يا ريت احد يفيدني

الكاتب : ريحانه | المشاهدات : 631 | الردود : 8 | ‏10 مايو 2011
  1. ريحانه

    ريحانه بـترولـي جـديـد

    7
    0
    0
    السلام عليكم
    انا عندي مشكله
    انا قدمت على الاعلان مال التوضيف على نهايه 2009
    وبعدها دقوا علي عشان الاختبارات وعديت الاختبارات كلم وعديت المقابله الشخصية
    ودقوا علي علشان اعقد
    وكان العقد غلط
    رفضت العقد وقالوا لي رح نرد اوراقج للشركه
    وبعدها بفتره راجعت الشركه قالوا لي انهم بس رح يعيدون لي اختبار الانجليزي والمقابلة
    والحين لي اكثر من 8 اشهر لا حس ولا خبر
    ياريت احد يفيدني:confused:
     
  2. بو عبيد

    بو عبيد بـترولـي نشيط جدا

    361
    0
    0
    بانتظار الوظيفة (الله كريم)
    الكويت - محافظة مبارك الكبير
    مفروض تقدمين على أي إعلان ينزل !!!!
    واحد من ربعي .. صار فيه نفس الشي...

    قدم امتحانات ومقابلة .. بس ما دقوا عليه .. راح راجعهم قالوا له انطر ندور أوراقك لأنها ضاعت!!
    نطر أكثر من 6 أشهر ولا دقوا عليه ... قدم على الإعلان اللي نزل ... يوم وصل قبل المقابلة لقوا أوراقه

    قدمي على الإعلان الياي .. منتي خسرانة شي !!
    والله يوفقكم وإيانا أجمعين :)
     
  3. الشكوىى لله

    الشكوىى لله بـترولـي مميز

    773
    0
    16
    القطاَع النفطي الخاص
    الكويت
    المفروضَ .. يعدلونها ويضبطونها من عندهم
    بما انه الغلط بالعقد من الشركه نفسهـآ
    نفرض أنج موظفه وقدمتي أستقاله على شآن
    يتم توقيع العقـد واخرتها غلط فشنوه ذنبج !!

    تنطرين و أمتحان ومقابله !! شكووووووو
    هل حجي مايصير روحيَ يابنت الحلال
    مبنى الkpc وشوفي المسؤول المختص
    وتقوليله موضوعـج , ......

    عسى ربي يوفقج
     
  4. ريحانه

    ريحانه بـترولـي جـديـد

    7
    0
    0
    شكرا على المرور
    انا رحت سالتهم بعد ما صار غلط بالعقد
    واهم قالوا لي لازم اعيد اختبار الانجليزي والمقابله
    وانا للحين انطر
    اخاف اقدم مره ثانيه على اعلان ويطلع اسمي انه مسجل ومقدمه قبل هالمره :(
     
  5. بو عبيد

    بو عبيد بـترولـي نشيط جدا

    361
    0
    0
    بانتظار الوظيفة (الله كريم)
    الكويت - محافظة مبارك الكبير
    الحركة أساس البركة .... وأختي قلت لج منتي خسرانة شي!!

    بالعكس يمكن أثناء تقديمج الجديد ... راح يلقون ملفج القديم !!

    وعسى الله يوفقكم ويوفقنا :)
     
  6. ريحانه

    ريحانه بـترولـي جـديـد

    7
    0
    0
    رديت قدمت
    طلع رقمي المدني موجود
     
  7. بو عبيد

    بو عبيد بـترولـي نشيط جدا

    361
    0
    0
    بانتظار الوظيفة (الله كريم)
    الكويت - محافظة مبارك الكبير
    راجعتي مؤسسة البترول بعد ما اكتشفتي؟؟
    --------------
    خليني أوضح شغلة معينة:

    ترى صلاحية اختبارات المؤسسة للانجليزي صلاحيتها 6 أشهر فقط!!
    بعدها لازم تعيدين تمتحنين فيه ... فإن شاء الله أوراقج عندهم جاهزة
    بس الظاهر ما وصل لج خبر قبول بالأول ... ولا لو مرفوض - على حسب علمي - إنهم يرفعون الرقم المدني من الملفات
    فتقدمين مرتين ثلاث مرات عادي ... معناه احتمال موافقين عليج ... بس لأن طاف عليج مدة طويلة فوق الـ 6 أشهر
    لازم اعادة تقييم ... روحي راجعي فيها المؤسسة!!

    بس الحين كل شي موقف ... فنطري الإعلان القادم ... أول ما ينزل قدمي فيه شوفي يصير ولا ما يصير...
    إذا ما صار روحي راجعي المؤسسة أثناء فترة الإعلان (مفتوح) ... علشان يقدرون يسوون لج شي.

    والله يوفقنا وإياكم أجمعين :)
     
  8. بو عبيد

    بو عبيد بـترولـي نشيط جدا

    361
    0
    0
    بانتظار الوظيفة (الله كريم)
    الكويت - محافظة مبارك الكبير
    ونسيت لا أقول.... إذا تتذكرين أي شركة كان اسمها على العقد مسجل.. اتصلي بقسم الموارد البشرية بنفس الشركة (اللي كان عقدها غلط) ... يمكن ملفج عالق عندهم (أو عند الشركات اللي كنتي مرتبتهم على حسب التفضيل) ... والله أعلم يمكن يصدف معاج شيء.

    وعسى رب العالمين يجزيج على التعب.. وييسر أمورج.
     
  9. ريحانه

    ريحانه بـترولـي جـديـد

    7
    0
    0
    انا لما رحت اجيك بعد ما رفضت العقد
    قالوا لي ملفي موجود عندهم
    ان شاء الله بروح اسال عن موضوعي مره ثانيه
    والله كريم :(
     
جاري تحميل الصفحة...

مشاركة هذه الصفحة