نبي توضيح شنو اهي اسباب الفصل

الكاتب : الشيبة | المشاهدات : 3,025 | الردود : 30 | ‏8 مايو 2011
  1. الشيبة

    الشيبة بـترولـي نشيط جدا

    233
    0
    0
    شنو اهي اسباب فصل الموظفين ... ليش تم فصلهم عن العمل .... لازم توضحون لنا وين الظلم اللي وقع في الفصل .... يعني احترموا حريتنا في الاختيار .... السالفة مو فزعة .... اذا كان في ظلم وقع على الموظفين في الفصل احنا معاكم .... لكن وضحوا لنا بالاول ... لان في كلام ان الشركة عندها مبررات قانونية للفصل.

    احترموا حريتنا في الاختيار... طلبوا رأينا بالإعتصام .... احنا ما حنا قطيع تجرجرونا وراكم !!!

    اذا كان اجراء الفصل في مصلحة الشركة والعمل وبالتالي مصلحة الكويت ،،،، فمصلحة الكويت فوق مصلحة العمال غبر اللمشروعة ... اما اذا كان الفصل تعسفي فاحنا معاكم وضد الظلم وانتهاك الحقوق ....


    يرجى التوضيييييح !!!*
     
  2. API 18

    API 18 بـترولـي مميز

    513
    0
    0
    والله يسلم فاهك. هذا الكلام الصح بتقعدون الدنيا وبتقومونها واحنا ماندري شالسالفه. لا وطالع وين مكان الاعتصام. *
     
  3. الشيبة

    الشيبة بـترولـي نشيط جدا

    233
    0
    0
    معقولة مافي احد يقدر يوضح لنا شنو اهي اسباب الفصل ... !!! وهل فعلا الكلام من ان مع المفصولين عضو في النقابة !!!!

    يا جماعة الاعتصام اسئلة منو يجاوبني عليها !
     
  4. الشيبة

    الشيبة بـترولـي نشيط جدا

    233
    0
    0
    يا جماعة تكفون نورونا اسباب الفصل شنهي !!!
     
  5. jambi

    jambi بـترولـي نشيط

    105
    0
    0
    اللي اعرفه ان غياب متكرر بدون عذر و الف مرضيه و اداء من سيء الى اسوء 4 سنين متتاليه .. و بعد الف انذار و تنبيه ما تعدلو
    فتم الفصل! و اكويت لديها كل البراهين و الادله على حسب كلامهم

    الصراحه لو انا جان فاصلهم من اول انذارين!!!!


    اللي صاير في رايي تكسب انتخابي
     
  6. الشيبة

    الشيبة بـترولـي نشيط جدا

    233
    0
    0
    !!!!!

    ارجو من واحد من النقابات تاكيد او نفي الكلام ..... يعني اذا كان هالكلام صحيح اللي تفضلت فيه فما اقول الا الشره مو عليكم الشره علي اللي حطكم .... يعني شلون يعيني .... انتوا موجودين عشان تدافعون عن حقوقنا المشروعة ولا تدافعون عن الحقوق الغير مشروعة !!!! كل هالخبه والاعلان مدفوع الاجر اللي نزل بالجريدة منو دافع حسابه !!!! كل هذا عشان ناس ادئهم ضعيف وغيابهم متكرر تم فصلهم ... يعني شنو تبون الشركة تسوي معاهم .... تبون بس تدامون على كيفكم وما تشتغلون بس شغالين تقارير طبية وآخر شهر تبون راتب ومحد تبونه يحاسبكم علشان انكم كويتيين !!!

    يبه هذ شركة بترول مو مؤسسة خيرية !!!!

    اذا كان هذا الكلام صحيح فهذا يعتبر تعسف باستخدام مراكزكم ومضعية للامانة اللي العمال حطوا في رقبتكم وهي الدفاع عن حقوقهم المشروعة ... مو تضيعون الوقت وتدفعون فلوس في الدفاع عن حقوق غير مشروعة .... منو يتحمل ضياع الوقت والفلوس في هالقضية ... مو الموظفين !!! باي حق تستغلون مراكزكم بهذا الشكل !!!!

    لا تنسون ان احنا مؤتمنين على القطاع النفطي ولازم نطوره ونرفع من شانه الشي اللي بالاخير ينصب في مصلحة الكويت .... يعني منو اولي مصلحة الكويت ولا مصلحة العمال ... لا والمشكلة ان هذه المصالح مثل ماتفضلوا الاخوان مصالح غير مشروعة .....

    وجود الناس الكسالى بالقطاع النفطي يضر بالقطاع ... يعيني بالاخير يضر بمصلحة الكويت .... انتوا وين بتودونه البلد تدى فيه اللي مكفيه ....

    لا تنسون ان دورنا في العمل من اجل مصلحة الكويت اهم مني ومن اي موظف ثاني في القطاع .... ولا المصالح الانتخابية اعمتنا عن الامانة اللي باعناقنا ....

    اخيرا اتمنى انه يكون الكلام مو صحيح من ان الفصل كان مبرر .... وبانتظار التوضيح من النقابات !!!!
     
  7. نفط العرب

    نفط العرب بـترولـي جـديـد

    3
    0
    0
    هذي مشكلة بعض الموظفين في نفط الخليج يعيشون دور تنافس القوائم لين يتقاعد
    اتمنى رئيس الاتحاد مايكون من هالشركة مانبي نبلش بربع القوائم يدرعمون في قضايا العمال في القطاع النفطي
    ويحوسونها ويتبلون على العمال نكاية في رئيس الاتحاد اللي من نقايتهم
    الله يبلاكم في انفسكم نفس ماتبلون على العمال المساكين اللي مقطوع رزقهم وضايع مستقبلهم
    وانتم تبوسمون بالضحكات الصفراء خلف الشاشات
     
  8. الشيبة

    الشيبة بـترولـي نشيط جدا

    233
    0
    0
    الى الآن ما في آي توضيح !!!!
     
  9. الشيبة

    الشيبة بـترولـي نشيط جدا

    233
    0
    0
    معقولة فوق ال400 مشاهدة وما في احد يأكد لنا هل كان الفصل تعسفي ولا لأ !!!! من حقنا ان نعرف الأسباب الحقيقة للفصل !!!! خلونا نعرف بالضبط هل كان تحرك النقابات بدافع مشروع ولا غير مشروع ... لأن الآسباب اللي للحين انقالت كلها اسباب مشروعة للفصل

    هل بندافع عن مصالح موظفين غير مشروعة على حساب مصلحة الديرة في آن القطاع النفطي وهو شريان البلد يمشي على أحسن نظام !!!

    نبي توضيح ... فإذا كان الفصل تعسفي فحنا معاكم ومع رفع الظلم عن الموظفين المظلومين ومع إعادتهم للعمل <<< بس وضحوا لنا شنو الأسباب !!!
     
  10. q8trucks

    q8trucks بـترولـي نشيط

    62
    0
    0
    اللي صار فصل تعسفي بسبب تقارير آخر سنتين كانوا ضعيف , ولم تعمل الشركة او تقوم بما هو مطلوب منها تجاه اي موظف
    يكون تقريره ضعيف , فمن واجب الشركة معرفة الاسباب التي دفعت الأخوة الى أن ينالوا تقارير ضعيفة لسنتين متتاليتين
    واتخاذ اجراءات لهم من شانها أن ترفع كفاءة وعمل وراحة الموظف في جو العمل السائد له وذلك بعدة امور منها على سبيل المثال
    دورات تدريبة , نقل الموظف لقسم آخر , اعادة التاهيل للموظف .. إلخ
    ولكن الشركة بدون أي سبب مقنع واشدد على كلمة مقنع اقرت بفصل الموظفين الكويتيين من العمل بدون اشعار مسبق
    وهذا مخالف لأبسط اجراءات العمل الاهلي والقطاع الخاص
    فمن شأن هذا العمل تكون سابقة لجميع الشركات الخاصة يأحقية الفصل للموظف الكويتي بدون اشعار وبدون ابداء اسباب منطقية
    اي انهم ممكن ان يفصلونك من العمل حتى وان كنت مجتهد وتعمل بكفاءة وليس لك الحق بالمطالبة بحقوقك المشروعة وايضا
    من بعد الفصل لا يحق لك ان تتقدم لاي وظيفة ايا كانت لمدة سنة اي راح تشحذ

    لذلك دافع عن اخوة لك وعن أسر دفعت الى الشارع وحاول ان تكون محضر خير لهم وليس عليهم
     
  11. الشيبة

    الشيبة بـترولـي نشيط جدا

    233
    0
    0
    مشكور يا خوي على التوضيح .... وانا ماني ضد المفصولين ولا شي وكلامي كررته اكثر من مرة .... اذا كانوا هالموظفين مفصولين فصل تعسفي فحنا معاهم ومع اعادتهم للعمل وضد الشركة للي تاخذ قرارات تعسفية مثل هذه !!! لكن اذا كانوا هالموظفين شغالين طبيات ومايدامون وآدائهم ضعيف فحنا مو معاهم لأن هالموظفين ممكن يضرون بالقطاع النفطي اللي احنا مستأمنين عليه !

    القطاع النفطي لازم ندفع عن آي ضرر و أي وجه من آوجه الفساد .... لأن بالنهاية مصلحة الكويت في مصلحة القطاع النفطي ... وحنا لازم نوقف كلنا ضد اي مسبب للضرر ... مو ندعم هذا الضرر!!!! ... يعني شغلتنا في النفط شوفها مو بس عمل وراتب والسلام .... بس احسبها ايضا امانة كبيرة عشان نحافظ عليها !!!

    ضد التعسف ضد التعسف ضد التعسف من أي جهة كانت ... سوا من الشركة أو من النقابات آو من الموظفين !!! ومع المظلوم ايا كان هذا المظلوم !!
     
  12. أبـو سعــــــــــود

    أبـو سعــــــــــود بـترولـي جـديـد

    33
    0
    0
  13. Petroo

    Petroo بـترولـي جـديـد

    10
    0
    0
    2
    الشركة خاصه مافيها روح تعال
    طبيات 6 اشهر حتى لو الشخص نقسه تعبان من صج ماتنفع
    والشركة قالت كلمتها بالتقارير مو ملزومه تسوي اكثر من جذيه
    الله يعوضهم
     
  14. Knpc lawyer

    Knpc lawyer بـترولـي نشيط جدا

    271
    1
    16
    السلام عليكم ورحمة لله وبركاته

    اسعد لله صباحكم بس عندي تعقيب على كلام الاخ اللي يقول سمعنا خل عنك هالسالفه ولاتروج لها ، انا مع اقتناعي التام بانه النقابه سيئه جدا بس ماعتقد وصلت فيهم السذاجه لي هالدرجه وحبا فالله لاتلقون التهم على خوانكم الاخرين ترى اللي ايده بالماي مول اللي ايده بالنار ودمتم...
     
  15. q8trucks

    q8trucks بـترولـي نشيط

    62
    0
    0

    جبتها على الشيبة :)
     
  16. q8trucks

    q8trucks بـترولـي نشيط

    62
    0
    0


    الله لا يسلطك على بشر اللهم آمين , خاف الله فيهم وبعوائلهم
     
  17. الشيبة

    الشيبة بـترولـي نشيط جدا

    233
    0
    0
    شنو اهي اسباب فصل الموظفين ... ليش تم فصلهم عن العمل .... لازم توضحون لنا وين الظلم اللي وقع في الفصل .... يعني احترموا حريتنا في الاختيار .... السالفة مو فزعة .... اذا كان في ظلم وقع على الموظفين في الفصل احنا معاكم

    هذا كلامي يا خوي بأول مشاركة لي بهذا الموضوع اذا انك ماشفته ...... نبي توووضيح .... هل فعلا كلام الشركة والكلام اللي قاعد يندار صحيح ولا لأ !! ما شفت واحد من النقابات بين لنا ليش الفصل كان تعسفي .... شلون يطلبون منا نحضر ونفزع معاهم !!

    ارجع وأكد نحن ضد اي ظلم يقع على اي موظف في القطاع .... واذا كان فصلهم تعسفي .... فحنا في صفهم ومع عودتهم للعمل ... اما اذا كان التعسف من الموظفين ... فحنا مو وياهم في قضيتهم !!!

    الى الآن ما شفت توضيح بالأدلة من النقابات ... علشان نفهم بس !
     
  18. Knpc lawyer

    Knpc lawyer بـترولـي نشيط جدا

    271
    1
    16
    اشكرك على تفاعلك اخي الكريم

    ولله للامانه لا املك المعلومات الكافيه في هذا الموضوع بس حز في نفسي انه فوق ما الاخوه مفصولين ومن غير وسيلة دخل قمتو عليهم فوق ماادارتهم متوليتهم ونقطتي الي ابي اوصلها تريثو لنعرف المعلومات الاكيده عنطريق القنوات الرسميه لكن سمعت وقالولي ووصلني خبر من مصدر موثوق كلام ماخوذ خيره ولوكانو مفصولين بحجج قانونيه لكنت انا اول المعارضين لكن دام الموضوع تدخلت فيه نقابات واتحاد معناته اكيد في تعسف وظلم بالموضوع وسلامتكم تحياتي لكم...
     
  19. الشيبة

    الشيبة بـترولـي نشيط جدا

    233
    0
    0
    ياخوي وين هذه القنوات الرسمية ... المنتدى على الأقل مكان نقدر نوصل فيه صوتنا... لا تصريحات رؤساء النقابات ولا البيانان فيها شي واضح... وبالمقابل بيان الشركة واضح ان الموظفين آدائهم ضعيف وتم اعطائهم فرصة والمستندات موجودة... والنقابات ماشفنها منها غير الصيحة .... عطونا توضيح ...
     
  20. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    ياخوي انت اذيتنا والسالفة كلها اعتصام ونبي نعرف ونبي نفهم وجالس راهي تقط السوالف على المفصولين وتحط اللوم عليهم
    وبعد ماخلص الاعتصام طلعت لنا بسالفة الاضراب اللي يضر بالكويت وانت مارحت للاعتصام على الاقل تفهم بنفسك وين العالم رايحه
    والشي الثاني ماتبي تشارك في الاضراب لأنك تعتقد الاضراب يضر بالكويت ولايمكن تشارك مهما كانت الاسباب حسب اللي فمته منك

    ممكن تجاوب هالسؤال الله يغفر لك ؟ شنو تبي في توضيح الاسباب وانت مامنك فائدة ومضرتك اكثر من نفعك !
    اعتصام وسويت لنا مناحه والحين شغال على سالفة الاضراب ( نبي نفهم ياجماعة بس نفهم نبي نفهم ياجماعة بس نفهم )
    قل الاستيعاب مالنا ذنب فيه وناخوك ولو نقعد وياك ايام نشرح لك بتقول نبي توضيح ياجماعة معقوله محد يعرف ! الكل ساكت

    ولاتقول انك مع الموظف المظلوم واعادته لوظيفته وانت رافض المشاركة في الاضراب إلا اذا ناوي تفتح موضوع
    في المنتدى وترجعه لوظيفته !

    الموضوع اصبح تشهير واساءة في حق الزملاء أكثر منه بحث عن معلومه ولو كانت السالفة عن زيادة بالطقاق
    لكن القضية تعلق باخوانا المفصولين وضاع مستقبلهم وانت قاعد كل يوم ترفع موضوعك على غير سنع
    وفهموني واشرحولي ووضحولي وبقطوني يالله ان تفرق بينا وبين الردي !​
     
جاري تحميل الصفحة...

مشاركة هذه الصفحة