الي متي التكتم نبي جدول الزياده لصغار الموظفين؟؟؟

الكاتب : aLHaJeRi | المشاهدات : 3,270 | الردود : 29 | ‏28 مايو 2011
  1. aLHaJeRi

    aLHaJeRi بـترولـي نشيط

    131
    0
    0
    السلام عليكم ورحمه الله وبركاته

    اسعد الله مساكم بكل خير

    ياجماعه الي متي التكتم هذا ياجماعه نبي انعرف اللي لنا واللي علينا على اساس لاصار ماصار الصبح وتبون احد يوقف وياكم بالاعتصامات الا احنا انعرف شنو نعتصم عشانه والشي يكون واضح للعموم اتمنى عدم التكتم ونشر الحقايق للناس



    الموظفيين يريدوون معرفه الجداول لكافه الدرجات
     
  2. workerq8

    workerq8 بـترولـي مميز

    613
    6
    18
    تعبنا ونقول الجدول اخووي لا تعور راسك ما في احد راد عليك اخرتها بتعرف اللى لك واللي عليك

    الصبر زين وانا اخوك
     
  3. aLHaJeRi

    aLHaJeRi بـترولـي نشيط

    131
    0
    0
    كل اللي نبيه نعرف الجداول فقط لاغير ماقلنا نبي نمسك وزاره النفط ؟؟؟؟؟؟؟؟؟؟
     
  4. سلومكو

    سلومكو بـترولـي مميز

    563
    0
    0
    لاتتعب نفسك يالهاجري


    انا قبلك صحت وانهد حيلي على هالسالفه

    ومحد يرد ولا راح يردون اصلا,,تدري ليش ؟

    لانه اصلا زيادات زهيده جدا مقابل زياداتهم من قريد 10 وانت صاعد

    وصلت لمرحله انه زيادات وصلت الى 70 دينار تخيل .!!

    تعمدو أخفاء قريدات صغيره عمدا والعذر ماعندنا وماعندنا

    مشالله يقدرون يطلعون قريدات الكبيره وسالم الخالدي وعد الشباب قال جريب انشالله بحط لكم قريد 10-11

    وفعلا حط لهم زياداتهم بالجدول

    وانا بعدهم انهد حيلي وانا ابي قريدات 8-7-6 ,, ومحد يرد علي بما فيهم سالم نفسه

    اقول بالصوت العالي , لاتفرحون مقابل قتل فرحة غيركم

    يعني عشان قريدات صغيره خلاص محد يلتفت لهم ؟ واللي انا اولهم اهل القريدات الصغيره

    واقول والله يشهد على نيتي اني ادعي الله سبحانه يزيد معاشاتهم ويبارك بكل فلس من حلالهم

    ولكن لاتقتلون فرحتنا عشان ماتبونا نتكلم ونعارض

    وبالاخير ,, الله يكتب اللي فيه الخير انشالله

    لاني صج صج لاعت جبدي من الزيادات واقسم بالله العظيم لو أقروها انها بتكون مالها طعم وبتكون عووع بعد

    والحمدالله على كل حال سواء 70 فلس او 700 دينار
     
  5. LaRambla

    LaRambla بـترولـي خـاص أعضاء الشرف

    2,041
    3
    38
    صبروا مابقى شي
     
  6. فكر ساطع

    فكر ساطع بـترولـي نشيط

    91
    0
    0
    لا حياة لمن تنادي​
    *
     
  7. aLHaJeRi

    aLHaJeRi بـترولـي نشيط

    131
    0
    0
    اي والله عوووووووووووع

    فعلا لاحياه لمن تنادي وينك يافيصل العجمي ؟؟ وينك ياسالم الخالدي رد عليناا لو تكرمت وفرح ربعك بالجدول ؟؟
     
  8. سلومكو

    سلومكو بـترولـي مميز

    563
    0
    0
    تتذكر موضوع من زمان اسمه ( هدية الزيادات )

    اللي كله كان جذب في جذب من اللي نكه خميس

    تذكر كلامهم اضراب ومايصير واعتراض ولازم يبون الجدول عشان يقولك الزيادات كلها لصالح قريدات العاليه

    والحين يوم نزل الجدول بغض النظر عن مصداقية الجدول او لا

    شوفة عينك كلن خذا حسابه وحط في بطنه بطيخه صيفي

    مايبون يحطون قريدات الصغيره عشان مايبون سوالف واعتراض من البعض

    ولكن تلاحظ شي ؟ سواد ويه والله انه لما يحتاجون شي يقعدون نوح وصياح وحرام صغار القريدات موظفين وحرام

    ويدعون يلا كلنا اضراب كلنا اضراب ؟ يبونا نضرب لصالحهم

    يعني حتى محد يلتفت لنا ويعطي أبسط الحقوق بكامل الجدول

    ولكن كفو والله عليكم هذا الشفافيه اللي تعرفونه ياأدارة المنتدى

    عزالله انكم ضماير براحات

    يامعود رحت المدينه وسافرت طولت وايد ورجعت وهم لحد الحين

    كرهت ولاعت جبديييييييي ورب الكعبه بتكون عوع
     
  9. aLHaJeRi

    aLHaJeRi بـترولـي نشيط

    131
    0
    0
    ايه والله اتذكر كل شي واتذكر الافلام اللي صارت والاكشنات اللي صارت لدرجه اني ادش بالمنتدي اكثر من عشر مرات يوميا والسبه الاكشن اللي كان صاير والحين ياحماااااااعه مانبي لا اكشن ولا بطيخ نبي الجدووول يا اخوان تعاونو مع صغااار الموظفين لانكم اول ماراح تحتاجون له احنا ياليت اتكونون متعاونين وتنشرون الجداول لكي تعم الفايده للعموم
     
  10. سلومكو

    سلومكو بـترولـي مميز

    563
    0
    0
    سالم هذا كلامك بموضوعك ربح قضيه المهندسين


    وعدنا فأوفينا ... ألف مبروك لمهندسي القطاع النفطي


    وأنا أقولك لا أنت اللي وعدت ولا كفو الوعد انت ولا قد كلمتك

    سالم الخالدي سود الله ويهك أنت وربعك اللي معاك دنيا وأخره ,, أللهم أمين
     
  11. بو عمر

    بو عمر بـترولـي نشيط جدا

    164
    0
    16
    سلومكو اذكر الله ليش تدعي على الرجال؟ ترى ما تسوى السالفة
    ثاني شيء الكلام اللي مقتبسه انت هو كلام نقابة المهندسين وليس كلام الخالدي.
    الخالدي نسخ تصريح النقابة بالمنتدى ومايصير يتعاقب الرسول على الرسالة اللي حملها.
     
  12. سلومكو

    سلومكو بـترولـي مميز

    563
    0
    0


    مشكور وبارك الله فيك انشالله

    الله يخلي لك عمر انشالله


    شوفه شاد حيله ومستانس ماشالله في موضوعه اللي منزله

    ولما أسأله عن قريداتنا تخيل لايرد ولا شي

    متعمدين مايحطونه مايبون الناس تتكلم عشان لايخربون عليهم

    قبل كانو يصايحون ويحطونا احنا العذر والحين مثل ماتشوف

    يامعود اشوى انه الرزق من الله ولو انه منهم جان والله ماشفنا حتى 10 فلوس

    دريت بعدين انه زياداتنا يمكن على 70 دينار( والحمدالله على كل حال)

    ولكن لاينادون علينا بوقت الحاجه اضراب واضراب اللي انا اصلا ارفضه

    والحين شوفة عينك كلن حط في بطنه بطيخه صيفي وانسدح


    ولو انك مثل قريدنا جان حسيت فينا
     
  13. واحد من خلق الله

    واحد من خلق الله بـترولـي نشيط جدا

    296
    0
    0
    سلومكو الله يهديك مابقى احد مادعيت عليه هد اعصابك واذا الله كاتب لنا شي بيجينا لاتخاف ياحجي وبعدين بقول لك شي بالمنطق اذا زيادة قريد 10 تقريبا 500 دينار معقوله زيادة 9 تقريبا 70 او 80 مو معقولة واحسب على القريدات الى تحت نفس الشي.
    ( الارقام من راسي لا احد يقول لي وين مصدرك )
     
  14. سلومكو

    سلومكو بـترولـي مميز

    563
    0
    0

    مشكور وبارك الله فيك

    انا أخجل واستحي من اللي مثلك وشرواك ( أهل الاصول والتربيه )

    اللي حتى حروف كلماتهم تبرد على الجبد وتوسع الخاطر


    ولكن باجي الناس اللي يتكلم بوقاحه وفلسفه زايده هذيلا لاتعليق واعرف اشلون ارد عليهم واعرفهم بأحجامهم


    والله يستر عليك ويكتب لك الخير بأذن الله

    مشكور وبارك الله فيك اخوي
     
  15. LaRambla

    LaRambla بـترولـي خـاص أعضاء الشرف

    2,041
    3
    38

    هدي يبا هدي

    ما يجوز تدعي على اخوانك شنو دنيا واخره اعوذ بالله تدعي عليه بالاخره على شنو الله يخليك شسوالك الرجال

    سالم الخالدي مو مقصر وقاعد يحاول وكل شي عنده حطه لك هني
     
  16. النابغة

    النابغة بـترولـي نشيط

    140
    0
    0


    الله يهداك يا سلومكو

    والله ما يصير ان تدعي على اخيك المسلم بكذا دعاء ..


    والله أدري أنك في حيرة من أمرك من كثر الكلام هالأيام ..وأصبح الواحد مشتت شنو يصدق وشنو يكذب ..!!!

    وبالنسبة لأخواننا أصحاب الدرجات ال10 وتحت ..

    أن شاء الله نتفائل خير

    وبالاخير

    النقابة وينها ...خرجت ولم تعد ..!!
     
  17. بو عمر

    بو عمر بـترولـي نشيط جدا

    164
    0
    16
    بارك الله فيك سلومكو
    بالنسبة للقريدات الصغيرة اللي فهمته انه الزيادات الموجودة الرجل مسجلها على ورقة خلال الاجتماع و ما مداه يسجل كل القريدات شوف في اكثر من قريد عالي مو موجود (16 و 18 على ما اذكر) فانت طول بالك و تفائلوا بالخير تجدوه.
     
  18. سلومكو

    سلومكو بـترولـي مميز

    563
    0
    0
    مشكور وبارك الله فيك أخوي

    قريت كلامك ودريت انك انت الوحيد اللي فهمتني , وبردت على جبدي شوي يزاك الله خير

    مهما كان , مفروض عليهم يردون علينا , مو عشان صغار القريدات يهمشون فينا ومايلتفتون لنا

    تخيل في مواضيع سابقه كانو يتحججون فينا وحرام ظلم صغار موظفين, ونحذر من تجاهل صغار الموظفين

    والحين شوفة عينك

    حصل خير بأذن الله لان قلت قبل , حتى لو حصلت الزياده بتكون عووووووع على سوالفهم هذي


    بارك الله فيك اخوي
     
  19. سلومكو

    سلومكو بـترولـي مميز

    563
    0
    0
    والخير بويهك أنشالله وبويه كل رجل خير

    وبارك الله فيك أخوي


    والحمدالله على كل حال على دينار والا على الف دينار
     
  20. كتلوني

    كتلوني بـترولـي نشيط

    84
    0
    0
    من ناحيتي انا غاسل اييدي بيووورانيم من الزياده
     
جاري تحميل الصفحة...

مشاركة هذه الصفحة