اضراب القطاع النفطي!

الكاتب : الشيبة | المشاهدات : 2,371 | الردود : 35 | ‏11 مايو 2011
  1. الشيبة

    الشيبة بـترولـي نشيط جدا

    233
    0
    0
    اول شي مبروكيييين على المشاركة بالنجاح ومنها للأعلى ....

    عندي سؤال بسيط واجابته أبسط ماتزيد عن نعم أو لا:

    هل اضراب عمال القطاع النفطي أو عمال أي شركة من شركاته يضر بمصلحة الكويت؟

    طبعاً الاجابة نعم اضراب القطاع النفطي يضر الكويت.... عيل شلون البعض يهدد بشئ مثل هذا... الكويت شعلاقتها بصراعاتنه ... حافظوا على الكويت وخلوها بعيده عن منازعاتنا...
     
  2. Roxen

    Roxen بـترولـي نشيط

    139
    3
    16
    صح لسانك طويل العمر
     
  3. ToP

    ToP بـترولـي نشيط

    70
    0
    0
    اولا اخي الاضراب حق مكفول لدينا ونحن ادرى بمصلحة الكويت ولكن هل تعتقد ان كل من يريد ان يضرب عن العمل يريد الاضرار بمصلحة الكويت؟

    عيل اخواننا القانونيين والمهندسين والطيران والمدرسين وعمال الكويت يريدون مضرة الكويت هذا اذا كان كلامك صحيح لكن اسمحلي كلامك غلط

    وبتقولي احنا شريان البلد وهم وزارات مالهم اهميه عيل ليش يصرفون زياداتهم ويضربوون بالطوووفه والمفروض العكس صحيح ينفذون اولا

    مطالبنا وتحياتي لك ولكن هذة وجهة نظر الاغلبيه اذا مو الكل شكرا
     
  4. الشيبة

    الشيبة بـترولـي نشيط جدا

    233
    0
    0
    يا ريت ياخوي تجاوب على سؤالي بنعم أو لا : هل اضراب القطاع النفطي يضر الكويت ؟ نعم أم لا؟
     
  5. ToP

    ToP بـترولـي نشيط

    70
    0
    0
    اي نعم اي اضراب بأي وزارة او قطاع بالكويت يضر بمصلحة الكويت

    لكن انا بسألك سؤال هل الاضراب حق مكفول لك؟ نعم ولالا؟
     
  6. الشيبة

    الشيبة بـترولـي نشيط جدا

    233
    0
    0
    اذا اجابتك نعم ..... عيل شلون تسوي شي يضر الكويت !!!!

    واجابة على سؤالك .... اي اضراب يضر الكويت انا ضده !!! ولا ثم لا ثم لا حق اي اضراب يضر الكويت !!!

    وااايد امور مكفوله لك .... يعني مثلا حرية التنقل مكفولة لك .... لكن مع ذلك يصير عليك منع سفر عشان ما يصير في ضرر


    انت اللحين قولي : شلون شي يضر الكويت وعادي عندك انه يصير ؟؟؟؟
     
  7. q8trucks

    q8trucks بـترولـي نشيط

    62
    0
    0


    الاخ العزيز top
    هذا الاخ الشيبة لي عليه مآخذ واغلب مواضيعة وحتى مشاركته فيها شبهه والله أعلم
    لذلك احب اقول ان الاضراب بكل اشكاله يضر البلد ولكنه السبيل الاخير للمطالبة بحقوقنا
    فالمعلمين اضربوا محد تكلم وأخذوا حقوقهم
    القانونيين اضربوا ومحد تكلم واخذوا حقوقهم
    دائرة الخبراء والطيران والكثير الكثير من ابناء هذا الشعب كان السبيل الوحيد لهم هو الاضراب
    بعد اغلاق جميع الابواب بوجههم لذلك الاضراب يكون الحل الاخير لأخذ الحقوق
    وهذا معمول فيه في جميع الدول الديمقراطية وحتى الغير ديمقراطية
     
  8. الشيبة

    الشيبة بـترولـي نشيط جدا

    233
    0
    0
    اذا غيرنا ضربوا فحنا المفروض ما ناخذ قدوتنا بالغلط .... وبعدين اذا الاضراب سبيل عشان نا خذ حقوقنا .... فمعناة هالكلام ان احنا قدمنا مصلحتنا على مصلحة البلد !!!! منو اولى مصالحنا الخاصة ولا مصلحة الكويت .... وبعدين هل انت متأكد ان الدول الديمقراطية يصير فيها اضرابات في قطاعات حساسة تمس مصالح دولهم ؟ عطني امثلة لو سمحت !

    انا افهم انه الاضراب يصير في القطاع الخاص عشان يلحق الضرر بصاحب العمل .... اما ان الضرر يلحق البلد االلي ماله اي دعوه في هالنزاع .... فهذا امر غير مقبول كلش بالنسبة لي !!!
     
  9. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    لا مايضر بمصلحة الكويت بالعكس مفيد لها يطهرها من بعض العفن اللي فيها والحقوا فيها الفساد ولازم نداويها بالاضراب وسلامتك
     
  10. الشيبة

    الشيبة بـترولـي نشيط جدا

    233
    0
    0
    يعني لما الانتاج يوقف ... ما في اي ضرر علي الكويت !!!!
     
  11. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    ابداً يوجد خلل وعلة تضر بمصالح العاملين الكويتيين والكويت وشعبها ويجب التوقف لمعالجتها وتستأنف بعدها الاعمال
    وهذا لايحصل إلا بتكاتف الجميع بعيداً عن المتخاذلين ! اللي مايهمهم إلا مصلحتهم فقط
     
  12. F-KeY

    F-KeY بـترولـي نشيط

    119
    0
    0
    الاضراب يا اخوي العزيز يا الي ( تحب الكويت بروحك واحنا لاء )

    الاضراب هو في مصلحة الكويت لا وبعد خير ونعمة لها ..!

    الاضراب هو تطبيق للقانون وللدستور بل هو قمة الرقي في التعبير عن رفض ظلم الشركات والمؤسسات

    غريب امر ها الناس كل يوم يطلع لنا واحد ويقول احترموا القانون وطبقوا الدستور ولما القانون يتفعل من قبل الناس

    يتهمونهم بالزندقه وعدم الولاء وانكم مو وطنيين ...!

    انا بعرف منو الي يحدد الوطنيه الحكومه الي تشتغل ضد المواطن ومطلعة عينه قهر وضيم وتخبط

    والا البشر اللي بالبلد كل يوم يتنفسون هواها وكل يوم يشتغلون لها وكل يوم يدافعون عنها ..!

    ليش محد شكك بوطنية مجالس ادارات الشركات والمؤسسات الي اكلت حقوق الموظفين و حدت الناس على الاضراب

    ليش محد قال انه حكومتنا مو وطنيه وشوهت صورة بلدنا بكل مكان هاه ؟

    ادعوا جميع الموظفين انهم يتكاتفون مع نقاباتهم حتى لو ماكانوا مقتنعين بقضيتهم حتى يقوون وضعهم

    واي شركة او اي شخص دخيل يحاول يضرب ويضعف حق الاضراب ينطق على راسة

    شخصيا اؤيد اي اعلان قانوني للاضراب تتبناه النقابه لاي سبب كان نعم لاي سبب كان

    تعرف ليش ... لانه حقي القانوني ومحد ينازعني عليه وتطبيق القانون هو مصلحة للبلد وخير لها
     
  13. الشيبة

    الشيبة بـترولـي نشيط جدا

    233
    0
    0
    الصراحه مدري شرد عليك وانت تقول وقف الانتاج خير ونعمه للكويت!!!!
     
  14. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    يالشيبة مايبيلها مفهومية اعطيك مثال بسيط يمكن تستوعب السالفة
    نفرض ان الشيبة فيه عله باطنية ومالها حل إلا بالكي آخر الدواء الكي
    الحين كويناك بالمشهاب صحيح انك تألمت ولكن في نهاية الأمر عالجنا علتك الباطنية
    الاضراب هو المشهاب اللي نداوي فيه كل عله باطنية في قطاعنا علشان يصير الانتاج ميه ميه
     
  15. مو معقول

    مو معقول موقوف

    663
    0
    0
    اخوي منو قالك ان اللي يبون يضربون يبون مضرة الكويت؟ بالعكس احنا نبي نفيد الكويت ونبي نعطي اكبر من طاقتنا بالشغل وهذا له حسابه واعتقد الكويت ما راح تقصر معانا لانها عمرها ما قصرت....

    اللي يبي الضرر الكويت اهي الاداره اللي خلت الموظف يضرب بسبب عدم اعطاءه حقوقه

    لازم تعرف الفرق يا اخوي...يعني الحين لو يعطونك عشر دنانير بالشهر ويقولون لك داوم بتداوم؟ والا تقدم استقاله او تضرب؟ صدقني ما راح ترضى و راح تزعل وتعصب لان هذا ظلم
     
  16. بو عمر

    بو عمر بـترولـي نشيط جدا

    164
    0
    16
    يا شباب في حل وسط
    اعتصام في خارج اوقات العمل او في ادارات غير مرتبطه بالانتاج
    لا يضر الكويت و يحقق المطالب باذن الله
     
  17. NASSER-Q8

    NASSER-Q8 بـترولـي نشيط

    67
    0
    0
    «الإضراب حق مشروع كفله الدستور بنص المادة (177)».
    يعنــــي ياحبيبي لو انه يضر البلد ماكان كفله الدستور هو حق مشروع لكل العمال , اذا اي جهه تعسفت بقراراتها يكون هناك نقاش بين النقابة وتلك الجهه اذا كان هناك مماطلات واستفزازات .....الخ مالك الا الاضراب وحنا انشالله حريصين على ديرتنا ومحد يزايد علينا .
    ولك مني اجمل وارق تحية , الحين اقتنعت ابيك تجاوبني بكلمتين ( نعم - لا ) :
     
  18. الشيبة

    الشيبة بـترولـي نشيط جدا

    233
    0
    0
    شكلك تهوقت ماعندك حجه ترد فيها عليي : )
     
  19. الشيبة

    الشيبة بـترولـي نشيط جدا

    233
    0
    0
    تسلم يا بوعمر ... يعني في وسائل ثانية..
     
  20. الشيبة

    الشيبة بـترولـي نشيط جدا

    233
    0
    0
    انا سويت سيرج حق المادة 177 ... والمادة ما يابت طاري الاضراب كلش... وين الدستور كفل حق الاضراب؟ ياليت توضح أكثر ...

    انا معدلتي بسيطة:

    الاضراب يعني وقف الانتاج: وقف الانتاج يضر الكويت: ضرر الكويت مرفوض
     
جاري تحميل الصفحة...

مشاركة هذه الصفحة