سباق الهروب من حفرة المختبر بلش

الكاتب : حداق المناقيش | المشاهدات : 1,840 | الردود : 14 | ‏13 مايو 2011
  1. حداق المناقيش

    حداق المناقيش بـترولـي جـديـد

    22
    0
    0
    السلام عليكم

    بعد أن قرأت عن موضوع طلب تبديل لموظف في المختبر قمت بالاتصال على صديق لي يعمل في فريق مناولة المياة (قسم المختبر)
    لكي أستفسر عن هذا الأمر لأن اللي أنا فاهمه قبل إن الموظفين يتمنون يروحون للمختبر

    فشرحلي المعاناة اللي يعانونها وخصوصا هو والموظفين الجدد وأنا بلخصها لكم على لسانه كالأتي :

    يقول انا توظفت على الدبلوم سنة 1999 على مسمى فني مختبر(2) درجة (13) وللحين على مسماي ودرجتي صارلي 12 سنة ويقول ربعي اللي توظفوا معاي اللي في الانتاج مشغل(1) درجة(14) واللي في الغاز مراقب درجة (15)


    يضيف انه في عام 2000 و2001 يابولهم 25 موظف من قسم البحرية
    وفي عام 2002 يابولهم 5 من قسم البدالة الهاتفية
    وأخيرا في 2004 يابولهم 8 من قسم البوابات وكلهم شهاداتهم متوسطة وثانوية بس عندهم خدمة كبيرة ترجح كفتهم في الترقية اليايه
    يعني إن الموظف اللي توه داش المختبر ينسى شي اسمه ترقية قبل 15 سنة عالاقل

    وهذا اللي خلا 3 موظفين يدد واسطاتهم تهز هز :cool: ينتقلون(ينحاشون) من المختبر والكلام هذا في المناقيش قبل شهر وراحوا لقسم HSE :rolleyes:

    والشي اللي يقهر انه هالقسم مافيه الا ترقية وحده بس

    يعني تتوظف فني (2) وتلطع من 15-20 سنة عشان تاخذ فني (1) وعقبهاااا تنطر التقاعد :mad:

    ماكوووو طمووووح قمة الجمود الوظيفي :(

    والوضع الحالي انه فيه 20 موظف في برقان مقدمين طلبات نقل لقسم الغاز وال HSE
    وكلن وواسطته

    أتمنى إن تلتفت لهم إدارة الشركة وتحل مشكلتهم :)
     
  2. Safety First

    Safety First بـترولـي خـاص أعضاء الشرف

    نتمني من المسؤولين النظر في هذه القضية

    موفقين
     
  3. الوايلي

    الوايلي بـترولـي نشيط

    58
    0
    0
    اخوي حداق
    والله ان كلامك المكتوب واقعي 100%
    انا من هالقسم الي يعاني أكثر من الجمود
    وننتظر من النقاية الموقرة
    حل مشاكلنا .. وتحريك القسم
    لو تلاحظ قسم المختبر هو القسم الوحيد الي ما فيه الا مسميين بس
    فني مختبر 2 وفني مختبر 1 بسسسسسسسسسس
    وفني مختبر 1 نشوفه بدربيل
    وناطرين الفرج
     
  4. ee6aalii

    ee6aalii بـترولـي جـديـد

    2
    0
    0
    الحل الوحييد يبطلون مسمى وظيفي جدييييييييييييييييييييييييييييييييييييييييييد بين كميائي انتاج وفني مختبر 1

    مافي شي ثاني يحل المشكلة يا جماعة

    وتنحل المشكلة من بكرة ابيهااا


    تحركووو بداال سالفة التنقل اللي ماراح يستفيد منها الا اللي عنده واسطه
     
  5. الكويت وبس

    الكويت وبس بـترولـي نشيط جدا

    231
    0
    0
    للأسف وبكل ثقة اقول اياها لا تتوقع النقابة بتوقف معاكم والسبب عددكم بسيط ومالكم تأثير قوي على نتيجة التصويت وهذا وللأسف الحاصل مع تفكير النقابات هاليومين واذا تبي امورك تمشي لازم تاخذلك بارتشين من اللي بمبنى الادارة عشان تمشي امورك

    تعالوا صج اشصار على تعميم النقابة بخصوص انجازهم العظيم مع اعادة اختبارات الانجليزي والتخصص بخلال شهر بدل ال6 شهور اللي صارله اكثر من شهر ولحد اليوم ما تفعل
     
  6. المسموح

    المسموح بـترولـي جـديـد

    34
    0
    0
    الله يعين الشباب اللي في المختبر
    الموظفين في الاقسام الثانيه سواء بالانتاج او الغاز وغيرهم يوصلون قريد 16 و17 الله يرزقهم ويوفقهم أما المختبر حدك مسمى واحد فني مختبر1 قريد14 لا ما تأخذه إلا بعد 20 سنه......
    وين إدارة الشركه وين دور النقابه اللي أعرفه إن الموظفين في قسم المختبر صارلهم 3 سنوات يطالبون إذا النقابه ما تبي تحرك ياليت
    يبلغون الشباب على شان كل واحد يشوف مصلحته ويقدم طلب نقل أما سالفة أبر البنج كل ما واحد إتصل عليهم قالوله حاضرين واللي تبونه يصير يعني اللي أعرفه إن النقابه دائما مع مصلحة الموظف وتكون خصم للإداره بس نقابتنا الله يهديهم راضين على الاداره وما تبي تزعلهم على شان 150 موظف...
    أتمنى من الاداره حل الجمود الوظيفي في القسم وتحقيق مبدأ العدل والمساواة بين الموظفين......
     
  7. حداق المناقيش

    حداق المناقيش بـترولـي جـديـد

    22
    0
    0
    نبي نسمع رأي المراقب ونتشستر بالموضوع

    ممكن ؟
     
  8. بلاوي

    بلاوي بـترولـي نشيط جدا

    185
    0
    0
    Free Kuwait
    الكويت
    فعلا جمود الله يعينكم
    ولكن يعتبر هذا القسم
    وزارة الاشغال في شركة نفط الكويت
    يعني ،،، شعندكم

    ولا تحط حالك ، حال الا OP.1
    اللي كل طقة براسه ، ويستاهل قريد 20 .. على الشغل اللي يسويه

    اصلا يكفي ال hot pirmt ...



    حول الى السناتر .. النفط
    وصدقيني بتمنى قريدك 12
     
  9. Winchester

    Winchester المـراقب الـعـام

    نتمنى وقفه جاده للنهوض بهذا القسم

    الجمود اللي صاير محبط للغالية

    والله يوفق الجميع ان شاء الله
     
  10. حداق المناقيش

    حداق المناقيش بـترولـي جـديـد

    22
    0
    0


    هلا اخوووي بلااااوي

    ولكن شنو وزارة أشغال :confused:

    وشنو لا تحط حالك حال op.1 :cool:

    أنا ما أدري ليش تحاول تخلق خصومه بين الموظفين

    المفروض نكون على قلب واحد وما ننزل لهالمستوى

    ونقول الوظيفة الفلانية تستاهل ومهمة والوظيفة الفلانية مالها داعي والخ من الكلام اللي يضرنا كلنا

    وترى لو برد عليك بنفس الفكر جان قتلك شمعنا ضربت مثل بوظيفة op.1

    ليش ما تحجيت عن controller و op.2 :D

    أتمنى تكون واضحة الرسالة

    تحياتي


     
  11. المسموح

    المسموح بـترولـي جـديـد

    34
    0
    0
    في خبر من النقابه إن الاجتماع مع ادارة الشركه الاسبوع القادم وراح يشوفون حل حق مشكلة الجمود الوظيفي........
     
  12. Q8Y5

    Q8Y5 بـترولـي جـديـد

    40
    0
    0
    يصيييييييير خييييير خل يصيييير لنا قسم خاص فينا
    بالعربي احنا غيييييير معترف فينا
     
  13. المسموح

    المسموح بـترولـي جـديـد

    34
    0
    0
    ما شاءالله على الهملان (knpc)دخل على الزنكي وتم إقرار هيكله للقسم وتحريك الجمود الوظيفي
    واللي عندنا بس شاطرين في كتب الشكر يا رئيس الحكومه أو رئيس الشركه بس الشرهه مو عليهم الشرهه على اللي يفكر يصوت لهم أو يعترف فيهم إنهم نقابه تهمها مصلحة العمال...............
     
  14. ممــــيز

    ممــــيز بـترولـي نشيط جدا

    420
    0
    0
    قمت الظلم ان صح الخبر

    وين النقابة عنكم ؟

    اله يكون بعونكم
     
  15. توتي ملك الفن

    توتي ملك الفن بـترولـي جـديـد

    6
    0
    0
    يالربع اللي في قسم مناولة المياه أنا كنت و مازلت أفكر أنقل لقسم الماء بس بعد الكلام في تردد مني و أتمنى النصيحة منكم الله يجزاكم خير جميع
     
جاري تحميل الصفحة...

مشاركة هذه الصفحة