الى متى ونحن ممنوعين عن التلفون ( ارجو من الجميع المشاركة )

الكاتب : الى متى | المشاهدات : 1,155 | الردود : 13 | ‏11 مايو 2011
  1. الى متى

    الى متى بـترولـي نشيط

    121
    7
    18
    السلام عليكم ورحمة الله وبركاته

    الى متى ونحن نطلب بأدخال الموبايل الى المصفاة ؟؟

    طبعا كلنا ملييييييييييينه وحنا نطلب هالطلب و ( عمك اصمخ )

    ياجماعه التلفون حق من حقوقنا يا أخي كل واحد منه عنده اهل عيب ياجماعه ماترضاها على نفسك لا ترضاها على غيرك

    يقولون التلفون يسبب خلل بالأشارات وبالأجهزه و و و و و

    اوكي تلفون الفيلد اوبريتر يفرق عن تلفون السكشن هد

    للعلم السكشن يهد يدش الوحده ويتمشى فيها وتلفونه بجيبه ماشفنا الوحدات اختربت ولا طفت المكاين ولا صار شي

    ولا السكشن هد تلفونه نازل من السما؟؟ تراه اي فون

    يا جماعه مانبي اندخل اي فون نبي بوترييك بو لييت
    يا اخي اليابان مسويه اجهزه خاصه حق المصافي اذا طاحت ماتسوي سبارك ماتخرب لجهزه ما تأثر عليها

    سووو صفقه حق التلفونات وعرضوها للبيع لو الواحد تشترونه ب 20 دينار وتبيعونه ب 200 لنا عادي راضيين

    سوولنه دبره ترا زهقتاااااااااااااااااااااااااااااااااااااااااااااااااااااااا
     
  2. Knpc lawyer

    Knpc lawyer بـترولـي نشيط جدا

    271
    1
    16
    وعليكم السلام ورحمة لله وبركاته...

    لا ياعزيزي الموضوع موسالفة يخرب المعدات لانه مثل ماتفضلت مسؤولينك يتكلم بالتلفون بنص الوحده وازيدك بعد التلفونات السيفتي اللي ماتصدر اشعاعات همن ممنوع ادش تبيها بصريح العباره مسأله امنيه بحته خاصة عقب احداث الشعيبه والاحمدي ... انا ضد هالموضوع لكن شنسوي لما يقولون امنيا كلنا نسكت خوفا على هالديره...*
     
  3. الى متى

    الى متى بـترولـي نشيط

    121
    7
    18
    في حل ماكو شي ماله حل
    خل التلفون السيفتي مراقب
    لأنه اتوقع انه الشلترات فيها تلفونات ارضيه وتحت الرقابه تحسب لأي طارء
    خل التلفونات السيفتي مراقبه هم تحسبا لأي طارء
    وادري بيكون ردك مدام عندك تلفون ار ضي شتبي بالموبايل ؟
    وانا برد عليك اغلبيتنا عندنا اهل ومانرضه انهم يتصلون على الأرضي كل شوي ويطلبونه من فلان وعلان
     
  4. أبـو سعــــــــــود

    أبـو سعــــــــــود بـترولـي جـديـد

    33
    0
    0
    ياليـت يسمحــون فيـها على الاقـل داخل الشلاتر او في الكنترول روم ,,

    الصراحه صعب الواحد يستغني عن التلفون والكل عارف الشي هذا ,,
     
  5. Knpc lawyer

    Knpc lawyer بـترولـي نشيط جدا

    271
    1
    16
    يااخوان انا مؤيد ولست معارض بموضوع التلفون بس الوضع حاليا سئ خاصة بالفتره الحاليه مايخفى على احد التربص الدائم لديرتنا اسأل لله ان يرد كيدهم في نحورهم ، خاصة بعد شبكة التجسس اللي صادوهم قبل فتره وبعض الاعضاء الي حسبي لله ونعم الوكيل فيهم ولائه لغير هالديره واستماتتهم بالدفاع عن اجندتهم الخاصه ، الصبر يا اخوان وانشالله في حلول بس موبالوقت الحالي ...
     
  6. الى متى

    الى متى بـترولـي نشيط

    121
    7
    18
    إحنا ناطرين هالحلول وإنشاء الله إلي كاتبه الله بيصير وإنشاء الله يسؤون دراسه عل موضوع

    والله يحفظ الكويت وأميرها وشعبها من كل مكروه
     
  7. gogo78

    gogo78 بـترولـي جـديـد

    25
    0
    0
    والله السالفة على مزاج السكيوريتي والمنشآت شهر محد يسألك عن الموبايل ويوم الموبايل مايدخل وهكذا
     
  8. الى متى

    الى متى بـترولـي نشيط

    121
    7
    18
    والله السكيورتي مالهم شغل هذي أوامر وإهما يطبقونها.
     
  9. torch-74

    torch-74 بـترولـي جـديـد

    4
    0
    0
    صراحة أنا مع السماح للموبايلات ولكن بضوابط ( عدم وجود بلوتوث , كاميرا ) بالحركه هذه إنتهينا من الأمور الأمنيه
     
  10. سفاري الكويت

    سفاري الكويت بـترولـي نشيط جدا

    ياً اخي إحنا بالمباني الادارية ما ادري ليش ممنوع
    يعني رجل الأمن يتكلم بالموبايل وبنفس المبنى فوقه ممنوع على الموظف واحنا بالمبنى لا ننزل للوحدات من المكتب للبوابة واللي يبي يتجسس عنده قوقل ايرث
    ولا تزال العقلية المتخلفة موجودة...... لا تقول حس أمني
     
  11. Knpc lawyer

    Knpc lawyer بـترولـي نشيط جدا

    271
    1
    16
    لا يا اخوان لاتظلمون السكيورتي ولله موبيدهم اوامر من فوق واهو يطبق واذا ماطبق حاسبوه ...
     
  12. صاحب سمو والسمو مصاحبه

    صاحب سمو والسمو مصاحبه بـترولـي جـديـد

    2
    0
    0
    لا وقوقل ايرث اوضح ومع الاحداثيه بعد يعني مو شغله امنيه يستريح الي يقول انها شغله امنيه تبونها على البلاط وعلى المكشوف الاداره واصلها كلام ان الهواتف النقاله راح تلهي الموظفين عن العمل عذر بايخ ياشركه
     
  13. Knpc lawyer

    Knpc lawyer بـترولـي نشيط جدا

    271
    1
    16
    للهم طولك ياروح.

    مرتاحين قبل لانشوفك شوية ادب بالحوار يزاك لله خير...
     
  14. Kuwait-37

    Kuwait-37 بـترولـي نشيط جدا

    394
    0
    0
    صباح الخير.
    أحسن حل حسب أعتقادي أن يعاد نظام "البيجر" وريح بالك.
     
جاري تحميل الصفحة...

مشاركة هذه الصفحة