استشاره من اخوكم الصغير؟؟؟

الكاتب : abosaad | المشاهدات : 6,103 | الردود : 12 | ‏10 مايو 2011
  1. abosaad

    abosaad بـترولـي جـديـد

    9
    0
    0
    السلام عليكم جميعا احييكم على تعاونكم اللي لاحظته وانا اتصفح المنتدى

    انا اخوكم الصغير ابو سعد

    حاب استشير الاعضاء اللي لهم باع طويل او اللي يفهمون كثير في الشركه

    انا ألحين ادرس بالصف 12 علمي وصراحه ماني شاطر >>>>>ادعولي ان الله يوفقني وانجح

    سمعت ناس يسولفون من فتره >>>> عن الطلبه اول مايتخرجون يسجلون عقد مع الشركه ويدرسون في معهد التكنولوجيا ويطلعون منها بمساعد مهندس

    وعقب الشركه تسفرهم على حسابها ويكملون دراستهم ويجيبون هندسه

    وطبعا بهالفتره هذي الشركه تعطيهم معاش ويا دعم العماله

    هل الكلام صحيح 0000 ماابي ابني امال ويطلع خرطي!!

    ان كان صحيح او لا ابي استشيركم

    شنو تنصحوني فيه بعد التخرج من ال 12 خاصه اذا جبت نسبه ضعيفه؟

    شنو افضل دراسه واذا درست بمعهد التكنولوجيا شنو احسن تخصص>>>> ابيه يكون نادر عشان اضمن انهم يقبلوني

    اهم شي عندي التخصص استفيد منه العمر كله ويكون معاشه راهي جدا

    وشنو احسن شركه اسجل فيها

    لاتحرموني من نصايحكم >>>> انا اكبر اخواني وحاب افرح اهلي >>>>> عاد اهم اهم شي الهندسه

    في ناس قالولي هندسة الاتصالات نادره >>>>>> والصراحه انا مو فاهم شي ولا احب الدراسه

    بس ودي ارضي الوالده وافرحها

    ودمتم بود اخوكم ابو سعد

    * اشتركت وياكم بالمنتدى >>>>> لاني ان شاء الله بصير احد موظفين فيها ان الله اراد

     
  2. abosaad

    abosaad بـترولـي جـديـد

    9
    0
    0
    مارديتوا علي ؟!‏‏وين فزعتكم ؟!‏
    ؟‏!‏
    ‏و
     
  3. موادع

    موادع بـترولـي نشيط

    141
    0
    0
    شد حيلك وحاول انك تجيب نسبه فوق الــ 60 لأنك اذا جبت بالخمسينات اعتقد ما يقبلونك كلية التكنولوجيا ..
    اما بخصوص سؤالك عن تخصص ( تشغيل مصافي ) هذا تخصص للــ knpc يعطونك وانت تدرس 300 دينار من الشركه و100 دينار من التطبيقي يعني المجموع 400 دينار وانت طالب بس اعتقد من الكورس الثاني يوقعون عقد معك .. اما احسن شركه انا اعتقد انها koc
    وتخصصات التكنولوجيا اللي تدخلك الــ koc قوى محركه / هندسة بترول وغيرهم
    وبالتوفيق
     
  4. abosaad

    abosaad بـترولـي جـديـد

    9
    0
    0
    لا خلا ولا عدم لاهنت يااخوي

    بس ابس اسأل هل مشغل مصافي شنو دراسته>>>>هندسه يعني ؟؟؟

    انا حاب اصير مهندس عقب مااتوظف >>>>اسافر بالخارج واجيبها اذا كاتبها لي

    شلون طريقه التوظيف عند ال كي او سي >>>>يعني اول مااخذ الشهاده الثانويه اقدم توظيف او اسجل بالمعهد التكنلوجيا وعقب اقدم؟؟؟

    سامحني على كثر الاسئله محتاج الاجابه والتوضيح اكثر

    ودمتم
     
  5. موادع

    موادع بـترولـي نشيط

    141
    0
    0
    والله واحد يقول ما يصير تكمل وواحد يقول يصير تكمل وتصير مهندس كيميائي.. اما التوظيف عند الكي او سي تدش التكنولوجيا وتاخذ الدبلوم بعدين توظف باعلان مو على طول ... انا انصحك بتخصص (قوى محركه) تخصص صعب بس مطلوب بكل الشركات النفطيه الكي او سي او الكي ان بي سي ونفط الخليج ووزارة الكهرباء والماء يعني عندك اكثر من جهة تقدر توظف فيها بهالتخصص وتقدر تكمل هندسه عليها بسهوله وتصير مهندس ميكانيكا
    وبالتوفيق
     
  6. abosaad

    abosaad بـترولـي جـديـد

    9
    0
    0
    بارك الله فيك اخوي
     
  7. abosaad

    abosaad بـترولـي جـديـد

    9
    0
    0
    لله الحمد والمنه 0000ابشركم نسبتي 74% علمي

    ولا ازال محتاج مشورتكم
     
  8. بو عبيد

    بو عبيد بـترولـي نشيط جدا

    361
    0
    0
    بانتظار الوظيفة (الله كريم)
    الكويت - محافظة مبارك الكبير
    إذا تبي القطاع النفطي:
    كمل بكالريوس: هندسة ميكانيكية أو هندسة كيميائية.
    أو
    كمل دبلوم: هندسة ميكانيكية أو هندسة بترول.

    نسبتك حرام تحرقها تدخل القطاع ،، دام عندك فرصة تدرس ،، كمل دراسة.
     
  9. abosaad

    abosaad بـترولـي جـديـد

    9
    0
    0
    [جزالك الله خير ياابو عبيد >>>>تصدق انا شاك انك ابوي؟؟؟

    والله مااكذب احس كلش مالي نفس للدراسه وبنفس الوقت ماابي اضيع سنه من عمري

    حولوا فيني اكمل بره الكويت او ادش بالتكنولوجيا 0000بس والله احس مافيني ادرس ولا راح افلح

    قاعد اقنعهم بالضباط ومو راضين

    عمي يقول توظف بالشركه دام اني علمي وعقب مااصير عشرين سنه اسافر واكمل دراستي >>> عاجبتني الفكره

    لسبب واحد ماابي ادرس ولا اشوف كتب


    لاهنت ابو عبيد وبالتوفيق واشكركم على حرصك بالرد علي
     
  10. بو عبيد

    بو عبيد بـترولـي نشيط جدا

    361
    0
    0
    بانتظار الوظيفة (الله كريم)
    الكويت - محافظة مبارك الكبير
    اسم نصيحة وراح اخلي الاختيار لك:

    احد افراد عائلتي ماخذة دكتوراه: يعني 12 سنة مدارس + 5 بكالريوس + 2 ماستر + 2 دكتوراه

    21 سنة دراسة ،، سألتها يوم تخرجت من الثانوية ، شنو اتخصص وشنو ادرس؟ ابي اشتغل بعدين اكمل دراستي مليت منها !!؟
    قالت لي (وربي انها صادقة بكلمتها) : دام عندك مجال تدرس ادرس ، لان الرجوع لمقعد الدراسة بعد ما قعدت كـ موظف صعب جداً جداً
    واذا كنت بحياتي متحسفة على شيء راح يكون انقطاعي عن الدراسة للعمل ، لان العمل اسهل من الدراسة لانه روتين والدراسة شغف.

    راجع نفسك وأهلك بالموضوع وبهالكلام ،، خلك طموح ولا تقول أني فاعل كذا وكذا بعد سنتين ثلاث ،، نسبتك طيبة حرام تحرقها.
    ومستعجل على الشغل ليش،، أخذ هندسة بخمس سنين او دبلوم سنتين ،، لا تخاف لاحق على الكرف والتعب ، ووفقك ربي.
     
  11. abosaad

    abosaad بـترولـي جـديـد

    9
    0
    0
    لا خلا ولا عدم يابوعبيد >>>>>>انا اسمي عبيد

    على عيني وراسي بكل كلمه قلتها وفقك الله


     
  12. kokaieen

    kokaieen بـترولـي نشيط

    111
    0
    0
    حبيب قلبي خل عنك كلام الشياب والي ايده بالماي مو مثل الي ايده بالنار

    والوظايف قاعد تصير كل مالها صعبه الحين

    نسبتك حلوه

    اذا تبي تدرس دش التكنلوجيا

    واذا تبي شي مستقبله حلو ومركز

    دش 1- ظباط الشرطه 2- ظباط الحرس

    معاش ومركز

    واذا تبي معااش قوي ومستقبل حلوووو

    دش القطاع النفطي

    1- مشغل حقل

    2- مطافي

    او دش تكنلوجيا وبعدين بترول تقدم عليها .. اذا فيك صبر ونسمك طويل ..

    واذا ولله قافله معاك روح مشغل حقل ودربك خضر

    هذي نصيحتي لك وانت كيفك عاد
     
  13. abosaad

    abosaad بـترولـي جـديـد

    9
    0
    0
    جزاك الله خير اخوي كوكايين
     
جاري تحميل الصفحة...

مشاركة هذه الصفحة