مهزلة اسمها الشاطئية

الكاتب : كومار المغوار | المشاهدات : 1,351 | الردود : 8 | ‏10 يونيو 2011
  1. كومار المغوار

    كومار المغوار بـترولـي جـديـد

    1
    0
    0
    يا اخوان الساكت عن الحق شيطان اخرس والحقوق تبي حلوق وابن عم لي بالقوة الشاطئية اخبرني الموضوع وقلت له لازم يعرفون المسئولين

    مهزلة اسمها الشاطئية*

    ضابط قريدة 12 ومفروز له جيب برادو !!!
    كيساااااا هيييييي*

    الضابط دوامه من 8 الى 12 الصبح او يكمل الى ال 1 اذا بغا يحسب لنفسه افر تايم!!! ويداوم يوم وترك!!!
    كيساااااا هييييي*

    مندوب (مقاول) معطينة صلاحيات الضابط اذا كان الضابط باجازة! والصدمة مفروز له جيب لاستخدامة الشخصي (غير جيب الضابط) من اوسكو!!! كيف تفرز اوسكو لمقاول جيب؟؟ وياخذ اجازة اسبوع ويشفط شهر لانه متبع سياسة مسح الجوخ مع الضابط
    كيساااااا هييييي

    ملابس القوة ما تغيرت صار لها سنتين ولما فكروا يغيرون طرشوا (الضابط الخبرة)جاب لهم جواتي تشفط مو بس تزلق على ابو انه عارف طبيعة العمل لو جايبين العم قحطة ابرك!!!!*
    كيسااااا هيييييي

    ماكو شخصين بالقوة الشاطئية يلبسون نفس الشي بسبب تخبط الادارة وللعلم فان عمال تنظيفكو لهم لبس موحد **
    كيسااااا هيييييي

    الموظفين بالقوة يسيرون مسافة 2 كيلو للوصول للزورق و2 كيلو للعودة، ولا يوجد تكييف بالزورق ولا كبينه*والسبب انه الادارة تريد توحيد لون افراد القوة باللون البرونزي وابشر الادارة انه الشباب وصلو لدرجة لون السموك سلفر
    كيساااااااا هييييييي*

    اصدرت الشئون كتاب يمنع المؤسسات بعمل الموظفين من ال12 ظهرا الى 4 عصرا بالاماكن المكشوفة ولم تلتزم الشركة بذلك وبعد ضغط الموظفين للادارة وضعت بكل زورق خرقة خام لا تتجاوز متر بمتر بحجة انها مظلة (ولونها اسود لزوم النذالة)
    كيساااااا هييييييي
    *
    خبرات الضابط : حداق، عنده طراد، كان عايش بجزيرة، يصيد السمك سباحة وبناء على الخبرات العظيمة جابوه من موجه اطفاء لضابط شاطئية بدون اي دورة!!!
    كيسااااا هييييي*

    اخطاء الضابط لا تعد ولا تحصى والتيم ليدر على علم بذلك ولم يحرك ساكن!!! بل يغطي عليه والمتضرر الاول والاخير الافراد
    كيسااااا هييييي*

    اذا دخل شخص الى الضابط بشكوى فان الضابط يصكة بعشرة او عشرين حديث ولا ياخذ منه الشاكي لا حق ولا باطل*
    كيسااااا هيييييي

    مراقب القوة الشاطئية ورئيس فريق الغوص ووزير القوة الشاطئية (محارب) ضابط القوة الشاطئية بحجة انه ( مطوع ) وضابط القوة ما يكلم الوزير لانه ما يصلي
    كيساااا هيييي

    الروشن شهر يستلمونه وشهر لا ويقال والذمة على الراوي انهم يتبرعون فيه للجمعيات الخيرية المعروفة مثل سوق الميرة... الخ
    كيساااا هيييي*

    فرد من افراد القوة الشاطئية برتبة قائد حلف شمال الاطلسي كتب مسئول العمليات فيه كتاب بانه سارق زورق وطالع البحر بحجة انه ملل ويبي يحدق (عذر اقبح من ذنب) والعقوبة تكريم من اوسكو !!!*
    كيسااااااا هييييي

    واخر الموضوع اقنعني ابن عمي بانه خيره اني ما دخلت الشاطئية*

    اتقوا الله بابنائكم!!!!

    اطلب من الاخوان في الشاطئية التعليق هل الموظف الذي كلمني بالغ في كلامه؟؟*

    ( ترقبوا موضوع الطامة الكبرى اطفاء koc )
    *
     
  2. cpf 1

    cpf 1 بـترولـي جـديـد

    3
    0
    0
    :mad:لا يلحبيب في وايد من هل كلام مبالغ فيه بعدين الضابط الي عندنا ينحط عل الجرح يبرا:)
     
  3. ابراهيم الدوسري

    ابراهيم الدوسري بـترولـي خـاص أعضاء الشرف

    381
    0
    0


    متابع معك

    ولي عودة للتعليق على الموضوع

    الله يعطيك العافية
     
  4. rong said

    rong said بـترولـي جـديـد

    24
    0
    0
    بسم الله الرحمن الرحيم


    بحكم أني طرف محايد


    بقول رايي وبصراحه في هالموضوع اللي بصراحه أنت بالغت فيه وصدقت فيه في جم شغله

    وبعلق باللون الاحمر على كلامك اللي باللون الاسود

    عشان توضح الصوره


    الشاطئية يستاهلون اللي يعطيهم بدلهم اللي إنقص عليهم

    بالاجتماعات اللي قبل مشروع والكلام شفوي

    موضوع على كلام رئيس النقابه وصل للزنكي


    وأنتم ياهل الشاطئيه دابجوا فيه مع النقابه وبدون لويه


    كومار المغوار يا اخوان الساكت عن الحق شيطان اخرس والحقوق تبي حلوق وابن عم لي بالقوة الشاطئية اخبرني الموضوع وقلت له لازم يعرفون المسئولين

    مهزلة اسمها الشاطئية*

    ضابط قريدة 12 ومفروز له جيب برادو !!!
    كيساااااا هيييييي*

    الضابط دوامه من 8 الى 12 الصبح او يكمل الى ال 1 اذا بغا يحسب لنفسه افر تايم!!! ويداوم يوم وترك!!!
    كيساااااا هييييي*
    في شغله انت ماتعرفها في البترول أن أي شخص يكون in call يصرفون له سياره والضابط شغله بين ميناء عبدالله والصالحية في الاجتماعات وغيره وطنازتك بكلمة كيسا هي ماتصلح خالي


    مندوب (مقاول) معطينة صلاحيات الضابط اذا كان الضابط باجازة! والصدمة مفروز له جيب لاستخدامة الشخصي (غير جيب الضابط) من اوسكو!!! كيف تفرز اوسكو لمقاول جيب؟؟ وياخذ اجازة اسبوع ويشفط شهر لانه متبع سياسة مسح الجوخ مع الضابط
    كيساااااا هييييي

    كمان صاحبكم شغلته في فريق المشاريع in call مو شرط تشوفه بميناء عبدالله وماله مكتب عندكم شغلته وهو بس همزة وصل وتحصله اذا موعندك بمشاريع ثانيه او بالصالحية

    وغلطت ادارة المشاريع اذا كان كلامك صح غلط ان يستلم عليكم لازم يشوفون لكم ضابط واللي اسمعه ان جاكم ضابط من تسويق المحلي

    ملابس القوة ما تغيرت صار لها سنتين ولما فكروا يغيرون طرشوا (الضابط الخبرة)جاب لهم جواتي تشفط مو بس تزلق على ابو انه عارف طبيعة العمل لو جايبين العم قحطة ابرك!!!!*
    كيسااااا هيييييي
    الجوتي اللي انصرف أعزكم الله مال قصابيين بمصلخ حسب كلام شباب وإذا هو مختاره لازم يعدل خطاه وهو انسان فيه خير وانشالله مايعاند في الحق وماله داعي مقارنه بقحطه

    ماكو شخصين بالقوة الشاطئية يلبسون نفس الشي بسبب تخبط الادارة وللعلم فان عمال تنظيفكو لهم لبس موحد **
    كيسااااا هيييييي

    سالفة اللبس هذي لازم تنحل وكلموا نفابه فيها وكلموا ريئس فريق مشاريع إنسان متفهم وطلب بسيط مثل هذا موصعب يتنفذ


    الموظفين بالقوة يسيرون مسافة 2 كيلو للوصول للزورق و2 كيلو للعودة، ولا يوجد تكييف بالزورق ولا كبينه*والسبب انه الادارة تريد توحيد لون افراد القوة باللون البرونزي وابشر الادارة انه الشباب وصلو لدرجة لون السموك سلفر
    كيساااااااا هييييييي*
    الله 2 كيلوا شدعوه كلها حدود 700 متر من استراحتكم ومع الشمس تحس كنها عشرين كيلوا فعشان جذي بالغت خالي وسالفة تكييف ماله حل منو بيدفع فلوس وميزانية تغير تصميم الطراد او شراء شئ يديد يعني مش بوزك اطلع من الشاطئية احسن لك الموضوع يبله ميزانيه والشركه ماراح تدفع مبالغ وقدرها حدها مطارة ثلج ويالله واللجنه الامنيه اهي المتكفله بالشغله وعملكم شاق حد الدعسه وعشان جذي حاولوا يعوضوكم بالاوفر تايم لين ينحل بدل وعطوا بعظكم قريد 10

    اصدرت الشئون كتاب يمنع المؤسسات بعمل الموظفين من ال12 ظهرا الى 4 عصرا بالاماكن المكشوفة ولم تلتزم الشركة بذلك وبعد ضغط الموظفين للادارة وضعت بكل زورق خرقة خام لا تتجاوز متر بمتر بحجة انها مظلة (ولونها اسود لزوم النذالة)
    كيساااااا هييييييي
    *
    انا معاك انه لازم يوفرلك بيئة عمل مناسبه يعني يايوفر طراد مسكر وهذي قلنا مش بوزك او يوقف الجولات وهذي موصعبه والضابط حسب ماسمعت موافق ووعدكم بان راح يشوف موضوع بس اتوقع راح يعانده مراقب اللجنه الامنيه لان هم اللي يدفعون البيزات والضحيه شباب

    خبرات الضابط : حداق، عنده طراد، كان عايش بجزيرة، يصيد السمك سباحة وبناء على الخبرات العظيمة جابوه من موجه اطفاء لضابط شاطئية بدون اي دورة!!!
    كيسااااا هييييي*
    موغلط أنه حداق والعبيد قالها لكم انه منقيه لكم نقوه وسالفة اختياره واشلون لاتعليق لاني ماعندي تفاصيل حيل

    اخطاء الضابط لا تعد ولا تحصى والتيم ليدر على علم بذلك ولم يحرك ساكن!!! بل يغطي عليه والمتضرر الاول والاخير الافراد
    كيسااااا هييييي*

    سالفة الاخطاء : خالي المشروع بكبره دجه وحقل تجارب لين الله يفرجها عليكم وبني ادم مومعصوم عن غلط وبعدين مشاكل الاداره على علم فيها ولو فيه شئ ضده صج كان صكوه كوشن واسكوا الكوشن عندها شربة ماي فاذا في شئ جيب الدليل

    اذا دخل شخص الى الضابط بشكوى فان الضابط يصكة بعشرة او عشرين حديث ولا ياخذ منه الشاكي لا حق ولا باطل*
    كيسااااا هيييييي
    عاد هني اذا صج كلامك الغلط غلطك دش على طول بالموضوع ولاتفتح على نفسك مواضيع اذا مالك خلق تسولف مع الانسان هذا


    مراقب القوة الشاطئية ورئيس فريق الغوص ووزير القوة الشاطئية (محارب) ضابط القوة الشاطئية بحجة انه ( مطوع ) وضابط القوة ما يكلم الوزير لانه ما يصلي
    كيساااا هيييي

    عارفين سالفة المشاكل اللي بين الاثنين مال اللجنه عنده طموح يمسك ويحولونه للشركة
    وكله يحاول يحد من صلاحيات الضابط مال اوسكو ففيه بينه شق عود على ذمة الراوي واللجنه صاكين ضابط شكاوي حسب مايقولون شباب فهذا شءئ قديم والشركه تعرفه شاليديد خالي


    الروشن شهر يستلمونه وشهر لا ويقال والذمة على الراوي انهم يتبرعون فيه للجمعيات الخيرية المعروفة مثل سوق الميرة... الخ
    كيساااا هيييي*
    غير صحيح سألت وطلع مو صج في كشف استلام شهري واللي يتسدح وماله خلق ويبي الروشن يوصله لحد عنده خله يحلم خالي في مخزن مر عليه لوسمحت جيك على لايف جاكت واستلم روشنك


    فرد من افراد القوة الشاطئية برتبة قائد حلف شمال الاطلسي كتب مسئول العمليات فيه كتاب بانه سارق زورق وطالع البحر بحجة انه ملل ويبي يحدق (عذر اقبح من ذنب) والعقوبة تكريم من اوسكو !!!*
    كيسااااااا هييييي

    يقولون ان الخبر صج وانه هالانسان هذا واصل يعني احلم يصير له شئ
    وعلاقته قوية بمال اللجنه ويقولون انه متوسط له بشغله وعشان جذي مايرد عليه وهذا كله ينقزه ويحطه تو ستار وانه من نفس العايله وانه يصير له واحد بمنصب قوي بالديره الخ الخ الخ

    واذا اللي قالي هم ماعنده سالفه قولولي وانا راح اعتذر واصلح كلامي

    واخر الموضوع اقنعني ابن ع
    مي بانه خيره اني ما دخلت الشاطئية*

    اتقوا الله بابنائكم!!!!

    اطلب من الاخوان في الشاطئية التعليق هل الموظف الذي كلمني بالغ في كلامه؟؟*

    ( ترقبوا موضوع الطامة الكبرى اطفاء koc )


    نهاية تعليقي اخوي لاكتبت شغله تاكد من معلوماتك ولاتظلم الناس واهل الشاطئيه يستاهلون العلاوه وتعديل اوضاعهم واللي يوقف معاهم صج
    لان شغلهم شقى بشقى واللي موقادره يصبر خل يطلع النقل مبطل مر رئيس المشاريع انسان عسل وكلها جم يوم وينقلك
     
  5. سلومكو

    سلومكو بـترولـي مميز

    563
    0
    0

    غريبه والله كل هذا يحصل

    وين النقابات عنهم ؟
     
  6. C.P.F

    C.P.F بـترولـي جـديـد

    20
    0
    0
    C.P.F
    Kuwait
    والله كلامك في نوع من الصحه وملينه واحنا نتكلم لكن لاحياة لمن تنادي كلمنا النقابه 3مرات ولكن دون جدوى
     
  7. Killuminati

    Killuminati بـترولـي جـديـد

    10
    0
    0
    الله يعينكم يالشاطئيه سالفتكم سالفه وين النقابه عنكم ؟؟؟
     
  8. دكتور صنهات

    دكتور صنهات بـترولـي جـديـد

    اللي يدري يدري واللي مايدري يقول عدس
    السالفه سالفة تحدي وضابط شركة اوسكو له جماعته وضابط المجلس له جماعته مؤيد ومعارض شالسالفه مع العلم انهم في مكان واحد كل من يبي يمشي كلمته واعتقد وهذا رأيي ان المشكله من ضابط اوسكو لانه يدخل عصه بشي مايخصه اهو متليقف لان شركة اوسكو حاطته في مكتب او بالعربي شاليه عشان يدير امور الموظفين من ناحيه الاجازات والمرضيات وتوصيل كشوف الحضور والغياب يعني اداري او سمها مثل ماتحب ويبي يكون له رأي وكلمه في الامور الميدانيه لقافه وحب السلطه لا واللي زاد الطين بله ان التقييم السنوي عنده !! ليش ما ادري واذا اهو ما يداوم شفت على اي اساس يقيم اشلون يعرف اداء الشباب ؟ بس الصبح يداوم او بالاحرى الضحى ويمشي بعد صلاة الظهر هل كيف يعني ؟ لا وعنده جواسيس شغالين بالشفتات حق القيل والقال الحمدلله والشكر المهم والضابط الثاني مال المجلس هم فيه مشاكل واهم مشكله اهي الاهمال وايد مقصر على الشباب من ناحية الامور الصحيه يقولك الماي مال المغسله اصفر ماتقدر تغسل فيه وهذي المشكله مولاقين لها حل الى لان وانا اشوفها اهم مشكله اشلون يغسلون ؟ والاهم اشلون يسوون شاي وقهوه ؟ بماي اصفر ولا ماي صحه ؟ ... ومكان الاستراحته حدث ولا حرج قعده ارضيه لونها اسود وذايبه وكله يقول صبرو او ربعكم مو كفو والزوليه مابقى شاي ماي عصير ب..مرق بيبسي سفن الخ الخ الخ ما انكب فيها الله يهدى الشباب بس هم لازم يغيرونها سنويا اربع شفتات وكل شفت ثلاثين رجال الصراحه زين منها مستحمله لا والمشكله انها بو طقه ام ربع سانتي يعني بس موجوده اسم انها زوليه والبرده مأساة وفوق هذا كله ماكو شفاط تخيلو ثلاثين واحد يلبسون عزكم الله بسطار اللي بدلاق واللي بدون النظيف والوصخ وكلهم يدخنون وغير ريحة الاكل وكل هذا ولا ركب شفاط بو عشر دنانير والله حاله وبالنسبه لبيوت الراحه عزكم الله مافيها سيفون والشطاف مكسر كله شغل رخيص وبوق بو طقه حتى بالمخيمات مايركبونه !! والبسطار ماله داعي يعور الريل وموسيفتي حق البحر يزلق وياويلك اذا مالبسته او اذا تبي اشتر واحد زين مايقل عن 25 وتخيلو بالصيف نلبسه ليش ؟؟ حق الخيسه ..وفوق هذا كله الطامه الكبرى ماكو بدل ابحار والله زين منهم ..والنقاط اللي تكلم فيها الاخ الفاضل / كومار المغوار
    اللي مايحب ضابط اوسكو يقول الكلام عن ضابط المجلس مو صحيح والعكس يعني الكل ورا مصلحته
    وبالنسبه للاخ الفاضل / wrong side او rong said
    سالفة in call على قولتك اشدعوه كل يوم ؟؟ لاتقولي له شغل بالمصفاة الرابعه ؟ مطافي وحطوه ضابط بحري شكو ؟؟ قول مقزرها لاحسيب ولا رقيب ..
    سالفة ان مو غلط انه حداق شكو وين الكفاءه ؟ !! خالي ( على قولتك ) ترى اسم القسم ( قوة الحمايه الشاطئيه مو شركة الدانه للأسماك الكويتيه )
    سالفه الروشن والتسدح والتبطح شكو ؟ انا اطلع اجازه وآخذ الروشن اللي طافني لانه حق من حقوقي وصحيح ومتأكد مليون ٪ ان الضابط مال اوسكو ياخذ الروشن ويعطيه ناس بالمصفاة يقول مساكين يتبرع فيه واذا انت ما اخذت روشنك مال هالشهر راح عليك شنو هالخرابيط ؟؟
    سالفة الاوڤر تايم ترى الشباب يداومون يعني ماكو احد يتفضل ويتجمل عليهم بشي والله حاله اخذ من چيسه وعايده ههه
    واخيرا سالفة اللي موقادر ينقل ورئيس المشاريع عسل وباب النقل مبطل .. الله يهداك كل قسم فيه ايجابيات وسلبيات ولازم نذكر السلبيات عشان نحلها وهذا كله من صالح العمل مو لازم نسكت ونقول اللي موعاجبه ينقل ترى هذيل كويتيين مو عمال من جنسيات ثانيه واهم ضحيه وعود كاذبه حتى عمال البلديه تدهورت اوضاعهم سوو اضراب وحلو مشكلتهم الحين عشان الريال قال اللي بقلبه صرت محامي الشركه
    ...
     
  9. cpf 1

    cpf 1 بـترولـي جـديـد

    3
    0
    0
    لأخ حاقد وا الدكترور صنهات تراك اذيتنا من فصلوك من عندنا ونت تمشي وتشكى خلاص يبه ابلعها:):)
     
جاري تحميل الصفحة...

مشاركة هذه الصفحة