كويتيوون ولكن

الكاتب : عبدالله العوضي | المشاهدات : 1,382 | الردود : 15 | ‏15 مايو 2011
  1. عبدالله العوضي

    عبدالله العوضي بـترولـي نشيط جدا

    217
    0
    0
    فني
    الكويت


    السلام عليكم

    شباب في شي بقوله ومقهور بصراحه الحين مشاركة النجاح 400 بلمية بيعطون كل الي بلقطاع النفطي انا ابي اعرف احنه ليش مايشوفونه وليش مايعطونه شي شنو السبب

    وليش بس الي بلقطاع النفطي لهم واحنه الي بلقطاع النفطي الخاص مالنه شي وليش محد تكلم؟

    يعني انا كويتي واداوم في ميناء الاحمدي بلورشه مايعطوني شي وغيري كويتي بس لانه في الكي ان بي سي راح يعطونه 400 بلمية

    انا مو ضد انه يعطونهم عليهم بالف عافيه ان شاءالله ولكن احنه هم كويتيين ليش مايعطونه لو مبلغ بسيط من مشارطة النجاح احنه انداوم بنفس دواماتهم والتعب نفسه ومرات احنه التعب اكثر ليش التفرقه

    ووين المساواة الي كلمن يتكلم فيها؟

    ولا يتكلمون بلمساواة ويوم يت مصلحتهم نسوونه

    لابد من تطبيق القانون مال سنة 69 ولا لازم مانسكت

    الفرق بينه بلرواتب والمميزات والبونص ومشاركة النجاح والاهتمام وكل المميزات واهم كويتيين واحنه كويتيين وشهاداتهم نفس شهاداتنه الي يفرق بينه وبينهم انه اهو بشركة واحنه بشركة

    ولله يا شباب شي ينرفز والمشكلة الاكبر ان بعض موظفين الشركة وليس المقاول يشوفونه بنظرة دونية جدا جدا

    ذاك اليوم قاعد مع سيكوروتي يقول انا لو ابي افنش كويتي مقاول عادي اقدر افنشه طبعا انفجرت بويهه وقلتله حتى مدير مايقدر يفنشنه او يفنش كويتي مقاول لانه احنه كويتيين وعندنه قانون

    بس للاسف مافي قانون يحمينه ومافي قانون يساوي بينه بلمميزات وبعضهم حاسدنه على دعم العمالة معنه فرق رواتبنه ورواتبهم فرق كبير حتى مع دعم العمالة

    نبي وقفه جاده من اعضاء مجلس الامة ونقابتنه والمدراء والوزير وكل النقابات بعد

    نبي القانون يتطبق ونبي بعد مشاركة النجاح 400 بلمية لانه احنه كويتيين وبلقطاع النفطي

    لازم مانسكت يا شباب
    ومشكورين واسف على الازعاج والاطالة
     
  2. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    السلام عليكم اخوي عبدالله اليوم كنت انا ونائب الرئيس عند وزير النفط وذلك لتهنئته بالمنصب الجديد وكان هناك جميع قيادات النفط وبعد ذلك توجهنا الي مكتب الرئيس فاروق الزنكي وكان موجود الاخ علي عامر الهاجري وتكلمنا عن تطبيق القانون النفطي الخاص فينا وقال لي بالحرف الواحد انتم نفطيين وانا راح اكلم الشيخه شذي بخصوص العقد الجديد وانه سيجلس مع علي الهاجري ليعرف لماذا لم يطبق من 40سنه وقد اخبرته اننا معرضين للفصل كل يوم وبهذا القانون يتم حمايتنا من الشركات النفطيه الخاصه وبينت له ايضا ان القانون النفطي رقم 28/1969 في حال لو رفعت النقابه قضيه ضد المؤسسه او الحكومه فأن هذا القانون ينطبق علينا ويجب تطبيقه وعند ذلك اخبرني السيد فاروق الزنكي انه راح يطبق هذا القانون وبشر ربعك في القطاع انه معانا وراح يطبقه لحمايتنا وهو ايضا حق اصيل لنا

    اخوي عبدالله هانت وراح الكثير ومابقاء الي القليل ومايضيع حق وراه طلابه واحنا علي حق ونبيها نفطي وبإذن الله راح تكون نفطي والصبر مفتاح الفرج
     
  3. yousef dashte

    yousef dashte بـترولـي نشيط جدا

    203
    0
    0
    بإذن الله راح تكون نفطي. وكلام بو عبدالهادي صحيح. وقال ياسألم موضعك عندي
    خلاص تم و الهاجري قال راح أنسق مع الشيخة شذي. عشان بأسرع وقت. موضوعكم. يمشي وقال
    الزنكي. إنشاء الله. قريب جدا اسبوعين. أو ثلاث راح نجتمع علي موضوعك. ياسالم
    مدام القانون موجود راح نطبق القانون
     
  4. بوزهراء

    بوزهراء بـترولـي نشيط جدا

    203
    0
    0
    ان شاءالله يتطبق القانون ونصير نفطيين ... وماقصرتوا على الاخبار يا اخ يوسف دشتي وسالم العجمي والى الامام يا نقابة القطاع النفطي الخاص!!!!!!!!!!!
     
  5. santafe

    santafe بـترولـي مميز

    717
    3
    18
    الله يعطيك العافية يا سالم يا الي رفعت راس كل كويتي موظف في القطاع النفطي الخاص وماعلي والله وانا الحين خارج الكويت اكمل علاج ولدي حمود وانشالله ارجع الكويت واشارك فرحتكم في تطبيق القانون الى الامام الى الامام يا بوهادي
     
  6. yousef dashte

    yousef dashte بـترولـي نشيط جدا

    203
    0
    0
    اجتمع سالم العجمي رئيس النقابة. حيث أنه ممثل عن جميع العاملين في القطاع النفطي الخاص
    مع اتحاد البترول والنقابات البترولية و اتحاد العمال. و جمعية المهندسين
    حيث أن الجميع أبدوا تعاونهم وتضامنهم معنا
    وبصفتنا كمجلس ادارة النقابة. نقدم الشكر لهم. علي وقوفهم معنا. وتضامنهم
    ودي أمدح سالم العجمي بس شهادتي. فيه مجروحة كنائب رئيس
    الريال يتحرك من كل صوب و الله يوفقة ويوفقنا معاه. ونحصل علي القانون النفطي

    ا
     
  7. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    نبيها نفطي قوانيينا والفرج قرب يااخوان وهي مسألت وقت فقط ونعاهدكم بتطبيق القانون النفطي والذي يساوي بيننا وبين زملائنا في مؤسسه البترول والشركات التابعه لها ولن يهدأ لنا بال إلي بتطبيق القانون في هذي السنه وهي 2011 وهي سنه التغير والتطبيق للقانون الذي انحرمنا منه اكثر من 42 سنه للاسف وهذا حق اصيل لنا يااخوان والفرج قريب بإذن الله


    اخوكم سالم العجمي
     
  8. sarey

    sarey بـترولـي نشيط جدا

    194
    7
    18
    أخي سالم

    الله يجزاك خير على المجهود اللي تقدمه أنت وأخوانك .

    ولكن عندي كذا سؤال محيرني والله .. أنت تقول بأذن الله سنكون نفطيين .

    السؤال : اذا صرنا نفطيين شنو راح يتغير بالضبط في وضعنا ؟ أنا قريت اننا راح نتساوى مع موظفين النفط بس شلون نتساوى يعني .. بالرواتب او بالحقوق او بشنو بالضبط ... نبي التوضيح جزاك الله خير .

    والشغله الثانية : شلون راح يتغير الحال واحنا ندش مع الشركات في عقود مدتها 3 او 4 سنوات وبعدها باي باي !!!

    وانا سمعت انه احتمال اذا انتقلت الى شركة اخرى ممكن يقل راتبك عن راتب الشركة اللي قبلها !!!!!!

    وشكرا يالغالي وماقصرت
     
  9. yousef dashte

    yousef dashte بـترولـي نشيط جدا

    203
    0
    0
    الراتب ماينقص أما نفس الراتب. أو أزيد
    راح يتغير عقدك. الراتب. يزيد سنويا واللي بالمصافي راح يأخذ مثل الموظفين اللي. يشتغلون
    في أي شركة تندرج تحت مؤسسة البترول. يعني كل واحد علي حسب موقعة
    منو يشتعل. في أي مكان. مثل. شركات السيرفيس يأخذون العلاوة. والبدلات مثل
    الكمبني مان. واللي. سواء بالمصافي أو الميناء. يأخذون. مثل. ربعهم. بالعلاوات والبدلات
    بس معاشك مثل ما أهوا. اللي راح يزيد مثل ما أنا ذكرت علاوة وبدلات.
    مميزات القطاع النفطي. كلها مثل تقاعد أو تأمين أو تذاكر. وأمان وظيفي
     
  10. عبدالله العوضي

    عبدالله العوضي بـترولـي نشيط جدا

    217
    0
    0
    فني
    الكويت
    الله يجزاك خير ياخوي سالم والاخوان ان شاءالله تتحقق مطالبنه ونرتاح
     
  11. العووود

    العووود بـترولـي مميز

    616
    1
    18
    للأسف (ضحيه) بالقطاع النفطي الخاص
    الخليج العربي

    بالاول عليهم ب10000 عافيه والله يزيدهم ويبارك لهم ان شاءالله ,,

    وعدل كلامك اخوي وهذا اللي نبيه من زماااان والله كريم ..

    بس اللي بعرفه انا ...
    هل احنى يالعاملين بالقطاع النفطي الخاص ,, ينطبق علينا اسم موظفين بالنفط ولا لأ ؟؟!!


    والله يوفق الجميع ان شاءالله..



     
  12. yousef dashte

    yousef dashte بـترولـي نشيط جدا

    203
    0
    0
    قطاع نفطي خاص بعقد نفطي



    حالك حال اللي بالنفط
     
  13. عمار يوسف ناصر

    عمار يوسف ناصر بـترولـي جـديـد

    22
    0
    0
    للأخ العزيز سالم العجمى -هل فعل قانون حماية المواطن الكويتى العامل فى القطاع النفطى الخاص وما هو القانون حبيبنا فيدنا علشان نرتاح ؟
     
  14. عمار يوسف ناصر

    عمار يوسف ناصر بـترولـي جـديـد

    22
    0
    0
    ياجماعة الخير التفتوا للعاملين بحفر الأبار ترى مظلومين:(
     
  15. santafe

    santafe بـترولـي مميز

    717
    3
    18
    نعم يا خوي يحميك من التفنيش ومميزات كثيرة بالعربي او بالكويتي حالك من حال موظفين الكويتيين التابعين للمؤسسة البترول الكويتية وهاذي مو منه منهم الا حق مكتسب قديم صارله اكثر من 40 سنة بس الاخوان الي النقابة وعلى راسهم سالم بوهادي الله يعطيهم العافيه اجتهدوا بالموضوع وواعدون بخير انشالله واصبر ان الله مع الصابرين اعتقد الاخ يوسف دشتي وضع المميزات العقد الجديد على المنتدى ممكن ان تتطلع عليها مع الشكر

    بعض الميزات في العقد الجديد:

    راح يتغير عقدك. الراتب. يزيد سنويا واللي بالمصافي راح يأخذ مثل الموظفين اللي. يشتغلون
    في أي شركة تندرج تحت مؤسسة البترول. يعني كل واحد علي حسب موقعة
    منو يشتعل. في أي مكان. مثل. شركات السيرفيس يأخذون العلاوة. والبدلات مثل
    الكمبني مان. واللي. سواء بالمصافي أو الميناء. يأخذون. مثل. ربعهم. بالعلاوات والبدلات
    بس معاشك مثل ما أهوا. اللي راح يزيد مثل ما أنا ذكرت علاوة وبدلات.
    مميزات القطاع النفطي. كلها مثل تقاعد أو تأمين أو تذاكر. وأمان وظيفي
     
  16. eng-q8ii

    eng-q8ii بـترولـي نشيط

    123
    1
    0
    عدل كلامك اخ عبدالله ييت على والله
     
جاري تحميل الصفحة...

مشاركة هذه الصفحة