تفاعلتوا على البونص .. والتسكين !!!؟؟؟؟

الكاتب : ZooooM | المشاهدات : 1,039 | الردود : 7 | ‏26 مايو 2011
  1. ZooooM

    ZooooM بـترولـي جـديـد

    41
    0
    0
    سبحان من اللي قاعد اشوفه في الشركة ومن طريقة تعامل العمال مع بعض القضايا

    قضية البونص + قضية تسكين الدرجات

    تناقض واضح جدا في التعاطي مع القضيتين كانهم يقولون التسكين وخلصنا منه والدور الحين على البونص لازم ما نحرم انفسنا منه الله واكبر عليكم وتتكلمون على الظلم والظلمات والحقوق والواجبات

    زين تعالوا شنو سويتوا لاخوانكم المحرومين من التسكين شنو تفاعلكم معهم شنو الدعم اللي قدمتوه لهم اهكذا تورد الابل يا شباب ندافع عن فئة دون الاخرى وبالاخير كلها مطالب تهم شريحة من الموظفين لكن الخطا والجريمة في تعاطينا لها فكان الاجدر ارجاع والذود عن الحق القديم والمنسي لكن نحن لا نتعلم من اخطاءنا وهذه رسالة لكم اخواني ان لم نكن يدا واحدة وعضد واحد والله ما سلب منا ادنى حق لان تخاذلنا والسعي وراء شهواتنا هو اللي ضيعنا .

    كما قال الرسول صلى الله عليه وسلم :
    انصر اخاك ظالم او مظلوم
     
  2. أهل البيرق

    أهل البيرق بـترولـي جـديـد

    4
    0
    0
    أبيك تجوابني بكل صراحة متى تعينت في الشركة؟ وعلى اي شهادة؟ وما هي درجتك؟علشان اتدرج معاك بالظلم اللي واقع عليك او على غيرك كما تدعي، انتظر ردك.
     
  3. ZooooM

    ZooooM بـترولـي جـديـد

    41
    0
    0
    يعني تبي تفهمني ان التسكين حاش الكل وان هذه خزعبلات ما انزل الله بها من سلطان (كل هالظلم الواضح مو مبين .. يا ضيق عينك) والحين تجي وتسئلني مت تعينت وشنو درجتك واسئله ما يسئلها الا ضعيف حجة [البينة على من ادعى واليمين على من أنكر ]

    وتسمي ظلم اخوانك ومعاك بالشركة ويمكن تاكل معهم على طاوله وحده (ادعاء) والله عيب اني ارد على مثل هذه الاسئله لان هذه مو الفزعه المنتظره منك

    انا اقول اني غلطان ومدعي بس على شرط تسأل اخوانك في الاطفاء او الامن او المختبرات او المواد او بالشركة هل انتم مظلومين بالتسكين او لا هنيه راح تعرف الاجابات اللي سالتها

    والظلم واضح ومو محتاج لاشخاص يبحثون عنه بل يدافعون عنه

    والسموحه منك يا بيرق الحق والفزعه
     
  4. أهل البيرق

    أهل البيرق بـترولـي جـديـد

    4
    0
    0
    يا أخي ..... أنا سألتك ولا جاوبت على سؤالي ، تدري ليش ؟
    لان جوابك راح يبين للكل انك في نعمة.
    أما دفاعك عن الإطفاء والأمن مدري هم معطينك توكيل عنهم ؟
    الإطفاء والأمن يستحقون اللي هم فيه ونتمنى لهم الزود، لان ما فيهم رجل رشيد، ما أقصد مسؤلهم، أنت سمعت إنهم قدموا كتاب جماعي يطالبون فيه برفع الظلم عنهم ؟؟؟؟؟
    الإطفاء والأمن زميلك منهم اللي تشوفه اليوم، ما تعرفه بعد شهر، لتغير ملامح وجهه وفسيولوجية جسمه من التعب اللي يحوشهم الله يعطيهم العافية، ونتمنى لهم الزود ، قول آمين.
     
  5. ZooooM

    ZooooM بـترولـي جـديـد

    41
    0
    0
    ايه والله في نعمه ولا تدوم الا بالحمد والشكر وبالنسبة لسؤالك يا ليت تستشير احد تثق فيه يفيدك في هل السؤال في محله والا تشتيت افكار والخروج عن لب الموضوع وبالنسبة للتوكيل مو لازم لان النقابة هي وكيلنا وهم سندنا بس مدري شنو اخرسهم عن هذا الظلم الكبير.

    وبعدين انت حاس بمعاناتهم فلاجدر عدم الدخول بمهاترات وهات وخذ ما لنا صالح فيها يفترض يكون صوتنا واحد ، واصحاب الكتاب عدد قليل انا اتكلم على مستوى اقسام

    والله من واء القصد ( انما الاعمال بالنيات ولكل امرئ ما نوى )
    يا اخي الكريم ويا اخوانا ويا ربعنا ويا فزعتنا اليد الوحدة ما تصفك وتذكر ان الظلم وقع اليوم علي وبكره عليك وهكذا

    نحن لا ننادي بالتفرقه ولا بالحزبية ولا بالكراهية ولا بالعدوانية نحن ننادي بنصير الحق راعي الفزعات اليس هذا من حقنا يا بيرق المساواه والانصاف
     
  6. Workers

    Workers إدارة المنتدى

    7,767
    30
    48
    ذكر
    الكويت
    الله يعطيك العافية اخوي زووم .. والله ما ادري شنو اقول غير حسبنا الله ونعم الوكيل
    بديت اصدق المثل اللي يقول المساواة في الظلم عدل !
    لوكان جميع الزملاء نصيبهم من التسكين متساوي حالهم حال الاقسام اللي وقع عليها الظلم في التسكين
    وما خذا غير درجة وحده كان قامت الدنيا وماتقعد إلا باعطاهم حقهم حالهم حال باقي الشركات الزميلة
    درجتين مافيها منة احد والمحظوظ ثلاث درجات لكن طالما ان الظلم موزع بطريقة غير نزيهه باعطاء اقسام
    العدد فيها كبير وتضمن النقابات رضاهم والباقي ماكو مشكلة نضحي فيهم لأجل اتمام الصفقات مع الادارة
    والمشكلة ان بعض الاقسام البعض من الموظفين انظلم والبعض الآخر خذا حقه وافي بسبب لعبة المسمى الوظيفي
    ودائماً التضحيات تكون للدرجات الاقل لذلك اخوي زووم ماراح تحصل من يساندكم في قضية التسكين سوى النقابة
    لأنها الوحيدة المعنية في مطالبة حقوق العمال وان اهتمت في هذا الموضوع فابشر بالخير وراح يعطونكم حقكم بالتسكين العادل ..
    وان تجاهلت هالمطلب العادل فصدقني ماراح يفيدكم غير القضاء العادل صحيح راح تأخر السالفة بس في النهاية وبإذن الله راح تأخذون حقكم وبأثر رجعي ..
    المحامي بدر العتيبي ممكن يفيدكم ويختصر الطريق ويعطيكم العلم الأكيد وخاصة انه مختص بالقضايا العمالية اذا مو غلطان ..

    اللي يحز في النفس لما يتكلم احد الزملاء في ظلم وقع علية او على قسمه من بين الاقسام
    يرد عليه زميله ويقول مافيه ظلم ونا الحمدلله خذيت درجتين والثاني يقول خذيت 3 درجات والله يبيض وجيه نقابتنا
    مع العلم ان الزميل اللي يطالب في حقه وواقع عليه الظلم ماقال سود الله وجيه اعضاء نقابتنا اللي ساكتين عنا ( مطنشين ! )
    لكن الله يبيض وجهك يازووم على اخلاقك الطيبة في جميع مواضيعك واللي تبي الخير يعم الجميع والله يصلح حال الجميع
    اللي كلن لاهي في مصلحته ونفسي يانفسي !

    الكل بخير ونعمة ولله الحمد والمنة .. زميلك يطلب المساواة وهي حق للجميع
    هل الزملاء اللي بالتشغيل واخذوا التسكين الطيب ما كانوا بنعمة مثلاً ؟
    الظلم لما يعطونك حقك كامل وزميلك يوصله حقه ناقص ولما يحاول يطالب في حقه الناقص ترد عليه احمد ربك
    تراك بخير ونعمة !​
     
  7. ZooooM

    ZooooM بـترولـي جـديـد

    41
    0
    0
    اشكرك اخوي works على المداخلة الطيبة والتي تنم على المساندة بقول الحق والتصدي للظلم الواقع على اخواننا الكرام

    العدل بالظلم ما يزعل احد بالعكس تكون راضي بانه لا يوجد تفرقه بين الموظفين الذين وقع عليهم الظلم

    بس لما يجي زميل لك وتتفاجأ بانه ضد مطالبك اللاشخصية والله تحز في نفسك وفوق هذا ما يوقف معك ولا يساندك بالعكس يقول تحمد الله حنا في نعمه وفي خير (انا لم احسد احد على اللي خذاه بالعكس يا اخواني جعله بالعافية وربي يجعلها عون لكم وليس عليكم ويجعلها لقمه هنية على قلوبكم ) بس اخوانكم يناظرونكم ويعلمون ماذا اخذتم بالدرجة والدرجتين وبالثلاث اليس لنا حق بالمطالبة ولو بالجزء البسيط هنا السؤال المفروض يجاوب عليه كل ساكت وملجم .


    حنا نحبكم ونحب لكم الخير وياربي لا تجعلنا من الحسودين القانتين واللي ما يحب الخير لاخوانه خارج عن حديث رسول الله صلى الله عليه وسلم

    لازم ننسى ما فات ونبدأ من الحين يدا واحده ورجل واحد ضد هذه الخطيئة التي لم نجد لها حل ولا عذر مقنع

    وهذه رسالة لازم توصل عن طريقي وطريقك الى مسامع المسؤولين ولاستمرار بالمتابعة حتى تعم الفرحة للجميع

    اليوم وقع الظلم علي وبكره عليك فماذا يكون موقفك آنذاك

    ودمتم سالمين
     
  8. العضو المنتدب

    العضو المنتدب بـترولـي نشيط جدا

    404
    0
    0
    العضو المنتدب
    قلب الحدث
    أنا مع زوووم في طرحه
    البونص ماله علاقة في التسكين ولا أحد يتفضل علينا بالبونص ولا حتى بالتسكين
    وحقيقة إن التسكين ظلم في ظلم وتم تطبيقه بصورة خاطئة لأن النقابة حفظها الله ورعاها
    لا تعلم أبجديات الهياكل التنظيمية في الشركة وخاصة في قطاع الأسمدة
    لذلك كان التسكين ظالم ظالم ظالم بالثلاثة
    مجاميع على 3 درجات وأخرى على درجتين وأخرى على 1 وأخرى بلا تسكين ؟؟؟؟؟؟؟؟؟؟؟
    ياريت أحد أعضاء النقابة يتفضل ويشرح لنا آلية التسكين كاملة وعلى أي أساس تم تطبيقها
     
جاري تحميل الصفحة...

مشاركة هذه الصفحة