سؤال غريب...لكن يتعلق بمصير انسان

الكاتب : eng-q8ii | المشاهدات : 1,524 | الردود : 8 | ‏20 يونيو 2011
  1. العمل في شركة شلمبرجير

    2 صوت
    33.3%
  2. اخذ دورة ضباط اختصاص

    4 صوت
    66.7%
  1. eng-q8ii

    eng-q8ii بـترولـي نشيط

    123
    1
    0
    السلام عليكم



    انا ابيكم تصوتون على الاستفتاء الي بالاعلى.....



    انا الصراحه حاب اختار المكان الي اتوظف فيه يعني اكمل ابمكان هندسي و بيئه هندسيه

    او

    اخذ دورة ضباط و اصير ضابط اختصاص


    لكن بالنسبه حق ضباط الاختصاص ( الي احتمال يلغون دوراتهم )

    عندي اكثر من مكان


    1-حرس وطني

    2- الجيش
     
  2. MR.SAAAD

    MR.SAAAD بـترولـي نشيط جدا

    151
    0
    0
    اخوي الشركة اللي ذاكرة يمكن باي لحظة يقولولك مع السلامة اما الحرس اضمن ولو انك ذاكر kpc او koc كان قلت لك لا الشركتين الاخيرتين احسن
     
  3. واحد من خلق الله

    واحد من خلق الله بـترولـي نشيط جدا

    296
    0
    0
    الصراحه الله يعينك على الاختيار :
    العسكريه صراحه العموم يتشكى منها وخاصه اذا كنت ضابط اختصاص اتوقع شغلك مكتبي وهم عندك شهادة هندسه وتروح عسكري ماتسوى.
    شركة خاصه مثل ماقال الاخ الي فوقي مشكلتهم في اي وقت يفنشونك.
    ( انا ماصوت في الاستفتاء لان ماعندي معلومات كامله عنه لكن الى اقوله الله يوفقك ياحجي )
     
  4. أبو طلال

    أبو طلال بـترولـي نشيط جدا

    430
    0
    0
    أعتقد في الظروف الحاليه دورة ضباط اختصاص في الحرس الوطني راح تكون أفضل و أريح بواجد ...

    و عسى الله يوفقك وين ما تروح ...
     
  5. eng-q8ii

    eng-q8ii بـترولـي نشيط

    123
    1
    0
    عفوا يا جماعه ما فهمتوا قصدي

    انا قصدي الاسهل و الاقل جهد

    الشغل في شلمبرجير

    او الدوره ( سالت انها صعبه حيييل )
     
  6. sky-fly-man

    sky-fly-man بـترولـي نشيط

    108
    1
    18
    السلام عليكم انا مريت بنفس ظرفك هذا بالضبط سبحان الله و عمليه اتخاذ القرار كانت مرهقه جدا جدا لي خصوصا اني انقبلت بدوره الضباط و كنت الي لحظتها ما قررت شنهو الي ابيه بالضبط سمعت كلام من اعلى الجهات في الاكاديميه و في نفس الوقت من النفط
    عمليه اتخاذ القرار كانت طويله و هذا كان خطأ ازعجني جدا لسنوات جدام و بالنسبه لقراري اعتقد انه واضح لك الحين لكني في احيان كثيره اتمني فعلا لو اني رحت للاتجاه الثاني.فانا صار عندي حياتين للابد وحده فعليه و الثانيه اتوقعها دايما. فكر في الي انت تبيه فعلا مو الي يبونه الي حواليك فهم و ان كانو اقرب الناس لك يختلفون عنك ولايمكن ان يحسون فعلا بالي انت تحسه داخلك مجرد يقربون منه فقط, الدراسه و العمل و الزواج قرارات مهمه جدا , لا تسال ناس وايد اكتفي بامك و ابوك اذا عايشيين و اختار الي فعلا ترتاح له نفسيا و اجتماعيا و انت عارف باقي كلامي.
     
  7. Mech Eng

    Mech Eng بـترولـي جـديـد

    13
    0
    0
    الشغل في شلمبرجر راح يكون حقول؟ اذا حقول ما انصحك الا اذا ما كان عندك مانع شغل 24 بدون ويك اند.. كلم اي مهندس يشتغل هناك اذا تبي تعرف شنو قصدي.. اما اذا ما عندك مشلكه فالمعاش وايد قوي مع انه اكثرهم يقولون ما يسوى و ودهم يدشون ال koc
     
  8. eng-q8ii

    eng-q8ii بـترولـي نشيط

    123
    1
    0
    انا اقصد اشتغل بره في شلمبرجير
     
  9. eng-q8ii

    eng-q8ii بـترولـي نشيط

    123
    1
    0
    اذا انا مفكر اشتغل بالهالشركه

    راح اشتغل حقول
     
جاري تحميل الصفحة...

مشاركة هذه الصفحة