مشــــــاركة النجـــــاح ......آفة البنـــــوك

الكاتب : مجموعة نفطية | المشاهدات : 3,464 | الردود : 34 | ‏14 مايو 2011
  1. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    السلام عليكم ورحمة الله وبركاته


    اخواني هذي رسالة الى الادارات المالية في مؤسسة البترول الكويتية والشركات التابعه لها


    بالنسبة لمشاركة النجاح اللي عليه قسط او قرض في البنك او التزام راح يستقطع البنك على طول فور وصول المشاركة للحسابات الخاصة بالموظفين

    لان ادارات الشركات اعتادت ان ترسل اي مكافأة للموظفين تحت مسمى (راتب شهري) وهذي حجة البنك لكي يستقطع من اي مكافأة تنزل في حساب الموظف .......

    بيت التمويل مثلا : يستقطع اي شي تحت مسمى راتب شهري ........ ويقولون لو كانت تحت مسمى مكافاة لانستطيع ان نتستقطع منها لان السستم مصمم على اساس اسم (راتب شهري) .........


    لذلك اهيب بالاخوان في الادارات المالية ان ترسل مشاركة النجاح الى البنوك تحت مسمى (مكآفأة مالية ) وهنا لن يتم استقطاع اي مبلغ من المشاركة ويفرح فيها اخواني الموظفين بدون اي تنقيص منها


    وانشالله تصرفونها بالعافية


    وتستاهلون
     
  2. koc-76

    koc-76 بـترولـي مميز

    591
    0
    0
    كلامك مو صحيح والدليل التذاكر لما تنزل بالحساب ما يخصم منها البنك
     
  3. KNPC10

    KNPC10 بـترولـي نشيط جدا

    214
    0
    0
    خل تنخصم يخف دينك أحسن =)
     
  4. Goodbye

    Goodbye بـترولـي جـديـد

    3
    0
    0
    متى تنزل بالحساب
    لو ياخرونها مع الراتب افضل
     
  5. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    وعليكم السلام ورحمة الله وبركاته
    كلامك صحيح ونا خوك مو التمويل بس و عندك الشرق الاوسط سابقاً والاهلي المتحد حالياً اتعس بنك في الدنيا
    وعلى حسب الشركة اذا نزلته بمسمى راتب اكيد يحجزونه وياما صارت معي وشكثر ويالله بعد تقديم شكوى ويطلبون مني ورقة تثبت انه مو راتب
    وبعدين يفكون الحجز ياخي هالبنك نحيس كل ماينزل لي عمل اضافي زايد يحجزه لين اقنعهم انه اوفر تايم لأنهم يعتقدون انه راتب اجازة وخايفين تسحب عليهم شهر ماتسدد
    والله الموضوع مهم ياليت ينزلونه باسم غير الراتب ويخلون البنك ينطق لين ينزل الراتب ويخصم اللي يبي لأن مو كفوا نعطيه الاقساط بدري هههه
     
  6. kaka22

    kaka22 بـترولـي نشيط جدا

    169
    0
    0
    السلام عليكم

    للاسف كلامك غير صجيج يا كاتب الموضوع لاسباب

    اولاً : اذا كنت من الذين عليهم اقساط, فان البنك لا يمسها اذا نزلت قبل تاريخ 20 الشهر. لان القسط لم يحل بعد ولكن ان نزلت بعد 20 الشهر سيتم خصم مبلغ القسط. ولنفرض ان قيمة المشاركة اللي نازلتلك 120 فلن يستطيع البنك مسها حتى لو بعد تاريخ 20 الشهر لانه قرار من المركزي على ان ال120 محسوبه غلاء معيشه

    مثال:
    يعني لنفرض واحد نازلتله 500 من المشاركه وقسطه 500 ولنفرض ان المشاركه نزلت الحساب بتاريخ 21 الشهر وحل عليه القسط. فالبنك راح يسحب 380 ويبقي 120 بالحساب الى ان يتم نزول الراتب وبعدها يتم استقطاع باقي المبلغ


    اقتراحي لكم اذا نزلت بالحساب ومحتاجينها سحبوها على طول قبل تاريخ 21. للعلم المشاركه نزلت بال Pay Slip
     
  7. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    سلامتك ان نزلت باسم راتب حجزها البنك ويخصم منها اللي يبي حتى لو كان التاريخ قبل 20
    وان نزلت باسم غير راتب مايحجزها ولا يسحب منها شي إلا اذا تعدت تاريخ 20 على طول يخصم منها اللي يبي
     
  8. kaka22

    kaka22 بـترولـي نشيط جدا

    169
    0
    0
    تراهن اذا نزلت قبل تاريخ 20 مايقص منها ولا فلس؟؟؟؟ من 1000 دينار؟ ها شقلت ؟؟؟؟؟

    حبيبي ما يحل القسط الا بعد 20 الشهر. وحتى قسط الفيزا والماستر نفس الشي

    اتصل على بنكك واسال قبل لا اخذ منك 1000 :p

    معلومه متاكد منها 100000%

    تاكد من بنكك بارك الله فيك
     
  9. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    هههههههه شف كلامك صحيح اذا كانت نازله باسم غير ( راتب ) يعني مثلاً تذاكر او بونص ينطبق عليها الكلام اللي انت قلته
    اما اذا نزل باسم ( راتب ) والله يحجزها البنك ويسحب منها اقساطه ولا عليه منك
    اخوي انا اكلمك ونا راعي تجارب مع هالبنك التعيس ودائماً اتصل على مسئول الشكاوي في البنك حتى اسمه عيسى كرم
    مايقصر معي دائماً يساعدني الله يجزاه خير ورقمه مخزنه عندي كل ماتصير معي هالسالفة اتصل عليه ويفك الحجز

    انت تكلم على الوضع العادي ولو نفرض عندك رصيد في حسابك وعندك اقساط طبعاً البنك مايتعرض لها إلا بعد تاريخ 20 يسحب منها اقساطه واولها الفيزا والماستر لكن احنا نتكلم اذا نزل في حسابك فلوس باسم ( راتب ) البنك على طول يحجز المبلغ ويسحب الاقساط اللي يبيها ولو كان التاريخ 15 الشهر دامها نازله باسم ( راتب )
     
  10. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    التذاكر تنزل بتاريخ 5/6/7 من شهر يناير :)
     
  11. ابو فاطمة

    ابو فاطمة بـترولـي خـاص

    1,204
    0
    0
    senior security
    في قلب عيالي
    السلام عليكم

    باختصار المفروض من فوائد تسجيل رقم الحساب الايبان هوو هالشي انه كل فلس ينزل بمسماه ومايصير في تاخير او اخطاء او خلط .. حسب ماوصلني
     
  12. واحد من خلق الله

    واحد من خلق الله بـترولـي نشيط جدا

    296
    0
    0
    كلام مجموعه نفطيه صحيح وصارت معنا نفس الحركة قبل 3 او ا4 سنين بس ماذكر شنو الى نزل بس قصوه وكان قبل 20 الشهر
     
  13. سلومكو

    سلومكو بـترولـي مميز

    563
    0
    0

    السلام عليكم

    بأعتقاد قوي انه على حسب ياأخوي



    ماأقدر أقولك غير صحيح ولا أقدر اقول صحيح

    لانه يعتمد على حسب معاملتك عندهم

    أذا كان عليك أقساط ومستحقات متأخره وواجبه السداد

    عيل أي مبلغ يحول على حسابك على طول فورا يخصمونه سواء قبل تاريخ 20 او بعد 20

    ونفس الشي اذا معاملتك محوله للشئون القانونيه يعني في طريقها للقضيه هم نفس شي على طول يخصمونه من حسابك

    اما اذا شغلك اوكي وماكو شي متأخر وطايف عليك من الاقساط عيل ماراح يقربون لأي مبلغ على معاشك


    ويكتفون بالمحدد معاهم مسبقا بالعقد القرض او التورغ بتاريخ الاستقطاع بالظبط

    انا حصلت معاي دايما فلوس مشاركة الارباح وتذاكر وغيره وغيره الحمدالله لا أخصمو علي ولا شي ومثل ماهو والحمدالله

    ماغير يستقطعون أو يخصمون اللي متفق بينكم مسبقا فقط وبتاريخ معين اذا ماكو اقساط متأخره عليك


    هذا بالنسبه لي انا بيت التمويل
     
  14. Mr.Ahmad

    Mr.Ahmad بـترولـي مميز

    انا راتبي على بنك الخليج

    ولا مرة اخصموا من مشاركات النجاح السابقة

    وحتى تذاكر السفر ما انخصم شي منهم
     
  15. واحد من خلق الله

    واحد من خلق الله بـترولـي نشيط جدا

    296
    0
    0
    عموما ال koc نزلوها بالسستم على كلام المنتدى يعني اتوقع الاحد او الاثنين باذن الله نازلة وراح يبين كل شي
     
  16. تايتنك

    تايتنك بـترولـي خـاص

    1,239
    0
    0
    بنك الخليج يخصم بعشرين الشهر للعلم مازاد علي 120
     
  17. سلومكو

    سلومكو بـترولـي مميز

    563
    0
    0

    شباب ياليت احد يفيدنا

    شنو سالفة الــ 120 هذي ؟؟
     
  18. Eng.Vampire

    Eng.Vampire بـترولـي خـاص

    كلام غير صحيح ....... البونص ومشاركة النجاح والسبوت بونص والتذاكر ومستحقات المهمات الرسميه ما تنزل بالبنوك بمسمى "راتب شهري"

    ولا عمرهم استقطعوا من هالمبالغ شي
     
  19. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    السلام عليكم

    الشكر لكل من علق بالتصديق او التكذيب :)


    ولكن اقسم بالله ان هالموضوع حصل ولازال يحصل معاي انا شخصيا اي شي يدش حسابي من : تذاكر ...بونص ....حتى مشاركة النجاح السابقه يتم استقطاع القسط المطلوب مني عن طريق البنك
    واخرها تذاكر هذي السنة .....اللي نزلت في يناير ......ماعدا طبعا المنحة الاميرية هذي كان فيها قرار بعدم مسها

    ورحت لمدير فرع البنك اللي حسابي فيه وقالي حرفيا هالكلام اي شي يدخل حسابك بأي يوم من الشهر تحت مسمى راتب شهري يستقطع منه .........وانا بنكي التمويل

    وربعنا في البترول الوطنية يدزون هالسوالف تحت مسمى راتب شهري البونص السنوي ....التذاكر ....اما مهمة عمل فنحن محرومين منها كطبقة كادحة مالك امل تروح كورس خارجي ف...ماصارت معاي


    وشاكر للجميع مشاركتهم ونقاشهم الطيب
     
  20. سلومكو

    سلومكو بـترولـي مميز

    563
    0
    0


    اخوي وسع بالك ومحد شكك فيك وقال انك جذاب ومحشوم انشالله

    ولكن مثل ماأنت تتكلم بثقه لانه حصل معاك

    انا عن نفسي بعد تكلمت في رد سابق بثقه انه ماحصل معاي

    وللعلم انا التمويل بعد نفسك بالظبط

    ولكن حاول تقرا ردي السابق وتقراه عدل لانه انا مثلك على التمويل وولا مره استقطعو شي مني

    بأستثناء قسط واللي هو متفق عليه بالعقد بتاريخ معين وغير هالتاريخ مايستقطعونه

    الا بحاله وحده بس اذا عليك اقساط متأخره او معاملتك محوله للشئون القانونيه

    جذي لازم يخصمون عليك أي مبلغ يحول على حسابك

    ترا المشكله او السوء الفهم اللي حاصل معاك مع ادارة البنك مو الشركه

    لانه شوفة عينك اكثرنا اهنيه محد خصم على معاشه وامورنا سهالات والحمدالله

    ولكن حاول تراجعهم وتسألهم اذا معاملتك محوله على شئون القانونيه او لا

    يمكن عليك أقساط طايفه او متأخره وواجبه السداد

    او كافل احد واللي كفلته مطوف اقساط ومتأخره عليه

    بالحاله هذي حتى من الكفيل يخصمون منه ترا اللي هو انت
     

مشاركة هذه الصفحة