الشعيبه مافيها غير الهنود؟

الكاتب : فيصل العجمي | المشاهدات : 1,948 | الردود : 29 | ‏20 يونيو 2011
  1. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    ياجماعه انا مستغرب جدأ وللأمانه مادريت بالمعلومه هذي الا من قبل كم يوم وذلك من اتصال من بعض الاخوان في مصفاة الشعيبه الذين يشتكون من وضعهم هناك ويطالبون بنشر موضوع يتحدث عن معاناتهم

    هناك عدد 6 رؤساء اقسام في مصفاة الشعيبه من الجنسية الهنديه وثلاثه منهم موظفين مقاول

    يعني فوق ماهو اجنبي ايضاً موظف مقاول وماسك قسم؟؟؟؟

    يا سبحان الله المهندسين تارسين المصافي في الأحمدي وميناء عبدالله وحتى في الشعيبه نفسها والاخ مدير المصفاة ومدير العمليات حاطين اجانب رؤساء اقسام ؟ قد لا نستغرب من مدير المصفاة فله سوابق في حبه للعرق الهندي منذ كان على مشروع المصفاة الرابعه وكان ماياخذ وياه الى امريكا غير الاجانب ولكن مدير العمليات شلون ترضى بمثل هذا الأمر ؟؟

    للأسف ويقولون ليش الناس تنحاش من الشعيبه ومحد يبيها..

    والله لو هالاجانب يستاهلون ماقلنا شي ولكن الغالبية مايدرون وين الله قاطهم وتعاملهم مع الموظف الكويتي يتسم بالعنجهيه والفوقيه او التشفي وكأن الكويتي مذنب في حق هذا الوافد .

    مثل ماكان هناك قرار يمنع الخبرات اصحاب الشهادات الثانويه من رئاسة القسم ...يجب ان يكون هناك قرار ايضا يمنع الوافدين من رئاسة الأقسام
     
  2. mars

    mars بـترولـي نشيط

    63
    0
    0
    كلامك حلو واقعى ومنطقى
    بس بس بس يا اخوى الحبيب
    انت قاعد اتكللم عن الشعيه غونتنامو knpc وفوقها
    عليها لعنة لان تاسست على الضلم
    ف لا تستغرب

    يامعود احنا انطالب فى حقوق الانسان
    الكويتى خل يعاملون الموظف الكويتى معاملة انسانيه
    وشكرا
     
  3. مو معقول

    مو معقول موقوف

    663
    0
    0
    Zain esawee feekom ...mo ratheen elmohandes ya5eth kadr oo etqooloon a7la hendi bedala?? :) elmohandis elkuwaiti yabee kadaaaaaaaaaar
     
  4. بوجمال

    بوجمال بـترولـي نشيط

    62
    2
    8

    صح لسانك يا العجمي

    فعلا الهنود بالذات تعاملهم مع الموظف الكويتي يتسم بالعنجهيه والفوقيه او التشفي وكأن الكويتي مذنب في حقه

    و اغلبهم فيه الصفات هاذي ما عدا سوامي و شيرام و للاسف الاثنين هذيلا مقاول

    تبي المفاجأة بعد ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

    تم تعيين اربع مهندسين هنود جدد مقاول !!!!!!!!!!!!!!

    طيب وين المهندسين الكويتيين اللي كفاءة و صار لهم خمس نوات و بعضهم اكثر

    طيب يا نقابة ليش ما يخلون السوبرفايزر اذا كفاءة و صار له 20 سنة يعاملونه معاملة المهندس اللي صار له خمس سنوات و بالتالي يقدر يصير سكشن هيد بعد عمل الامتحانات اللازمة

    فعلا قهر صار لي حوالي 20 سنة و يجيبون فوقي هندي ما يفهم شئ و مثل ما قال العجمي تعاملهم مع الموظف الكويتي يتسم بالعنجهيه والفوقيه او التشفي وكأن الكويتي مذنب في حقه

    اتمنى يا العجمي تتبنى هذا الاقتراح - اتمنى ذلك لأن الكفاءات تم احباطها بالجمود و فوق هذا يجيبون الوافد بعد اللي ما يفهم و يصير فوقي
     
  5. مو معقول

    مو معقول موقوف

    663
    0
    0

    اول شي المهندسيين الكويتيين صار عندهم نفور من القطاع النفطي وفي بعض الاخوان يقولون المهندس اللي يطالب بكادر خل يقدم استقاله اذا مو عاجبه الوضع واحلى هندي ياخذ وظيفته.....شي حز بخاطري والحين الله سلط عليكم الهنود

    اخوي لازم تستوعب ان لكل وظيفه انسان مختص ما يصير تجيني وتقولي حطلي سوبر فايزر مكان مهندس!!!!! باجر يقعد بإجتماع مع المنيجر والا التيم ليدر ولما يسألونه عن مسائل هندسيه يقعد يبحلق عيونه ويحك راسه:> اخوي الشركه ابخص بكل شي بس جعوص مع المهندسين بالذات والا جان شفت بكل قسم كويتي وشفت الاداره كويتيه

    الله يوفق بخيت ببخيته.....تبون هندي والا تبون كويتي وبكادر؟؟؟ النيه مطيه

    جماعه قد تكون هذه العنجهيه هي قوانين الشركه!!!؟ انا اقول لو تطالبون بتغيير القوانين مثل ما اخوانا النواب يطالبون بتغيير الدستور:)
     
  6. KNPC15

    KNPC15 بـترولـي مميز

    521
    0
    16
    ذكر
    CHEN
    الكويت
    الاخ الكريم مو معقول

    الحقد ما يكون بهالطريقه على اخوانك .. ان كان هناك كم شخص يخالفك في الرأي .. مو معناه انك تتكلم بهالطريقه على اخوانك

    اذا كنت تكرر الآيه الكريمه .. " هل يستوي اللذين يعلمون والذين لا يعلمون "

    فأنا اكلمك من منطلق : حب لأخيك ما تحب لنفسك "

    ولا الاسلام يحث على حب النفس ؟

    حبيبي فكر قليلا قبل توجه الكلام لاخوانك ...

    بالتوفيق وعقبال ما تصير دكتور
     
  7. Kuwait-37

    Kuwait-37 بـترولـي نشيط جدا

    394
    0
    0
    مساء الخير.
    أستاذي "مو معقول" تذكرني عدل ولا تبيني ارد عليك؟
    وانا من راي تقولي أذكرك بس.
    شكراً.
     
  8. Kuwait-37

    Kuwait-37 بـترولـي نشيط جدا

    394
    0
    0
    مساء الخير.
    اسمحلي أستاذي ردك كان واااااايد مسالم.
    تعجبت لم قلت كلمة "إخوانك".
    شكراً.
     
  9. Kuwait-37

    Kuwait-37 بـترولـي نشيط جدا

    394
    0
    0
    مساء الخير.
    تقول زين يشون فينا.
    على العموم انا ناطر ردك.
    في موضوع في السابق كتب فيه عن المهندسين وتم إغلاقه
    وفي عندنا مثل شعبي كويتي ينقال في "قطو وطقيته بمصير".
     
  10. ربينا سوا

    ربينا سوا بـترولـي خـاص

    السلام عليكم ورحمة اللـــه..

    الأخ الكريـــم /بوعبـــداللـــه

    لا تستغرب وأنا أخوك.. في زمــن الجيماز وفداويتـــه كل شيء جائز..!!

    وهل يعقل مديـــر مصفاة بكبرها لا يعلم عن هذه المهزلـــة..!؟!؟

    صدقني هم يعلمون وراضيين ولا يستطيعون الإستغناء عنهم مع (الفداوية)..

    لأن (الفداوي) ماسح الجوخ و(راجا) و (يونس) الخبير الإستراتيجي مكملين لبعضهم.

    حتى في المنتديات راقب ردودهم ومواضيعهم.. تجدهم أشد دفاعا وإستماتــه من (راجا) وشلتــه..!!

    بعض (الرؤوس) لا يريدون الشباب الكويتي (الحر).. الذي قلبه يحترق لمصلحة الوطـــن..

    إنما هم كالجراثيم لا تعيش إلا على (الجروح والقيح).. وأظن إن أجلهم قد إقترب بقدوم رئيس جديد

    ننتظر منه أخذ العبرة ممن سبقة والإستفادة ممن هم أحرص على القطاع النفطي من الجيماز و(فداويته).​
     
  11. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    ومنا الى المهندس فهد العدوه



    وكلنا امل به في غربلة الامور ووضعها في الاتجاه الصحيح
     
  12. BO 7AMOOD

    BO 7AMOOD بـترولـي نشيط

    59
    0
    6
    السلام عليكم ورحمة الله وبركاته
    اولا احب اشكر الاخ فيصل علي اهتمامه بهموم اخوانه بمصفاة الشعيبه
    اما بالنسبه لموظوع الهنود اهو دليل علي فشل الاداره وعدم ثقة المدراء بانفسهم فهو يعلم في نفسه انه ظعيف وغير مبدع فالهندي اذا ابدع وسوا شغل زين رد الفظل له وان اهو خارها ولا سواله مصيبه حطها ابراس الهندي وعقب ما اتعدي السالفه ظبط الهندي وعوظه وبنفس الوقت الهندي ما راح يجيه يوم وايصير بالغرفه الي يمه يعني راح ايتم طول عمره تحته
    والهندي فهم اللعبه وقام ايفرغ حرة اللي ايسويه فيه اللي فوقه بالشباب اللي عنده بالقسم
    لكن ما انقول الله ايبدلنا باداره خير من هالاداره واحنا متفائلين بفهد العجمي الرئيس الجديد ولكن التغيير يبي جهد من الجميع وعلي راسهم الاخوان اللي بالنقابه
     
  13. مو معقول

    مو معقول موقوف

    663
    0
    0
    اخوي انا مغزى كلامي ابي اللي يقول احلى هندي بدال الكويتي......يحس بمعاناة الموظفين اللي رؤسائهم مو كويتيين

    وانا بالعكس احب للموظفين الخير واتمنى ان الله يوفق الكل بوظيفته ولكل وظيفه مهمه بالقطاع......بس اتمنى اشوف مداخلات من غير المهندسين لما واحد يقول خل الكويتيين المهندسين يمشون واحلى اجانب بدالهم....بس انا اللي إلتمسته للأسف بالمنتدى ان ضرب للمهندس بكل شي وبس تقعد تتناقش معاه وتغلبه بالحوار يقولك انت الفلبين والا الهند ومصر وسلوفاكيا والاردن وموزمبيق....ويقلل من قيمة المهندسين وانا احترم رايه في هالمهندسين او المتشبهين بالمهندسين.....بس ياخوك مايصير المهندس ينظلم بأهم قطاع بالدوله اللي المفروض يوفر الراحه النفسيه للموظف ويعطيه حقه.

    الايه ( قل هل يستوي الذين يعلمون والذين لا يعلمون انما يتذكر أولوا الالباب)
     
  14. Kuwait-37

    Kuwait-37 بـترولـي نشيط جدا

    394
    0
    0
    صباح الخير.
    كلامك وايد حلو الحين.
    وانا معاك بما تقول الآية الكريمة. أكيد ماراح يتساوى العلم والجهل بالشيء وانا أؤيد كلامك. بس في كم استفسار حاب ترد عليهم ان تكرمت وتفضلت.
    هل يعقل انك تجيب موظف خلال فترة وجيزة بما يقارب السنة والنصف او السنتين وتقوله لازم تتأهل لمنصب يحتاج خبرة ومثابرة وجد واجتهاد؟
    هل يعقل انك تاخذ واحد وتبعثه لدراسة مشروع حيوي داخل القطاع النفطي وهذا الشخص بين مجموعة ولم يرجع يسألونه بعض الموظفين عن المشروع وبعض الاستفسارات يقول ما ادري.!!! وتدري ليش قال ما ادري؟ لان فاقد الشيء لا يعطيه. ولا أنسى ان هذا الشخص مهندس تحت التدريب وعلى فكرة هذا رد على كلامك لم قلت "تبي يقعد السوبرفيزر في اجتماع مع التيم ليدر ويبحلق عينه ويحك راسه".
    انا معاك واذا تبي امثله انا حاضر على كثر شعر راسك.
    أستاذي "مو معقول" كلنا عيال قريه وكلن يعرف اخيه. لا نكابر ونقول مهندس او غير مهندس المهندس يحتاج خبرة مش اقل من عشر سنوات بعمل فيه جد واجتهاد ومثابره وتعب وارهاق ليستفيد من شهادته العلمية. والدليل على كلامي يا أستاذي شوف بعض التيم ليدر ومديري العمليات لم يكونون Ex Operation شلون يكون أدائهم الممتاز في العمل وإدارتهم الممتازة في التواصل بين الموظفين.
    المهندس بدون خبرة بما يقارب العشر سنوات نفس الصعايدة الي عند الأهرامات يعرف يتكلم انجليزي وألمانيا وفرنسي وايطالي بس ما يعرف يكتب!!.
    ولا تزعل من كلامي هذا واقع لا انا ولا غيري يقدر يغيره.
    مثل ما في مهندس شاطر في كذالك موظف غير مهندس شاطر ومثل ما في موظف يبحلق عينه هم في مهندس يبحلق عينه ويتلفت يمين ويسار.
    اعتقد الحين الصورة اوضحت عندك وعند غيرك.
    شكراً.
     
  15. بوجمال

    بوجمال بـترولـي نشيط

    62
    2
    8
    شكرا يا اخوان

    مداخلاتكم الاخيرة صارت افضل


    بس ما نبي نطلع من الموضوع الرئيسي للاخ فيصل العجمي و هو عن الهنود في الشعيبة و نفوذهم اللي يتزايد يوما بعد ا
    لاخر
     
  16. mars

    mars بـترولـي نشيط

    63
    0
    0
    اقترح ان يكون مدراء المصافى هنود
    ليش يكون بس رئيس قسم
    خل يحطون فوق الجيماز هندى
    علشان يحوشه الى يحوش الناس
    ويحطون فوقه العن هندى.مثل راجا وربعه
     
  17. مو معقول

    مو معقول موقوف

    663
    0
    0
    وجهة نظرك وانت حر فيها ما راح احاول اغيرها لك:) بس اللي احب اقوله لك ان لازم على المهندس انه يكتشب خبره من خلال اعطائه فرصه في قيادة الامور مع مراقبه عليه حتى يتمكن من ادارة الامور لوحده دون مراقبه

    اخوي لا يجوز ان تقارن المهندس بموظف آخر. واذا تبي تقارنه فأنا اقولك ان المهندس قريد 12 او 13 يستلم راتب اقل من الفني اللي بالحقول والا بالمصافي قريد 10. فهذا ما اتحس انه فيه بخس لحقوق المهندسين؟

    اخوي لكل وظيفه حقها وانا احترم هذا الشيء ولكن رواتب المهندسين جداً ضعيفه ويجب اعطائهم مزايا ماليه تخليهم يقعدون لان في نقص مهندسين بالقطاع النفطي بشكل رهيب

    اخوي بكل مكان بالدوله المهندس بسنتين يمسك منصب وتحته موظفين....شمعنى بالبترول ما تبيه يمسك منصب؟!!!؟!!!
     
  18. Kuwait-37

    Kuwait-37 بـترولـي نشيط جدا

    394
    0
    0
    صباح الخير.
    اول فقرة في كلامك صحيح. بس تتصور المهندس الي في العمليات كم سنة يحتاج علشان يبتدئ يعطي؟ انا اشوف يحتاج ست سنوات منها اربع سنوات مشغل حقل وآخر سنتين يكون مع Shift Supervisor ليكتسب خبرة اكثر في ادارت الامور مبدئياً وخلال اخر سنتين يبتعث لكورسات تأهيلية في الادارة وعلمية.
    ثاني فقرة من كلامك صحيح. يجب يكون الراتب اعلا بقليل ويتم دراست هذا الموضوع بان تكون الزيادة خلال الست سنوات التأهيلية وتعتمد على Quility Of Job من خلال تقارير وتكون تختلف عن تقارير الموظفين السنوية.*
     
  19. Kuwait-37

    Kuwait-37 بـترولـي نشيط جدا

    394
    0
    0
    صباح الخير.
    أستاذي "مو معقول" بس حاب أقولك شيء مثل ما يكون فيه موظف Output عنده ضعيف نفس الشيء يوجد مهندس Output عنده ضعيف.
    ولكن يجب علينا وضع الامور في المكان الصحيح وتعديل مسارها باتجاه الصواب وان لا ننسى مستحيل ان نكون كلنا مسؤلين وكلنا مؤهلين وكلنا لا نخطئ وكلنا لا يوجد من هو افضل منا.
    شكراً.
     
  20. مو معقول

    مو معقول موقوف

    663
    0
    0
    وجهة نظري بالقطاع النفطي ان المهندس اللي مو قوي ما يسلمونه الشغل ويحاولون يخلونه على صوب....وعندي اسماء محطوطين على الويتنق....اما اللي كفئ يشجعونه ويسندونه ويوقفون معاه على شان يكون قيادي ناجح بالمستقبل...

    اخوي حتى الضباط عمره الواحد عشرين سنه وتحته واحد عمره 50 ومو كل الضباط زينين...بس هذي سياسة الوظائف بالدنيا...مايصير تجي وتقول غلط ومايصير!!!!!!هذا تهميش واخذ حق المهندس و دوره الوظيفي والقيادي...

    يا جماعه هذا مهندس مايصير تقللون من قيمته وشئنه و وظيفته
     
جاري تحميل الصفحة...

مشاركة هذه الصفحة