الشعيبة Grta

الكاتب : gas.tester | المشاهدات : 2,176 | الردود : 31 | ‏12 مايو 2011
  1. gas.tester

    gas.tester بـترولـي جـديـد

    9
    0
    0
    الله يستر على الشعيبة بعد ال GRTA بدت الفلنجات تضرب واحنا للحين ماشغلنا وبدت بوادر الكارثة فلانجات HI PRESSURE فيها غاز والGASKET ورق وصار حريق في وحدة 01 وردينا لمرحلة الصفر من جديد والله ياجماعة عمال المقاول جايبينهم من الشارع وفوق هذا العجلة من المسئولين عشان المدير يقول انا شغلت قبل الوقت المحدد ..ياجماعة سووا حفلة بنهاية الصيانة واحنا للحين ماشغلنا يامسؤولين خافوا الله في الارواح اللي بوسط الخطر والعجلة من الشيطان اللهم هل بلغت اللهم فأشهد :mad:
     
  2. ربينا سوا

    ربينا سوا بـترولـي خـاص

    بارك الله فيك ياgas.tester

    شوف يا خوي.. صدقني هذي المقالة اللي كتبتها إطير رؤوس وتشلعهم من مناصبهم.. إذا كانت هناك محاسبة حقيقية

    أنت أديت اللي عليك وجزاك الله كل خير ..ولكن إستمر ولا يهمك تجاهل بعض المسؤولين.. بريء ذمتك وأنا أخوك وإكشف

    إستهتارهم وتجاهلهم بحياة شباب الكويت.. كثر الله من أمثالك.. والباقي على (الجيماز).
     
  3. فيصل العجمي

    فيصل العجمي مؤسس المنتدى أعضاء الشرف

    6,420
    1
    36


    كان الله بالعون اخي الكريم

    ومثل هذه الأمور تحدث بكل كل شداون
    بس لازم تكونون حريصين وعسى الله يستر عليكم
     
  4. Knpc lawyer

    Knpc lawyer بـترولـي نشيط جدا

    271
    1
    16
    السلام عليكم ورحمة لله وبركاته...

    كان لله في عونكم يا اخي الفاضل فعلا الوضع بالشعيبه سئ جدا ولايمكن السكوت عليه ، ابسط حقوق الانسان الي تحترم ادميته مفقوده لا شلاتر نفس البشر لحد اللحين النظام القديم شلتر داخل الوحده بوسط المعدات ماكلته الفيران من كل صوب لاوسيلة نقل نفس الناس باصين تخدم المصفاة كلها ابسط قواعد السلامه مفقوده وضع مأساوي يندى له الجبين ، ياجماعه ماي بارد مافيه تخيلو الوضع ، مادري شنو يبون يوصلون له اهمال تام او منسيه هالمصفاة وطبعا اداريا صفر اتحدى احد من الشعيبه سمع عن الكورسات الخارجيه ، انا لما اسمع موضوع عن الشعيبه او ما يخيل لي معتقلات غوانتنامو ، لله يعينكم وانشالله يحسون فيكم بس لازم وقفه منكم عشان يوصل الصوت لاكبر مسؤول بالبلد عن الوضع عندكم ...
     
  5. Kowait

    Kowait بـترولـي جـديـد

    23
    0
    0
    التخصيص افضل

    بصراحه مفروض يخصصون هالمصفاه ويفكونا من شرها
     
  6. بترول7777777

    بترول7777777 موقوف

    4
    0
    0

    السلام عليكم ورحمة الله وبركاته

    الله ساتر على الشعيبه والله سيستر عليها بأذن الله تعالى
    وذلك
    لحسن نوايا ربان مصفاة الشعيبه الفاضل أحمد الجيماز العضو المنتدب لمصفاة الشعيبه وكونه رجل أمين وصادق في عمله ومع زملائه كبيرهم وصغيرهم .

    وأقولها كشهادة حق أمام الله في يوماً لاينفع مالٌ ولا بنون
    بحق
    أحمد الجيماز
    وكون خدمتي تجاوزت العشرون عاماً بهذه المصفاة العريقه , ومريت بتجربة تقريبا " 5 GRTA,s " وبالأضافة الى صيانة التعمير لهذه المصفاة بعد التحرير من براثن ودمار العدوان العراقي المقبور.
    فأنني أشهد بالله
    بأن ال GRTA2012 لمصفاة الشعيبه أعتبره يونيك من حيث الأداره والصيانة والكل يعي المسئوليه الملقاه على عاتقه ,دون تداخل المسئوليات أو تدخل وتعدي كل مسئول على صلاحيات غيره وهذا يذكرني بأدراة شركة بكتل الأمريكيه حينما أستلمت تعمير مصفاة الشعيبه بعد التحرير 1991م بل وأحسن إداره عنها , وهذا يرجع الفضل لله عز وجل أولا ومن ثم أدارة العضو المنتدب لمصفاة الشعيبه الفاضل أحمد الجيماز . والكثير من العاملين هنا بالمصفاه شاهد ذلك .


    الشعله البسيطه التي حدثت في01 لا تسمى حريق وأستغرق أخمادها 5دقائق من قبل مشغلي الوحده , والصراحه صارت باب للمتصيدين بالماء العكر الذين يبحثون عن مصالحهم الخاصة فقط , وللفئويين وللطائفيين الذين يريدون النجحات لهم فقط دون سواهم , والذين كانت لطوائفهم تجارب سيئه من سوء أدارات وأمور مشبوهه في المصالح الشخصيه أثنا وجودهم .

    والله على مأقول شهيد
     
  7. بترول7777777

    بترول7777777 موقوف

    4
    0
    0
    مصفاة الشعيبه كل شيء فيها جديد
    من
    البرقي حتى الرياكترات

    من صجك حلال هل الكويت يتخصخص
    وش عاد يبقى
    حتى العرفج معاد بقى

    تبي الصدج من بينوي ياخذ حلال هل الكويت والله ثم والله لن يبارك له الله لا في ماله ولا بصحته .
    وسجل يازمن

    وش دعوى صارت الدعو سرقه عينك عينك
     
  8. torch-74

    torch-74 بـترولـي جـديـد

    4
    0
    0
    بصراحه صرنا نخاف بكل بداية تشغيل من قطع الغيار الرديئه والرخيصه المستخدمه
     
  9. Knpc lawyer

    Knpc lawyer بـترولـي نشيط جدا

    271
    1
    16
    اتق لله في نفسك يارجل...

    اسعد لله صباحك بس للاسف الظاهر انك بعيييد جدا عن قسم العمليات ، وين كل شي يديد لله يصلحك سكراب امغره اكشخ من هالمصفاة واهمال واضح وتام للوحدات اتوقع لو استمرت بعد الانتاج بيصير هريس ، انا مانكر انه الجيماز شخص مجتهد بس ياخوي ابسط حقوق العمال مفقوده مبنى خدمات مافي اجازات مافي علاوات نازله بونص احلم كورسات انسى ، وين الاداره الممتازه اللي تكلم عنها فهمني ، خاف ربك بشهادتك وراجعها اهي وحده من الثنتين يا انك اداوم بارامكو السعوديه والا انك بالمبنى الرئيسي للشركه الاهمال واااااااضح للعيان ، تحياتي .
     
  10. اوبريتر سابق

    اوبريتر سابق بـترولـي جـديـد

    4
    0
    0
    الظاهر نسيت الانفجار اللي صار بمصفاة الشعيبه بوحده 08 لما انفجر الفرن وراح ظحية الانفجار عمال اثنين محترقين ولا يمكن ما مر عليك اذا ما مر عليك ترا احنا مر علينا بلاوي ما يعلم فيها الا الله في هالمصفات. هذي المصفات منتهيه صلاحيتها من سنين وشغل الترقيع وقص مني ولزق مناك هذا ما ينفع. مع الاسف ان ارواح الناس ما صار لها قيمه عند البعض. في هذاك اليوم المشؤم لو كويتي مات جان انقلبت الدنيا ولا قعدت بس مع الاسف ما صار فيه تقدير للروح الانسانيه. ولا نسيت بعد او ما مر عليك وفاة موظفين كويتيين في نفس الوحده 08 داخل الريآكتر قبل جم سنه مظت الله يرحمهم ويسكنهم فسيح جناته. انا استغرب من البعض نفس المشاكل ونفس الاسلوب المتبع ومع ذلك فيه من يقول لا مافي شي والامور طيبه واحنا بخير. صدق الداخل الى شعيبه مفقود والخارج منها مولود وكلنا في هالمصفات نشتغل فيها كنا واللي لا زالو على البركه لا شغل السيفتي ولا غير,
    وشكرا لكم
     
  11. مو معقول

    مو معقول موقوف

    663
    0
    0
    الجيماز افضل عضو منتدب مسك المصفاه بتاريخها كله.....و رجل فاتح الباب للكل وما اعتقد انه الخلل منه...الا اذا تبون الجيماز ينزل يركب بايبات بدال العمال ويجيك على الفلنجات والبلايندات بدال الاوبريتر

    الجيماز شغله اداري مو فني على شان تقطونها براسه....وادارته ناجحه 100% وانا كمهندس اقول انه افضل عضو منتدب مر على القطاع ويشهد الله انه الرجل المناسب بالمكان المناسب.

    صاحب الموضوع زين ما قلت بعد ان الجيماز مختار الوقت للجي ار تي اي بوقت الغبار والسرايات!!!!!!!!!!!
     
  12. ربينا سوا

    ربينا سوا بـترولـي خـاص

    شنو هالدفاع المستميت عن الجيماز..!!

    يا أخي يقول لك الناس محتاجة لأبسط الحقوق... يبون ماي بارد.. يبون يجلسون وياكلون مثل البشر..!!

    طبعا إنت والجيماز أكيد مستغربين من هالطلبات.. لأنها بالنسبه لكم شيء من الخيال مو متصورين هالطلبات..

    الأخ قاعد بمكتبه الإمبراطوري ومو حاس بالبشر.. وتقول إدارته ناجحة100%..!!؟؟

    لو إدارته ناجحة 5% ما إشتكوا الموظفين من الحاجة (لماء بارد فقط).. فما بالك بالحقوق الأخرى..

    إترك عنك الدفاع اللي ماله داعي.. وخاف ربك.. الجيماز المسؤول الأول والأخير عن كل شيء بالمصفاة

    وإنت خلك بمكتبك وكمل شغلك ودافع عن صغار الموظفين.. هذا إذا شعرت في أبسط الحقوق..!!​
     
  13. terminal

    terminal بـترولـي جـديـد

    45
    5
    0
    اخي العزيز هاذي امور طبيعية تحدث دائما

    اسال جماعة ال H-OIL اللي الامور هاذي عادية تماما عندهم خاصة انهم اكثر ناس يصير عندهم SHUT DOWN


    تصدقون لما ادش ال CCR اشوفهم اكثر ناس COOL و الباقين متنرفزين و حالتهم حاله


    و السبب كثرة ال SHUT DOWN عندهم مع ان التشغيل في هالوحدة يبي له تركيز عالي جدا
     
  14. torch-74

    torch-74 بـترولـي جـديـد

    4
    0
    0

    أخي العزيز

    أتمني إنك تجعل موضوع بالمنتدي وتعمل مقارنه بالمصافي وتكتب الآتي

    1- هل لديك ثلاجه بالشلتر
    2- هل لديك كتل ( غلاية ماء )
    3- هل تتوفر لديك دفاية زيت للشتاء أو لديك l.p steam (بخار ماء ) للتدفئه
    4- كم مره بالسنه تذهب للكورسات الداخليه في المصفاه والخارجيه P.T.C
    5- وهي الأهم - هل لديكم معرفه بـ Escape route , Evacuation
     
  15. gogo78

    gogo78 بـترولـي جـديـد

    25
    0
    0
    يا اخوان انا اقول ان الشعيبة الله حافظها وابشركم المصفاة اشتغلت والحمد لله بجهود جميع العاملين من ادارة وفنيين والله يحفظ عيال الكويت اللي قاعدين يبذلون جهود جبارة من اجل الحفاظ على سلامة الارواح والمعدات وتفائلوا بالخير وانا متأكد ان الاخ كاتب الموضوع ماكتبه الا خوف ومحاتاة على اخوانه وجزاه الله خير والموضوع مجرد تنبيه ولافيه صيد ولافيه مصالح مثل ماقال بعض الاخوان والله اعلم بخفايا النفوس ومافيه مكان يااخواني الا وفيه بعض الاخطاء فمابالكم في مصفاة بترول قديمة نوعا ما ولكن ارد واقول الله يبارك في العاملين فيها اللي متحملين بلاويها
     
  16. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    والله ان ادارته فاشلة بامتياز مع مرتبة الشرف ......

    فالح فقط بارسال مسجات للموظفين يارجل حتى ماتشوفه نهائيا يمر علينا بالشداون ........عنده راجا شيبي بعد

    واخرها جهاز تنبيه الغفوة ........:D مع ان اللي يستحق هذا الجهاز السوبرفايزرية(البعض) اللي طايحين له شخري بمبنى رؤساء اقسام العمليات خاصة دوام النايت بعد العشاء مباشرة

    ونسي المطالب الاساسية للموظفين

    شال غلايات الماء الحار اللي نسوي فيها شاي واجبرنا ان نمشي مسافة للكانتين علشان نشرب شاي او نجيب ماي حار ......بحجة الغلايات مو سيفتي

    مع انه وعدنا بحل الموضوع بس عمك اصمخ لانه يرى ان الكويتيين مو كفو شغل .....اهم شي عنده الهنود والسيلانيين


    اما الكويتيين طبهم مرض


    ولي عوده مرة اخرى للرد على المنافقين والكذابين
     
  17. abdulwahab

    abdulwahab بـترولـي جـديـد

    3
    0
    0
  18. gas.tester

    gas.tester بـترولـي جـديـد

    9
    0
    0
    السلام عليكم ورحمة الله وبركاته
    ياجماعة انا صاحب الموضوع وطالبكم طلب الله يرحم والديكم مانبي نطعن بالجيماز الرجل ماعليه خلاف ومجتهد في عمله ولكن يوم كتبت الموضوع كان تعليقي على العجلة في التشغيل اللي مالها داعي من قبل المسؤولين وعلى قولة المثل (ان اصل متأخرا خير من ان لااصل ابدا )... ولذلك اقتضى التنويه الموضوع عن سياسات التشغيل والاستهتار بأرواح العاملين واذا استمر الطعن في شخص الجيماز ارجو من الادارة اغلاق الموضوع ومنع المتصيدين في الماء العكر
     
  19. مو معقول

    مو معقول موقوف

    663
    0
    0
    الله يهديك. اخوي الجيماز مو مسؤول عن هالشي ولكنه مسؤول اذا وصل له الامر و سكت او رضى.اخوي شغل مخك الناس دافعين ملايين على شان الشتداون. تبي تقنعني بيستخسرون بظل ماي صحه عليك؟ بعدين بالله العمال باقوا مايك اللي المفروض تكون حريص عليه تبي الجيماز يتراقع وياهم مثلاً؟ اخوي انا اشرب ماي بفلوسي من الكانتين واعتقد من الجعاصه اللي فيكم ما راح تشترون بمية فلس. لا تاخذ ريشن كل شهر واطلب كوبونات ويصير اب بلاش عليك...ومو بس ماي..اشتر ككاويات وحلاو بعد واخذ للبيت بعد. واذا شفت واحد يتشكى مثلك عطه كوبون بو امية فلس خل يشرب المسكين...بس انا خابزكم...جعوووووووص:) اذا على ماي تتشكى شلون لو ما جابولك غدا والا عشا..شتسوي؟ تنتحر اتوقع
    مع العلم انكم تستلمون اعلى رواتب بالمصفاه ولكنكم جعوص للاسف.

    اخوي الله يعينك على نفسك وخاف ربك بالرجال...ترى والله شقردي وانا مالي اي مصلحه من الكلام هذا ولكن من واقع ملموس وقاعد اشوفه...الرجل نشيط ويتحرك ويعمل بجهد واخلاص وتفاني. فلا تظلمه وتقحمه في ما ليس فيه
     
  20. Kuwait-37

    Kuwait-37 بـترولـي نشيط جدا

    394
    0
    0
    صباح الخير.
    ياجماعة لكل أنسان أخطاء فيها الكبير وفيها الصغير. أكيد عندما يعمل الشخص يكون معرض للخطاء.
    بس السؤال ألي يطرح نفسة عيل وين Section Head & Team Leader ؟؟؟؟؟؟
    أدارة فاشلة بس علشان ما في ماي أو غيرة من الشغلات هذا ينقال عنها نقص بس ويجب أيعادة النظر بهذي الأمور وتصحيحة للضرورة.
     
جاري تحميل الصفحة...
مواضيع مشابهة
  1. المشموس
    الردود:
    0
    المشاهدات:
    7,080
  2. المحرر النفطي
    الردود:
    0
    المشاهدات:
    8,877
  3. المحرر النفطي
    الردود:
    0
    المشاهدات:
    493
  4. المحرر النفطي
    الردود:
    0
    المشاهدات:
    671
  5. قائمة الرؤيه
    الردود:
    3
    المشاهدات:
    9,083

مشاركة هذه الصفحة