إتحاد البترول وانعدام الشفافية واستغلال العاملين في القطاع النفطي

الكاتب : oilkw | المشاهدات : 1,342 | الردود : 11 | ‏21 مايو 2011
  1. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    الاغلبية لديهم اعتقاد وشكوك كثيرة تحوم حول الاتحاد وان هناك استغلال
    في التعامل مع العمال في عدم معرفتهم بالزيادة سوى اسم الزيادة فقط فهذا امر نرفضه ولانرضى إلا بالمعرفه الكاملة في كل مايتعلق بزيادتنا
    ولانرضى باستغلالنا في في كل مره يلوح الاتحاد بالاضراب لصالح اصحاب الدرجات العالية والقياديين ! واحنا صايرين جسر لهم كل مامرت الزيادة
    لجهة انهبلت من كبر اللط اللي حاصل في توزيعة الزيادة ولما يحاولون يعدلون فيها لصالح الجميع يطلع لنا الاتحاد ياتمشونها ولا ترا راح نشيش عليكم
    هالعمال اللي مايدرون شنو الطبخه ونقول لهم ترا زيادتكم مايبون يمشونها وخلونا نضرب واحنا راح نتفاعل نعم اضراب وإلى الامام يا اتحاد
    بس كافي ضحك واستغلال العمال لإنجاز مصالحكم الخاصة واغلب هالعمال هم الخسرانين من توزيعتكم الظالمة حسبي الله عليكم

    يرضيكم ياعمال تصيرون كبري ( جسر يعني ) لتمرير الزيادة الغير عادلة ليش يعني ماتبون علاوة خطر 600 بدل 200 دينار
    المجلس الأعلى للبترول يبي ينصفنا والاتحاد يبي يوفي بوعده ان الزيادة تمشي حسب الاتفاق اللي بينهم ولكن هالاتفاق
    ظالمنا والتوزيعة رايحه فوق فوق مو لصالحنا ياعمال !
    خل واحد يطلع ويصير بطل ويقول لنا شنو توصيات المجلس الأعلى للبترول ومانبي الجدول نبي اللجنة شنو قالت وزعلتكم يا اتحاد
    سؤال صعب وينحاش الاتحاد منه وحتى تصريح المجلس الأعلى للبترول ماقدر يرد عليه !
     
  2. brilliant

    brilliant المـراقب الـعـام

    8,477
    0
    0
    Engineer
    Kuwait
    ممكن دليل منطقي
     
  3. اهلا وسهلا

    اهلا وسهلا بـترولـي جـديـد

    12
    0
    0
    ***********

    **********************

    ترا الاتحاد والنقابات كلهم عمال ويبون الخير لانفسهم قبل الناس وهذا منطق كل انسان ولو فيه توصيات اصلا او في عداله من التوصيات وان الكل راح ياخذ زياده وحده من مدير لين عامل كان الكل بغاها .. لكنك غلطان ومافي عاقل يقول نفس هالكلام ومافي علاوة بدل خطر 600 دينار حتى بالكهرباء وتقدر تسال براحتك

    **********************
     
  4. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    المنتدى ذكر فيه اكثر من مره تصريح المجلس الأعلى للبترول وهذي مشاركة ذكرتها لواحد من الأخوان فيها تصريح المجلس اللي زعل الاتحاد

    اللجنة المشتركة المنبثقة من المجلس الأعلى للبترول أقرت أمس زيادة العاملين في القطاع النفطي بموافقة جميع أعضائها البالغ عددهم 10، مشيرا الى قرار الموافقة جاء مشروطا بعدد من التوصيات التي لابد أن يؤخذ بها في عين الاعتبار.

    ركز طال عمرك

    من ضمن التوصيات التي شدد عليها أعضاء اللجنة هي ضرورة أن تكون الزيادة عادلة لجميع الدرجات الوظيفية، حيث لا ينبغي ان تستحوذ الدرجات الوظيفية العليا في القطاع على نصيب الأسد من الزيادة وان يهمل العاملون ذوو الدرجات الوظيفية الدنيا في القطاع، مشيرا الى أن هذه التوصية عدلت من نسبة الزيادة المقترحة للعاملين.

    وركز بعد في هالكلام

    اللجنة كان لها بعد نظر في إقرار الزيادة مثل التأكيد على حقوق العمال في المصافي والأماكن الخطرة في الشركات النفطية، حيث قررت اللجنة رفع بدل المخاطر من 200 دينار إلى 600 دينار وذلك أسوة بما هو معمول به في وزارة الكهرباء والماء، مشيرا الى أن هذا القرار من شأنه أن يجذب العديد من العمال إلى الوظائف الحساسة والطارئة في القطاع.

    وهم ركز في هالمعلومة علشان تعرف من اللي يبي يعطل الزيادة وهي خالصة

    ان موافقة اللجنة الإستراتيجية على الزيادة يعتبر المرحلة قبل الأخيرة من اعتمادها من المجلس الأعلى للبترول قبل رفعها لمجلس الوزراء لاعتمادها ومن ثم إحالتها إلى ديوان الخدمة المدنية لإقرارها بشكلها النهائي.

    كل هذا تم نشره في جريدة الانباء والاتحاد يعترض ويدعي ان المجلس يماطل في زيادة القطاع النفطي
    ويرفض اي انقاص للزيادة طبعاً يقصد انقاص زيادة الدرجات العالية وبالتالي هو يرفض في المقابل رفع زيادة الدرجات المتواضعة !
     
  5. المحترف33

    المحترف33 بـترولـي مميز

    676
    0
    0
    عشان مايزعلون اللي قريداتهم

    صغيره وعشان يكون في عدل ومساواه

    تتم الزياده علي عدد السنوات

    وتحسب. الزياده كالأتي؟؟؟

    تحت الخمس سنوات خدمه في القطاع النفطي


    200 دينار


    تحت العشرسنوات 300دينار

    وتحت 15 سنه خدمه 400
    وتحتً 20سنه خدمه500 دينار
    وتحت 25 سنه خدمه 600دينار.

    وتحت 30 سنه خدمه 800دينار.

    بمعني تحسب الزياده ليست علي الدرجه

    وانما علي عدد السنوات


    طبعا انا اغرد خارج السرب ادري ولكن

    اذا تبون الانصاف فهذا هو الانصاف

     
  6. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    المجلس صرح في الجرايد واذا تعتقد انهم يكذبون فانت غلطان واللي باللون الأحمر شلون نعرف هو صحيح ولا مو صحيح
    اذا تعرف شي مانعرفه ياليت توضح احنا ماعندنا غير تصريح المجلس والاتحاد مايبي يجيب طاري لها

    واتمنى منك اخوي تبعدنا عن الاسفاف اللفظي اللي بديت فيه نقاشك ونا تجاوزته مع احترامي الشديد لك ما اقبل هالكلام
     
  7. Knpc lawyer

    Knpc lawyer بـترولـي نشيط جدا

    271
    1
    16
    السلام عليكم ورحمة لله وبركاته...

    يعطيك العافيه على طرح هالموضوع ويزاك لله خير انه تجاوزت كلام اخونا الظاهر انه يديد وكان يكتب واهو منفعل او منضغط ماعلينا، بس

    عندي تعقيب بسيط انتو السبب باللي وصلنا له انتو ياللي تصوتون بالصناديق لمعارفكم لولد فلان والا من جماعتنا من ربعنا ولد عمنا ،
    وشوف وين وصلت فيهم يبيك تضرب عمياني امسح واربح ، انزين يابشر اضرب على شنو خل اعرف الزياده جم والا اهي خذوه فغلوه ،
    وانا اقولها لكم وبالفم المليااااااان لاترجون زياده من ورى هالاتحاد وان اقرت مالهم اي فضل فيها راح تكون من المؤسسسه والا نقابه واحد يترزز بالجرايد يدور كرسي مجلس الامه والثاني متخشش يدور الفلاتي مايبي يداوم هذول وين ترجون من وراهم زياده والا الحبيب رئيس الاتحاد ياعمي تكفى تصريح كلمه ولو جبر خاطر اخر انسان يصرح ايييييي ماقول الا بس يابحر والوعد صناديق الاقتراع ...
     
  8. Knpc lawyer

    Knpc lawyer بـترولـي نشيط جدا

    271
    1
    16
    غلطااان يالحبيب

    ذكرتني باغنية الرويشد بس مع تغير بعض الكلمات اي عداله تبيها، ولله اسمحلي مع كامل احترامي ميزانك خرطي وانا من الدفعات القديمه وراح اكون مستفيد بشكل كبيرعشان لاتقول بعد ، على اي اساس اعطي اليديد بدل خطر اقل منك مو اثنينكم بنفس المكان ونفس الخطر تعرضون له لا وفي الكنترول روم والمراقب اقل تعرض للخطر ، وين العداله بمقياسك اسمحلي انت تقيسها لمصلحتك الشخصيه تحياتي لك...
     
  9. -75-

    -75- بـترولـي جـديـد

    31
    2
    8
    والله ياجماعه انه مليت من الاخبار والتاليف عن الزياده مع احترامي للكل .. ماراح اسال عن الزياده لين تنزل بحسابي .. والله يقدرني علي عدم السؤال
     
  10. اهلا وسهلا

    اهلا وسهلا بـترولـي جـديـد

    12
    0
    0
    ************


    الخلاصه انت بكيفك قاعد تقول كلام ما يقبله عقل ، واللى تبي ترد عليه ترد واللي ماعندك رد تطوفه .. يبا انت تعرف كل شي اكثر من الاتحاد وادارة المؤسسة

    الوعد لا قروا الزياده ابيك تقولي ان توصيات جريدتك اللى ابلشتنا فيها تطبقت و حطوا علاوة خطر 600 دينار والكل اخذ نفس الزياده
     
  11. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    تسلم يالمحترف على الاقتراح ونا اقول لو زودتها 200 على جميع الفئات اللي حطيتها كان تطلع الحسبة إكه

    الله يعافيك ويعطيك العافية تعبنا واحنا نقول نورونا الله ينور عليكم وبلاش حركات مجالس استشارية وتسحبون على باقي النقابات ومعد يدرون وين هم فيه
    كل شي مغيب عنهم واذا عطوهم معلومه تلقاها ناقصه ومو واضحة الله يزينها
    املنا بالله كبير ونتأمل الافضل ان شاء الله

    اهلاً وسهلاً فيك اخوي وخلاص ابشر الوعد اللي تبي طال عمرك
     
  12. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    المجلس الإستشاري لإتحاد البترول قلب عليه وتوهق البطل

    السلام عليكم ورحمة الله وبركاته
    اللي حصل اليوم فعلاً ضربه قوية لإتحادنا وانقلاب على الاتفاقيات والمعهادات والحلف والمحالف اللي اتفقوا عليه حسب كلام
    النقابيين آل بوطقه وشفط لهم المجلس الإستشاري اللي كان يحرك اتحاد البترول بالريموت تويتر كنترول < اقوى ريموت متعدد الأنظمة
    الحين اقول للاتحاد بعد ماقطوه على صخر ممكن عاد تنفض غبار الخيبة وتنشر جدول الزيادة وحاول تلحق على شي
    لأنه نشر لإصحاب الدرجات 12 ومافوق وسالم الخالدي قاعد يحاول ينقطنا بالقطارة ويبي يجيب معلومات درجه 10 و 11
    ويمكن بكره ولا بعده يجيب الباقي مو الدعوة صايرة بلوى ربي يبلاكم مايجي منكم شي بسهوله ولاحول ولاقوة إلا بالله

    اتمنى يكون هالموقف درس لإتحاد البترول بان يكون اهتمامه يصب لصالح الجميع وان يرجع بالاستشارة لجميع النقابات النفطية
    وان لاينفرد به مجموعة المجلس الاستشاري ( النقابتين اياها ) اللي عطوه بومبه قوية !

    شنو الفرق يالشرثان بين جمعية المهندسين ونقابة المهندسين ؟ مو انت تقول لن نرضى بالتدخل واحنا الممثل الشرعي للعاملين في القطاع
    انا اقول لك كلها تطمر وتتجاوز صلاحيات اتحاد البترول صدق ملعوب عليك ولا يعني فيه واحد عاقل يهاجم اعضاء مجلس الامة علشان
    المجلس الاستشاري قال لك وانت مدرعم طبيت في اعضاء الامة اللي فازعين معنا !!
    ما ادري وين راح توصل على استغفالك للعمال واخفاء معلومات تهم جميع العاملين في القطاع والحين ماتسوى عليك
    وخل تنفعك تصرفاتك الغير مسئولة تجاه العمال وانعدام الشفافية في تعاملك معهم وشوف مجلسك الاستشاري شنو يقولون
    اللجنة التطوعية تخترق التكتيم الإعلامي وتنشر لأول مرة جدول الزيادة العامة يعني بالعربي طز فيك وفي التكتيم الداج تبعك

    كلامي هذا بخصوص انعدام الشفافية في اتحاد البترول والنتائج السلبية في تعامله مع العمال بالتظليل المستمر !
     
جاري تحميل الصفحة...
مواضيع مشابهة
  1. المحرر النفطي
    الردود:
    1
    المشاهدات:
    14,123
  2. المحرر النفطي
    الردود:
    1
    المشاهدات:
    5,249
  3. المحرر النفطي
    الردود:
    2
    المشاهدات:
    8,259
  4. فهد شموه
    الردود:
    0
    المشاهدات:
    1,106
  5. المحرر النفطي
    الردود:
    1
    المشاهدات:
    1,640

مشاركة هذه الصفحة