سؤال بريء: ليش القطاع النفطي يدعم الدراسات العليا ؟

الكاتب : Coventry | المشاهدات : 2,431 | الردود : 27 | ‏8 مايو 2011
  1. Coventry

    Coventry بـترولـي نشيط

    147
    0
    16
    اذا كان الموظف صاحب الشهادة العليا (ماجستير او دكتوراة) حاله من حالة البقية من حيث الراتب و الأفضلية في الترقية هذا يعني انه الشهادات ما منه فائدة او انهم مظلومين من قبل القطاع !!!!!!

    ليش الدعم المادي للشهادات العليا ابي اعرف يعني ندعم و من ثم اسفط شهادتك و عليك واحد !!!!!
     
  2. باش دبلوم

    باش دبلوم بـترولـي نشيط جدا

    194
    0
    16
    المهم الشغل والانتاجيه والاخلاص فى العمل والشهاده تحصيل حاصل فى ناس اصحاب مؤهلات عاليه وتدرجوا فى الوظائف الاداريه بسرعه لاخلاصهم وفهاميتهم وفى اصحاب شهادات عاليه اسمحلى اقول لك هو والطاوله واحد هذا يستريح ويسفط شهادته او يعلقها فى الديوانيه احسن له.
     
  3. Coventry

    Coventry بـترولـي نشيط

    147
    0
    16
    اذا كان هذا توجة الشركة ليش تدعم الشهادات هل عشان تتعلق بالدوانية !!!؟؟؟
     
  4. sporty196

    sporty196 بـترولـي نشيط

    105
    0
    0
    شوف اخوي من وجهة نظري الشخصية و انا واحد ما عندي ماجستير او دكتوراه و لكن فقط بكالريوس:

    الهدف من اعطاء شخص ما شهادة بكالريوس ليس للشهادة بانه فاهم في هندسة البترول مثلا، بل للشهادة انه هذه الشخص وصل لمرحلة من النضوج الفكري انه يقدر يعلم نفسه بنفسه (عنده لغة هندسية قوية-عنده مهارة التواصل مع المختصين كتابة و قراءة و محادثة- الخ)

    فعكس ما يظنه الناس انه مهندس الكهربا اذا تخرج مثلا يقدر يصلح مكينتهم مالت البر :)
    و دائما تلقى المهندس مثلا يتعلم من الفنيين في البداية و لكن قدرته على تطوير نفسه و تحليل الامور تفوقهم فيما بعد (مو جميعهم طبعا)

    فبالنسبة للشركة شهادة الماجستير لا تمثل زيادة حقيقية في مقدرة الموظف و انما هي طورت معلوماته في مجال بحثي صغير (تلقى رسالة الماجستير او الدكتوراه في شي صغير و محدد)

    الا اذا كانت بحوث متعلقة باصول الشركة مثل الكي او سي و بعثات الدكتوراه في الجيولجيا

    هذا راي البسيط*​
     
  5. ToP

    ToP بـترولـي نشيط

    70
    0
    0
    100٪ صح
     
  6. مو معقول

    مو معقول موقوف

    663
    0
    0
    :) الحمدالله والشكر

    دائماً وابداً وفي الكويت فقط يستنتجون الامور بعقولهم ويعتمدونها ويعتبرونها صح 100% واذا ما تواجدت الكلمه السحريه (عزالله انك صاج) فإن نيوتن بنفسه لن يستطيع ان يغير مجرى العمليه لا بقوانينه ولا بأفكاره ولا بمعتقداته ولا بخشمه

    واحد ما درس ماجستير ويستنتج والاخر يقوله صح لا و 100%

    اخوي المهندس موظف ذات احترافيه فذه اذا كان متخرج من جامعة الكويت اما اذا من جامعة اخرى...فالفني يفوقه بمراحل ويشفطله بعد.

    والماجستير تزيد من التحصيل العلمي ومبادئ المتعلم ويتعلم امور جديده في مجال تخصصه قابله للتطبيق في مجال عمله.



    فماله داعي واحد يشير والثاني يأكدله بنسبة 100%



    اخوي القطاع النفطي للأسف ما يحترم الدراسات العليا سواء ماجستير او دكتوراه الا اذا كان واحد من عيالهم على شان يمسكونه منصب...بس اذا مو من عيالهم...يحاولون بشتى الطرق انهم يطفشونه والدليل على ذلك عدم التشجيع واعطاء ميزه ماليه او قياديه بالقطاع لمن يحملون الشهادات العليا....وهذا فشل كبير بالاداره
    ويا للأسف اذ ساد الفساد في الاداره كلها...اللي الى الان وموظفين القطاع يستلمون معاش اقل من اخوانهم بالدول المجاوره لنا بكثير....والمهندسين يستلمون اقل من اخوانهم بالوزارات و لا يحزنني الا ان عسكري برابعه متوسط بالجيش اذا وصل الى عريف فإن معاشه يشفط للمهندس اللي توه متعين بالاحمدي...بصمة عار صراحه في حق الاداره الفاشله
     
  7. nameIess

    nameIess بـترولـي جـديـد

    24
    0
    0


    برأيي المتواضع، البكلريوس في الهندسه هي المرحلة التي يتم فيها تعريف الشخص بأبجديات الهندسه. ففي هذه المرحله يتعرف على معنى الهندسه، المسطلحات الهندسيه، وما سيتعامل معه المهندس. وفي نفس الوقت يعطى الادوات الاساسية التي ستساعده في التعامل مع المشكلات الهندسية.

    مرحلة الدراسات العليا (الماجستير) هي المرحله التي يفترض ان يمضي فيها الطالب اولا ٨ اشهر (محاضرات ٧ ساعات بدون توقف يوميا) يتعلم ويتدرب فيها الطالب على اساسيات البحث العلمي، العمل الجماعي، والتفكير الحر. ثم يمضي بعد ذلك ٤ اشهر يعمل على انتاج رساله علمية يظهر فيها قدرته على التفكير، والبحث، والتعبير، واستخدام الادوات الهندسية اللتي تعلمها سابقا، وتفسير النتائج من استخدام تلك الادوات الهندسية وتقديم الإقتراحات لتطوير تلك الادوات الناتج عن استخدام تلك الادوات.

    من المفترض ان يكون حامل شهادة الماجستير ان يكون "متمكن من تلك العلوم" التي درسها، ولذلك عند اجتياز تلك المرحله الدراسية يمنح الطالب شهاده الماجستير، اي "Master of Science".

    اعتقد انه من غير العدل ان تتم مقارنة حامل الماجستير (او اي مؤهل علمي) مع غيره من حاملي غيرها من الشهادات العلمية. لكل مرحله علمية مخرجات محدده. القياده او الإدارة الحكيمه هي تلك التي -برأيي- تقوم بإستغلال تلك الطاقات على اكمل وجه. الشهاده مالها فايده اذا ما حطيت الموظف في المكان اللي يتناسب مع طاقته. كثير من الكويتيين over qualified على المواقع اللي يحطونهم فيها، وبعدين المسؤولين يشتكون انه الشباب غير منتج!

    الشباب اللي شايلين ماجستير ودكتوراه ما يحتاجونهم في كثير من الاماكن بالكويت، لأن بالكويت "التفكير" في الجهات المختلفة يقومون فيه ناس اجانب ويكونون في مناصب او اماكن نادرا ما ينحط فيها الشباب الكويتي (وشركات النفط الكويتيه او العاملة بالكويت عموما هي اكبر مثال).

    المشكله هاليومين مع اللي عبالهم ان شهاده الماجستير اهي نفس شهادة البكلريوس... مجرد كادر وعلاوات.. فتلقاه يروح حتى ما يدرس او يحاول يفهم، يحطله مدرس بالكويت يسويله واجباته، يغيب عن المحاظرات، واخر شي إييبله واحد من مادري اي ديره يكتبله رسالته. هذا طبعا ماخذ شهادته بس بالاسم وما منه فايده، لكن إنشاء الله انهم قليلين وعموما هالنوعيه يبينون. انا اتوقع ان اي انسان ناجح قدر انه يبدع في دراسته ووصل مرحله الماجستير اهو قادر على انه يتخذ القرارات ويسلك المسارات اللي تلبي طموحه، ما يقعد يتحلطم وبس.


    بطيخ
     
  8. مو معقول

    مو معقول موقوف

    663
    0
    0

    :) ما الومك..لأن الضربه توجع...الله يعينك لانك مو مهندس من جامعة الكويت
     
  9. nameIess

    nameIess بـترولـي جـديـد

    24
    0
    0

    يا معود... انت شفت دكاترتكم بس؟ كل واحد يروح امريكا ست سنينياخذ شهاداته ويرد يدرس الطلبه!
    ان واحد يكون متفوق بدراسته شي وانه يملك القدره على التدريس شيء ثاني.

    جامعات العالم توظف المدرسين المبدعين بمجالهم وعندهم خبره في هالمجال. جامعة الكويت توظف مدرسين دزوهم بعثه لانهم يا اما منقبلين بالبعثه واسطه او لانهم يابو معدل عالي.
    واذا انت من مخرجات جامعة الكويت اعتقد عارف شلون اييبون المعدل العالي...

    وليش تسمع كلامي.. ال unesco قالت ان جامعتنا ما تقدر انها تنتج علم وفكر!!
    شفايده جامعه كبر ديره إذا موقادره تنتج هالشيين؟!

    عموما الحمدالله كل من راضي بعقله :)
     
  10. Petroo

    Petroo بـترولـي جـديـد

    10
    0
    0
    صباح الخير
    يتروالي لان الدراسات العليا امر اختياري للموظف لذا كل الشكر على القطاع النفطي لدعمه للموظف ماديا من خلال التكاليف و معنويا من خلال الاجازات الدراسيه
    الامر الثاني ان القطاع النفطي يعمل وفق منظومه درجات معينه لذا من الصعب تقديم امتيازات لهذه الفئه دون تعديل القوانين
    الامر الثالث نتمنى نحن تعديل تلك القوانين و تسهيل الانتقال من جريد الى اخر او من قسم الى قسم اكثر مناسب لان ممكن ان الرساله التي يعمل عليه الموظف في الدراسات العليا تفيد الشركة وتفيده
    الامر الرابع يرجى من الاخ nameless ذكر مصدر خبر الاونيسكو خصوصا ان كلية ككلية الهندسه والبترول تزورها كل سنتين منظمه abet وتدرس مخرجات الكليه وطرق التدريس ومستواها
    الامر الرابع صحيح ان في من مخرجات الجامعه وكأي جامعه ممكن يكون في طلبة دون المستوى المطلوب لكن نأمل ان يعوضون الشركة بالانتاج .. وعلى فكرة حتى احنا كمهندسين في منا اللي يتضايق ان اللي تخرج من الجامعه ب 7 سنين او تخرج من الفلبين مثلا يحط راسه براسه..لكن الشطاره بالانتاج واحنا مابيدنا شي
    الامر الخامس الهجوم على خريجين جامعه الكويت من عيال الكويت امر ماشفته الا بهالمنتدى, وكأن الطالب اللي درس وتعب ونسى الحياة الاجتماعيه الحين مو كفو معاشه بنظر البعض من المهندسين وغيرهم

    يعطيكم العافيه وربي يوفق الجميع لما فيه مصلحة الوطن والشركة
     
  11. nameIess

    nameIess بـترولـي جـديـد

    24
    0
    0
    اتسائل ان كنت من مخرجات جامعة الكويت، لأني ارغب ان استعين بك كمثال لقصر النظر و"مايشوف ابعد من خشمه"!! لا تزعل .. اتغشمر والله :) لكن فعلا كلامك ينطبق عليه ما سبق. إرجع إلى الردود السابقه وشوف منو اللي ياب طاري جامعة الكويت بالموضوع وشلون دخل بالموضوع. وعلى فكره هالاسلوب (اللي يجر اسم جامعة الكويت بالموضوع) يتكرر وايد وايد.

    ولمعلوماتك. نعم قامت ABET بالإعتراف مؤخرا (2006) في اقسام كلية الهندسه في جامعة الكويت... ولكن ABET هي جهه تقدم اعتراف بجودة البرنامج الدراسي وليس في جودة ومهارة المدرسين او مخرجات الكلية من مهندسين.

    مره ثانية، اللي يبي يرد على هالكلام لا يدخل يشوف اخر كلمتين ويحط رده، الكلام متواصل وخل يقرأ الردين السابقين اللي انا حطيتهم.

    وبالنسبه لكلام الينسكو تفظل موجود: http://www.unesco.org/new/en/media-...ab_states_need_innovation_says_unesco_report/

    كافي ان من تاريخ انشاء جامعة الكويت ما قد سمعت اسم احد من الدكاتره الي فيها انجز او حقق اي شي... روح شوف جامعة نيجيريا كل يوم والثاني نسمع عنها!
     
  12. Eve

    Eve بـترولـي جـديـد

    18
    0
    0
    جميع وظائف الشركات النفطية لا تتطلب الشهادات العليا (دكتوراه وماجستير) كمؤهل علمي إلا أنه تكون أفضلية لأصحاب هذه الشهادات فقط عند المفاضلة للترقية بمنحه درجات إضافية ولما الشركة أو المؤسسة تساعد الموظف وتختاره لبعثة دراسية يكون نوع من الدعم الإجتماعي والمساعده للموظف فقط ..... ماقصرت الشركات وإذا الشخص عنده دكتوراه الأفضل ان يدرس بالجامعة كون مؤهله العلمي تخصصي بدل العمل بالبترول
     
  13. Petroo

    Petroo بـترولـي جـديـد

    10
    0
    0

    ماله داعي تتغشمر احنا مو بديوانية
    و عفوا انا قريت المقالة كانت تتكلم عن ضعف الدول العربيه في مجال البحث العلمي ونسبتهم الباحثين
    لكن مايابت طاري الكويت بالخصوص
    يعني كلنا نعرف ان العرب ماقدمو انتاج علمي كبير وهالشي مايحتاج مقاله
    لكن انا ظنيت ان ذاكرين فيها انتاجيه جامعه الكويت

    وبالنسبة ان خريجين جامعه الكويت ماسوو شي
    عفوا بس المهندسين الكويتيين اهم و اخوانهم العمال قاعدين يشغلون مصافي وشركات ويحققون ارباح للديره (غير ارباح النفط الخام)
    انت شقدمت كشخص؟
    بالنسبة لجامعه نيجيريا مادري قصدك اي جامعه فيهم لكن ان شاءالله الكويت تنشأ جيل جديد مهتم بالبحث والتطوير وبميزانية لايستهان فيها
     
  14. Petroo

    Petroo بـترولـي جـديـد

    10
    0
    0
    اتفق معاكم
    لكن توني ادري عن المفاضلة بالترقيه
    شكرا عالخبر الحلو
    احيانا الشخص يكون عنده دكتوراه لكن مايتقبل المجال الاكاديمي فيظل بالنفط افضله ولا يوهق الطلبة بقدراته التعليمية لان الدكتور لازم يعرف شلون يوصل معلومه مو بس يتعلم
     
  15. مو معقول

    مو معقول موقوف

    663
    0
    0
    ان الله يسمع ويرى........... اخوي منظمة ABET مقيمه كلية الهندسه وتقول بكل صراحه انتو تدرسون اشياء واييييد قويه... وانا كنت احد الطلبه اللي قابلونا المنظمه وهذا كلامهم...يعني مو وكالة يقولون...لا انا شخصياً كنت من ضمن العينه من الطلبه اللي قابلونا هالمنظمه... بس سالفة اليونيسكو...اتحداك تجيب تصريح واحد بس عن جامعة الكويت كلية الهندسه والبترول:) اخوي الافتراء على الناس والظلم ترى مو زين لك...فلو ساكت احسن
     
  16. مو معقول

    مو معقول موقوف

    663
    0
    0
    اخوي ما عليك منه اهو بنفسه اصلاً يدري ان بالشغل وبالانتاجيه وبالفهاميه,,,جامعة الكويت طايفه بمراحل...والا جان ما قام يقول اليونيسكو يقولون....واللي ذكره عن اليونيسكو يا اما انه من عقله وتأليفه او من وكالة يقولون اللي سامعها انا قبل عشر سنين.

    اخوي جامعة الكويت كلية الهندسه ان لم تكن الافضل فهي من العشر الاولى بالشرق الاوسط. والدليل على كلامي ان شكثر مروا علينا عينات ما قدروا يكملون بالكويت و راحوا بعثات واللي ياخذ صيفي عندنا ماكو مقارنه مستواه بمستوانا...مستواه ما يأهله انه يكون مهندس واخر الكورس يترجى الدكتور يعطيه D
     
  17. مو معقول

    مو معقول موقوف

    663
    0
    0

    ما شاء الله عليك لا افحمتنا....وين الكلام اللي انت تقوله ان جامعة الكويت كلية الهندسه ما تخرج علم ولا فكر ولا بطيخ؟ والا انت تقرى شي وتركب الباجي من مخك؟

    اخوي جامعة الكويت كلية الهندسه لا تقارن بكليات الهندسه لا بالخليج ولا بالوطن العربي...وانا اتحداك فيها

    اخوي انا دارس بالجامعه وعارف البير وغطاه... جامعة اللي ما يندق فيها ما يتخرج. حتى اللي مستواه ردي و متخرج بصعوبه انا متأكد انه لو راح اي جامعة خليجيه سيتفوق عليهم....وللعلم انا اعرف اكثر من واحد طلع من جامعة الكويت و راح لجامعات خليجيه او اجنبيه و رجع بشهاده وتفوق عالي


    بإختصار............خريج جامعة الكويت يطلق عليه مهندس دون تفكير..........وخريجوا الجامعات الاخرى يندر فيهم المهندس
     
  18. Petroo

    Petroo بـترولـي جـديـد

    10
    0
    0
    اتفق معاك كليه الهندسه جدا قويه هذا لا يعني ان كل الطلبه ممتازين من الناحيه العلميه ومهيأيين للتطبيق العملي
    لكن ان وجد التقصير فليس من الكليه من الشخص نفسه
    هذا شي والشي الثاني
    انا واعوذ بالله من كلمه انا ووايد مثلي واحسن مني من الطلبة لما تخرجو من الثانوية معدلاتنا قويه تفتحلنا باب اكبر جامعه عالميه
    ولما دشينا جامعه الكويت ماقل حماسنا العلمي
    مانسمحلك انت او غيرك تتعدا علينا بسبب موقفين او اكثر شفتهم مع مهندسين احنا عارفين بتقصيرهم
    عزيزي Nameless ترا احنا اخوانك مو عدوينك عشان هالهجوم والاستهزاء
    يريت تبين اساسك العلمي و انتاجيتك بشغلك وبدوامك مو هني
     
  19. nameIess

    nameIess بـترولـي جـديـد

    24
    0
    0
    حمدالله والشكر،
    ماتشوف شر يالحبيب.


    المقالة كانت تتكلم عن دراسة تمت على الدول النفطية الغنية في الخليج، ويابت طاري الدول اللي عندها جامعات وعددتهم بالاسم، تبي تشوف الدراسه روح دورها ولا بس تبي تقعد وكل شيء اييلك لين رجلك؟ وعلى فكره، الكويت مايابو طاريها مو لان جامعة الكويت فلته، ولكن لان جامعة الكويت مالها اي موقع من الاعراب. الجامعات اللي يابو طاريها في لها انتاج علمي وكثير من الابحاث المنشوره (ولكن دون المستوى).. اما ربعنا فأهم حتى مو معبرينهم مو ليه...


    اقرأ المقالة عدل وافهمها. واذا ماتعرف انجليزي كاهو مركز الطالب عند الجمعية اسئل احد منزملائك بجم يترجم الصفحه اكيد عندهم خبره.

    قالولك دول نفطيه غنية عندها مركز ابحاث وجامعه وماعندهم انتاج فكري وتقع في الشرق الاوسط... تبيهم يسطرولك اسمها بالخط العريض يعني؟


    عفوا بس مسؤولين دوامك وباقي وزارات ديرتك وعلى سبيل المثال وزارة الكهرباء اللي كان وزيرها دكتور من جامعتك قال مستشاره الانجليزي في مؤتمر دولي ان الكويتين ما يشتغلون ولازم عند كل كويتي نحط واحد اجنبي عشان يالله يمشي الشغل. تبيني اصدق ان كل اللي بوزارته خريجين الفلبين وغيرها؟!
    واللي قاعد اتكلم عنهم بالمصافي ترى شغلهم ما يحتاج ذاك العقل والتفكير وعلى قولة واحد من مدراء الجامعة اللي راحو monkey see monkey do

    يا معود لا تقعد تقولي ارباح وبطيخ، عيل شركة نفط من اقدم شركات نفط العالم وكل يوم تعال اسمع تصريحات مسؤولينها يقولون يحتاجون شركات اجنبية عشان يساعدونهم او يعلمونهم الانتاج!! بدال لا انتو تكتبون كتب طريقة التنقيب والانتاج والتصدير وتوزعونها على اللي يشتغلون بالنفط بالعالم انتو ليما الحين مو عارفين غير جم شغله ومن طلع لكم شي يديد ركضتوا على المقاولين.
    اغلب اللي ماسكين اشغل بشركتكم اجانب على فكره...


    بتشوف :)

    الكويت كدولة؟ كمسؤولين؟ كشعب؟ منو اللي راح ينشأ؟ وشلون راح ينشأ؟ وبميزانية لا يستهان فيها بعد؟ يا حبيبي ميزانية الاوفست اللي كانت اتوزع على شباب الكويت اللي يبي يدرس دكتوراه وماجستير في ارقى جامعات العالم نتفوها وصارت المقاعد محدوده عشر مقاعد بالسنه! تخيل يبون عشر طلبه يدخلون برنامج الدكتوراه بالسنه!! وازيدك من الشعر بيت، عشان محد يتهور ويروح يكمل دراسه على احسابه، التعليم العالي وقف اعترافه في اكبر جامعات العالم مثل امبيريال كولدج!!!!! روح شوف دليل الجامعات اللي ناشرينه اذا مو مصدق.


    نعم؟ خير؟ اتأمرون الناس بالبر وتنسون انفسكم؟

    للمرة الألف ارد واقول.. اقرأ الردود السابقه، وشوف منو اللي يهجم، ويستهزء، ويغلط.

    ولاترضى على غيرك مالا ترضاه على نفسك. وانا بصراحة كل اللي سويته رديت على استهزائكم وتهجمكم بالحجه بدل من الكلام الفاظي.
     
  20. nameIess

    nameIess بـترولـي جـديـد

    24
    0
    0

    انا إلى الآن ماني قادر افهم... ليش جامعة الكويت ودكاترة جامعة الكويت وطلبة جامعة الكويت يعتبرون فشل غيرهم من الطلبة من الاستمرار في الجامعة على انها ميزه من ميزات الجامعة؟

    كيف يكون التسرب من الجامعة دليل على جودة التدريس؟
    كيف يكون التسرب من الجامعة دليل على جودة البرنامج اللي يتم تدريسة؟
    كيف يكون التسرب من الجامعة دليل على ان اللي تخرج من الجامعة انسان "شاطر"؟؟؟

    انا اعتقد ان هذا المنطق بحد ذاته هو منطق ...... ودليل على مستوى عقلية العاملين في ذلك الصرح الاكاديمي.
     
جاري تحميل الصفحة...

مشاركة هذه الصفحة