يا اداره خافوا الله في الكويت والموظفين

الكاتب : مو معقول | المشاهدات : 1,224 | الردود : 14 | ‏10 مايو 2011
  1. مو معقول

    مو معقول موقوف

    663
    0
    0
    بسم الله الرحمن الرحيم

    احب اوجه هالموضوع للإداره قبل لا يطيح الفاس بالراس...


    يا مجلس اداره اخذوا عبره من تونس

    اخذوا عبره من مصر

    اخذوا عبره من ليبيا

    اخذوا عبره من اليمن

    اخذوا عبره من البحرين

    اخذوا عبره من سوريا


    اذا ثار الموظفين ما راح يرحمونكم الا بالاستقاله او الفصل لجميع اعضاء الاداره و انصحكم بعدم المماطله اكثر من هذا...لأن البركان أوشك على الانفجار. والانفس بدأت تضيق من إذلال الاداره للموظفين وكأن الموظف يطر منهم ويبي شيء ليس من حقه المطالبه به.....

    يا اداره انا كمهندس بالقطاع....احب اقولكم زهقت وانا انطركم تعطونا كادر.......زهقت وانا انطر تعطونا مشاركة نجاح...زهقت وانا انطر زياده عامه


    ما تبون تعطونا قولوا ما نبي نعطيكم....مو تعلقونا لان والله انا خايف على البلد وخايف على تأثر الاقتصاد الكويتي نتيجه لما تفعلون.


    والله ان اكثر شي داير في بالي هاليومين ان الاداره لسان حالها يقول....شدعوه الفلوس هذي اللي تطلعها الشركات من الموظفين...هذي من البترول وارتفاع النفط والا الموظفين ما يسوون شي ولا لهم علاقه بهالمبالغ فلازم يعمل ويكرف ويصير حمار مكده وماكو لا زيادات ولا غيره.

    جماعه عريف بالجيش رابعه متوسط يستلم 1170....و مهندس بالkoc بالاحمدي يستلم 1080.....اذا الاداره ساكته عن هالامر فهذا قمة الفشل الاداري واللي بكل صراحه ما توقعت اشوفه بالقطاع النفطي وتوقعت اداره ذكيه ولكن الى الان اشوف ان المماطلات هذي ستولد انفجارات تاريخيه في القطاع النفطي هذا والله اعلم


    خايف ان ارى هالمشهد.....لا احد في وظيفته في القطاع النفطي
     
  2. بو جاسم

    بو جاسم بـترولـي نشيط

    113
    0
    16
    الى الامام
    ثور ثورة
    هيا بنا للجيش
    نفرحوا ونرقصوا
    دار دار
    بيت بيت
    زنقه زنقه
     
  3. مو معقول

    مو معقول موقوف

    663
    0
    0
    والله يا جماعه انا مستغرب من اللي قاعد يصير لأن اللي ماسك القطاع اهو السيد فاروق الزنكي وهالشخص يشهدله تاريخه بنجاح الشركات النفطيه اللي مسكها في الفتره اللي اهو مسكها فيه..............بس الحين اللي قاعد اشوفه فشل ذريع ويسجل في تاريخه....وهل يا ترى هالمنصب اكبر منه؟ او ان هناك اطراف خفيه تلعب وتتحكم بهالامور دون إراده منه؟
     
  4. كعبول

    كعبول بـترولـي نشيط جدا

    496
    0
    0
    باختصار /

    زياده مافي
    كادر مافي
    مشاركه بالارباح مافي
    بونص مافي
    انسنتف مافي

    بس في زياده بالتامينات والخصم يزيد

    عاجبكم اهلا وسهلا
    موعاجبكم تفضلو الباب ونييب بدالكم فلبينيين ولا هنود !


    وعمااار ياكويت
     
  5. مو معقول

    مو معقول موقوف

    663
    0
    0
    بإختصار هذا ما نفهمه من الاداره الحاليه.......فمثل ما يقولون قضبوا الباب.......الثورة راح تقضب هالمسؤولين الباب و راح نشوفهم مدراء على مصنع علوج و مصاصات.....
     
  6. Stop Solidere

    Stop Solidere بـترولـي نشيط

    101
    0
    0
    أخوي يشهد الله أن كلامك سليم وفكرك واعي !


    لكن للأسف أنت حارق أعصابك على شي ما أظن أنه راح يصير ..
    لأن السالفه واضحه من شهرين .. لوكان في شمس بانت من أمس

    يعني بـ العربي .. النقابه ساكته .. لمصالحها الشخصيّه وأعضاء مجلس الأداره كل ٍ يفكر كيف يصعد للأعلى
    أما الموظف يحترق يموت يستقيل مايهم !؟

    والأدهى والأمر أن أغلب الموظفين جبناء ماراح يسوون شي ولا راح يضربون لأنهم مايقدرن ماهو حرص على الوظيفه
    وأنما خوف من الرؤس العلياء

    والله يوفق
     
  7. كويتي نفطي

    كويتي نفطي بـترولـي نشيط

    65
    0
    0
    مو بكيفهم نشتغل بشركاتهم واحنا ماندري ؟؟؟ والله احنا الموظفين والنقابات والاتحاد مافينا خير اذا ما سوينا حالنا حال هالوزارات ونسوي اعتصام ونطالب بقوه مو كل واحد ساكت وحاط حرته بالمنتدى لي متى يعني ؟
    وهالاتحاد ساكت لي متى والنقابات لي متى ساكتين وينهم
    ليش مانسوي لنا يوم نعتصم فيه وناخذ مطالبنا بالغصب مو بالطيب بس الشرها علينا
    اللي كلنا ساكتين وحرتنا بالمنتدى
    واذا انتم ماراح تسووون اعتصام وانا اولكم
    عسانا بهل الحال واردى
     
  8. مو معقول

    مو معقول موقوف

    663
    0
    0
    لانا اذكر نقابة البترول الوطنيه نفذت اضراب وقال الشويب الله يذكره بالخير....اعلى ما في خيلكم اركبوه........و قالوا اضراب....قبل الاضرب ب8 ساعات تمت الموافقه على طلب النقابه و وقع الزنكي القرار و صدره و تمت الموافقه عليه.

    هل ادارة القطاع النفطي تبي كل شي نستحقه ناخذه بهالطريقه الفاشله؟ صراحه شيء غريب واداره فاشله اذا ما تلاحقت نفسها
     
  9. خالد م

    خالد م بـترولـي نشيط

    72
    0
    0
    يا ليتك تروح تعيش بمصر ولا ليبيا ولا تونس ولا اليمن ولا البحرين ولا سوريا .... عشان تعرف بالكويت شلون إنت متدلع
     
  10. Coventry

    Coventry بـترولـي نشيط

    147
    0
    16
    الحمدلله على النعمة

    بس الحق حق يقـال
     
  11. مو معقول

    مو معقول موقوف

    663
    0
    0
    اخوي انا كويتي واحس بالظلم بهالقطاع........وتبيني اسكت نتيجه للظلم الواقع على اخوانا بهالدول؟...اخوي انا ما قلت شي غلط ومو قاعد اتدلع....انا اشوف من حقي ومن حق اي موظف المطالبه بإعطاءه حقه الوظيفي....اخوي انا كمهندس ما ابي اكثر من ان يعطوني الكادر......واخوانا الموظفين مايبون اكثر من ان يعطونهم الزياده...يعني ما نبي شي كبير ولا طالبنا بشيء مو من حقنا.

    والبركان يغلي على قدر الظروف...وخايف على القطاع من الخساره الاقتصاديه اللي راح تنتج عن هالبركان....وعلى شان جذي حطيت هالموضوع قبل لا يطيح الفاس بالراس
     
  12. خالد م

    خالد م بـترولـي نشيط

    72
    0
    0
    عفو إستاذي الفاضل
    من حقك الإنتقاد ومن حقك السعي للحقوقك
    ليس من حقك أن تشبه الكويت بدول قمعية مثل اللي ذكرتها
    ليس من حقك أن تشوه سمعة وطنك
    إذا أردت المقارنة ما بين الكويت والدول التي ذكرتها حضرتك فنعم أنت بنعمة كبيرة ويصل عند البعض إلى الدلع
     
  13. k64484

    k64484 بـترولـي جـديـد

    29
    0
    0
    INSTRUMENT ENGINEER
    KUWAIT
    السلام عليكم اخوي اصبر خلال 6 سنين توقع 15 معاشك يتعدل لاتنسى التذاكر السنوية وميزة الاثاث راح يكون من 1080 الى 1500خلال 6 سنين و لاتنسى ربعك الدبلوم يبيلهم كم سنه لين يوصلون عندك هذي هم ميزه قول الحمدلله معاشك راح يتعدل انشالله.
     
  14. aLRo7

    aLRo7 بـترولـي نشيط

    106
    0
    0
    السلام عليكم
    اخوي خالد
    عيب منك هل كلام تقول حق الاخ اللي قال وجهة نظره الدلع وتدلع
    ياخوي خلك راقي في طرحك
    وانا مع الرجال ما غلط بأي شي وانا على فكره ماني مهندس
    بس بصراحه اشوف ظلم في رواتب المهندسين في القطاع النفطي
    والاخ لما ذكر الدول العربيه ذكرها من الظلم اللي كان وشوف اخرت العالم اللي ظلمت
    الرجال كان واضح بكلامه ليش دايماً لما نشوف واحد يتكلم يهجمون عليه العالم
    ياخي احترم كلامه وعلق عليه بأسلوب راقي
    واتمنا يا اخوي ماتزعل من كلامي
     
  15. مو معقول

    مو معقول موقوف

    663
    0
    0
    اخوي انا ما شبهت الكويت بالدول....انا شبهت الاداره بالدول بأدرتنا واذا تم تجاهل حقوق الموظفين وعدم اعطائهم حقوقهم فمن الطبيعي انهم راح يثورون ويسببون كارثه بالاقتصاد الكويتي حتى يتم اعطائهم حقوقهم...ومن بعد ذلك اعتقد ان النواب والوزير ما راح يسكت و راح يتم معاقبة هالاداره............

    اخوي انا كويتي انت مو من حقك اصلا تقارني بدول اخرى وتقولي مدلع...قارني باللي نفس مستواي الوظيفي بشركات البترول الخليجيه......والا اهم مدلعين بعد؟ هذا اللي ناقص يقولي الكويتي مدلع.......اخوي تدفع اكثر تتطور اسرع هذي السالفه ومافيها
     
جاري تحميل الصفحة...

مشاركة هذه الصفحة