الوقت برا البيت وملتزم بالدوام + الكلية .. ولمه ارجع البيت لازم ادرس واسوي التقارير وغيره

    بس بعدين تعودت وأخذت على الوضع

    حتى اذا خلّص الكورس احس بـ وقت فراغ واقول يا زين ايام الكرف لان الوقت يمر وما احس فيه


    اهو راح تحس بالتعب والضغط ومرات تحس صعب انك تستوعب شرح المدرس :p

    بس بعدين كم هو شعورٌ جميل لمه تتخرج عقب حوسه و كرف :p .. احسن من الاغلبية اكل ونوم :cool:
     
جاري تحميل الصفحة...

مشاركة هذه الصفحة