قرار هام بخصوص الاشتراك في صندوق التأمين الخاص

الكاتب : التأمين | المشاهدات : 1,528 | الردود : 11 | ‏22 مايو 2011
  1. التأمين

    التأمين بـترولـي جـديـد

    3
    0
    0
    السلام عليكم
    محتاج رأيكم ومشورتكم في الاشتراك في التأمين الخاص ومع الأسف الشديد توني ابي اسجل فيه بعد ماطافني أكثر من 16 سنة
    المشكلة مو في دفع المدة السابقة لكن المشكلة هو ان الشركة ماراح تدفع اللي عليها يعني راح اتحمل كامل المبلغ عن 16 سنة السابقة



    [​IMG]

    [​IMG]

    المبلغ كبير وقسطه مرتفع وماعندي مشكلة ادفع الاقساط الاجبارية والاختيارية ولكن في هذا الوضع
    هل يستاهل التأمين الخاص اني اتحمل كل هذه المبالغ بصراحة اللي فهمته ان في نهاية الأمر
    راح اكسب لي 750 دينار دائمة لي ان الله عطاني عمر او لعيالي من بعدي
    ولا اعرف لو مثلاً طنشت الفترة السابقة الاختيارية ودفعت الاجبارية ومشيت معهم بدون ما ادفع الاختيارية اللي هي أكثر من 60 الف دينار

    فهموني شنو اللي بستفيده وبخسرة في هذا التأمين

    يرجى القراءة جيداً وانتظر منكم النصيحة وجزاكم الله خير
     
  2. Workers

    Workers إدارة المنتدى

    7,767
    30
    48
    ذكر
    الكويت
    وعليكم السلام .. انا من رأيي اخوي توافق على الضم الاجباري وتمشي معاهم في اللي جاي
    واترك عنك الضم الاختياري اشوفه دمار شامل وعلى شنو ادفع 60 الف دينار ..
    واللي لوكنت مشترك من البداية كان دفعت اقل من هالمبلغ بكثير لأن الشركة تدفع اذا مو غلطان ضعفي المبلغ اللي تدفعه
    والآن اذا تبي تشترك لازم تدفع ضعف المبلغ اللي احنا دفعناه ثلات اضعاف بمعنى وعلى سبيل المثال :
    انا ادفع شهرياً 100 دينار وانت لأنك تأخرت راح تدفع 300 دينار شهرياً على المدة السابقة تخيل اخوي
    انا ادفع 16 سنة 100 دينار وانت تبي تصير نفسنا وتدفع اللي عليك ولكن تدفعها 3 اضعاف ..
    من رأيي انت خسران بالطريقة هذي وياليت اذا احد الاخوان يساعدك في هالقرار المصيري ويكون حاسبها تمام
    لأن كلامي اجتهاد شخصي حسب فهمي للحسبة اللي انت ذكرتها في موضوعك .. وموفق إن شاء الله​
     
  3. بو عابد

    بو عابد بـترولـي نشيط

    55
    0
    0
    عفوا احد يفيدنا شنو هذا ؟
     
  4. ابو محمد 10

    ابو محمد 10 بـترولـي جـديـد

    29
    0
    0
    السلام عليكم ورحمة الله وبركاته , ياجماع حسبت التامينات غريبه عجيببه انا اذكر اني اشتركت اول ما طلع الصندوق وتميت وياهم يمكن سنتين وسحبت منهم وعطوني شي بسيط , ويمكن سنة 2003 افتحو باب التسجيل قالو عليك تقريبا 3000 وسددتهم على 18 شهر وبعدين طلع كلام عن حلال وحرام وقمت وسحبت 2006 ورجعولي تقريبا 5000 وبعدها بسنه واحده فقط لما اعلنو ان الصناديق كلها حلال رجعت سجلت 2007 تدري كم احسبولي ادفع 10782 مع العلم السنه الماضيه رجعولي 5000 وكنت متوقع زيادة السنة التي وقفتها من 200 الي 300 تفاجأت بالدبل والدفع خلال 18 شهر اي 599 دينار بالشهر وبدأو بالخصم الشهري العادي تقيبا87.5 ولم نوافق علي المبلغ 599 لانه قسط كبير ولا نتحمله والمده بالخدمه تقريبا 20سنه سنة 2007 وفي عام 2010 وافقت الشركه بدفع المبلغ وتقسيطه علينا 36 شهرا اي 299 دينا شهريا , الان كيف يحسبون عليك 60000 عن 16 سنه واللي سمعته ان في ناس تقاعدوا عملوا حسبه مع الشركه بان ياخذوا المبلغ من 750 بعد التقاعد يعني اسال هل اذا ما دفعت ال 60000 الان وستمريت بالدفع العادي وحين التقاعد يخصم من 750 مثلا 400 لمدة 10 سنوات حتى سداد المبلغ والباقي 350 تمشيلك شهريا ثم ترجعلك ال 400
     
  5. خلف الشمري

    خلف الشمري بـترولـي نشيط جدا

    169
    0
    0
    أخوي إنت لك 18 سنه وشهرين في القطاع البترولي

    والإجباري هو شرط لقبول إشتراكك في الصندوق

    ولو قلنا سنتين مع مع 13 سنه خدمه إلى أن تتقاعد وكان راتبك فوق ال 2000 لآخر 3 سنوات قبل التقاعد

    يصير راتبك التقاعدي إن شاء الله = 487.5 دينار

    وعلى فكره تقدر تضم نصف المده الإختياريه مثلا 7 سنوات

    وقت التقاعد 15 + 7 = 22 سنه إشتراك في الصندوق

    معاشك التقاعدي = 592.5 دينار

    يعني الموضوع مثل الإستثمار اللي تدفعه قليل مقابل اللي راح تجنيه بالمستقبل لك ولعائلتك

    إعقلها وتوكل وأنا أخوك وأقل شيء إختار الإجباري ولا تخلي الإشتراك في الصندوق وتتحسف في النهايه ...

    وطبعا هالتكلفه كونك كنت مشترك في الصندوق وإنسحبت وأنت الآن ترغب في إعادة الإشتراك ...
     
  6. خلف الشمري

    خلف الشمري بـترولـي نشيط جدا

    169
    0
    0
    طبعا الفرق لو ضميت ال 7 سنوات إختياريه مثلا تدفع 30000 دينار عليها

    والفرق في المعاش يصير (هني مربط الفرس) زياده فقط 105 دنانير عن الحسبه السابقه اللي فوق ^^^^^

    ولو قلنا 105 * 120 (يعني 10 سنوات) = 12600 دينار

    وإنت دافع 30000 وشوي صراحه خلك على الإجباري ولا تضم شي إنت الخسران يبيلك أكثر من 20 سنه تستلم معاش تقاعدي على ما ترجع فلوسك اللي دفعتها لضم نصف الإختياري

    وسلامتك لك حرية الإختيار
     
  7. التأمين

    التأمين بـترولـي جـديـد

    3
    0
    0
    الله يجزاكم خير اخواني ماقصرتم
    شكراً اخوي خلف الشمري على التفصيل الواضح وفعلاً انا صار لي خدمة 18 سنة وان شاء الله اعمل بنصيحتكم ولكن
    لفت نظري انك قلت هالتكلفه كونك كنت مشترك في الصندوق وإنسحبت وأنت الآن ترغب في إعادة الإشتراك ...
    الحقيقة انا اول مره ابي اشترك بالصندوق ولو كنت اعرف عنه قبل الاعلان الاخير اللي وصلنا بالايميل كان اشتركت من زمان
    انا اسمع بالصندوق وان الاشتراك فيه انتهى وما اقدر اشترك وما فكرت فيه مره ثانية إلى ان تم الاعلان الاخير
    ورحت لهم وقدمت ودزو لي هالاوراق وانصدمت من هالحسبة والغريب ان ربعي مشتركين من زمان وجاهم اتصالات
    من الادارة تطالبهم بالاسراع بالاشتراك في الصندوق ومع الأسف لم يتصل علي احد ولا اعرف الاسباب
    بخصوص ملاحظتك اللي ذكرتها باني كنت مشترك وارغب في إعادة الاشتراك هل يعني ان التكلفة يفترض انها تختلف
    بما اني اول مره ارغب بالاشتراك ؟ وعاجز عن شكرك اخي الفاضل والله ماقصرت معي الله يوفقك في الدنيا والآخرة
     
  8. خلف الشمري

    خلف الشمري بـترولـي نشيط جدا

    169
    0
    0
    أنا غلطان أخوي

    إستقرأت هالكلام من مشاركتك ولكن أنا غلطان

    على العموم توكل على الله وحدد إختيارك أنا في إنتظار معاملتك ^_^
     
  9. التأمين

    التأمين بـترولـي جـديـد

    3
    0
    0
    قواك الله ومشكور ماقصرت والله يتتم على خير
     
  10. النومس

    النومس بـترولـي جـديـد

    24
    0
    0
    السلام عليكم

    بس سؤال شنو هالصندوق الي انتو تتكلمون عنه ؟؟ و شنو فايده من ؟؟؟؟
     
  11. خلف الشمري

    خلف الشمري بـترولـي نشيط جدا

    169
    0
    0
    إتصل على إدارة شئون الموظفين في الشركه التابع لها إذا لم تكن مشترك من قبل فيه وإذا كنت من خارج القطاع البترولي حياك الله بين إخوانك
     
  12. obukhaled

    obukhaled بـترولـي نشيط

    56
    0
    0
    اخوى الكريم باختصار اذا اشتركت فى الاجبارى فقط يطلعلك بعد التقاعد عند بلوغ سن الخمسين معاش يعادل نص قيمة الصندوق اى 375 د.ك ، ولو اشتركت بالاثنين يطلعلك معاش كامل 750 د.ك
    اتمنى اكون فدتك بشى اخوى
     
جاري تحميل الصفحة...

مشاركة هذه الصفحة