بيان رقم (___ 1 ____) الى اتحاد البترول ورئيسه

الكاتب : مجموعة نفطية | المشاهدات : 1,938 | الردود : 14 | ‏22 مايو 2011
  1. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    السلام عليكم ورحمة الله وبركاته


    بيان رقم 1 الى الاخ المحترم ورئيس اتحاد البترول / عبدالعزيز الشرثان

    سابقا كتبت موضوع وقمت بعمل استفتاء والنتيجه كانت واضحه غالبية العمال متذمرين من تصرفات الاتحاد

    طلبت الدعم منا وثم تراجعت والسبب غير واضح والصورة كانت قاتمه

    الان هناك مهلة اسبوع امامك ام ان تثبت للعمال انك اهل للمنصب الذي وضعت فيه

    او قص الحق من نفسك وقدم استقالتك وافتح المجال للكثير من الناشطين في القطاع النفطي

    للامانة لم نرى يوما تخاذل بهذا الحجم من طريقة تعاملكم مع قضايا الموظفين

    هل تعلم ان كل الموظفين في القطاع النفطي ينتظرون منكم لو بارقة امل تعيد البسمه الى محياهم

    اقسم بالله اقولها امامك لو فعلتها واقرت الزيادة بنفس الارقام المتفق عليها سأكون اول الداعمين لبقائك في رئاسة

    اتحاد البترول من خلال كتاباتي في المنتدى ولكن ان لم تفعلها سيكون لنا كلام اخر مع نقاباتنا لوضع حد لهذا الضعف

    في ادارة شؤون العمال


    ارجع اعيد نفس الكلام احترم شخصك واحترم قبيلتك ولابتك الطيبه واضعكم جميعا فوق راسي

    ولكن نحن ننتقد عملك فقط وادارتك والله شاهد انك شخص محترم وذو اخلاق عالية وتتحمل النقد

    ولكن ضعف ادارتك لموضوع الزيادة وتردد وتلعثمك في مصارحة العمال هي من دفعتنا للكتابة والحديث عن اخطائك


    والان ولمدة اسبوع واحد فقط سأكون داعم لماتقوم به من تصرفات الى حين يبان الموضوع ولن اثير اي موضوع

    بل سأضع يدي بيدك وسأصد كل من يتذمر من تصرفات الاتحاد

    اما ان طلع الموضوع مجرد كلام فقط

    بيان رقم 2 سيكون ردي
     
  2. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    وعليكم السلام ورحمة الله وبركاته
    بما ان الشرثان الله يجزاه خير ساحب علينا من اول وتالي خلنا نرد الصوت بينا يالعمال

    وشدعوة ياخوي تعرف الأرقام المتفق عليها وماتقول لنا ؟!
    وليش متأكد انها من صالح جميع العمال ومو من صالح اصحاب الدرجات العالية فقط ؟!
    نقابتك ما اعتقد ترضى بالظلم اذا الارقام المتفق عليها فيها ظلم لفئة كبيرة من العمال في القطاع
    مع الأسف الارقام المتفق عليها مايعرفها حتى الهملان وباقي النقابيين هذا لعلمك وهذي متأكد منها
    واللي معه الجدول الشرثان واثنين من نقابة نفط الكويت وواحد من نقابة المؤسسة والباقين يسمعون سوالف
    حالهم حالنا بعضهم يجيه العلم الصحيح وبعضهم يعطونه نص العلم والنص الثاني اخذ وخل ! ولكن محد مسك الجدول بايده !
    غير اللي ذكرتهم

    مع احترامي لك انا اخالفك الرأي واستغرب الحلف والقسم على شي ماتعرفه ولو كان فيه تغيير ويصب في صالح الأغلبية
    او الجميع وفيه عدل هل راح تعترض عليه ؟
    يا اخي مالنا إلا اللي نشوفه ونقراه ومحد تجرأ يصرح بشوية تفاصيل غير المجلس الأعلى للبترول وربعنا في الاتحاد
    سكيتي ولا لهم نية ودهم ان الامور مايطرونها العمال لين يوصلون مرحلة يقول فيها العامل خلصونا نبي الزيادة تخلص وبس !
    اللي نشوفه ان التغيير من صالحنا وياليت تتعدل ويصير فيها عدل لأن حسب تصريح المجلس الاعلى للبترول
    التوزيعة ظالمة وايضاً حسب الجداول المسربة ايضاً كانت ظالمة وانت شفت تذمر اخوانك في هالمنتدى من ظلم التوزيعة
    البعض يقول كل شوي يردد سالفة المجلس الاعلى للبترول اي نعم ارددها لأن فيها حق لنا
    وعلى الاقل مجلس يحترم العاملين واظهر تعاملة معنا بشفافية بعكس الاتحاد اللي ساحب علينا بالعقل ياجماعة لو هالزيادة لصالح الجميع كان ذبحونا بالهياط
    والتويتر والحسبات والحركات ! ولكن لأنها نكسه علينا صارت سرية للغاية !

    نعم لتغيير حسبة الزيادة والعمال يريدون العدل في الزيادة <جمعة الزيادة
     
  3. _khalid_

    _khalid_ بـترولـي نشيط

    105
    0
    0
    ماكو زياده انسوا الموضوع
    لاتقسم بالله ولاتتحلم خلك عقلاني وواقعي
    الاتحاد و الشركه والمؤسسه
    والمجلس الاعلى للبترول ومجلس الخدمه المدنيه
    متفقين على الخطوات السابقه والقادمه (حكايه جدول الزياده=بيض الصعو)
     
  4. مجموعة نفطية

    مجموعة نفطية بـترولـي خـاص أعضاء الشرف

    694
    0
    0


    اولا اهلا وسهلا فيك عزيزي

    ثانيا هدي شفيك ماخذ الموضوع بعصبية ادري ان ضغطك مرتفع ومو بس انت اغلب العاملين يشاركونك وشاركوني

    رفعة الضغط

    انا ماعرف اي رقم بالجدول لكن اللي اعرفه ان المبلغ المرصود لللزيادة بلغ في اخر مصدر موثوق 85 مليون دينار

    يعني بيحوشنا تناتيف وناخوك

    لكن العزيز الشرثان صرح بأن هذا المبلغ يفوق ال 85 مليون دينار

    وهذا انا طاق جريمبه وناطر حالي من حالك ان طلع المبلغ 85 مليون دينار بيكون لي كلام ثاني

    وان طلع المبلغ اكثر مثل ماتم تداوله يعني 145 مليون بطيح تحبب بخشوم الاتحاد لين يملون مني :D


    بس اهم شي انت اخذ الموضوع بصدر رحب لاني خايف ان الزبى يوصل حده عندك وبعيدن ناكلها :D ( اتغشمر )
     
  5. mfmutairi

    mfmutairi بـترولـي جـديـد

    3
    0
    0
    بيض الله وجهك وصح إلسانك على كل كلمة قلتها
    وأنا أول االمؤيدين والداعمين لك
    وبالتوفيق إن شاء الله للجميع
     
  6. jemi

    jemi بـترولـي نشيط جدا

    239
    0
    0
    اذا تسمح لى اخوى باب الاتحاد مفتوح ليش ما تمرهم وتسمع من الرئيس بنفسه وترتاح ترى باب الاتحاد مفتوح للكل
     
  7. بو عمر

    بو عمر بـترولـي نشيط جدا

    164
    0
    16
    و ليش الاتحاد ما يجاوب في المنتدى؟ تبي 16000 موظف يروحون الاتحاد؟ خله يجاوب بالمنتدى و يخلص السالفة
     
  8. jemi

    jemi بـترولـي نشيط جدا

    239
    0
    0

    هم تقدر تروح له هناك وتسئله ليش ما يجاوب على 16000 عامل وترجع لنا وتكتب شنو قالك صعبه عليك؟؟
    منتظرين روحتك ورجوع لنا بالاخبار الزينه
     
  9. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    ووجهك يالغالي لاهنت
     
  10. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    شكرا وهذا الكلام المظبوط :):)
     
  11. Knpc lawyer

    Knpc lawyer بـترولـي نشيط جدا

    271
    1
    16
    شركة انطرني راح تصدر بيان انشالله ... ولازال مسلسل التعتيم والصمت الرهيب للاتحاد مستمرا...
     
  12. feed gas

    feed gas بـترولـي خـاص

    اتوقع فى شى اسمه (علاقات عامه ) وفيه شخص مسؤول عن اى شى يكون يتعلق باخبار الاتحاد فى جميع وسائل الاعلان والاعلام.... بس الضاهر ربع الاتحاد مالهم خلق ولا ما يدرون عن الناس الى انتخبتهم ولا ما يعرفون شنو معنى (العمل التقابى ) لانهم مو قد العمل اللى الناس وكلوهم فيه... هذا الاختيار انتم يا قواعد العمل النقابى قاعدين الان تجنون سؤء اختياركم . وسلامتكم
     
  13. بو عمر

    بو عمر بـترولـي نشيط جدا

    164
    0
    16
    نعم صعبه علي انا اداوم بالوفرة. و حتى لو اداوم بالاحمدي من واجب الاتحاد ابلاغ الجميع بالتطورات اول بأول ترى المنصب تكليف مو تشريف.
     
  14. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    وياهلا فيك اخوي ومع فائق احترامي وتقديري لك انت تقول

    1-ماتعرف اي رقم بالجدول ولكن عندك مصدر موثوق يقول الزيادة 85 مليون دينار
    2- يحوشنا تناتيف
    3- الشرثان صرح ان المبلغ يفوق 85 مليون دينار ( ياليت تحط رابط التصريح ولو انه ماله طعم بس لأني ماتوقع انه ذكر شي )
    4- طاق جريمبه وناطر حالك حالنا وبيكون لك كلام ثاني ان طلعت الزيادة 85 مليون دينار
    5- ان طلع المبلغ اكثر من 85 مليون دينار يعني حوالي 145 مليون دينار بتحب خشوم الاتحاد لين يملون منك

    انا عندي سؤال لك .. شنو فائدة هالمبالغ وانت ماتعرف شني توزيعتها ؟
    اعتبر الزيادة 184 مليون دينار ونصيبك منها 300 دينار واللي اعلى منك بدرجه 800 دينار ! بتحب خشوم الاتحاد ؟
    عموماً ننتظر بيانك رقم 2 وإن شاء الله تذكر لنا لو رقم واحد صحيح من هالملايين وتبعد عن القسم بالله في امور كلها
    نصب ونصيب من الاتحاد والنقابات الداجه

    مافيه غير حقيقة وحده تم ذكرها من المجلس الاعلى للبترول ان هالزيادة غير عادلة للجميع ولا اشوف للمبلغ الاجمالي للزيادة اي اهمية اذا كانت توزيعتها ظالمة وما اتوقع احد فيكم يرضى بالظلم بس تحبون السكوت لين يوهقنا الاتحاد مع القياديين
    ويلطون زيادتنا ومايبقى لنا إلا على قولة المجموعة ( بيحوشنا تناتيف وناخوك ) !
    الحل الوحيد ان يعاملنا الاتحاد بشفافية ليش يخفي عنا الحقيقة اذا كانت عادلة !
    من الافضل ان تكون عادلة فعلاً اما وان كان فيها ظلم فهذا ضرر مباشر وتلاعب في ارزاقنا ولايمكن السكوت على هالفعل .......​
     
  15. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    لو ندري انه بيعلمنا بشي من هالزيادة كان جيناه ولعلمك اللي كلموه ماعلمهم بشي انت يعني ماتدري ان الدعوه تكتيم !
    رح انت ياخوي حاول تحصل منه معلومه مفيدة وتعال علمنا
    ماتشوف سالم الخالدي يعرفهم كلهم ويكلمهم ويجلس معهم بس ماشفنا منه معلومه تفيدنا غير آخر التطورات تدري لأن السالفة نفس مسلسل لوست عرفته ؟ صدقني ماتعرف آخرته شنهي بالضبط لذلك يلزمنا آخر التطورات المزعومه
    اذكر مره نزل موضوع يقول اربع شغلات تم النقاش فيها في اجتماع اليوم
    وحط لنا ار بع ارقام بالملايين وان المؤسسة قالت للاتحاد روحو تفاهمو واتفقوا وتعالو علمونا شنو رسيتوا عليه
    المهم ثاني يوم بعد ماتم الاجتماع الاتحاد والمؤسسة واتفقوا على الزيادة
    الحين نبي سالم الخالدي يعلمنا اي واحد فيهم اللي اختاروا تصدق بالله كان رده اتفقوا على مبلغ حلو وان شاء الله يرضي الجميع!

    هذا مثال على مواضيع وسوالف الاتحاد والمجلس الاستشاري مستحيل يعطونك العلم الصحيح ويستمتعون في تسحيب العمال بالخبريات السكه اللي مالها فائدة مجرد استغفال للعمال وعطوهم جوهم ويخب عليهم
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    891
  2. المحرر النفطي
    الردود:
    0
    المشاهدات:
    6,067
  3. المحرر النفطي
    الردود:
    1
    المشاهدات:
    7,683
  4. المحرر النفطي
    الردود:
    0
    المشاهدات:
    12,641
  5. المحرر النفطي
    الردود:
    0
    المشاهدات:
    6,578

مشاركة هذه الصفحة