ارحمو من فى الارض

الكاتب : mars | المشاهدات : 1,035 | الردود : 11 | ‏12 مايو 2011
  1. mars

    mars بـترولـي نشيط

    63
    0
    0
    الى كل من يعنيه الامر :
    ننقل لك هموم مشغلين مصفاة الشعيبه المظلومين حيث لا مكان لديهم مناسب لتبديل الملابس(العمل) ولايوجد مكان يليق بلانسان ان يدخن اذا كان من المدخنين حتى الماء ممنوع يشربونه بارد لازم من الكرتون لان ممنوع برادة الماء.ليش المعامله القاسيه ما ادرى .احيانن اقول هذا انتقام مو سوء معامله. يا مسئولين ترى المشغلين اخوانكم
    وعيالكم حرام المعامله الغير انسانيه .روحو شوفو المشغلين فى الوحده 7مساكين لا ماء بارد لا مكان يقدر الواحد يبدل ملابسه لا مكان يدخن فيه مثل البشر.ابى اعرف وين حقوق الانسان لاكن اذا ما غيرو الوضع السيىء هذا
    راح ادز رساله الى لجنة حقوق الانسان .لان الوضع لا يطاق.


    وشكرا:mad:
     
  2. Knpc lawyer

    Knpc lawyer بـترولـي نشيط جدا

    271
    1
    16
    دير بالك ياعزيزي اخاف يوصلك تهديدات على الخاص محاولة لاسكاتك او تلاحقك ادارة الجرائم الالكترونيه هههههههه ، كان لله في عونكم اهو اصلا دامك اداوم بالشعيبه كافي مكانك بغض النظر عن الخدمات اللي تنقصكم وهي كثيره للامانه طيب ماكلمتو الاداره او النقابه صعدو الموضوع وانشالله بيوصل صوتكم...
     
  3. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    فعلا الوضع في الشعيبة لايطاق خاصة وجود الكثير من المنافقين من المسؤلين الذين يتبعون نظام ( كل شي تمام

    طال عمرك ).....ولاينقلون الصورة الحقيقية للادارة العليا

    وين صاحبنا ابو ( يالزنكي جايينك الله يعينك ) ........ وينك عن معاناة ربعك وانت اقرب لهم ليش ماتنقلها للادارة العليا

    بما انك تدعي انك واصل .......
     
  4. Kuwait-37

    Kuwait-37 بـترولـي نشيط جدا

    394
    0
    0
    مساء الخير.
    عفوا أستاذي . شلون صار هذا الوضع عندكم؟ وشي ثاني من متى وانتو على هذا الوضع؟ هل كلمتو احد مسؤل يعني مثل Section Head & Team Leader او كتبتم كتاب رسمي؟
    بانتظار الإجابات ؟
     
  5. Q8iT-DIVE

    Q8iT-DIVE بـترولـي جـديـد

    45
    0
    0
    faild-operator
    KUWAIT
    اخوي كلمنا حتى ال DMD ويتمشى بسيارته وشاف الوضع بعينه ولكن للاسف ماكو شي من اللي تعدل ... الاهتمام الاول والاخير عند جميع مسؤولين البترول الكبار .... البونص والدورات الخارجيه

    الله كريم وان شاء الله فيهم الخير

    والله يوفق الجميع
     
  6. Petroo

    Petroo بـترولـي جـديـد

    10
    0
    0
    لاحول ولا قوة الا بالله
    انا شفت مستوى الخدمات للمشغلين في الثلاث مصافي
    وضع دوون المستوى!
    لا يعقل ان تتم معاملة عصب البترول بهذه الطريقه
    ومافي مسئول مايدري كلهم كانو مهندسين و احتكو مع المشغلين
    لكن الكراسي افقدت البعض الذاكرة

    حتى احنا المهندسين مبانينا متردية
    لكن ماتقارن فيكم الله يعينكم!! خصوصا ان دوامكم شفت وتحتاجون مكان مناسب للشفت اللي ممكن يتدبل حسب الظروف*
     
  7. Kuwait-37

    Kuwait-37 بـترولـي نشيط جدا

    394
    0
    0
    صباح الخير.
    راح أقولكم طريقة وأنشاء الله راح يتعدل الوضع. بس على شرط أنكم تمشون عليها بكل حذافيرها:
    1- أكتبو كتاب رسمي منكم ألى Section Head & Team Leader تذكرن فية كل النواقص ويكون ذو فترة محددة لتعديل الوضع ويكون الكتاب مذيل برقم مثلا رقم: 1 أو 2 على السنة 2011 وعلى شرط يوقعون عليه المشغلين.
    2- أعطو الكتاب Section Head وشرط يوقع علية ويرسل الكتاب Operation Manegar .
    3- أذا أنقضت المدة ولم يتم تعديل أي شيء من المذكور في الكتاب.
    4- تأخذ الصور من الكتاب الأصل ويرسل للعلاقات الصناعية وتقدم شكوى رسمية.
    5- يجب أعلام Section Head أن أذا أنقضت المدة ولم يتم تعديل أي من النواقص سيرسل الكتاب للعلاقات الصناعية.

    صدقوا وأمنوا بالله أن فينا ناس أو مسؤلين تخاف ولا تختشي.
     
  8. gogo78

    gogo78 بـترولـي جـديـد

    25
    0
    0
    بما اني احد العاملين في الشعيبة اضم صوتي الى صوتك في المطالبة بأدنى حقوقنا . ياأخي لما تشوف عامل نظافة بالشمس تصفط يمين وتعطيه ماي بارد فما بالك بعامل كويتي منك وفيك يعمل في موقع يعتمد عليه اقتصاد بلدك يامسؤول خاف الله فينا ووفر لنا براد ماي الله يرحم والديك نشف ريجنا ولا خلونا نتحاطط ونجيب لنا براد مانبي منكم شي الله لايشكر فضلكم
     
  9. Kuwait-37

    Kuwait-37 بـترولـي نشيط جدا

    394
    0
    0
    مساء الخير.
    سؤال لي الحين ما في اي تغير على وضعكم؟؟؟
     
  10. مو معقول

    مو معقول موقوف

    663
    0
    0
    من حقه الموظف بمطالبة ما يستحقه....انا ضدك بسالفة التدخين والمفروض التدخين يكون ممنوع منعاً باتاً بالشركه...لأنه حرام وخطر

    والاخوان اللي يروحون يدخنون يهملون مكانهم ويضايقون ربعهم اللي ماسكين الشغل بدالهم على ما يردون
     
  11. mars

    mars بـترولـي نشيط

    63
    0
    0
    يا اخوانى ما تغير شى .بعدين يا خوى احنى نيى حقوق موظفين اولا وثانيا نبى حقوقنا مثل البشر
    وان يخافون الله فينا.ام عن التدخين يخوى كل واحد بكيفه مايصير تعمم شى انت ما تبيه وتحرمه
    على الكل
     
  12. مو معقول

    مو معقول موقوف

    663
    0
    0
    شرعاً لا يجوز و فيه مضره لصحة اخواني المشغلين
     
جاري تحميل الصفحة...

مشاركة هذه الصفحة