شعرة من جلد .... فايدة يالk.d.c !!!؟؟

الكاتب : العووود | المشاهدات : 1,125 | الردود : 11 | ‏14 يونيو 2011
  1. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    الله عليكم يال K.D.C

    والله ياخوان انه جميع العاملين ب(الشركة الكويتيه للحفريات ) ((( اللي بالرق فقط ))))

    انهم من شهر 2 واهم ناطرين البونص وعلى نااار بعد وانا اولهم ;)

    وكل يوم نسمع انه بينزل باجر لا اللي بعده ,, الشهر الجاي لا الشهر اللي وراه ....ألخ

    مره نسمع انه لكل عامل 500د.ك ومره 400د.ك بس الاكيد انه ماسمعنى انه اقل من 100د.ك ,,,


    ويووووووم نزل هالبونص = كويتي خدمته 8 سنوات تعطونه بونص 70د.ك وخرده !!!!؟؟

    وواحد من الربع منزلين له 25د.ك والله يشهد على مااقوله !!
    (نعمة كريم وألف الحمدلله والشكر)

    بس اللي يحر انه اللي يداومون بمكتب وتحت البراد ولاشغله ولامشغله ينزلهم من = 1000د.ك وفوق

    واحنى ياللي يحي الشمس = 70د.ك ولا 25د.ك .... هذا اللي الله قدركم عليه ؟؟؟
    والمعروف واللي نسمعه انه بونص الشركة هالسنه = 25 مليون

    اكيد انه اللي نزلنا هذا تالي ( الكيكه ) اللي تقاسمتوها يا..... و..... و...... !!

    و والله لو مو منزلين لنا شي افضل واحسن لكم

    ولو تبون ترجعونهم والله ماعندي مانع وعليكم بألف ..... ان شاءالله

    بس لايكون تأثرت ميزانية الشركة من ال 70 وال 25 :mad: :mad:

    وماعليه ....
    ( شعرة من جلد ..... فايدة )






     
  2. ahmed_1

    ahmed_1 بـترولـي نشيط

    126
    1
    18
    اخوي انا اقول نسق يوم انتا وربعك خل نروح النقابه انا موظف بل kdc باحد الارياق الى فيها من الجنسيات العربية المرتزقه
     
  3. الحيدري

    الحيدري بـترولـي نشيط

    51
    0
    0
    :(اخوي مقيوله ان حبتك عيني ماضامك الدهر والله ينصفكم ان شاء الله لان هل الاداره لا حسيب ولا رقيب عليها الله يصلح الحال
     
  4. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    الله على هالمرتزقه ,,, عاد لي معاهم مواقف مايعلم فيها الا الله والايام بينا !!

    ووالله اني قلت لواحد منهم (تول بشر) انصحك بكل صلاة تصليها انك تدعي الله مايخلي تفنشيك بيدي

    والله مايقعد عندي ثانيه وحده لا هو ولا ..... اللي يوصلون له الحجي ,,

    واخر شي تفكر فيه اخوي / احمد انك تنسق وتجمع الربع علشان تروحون النقابه ,, ماادري شنو سبب الخوف !!

    من دخلت هالشغله سنة 2003 لي يومنا هذا ماعمرهم وقفو مع بعض ,, الله يهديهم ان شاءالله





     
  5. ahmed_1

    ahmed_1 بـترولـي نشيط

    126
    1
    18
    اكثر الشباب الى ماعنا المشكله موعارفين الى لهم ولي عليهم ومع الاسف موعلى قلب واحد بس انشالله انا بييمع اكبر عدد وسحبهم النقابة عشان اهما موعارفين شي اخوي
     
  6. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    والله ماابيك تتعب نفسك وتجيب لنفسك سالفه انت بغنى عنها ,,

    واذا صار شي ولقيت منو يبي يروح معاك ترى انا معاكم والله يكتب اللي فيه الخير ان شاءالله .

    وصلت لدرحة اني قاعد افتر على شركات البترول بدول الخليج اذا يبون موظفين ولا لأ :(




     
  7. محمد الحرمل

    محمد الحرمل بـترولـي نشيط جدا

    209
    0
    0
    يرجال زين جاك شي فالكي دي سي اسلم على راتبك حنى سمعنا عن البونص وقالو راح ينزلكم راتب طبعا من توظفت كنت اسمع

    الربع يسولفون عنه وقالو بالقليل راح ينزل 480 بس 25 دينار كان مانزلوه احسلهم ياخوان نبي بدل خطر نبي بدل طبيعه ياخوي الواحد الحين ماله خلق يقعد برا في الظهريه لو ربع ساعه

    حتى تطقنا الشمس والحمدالله على كل حال بس نبي ابسط حق نبي تامين صحي
     
  8. موظفه مجتهده

    موظفه مجتهده بـترولـي جـديـد

    4
    0
    0
    اي والله معاك حق يامحمد
    بصراحه اهم شي وقت الظهريه وبالذات بجو الكويت
    عالاقل بس يريحونكم عالشهرين
    والتعب والله صج بالرمضان
    ما اقول الا الله يعطيكم العافيه
     
  9. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    والله ياخوي / محمد ان كل اللي قلته وذكرته قاعدين نطالب فيه ولكن لاحياة لمن تنااادي :(

    واحمد ربك اللي حافظنا من ضربات الشمس = والله يلعم شنو معنى ضربت الشمس !!






     
  10. Mechanical Engineer

    Mechanical Engineer بـترولـي نشيط جدا

    359
    0
    0
    انتوا لو الله يفكم من الموظفه الي من جنسيه عربيه في القاره الاسيويه تقع على البحر الابيض المتوسطه جان اعتقد في تطور لكم الي تشتغل بالموارد البشريه اول مكتب على اليمين من باب المبنى!!


    انا اذكر قبل سنتين يمكن قدمت على الشركه و اول شي لاحظته انه الاخت يايبه رفيجها من احدى البنوك و تعطيه ارقام الموظفين مادري ملفاتهم عشان يسكر التارقت ماله

    اذا هذا ابسط شي فيه بوق و حرمنه و تعامل سيء جدا و كأن المواطن الكويتي بتوظف تحت رحمتها

    فما بالك بالاداره بكبرهااا!!!
     
  11. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    عاد الا هالموظفه شي ثاااني ,, واحسن شي فيها ألبس المحتشم !!

    واللي صادمني انه الواحد من يتعين مدير بأسبوع تشوفه معين اشكال غريبه بأدارته !!!!؟؟

    خلها على الله بس... واللي يدري يدري واللي مايدري ......... يراجع وجنه ماشاف شي :)




     
  12. eng-q8ii

    eng-q8ii بـترولـي نشيط

    123
    1
    0
    سؤال بسيط لو سمحتوا :


    جم معاش المهندس بالشركه اول ما يتوظف ؟
     

مشاركة هذه الصفحة