كادر المهندسين يسقط بالتقادم

الكاتب : Industrial Engineer | المشاهدات : 2,535 | الردود : 21 | ‏5 مايو 2011
  1. Industrial Engineer

    Industrial Engineer بـترولـي نشيط جدا

    233
    0
    0
  2. mech.eng.koc

    mech.eng.koc بـترولـي نشيط

    74
    0
    0
    يعني شنسوي بالضبط وشراح يصير لي قدمنا الشكوى الفردية ينزلي شي بروحي ولا حق كل القطاع ياريت احد يوضح الاعلان
     
  3. أبوليلى

    أبوليلى بـترولـي نشيط

    92
    0
    0
    السلام عليكم :
    يضل موظفين القطاع النفطي جبناء ويبون حقوقهم تجي وهم قاعدين, لكم 5 سنوات وانتم نايمين وين التنسيق بينكم وبين جمعية المهندسين وين شعاراتكم اللي مذينا فيها كل شوي , هذا في مهندس قبل فتره في الطيران المدني كسب قضية ما قال ابقعد جمعية المهندسين تطالب عني , 5سنوات وانتم نايمين بالعسل يا بعدي
    لكن ما فيكم طب , الحقووووووق تبي حلووووووق
     
  4. Names

    Names بـترولـي نشيط جدا

    160
    0
    0
    تصفحت المنتدى ولقيت الجمعية او لجنة المهندسين متكلمة 3 مرات خلال 3 سنوات تقول نبي نروح القضاء .. واخر مره صرح مدير الجمعية (قبل شهرين) ان 2200 مهندس يلجأون للقضاء وما في احد اعرفه راح للقضاء

    ومره يقولون استقالات جماعية وانا مهندس وما عرفت ان في احد من (الربع) استقال علشان الكادر !!

    المعروف في قضيتين من فيصل الكندري وعبدالوهاب الكندري وصارلهم سنتين بالمحاكم وهذول كانوا مع الجمعية وصاروا ضد خط الجمعية لما شافوا طريقة تعامل الجمعية معاهم ومع غيرهم واسسوا نقابة المهندسين مع ربعهم وحاربوهم (هذا كلامهم وكلامي انا بعد من اللى شفته منهم بعد ورشة العمل .. وعود تخدير .. ومافي رجال قد كلامه)

    ومع الاسف ما شفت منهم الا محاربة اي حركة تتم لصالح المهندسين .. اذا كان اللى يتحركون من خارج الجمعية

    هل (على الاقل) اعضاء اللجنة .. الاخ مسفر العدواني او محمد درويش او احمد النعار او محمد الرشيدي رفعوا دعوى للمهندسين باساميهم الشخصية ؟!! اشك


    هل في احد في القطاع كله رافع دعوى قضائية لصالح القرار 27 ؟؟ اذا في احد اتمنى يبلغني على الخاص

    يا محمد الرشيدي ، اشوفك بالتويتر تذم النقابات والاتحاد على موقفهم ضد المهندسين ... والصحيح واللي اشوفه بعيني اني استغرب منكم انتوا يا جمعية التخريب على النقابات

    منو اللى رافع قضية للمهندسين ؟؟ الجمعية ؟ طبعا لا .. اللى رافع القضية للكادر هم النقابات

    منو اللى شكل لجنة وياب بديل عن كادر المهندسين المرفوض وجمع عليه 1400 توقيع ؟؟ الجمعية ؟؟ لا طبعا ,, هم المهندسين اللى مع النقابات وقروبهم

    منو اللى حارب المهندسين في القطاع وكان ضد اي تحرك لصالح المهندسين ؟؟ النقابات ؟؟ لا .. الجمعية وبكل قوه وتشويه سمعه واذا تبي تصريحاتكم وبياناتكم موجوده ما عندى مشكله اجمعها وانزلها بموضوع واحد ;)

    تتوقع اذا جدول الرواتب صحيح اللى تم نشره في جريدة الانباء ؟... ما تشوف ان الارقام قريبه من ارقام الدراسه اللى وقع عليها 1400 مهندس ؟؟ ما تحس ان الادارة حابه تتعاون معاك وتعطيك زيادة كبيره علشان مشكلة المهندسين ؟؟ مو هذا صار لما تكاتفوا المهندسين مع بعض و دعمهم الاتحاد و الكل راح ياخذ زياده كامله وفوقهم الكادر اذا انصفنا القضاء ؟؟


    بعد كل هذا وبتقولي ان النقابات او بالاخص فيصل وعبدالوهاب متخاذلين عن المهندسين والجمعية هي الصح و مسويه كل شي عليها وما قصرت بحقوق المهندسين ؟؟؟ قص الحق من نفسك ، الجمعية متخاذله وانت اول واحد غلطان بصفتك عضو مجلس ادارة وبصفتك رئيس لجنة الفلس .. حتى رفيجكم المضحى وقف ضد الزيادة وبنفس اليوم بعد صرح فيه طلال القحطاني (شوف الجرايد يومها)

    هذا كلام من القلب ولا تعتقد الناس جاهله والا مغفله والا مو عارفه سواتكم

    بعدين باقى 22 يوم على شهر 6 ، وما تقدر ترفع دعوى بدون تظلم ، والتظلم يحتاج 60 يوم للرد :mad:

    غير الوقت اللى راح يضيع في وزارة الشئون علشان تقيد الشكوى .. هذي ترا معلومات عامه اسئل اي محامي عنها


    يعني لو ساكتين ابرك ! حسبي الله ونعم الوكيل فيكم ..
     
  5. brilliant

    brilliant المـراقب الـعـام

    8,477
    0
    0
    Engineer
    Kuwait
    والي قدموا شكوا عبدالوهاب الكندري وفيصل الكندري للكادر وين راح مجهودهم
     
  6. Names

    Names بـترولـي نشيط جدا

    160
    0
    0
    هذول بنظر الجمعية خارجين عن القانون وضد المهندسين .. بدال ما يتعاونون معاهم قاموا يشهرون فيهم

    تصدق ان فيصل الكندري يسولف لنا ويقول ان (قبل عضويته في النقابة) كان يبي يرفع قضية باسمه عن طريق الجمعية ، وقالواله اصبر راح انوقع عقد مع المحامي مشهور محسوب على الشيخ احمد الفهد ، ولما وقعوا جاهم مره ثانية ونقزوه ، ودش مع لجنة المهندسين وحضر معاهم اجتماعين وبعدها سحب نفسه وكمل القضية ورفعها باسمه بعد عضوية في النقابة


    انا شخصيا اتشرف اني اشتغلت مع هالمجموعه .. اقلها ان القريب منهم يدري انهم يبون مصلحة الجميع بما فيهم المهندسين
     
  7. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    عزالله الإتحاد ماقصر فيكم وباعنا علشانكم ووقف زيادتنا برفضه توصيات المجلس الاعلى للبترول اللي عدل الزيادة
    وحاول ينصفنا وتكون الزيادة عادلة للجميع والحين تهايطون بانكم حققتوا اللي تبونه زيادة كاملة وفوقهم الكادر اللي متعشمين وتنتظرونه !
    زيادة كاملة لكم ولنا زيادة ناقصة ! حسبنا الله ونعم الوكيل فيكم يا اتحاد الخيبه !
     
  8. Names

    Names بـترولـي نشيط جدا

    160
    0
    0

    خلنا منصفين ...

    الاتحاد اخذ دراسه المهندسين اللى وقعوا عليها 1400 مهندس و عممها على جميع الدرجات .. والا حضرتك متوقع انك تحصل زيادة قوية بهالشكل بدون عذر المهندسين ؟؟ انا اعتبر ان الاتحاد نجح في الحصول على زيادة عالية وبعذر انها للمهندسين ومقارنة بالخليج وهذا بروحه انجاز


    غير هالكلام ما صار شي ..


    الاتحاد رفض توصيات المجلس الاعلى للبترول لسبب مهم ، ان معناتها ارجاعها للمؤسسة للدراسه وتأخير اقرارها واحتمال انقاصها عن المتفق عليه ، ونجح بان اخذ تعهد بعدم ارجاعها للمؤسسة واحالتها لمجلس الخدمة لولا استقالة الحكومة اللي عطلت الموضوع

    اما كلامك ان زياده كامله لنا و لكم ناقصه .. مو صحيح وكافي اتهامات و كلام خالي من الادله اخوي العزيز .. عضو الاتحاد اخر شي عامل من عرض العمال ومحتاج الزيادة اكثر مني ومنك ! ولا تتوقع انه راح يوافق على شي مو من مصلحته
     
  9. خالد

    خالد بترولي خاص أعضاء الشرف

    404
    10
    18
    السلام

    ياشباب ماني مهندس

    وأبرك الساعات لو جاكم كادر وعليكم بالعافيه

    أولا كويتيين وعيالنا وتستاهلون وأبرك من الغريب

    واي منفعه لكم كأنها لنا

    وسؤالي هو

    لو سقط حقكم في هذه المطالبه بالتقادم هل يحق لكم المطالبه من جديد؟؟؟
    وعاد لو يحق لكم لاتتهاونون وتتراخون وكل واحد يقول أنطر وأشوف غيري
     
  10. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    انت اللي تقول بناخذ الزيادة كاملة وفوقهم كادر المهندسين !
    وبعدين شنو اللي نجح واخذ تعهد بعدم ارجاعها للمؤسسة ! اجل ليش هالبلبلة كلها واشغلوا الموظفين ولعبوا باعصابهم
    وهم واثقين ان الزيادة ماشية وين قاعدين مافيه احترام ولاتقدير للناس اللي يحاتون هالزيادة مو من حقهم يعرفون الوضع !
    المجلس الاعلى للبترول فعلاً يبي انقاصها من زيادة اصحاب الدرجات العالية لأنها حيل عالية ويبي يوازن بين الدرجات
    ويخليها معقوله وفيها عدل للجميع وزعها بينهم هذا هو الانقاص اللي تحاتونه ! اما زيادتنا تبونها ناقصه حسب الاتفاق
    اللي تكلم عنه
    تبي الدليل رح ابحث عن تصريح المجلس الاعلى للبترول وتشوف الحق اللي يزعلكم وان قدرت ترد عليه تراك مسوي خير
    لأن الاتحاد ومجلسكم الاستشاري تجاهلوه متعمدين لأن الاجابة علية تحتاج توضيح وهذا يعني نهاية مبدأ التعتيم اللي انتهجتوه
    في تمرير نهب ميزانية الزيادة لصالحكم ياكبار المهندسين او الموظفين هذا وانتم متعشمين بالكادر فكيف لوكنتم غاسلين ايديكم منه يمكن تحطون الزيادة للدرجه 13 وفوق فقط ! نفس منحة السكن !
     
  11. Names

    Names بـترولـي نشيط جدا

    160
    0
    0
    اي نعم اخوي ... النقابات يبون الخير للكل .. يبون الزيادة عامة للكل مو بس للمهندسين شنو المانع ؟؟ .. وعبدالوهاب وفيصل يبون يطالبون بتطبيق القرار 27 بالمحاكم واللي "اذا اكسبوا الحكم" راح يتطبق كادر المهندسين وكادر مساعد المهندس وكادر المحاسب وكادر القانوني وكادر نظم المعلومات وكادر الاطباء وعلاوة الماجستير والدكتوراه وعلاوة بدل الشاشة .. شنو المشكله ؟؟ مو واجب على النقابة انها تطالب بتحسين الاوضاع الاجتماعية للعمال ؟؟ اشكرهم بدال ما تطعن نواياهم وتذمهم

    كل المهندسين وكل مساعدين المهندسين في الانتاج والعمليات والصيانه وغيرهم في الشركة راح يستفيدون وشرايح كثيرة ليش زعلان ؟؟؟ اذا المهندسين 1400 ترا عدد الدبلوم 3 او 4 دبلات .. زيادة الخير خيرين .. وكل شي بيد القضاء وهو يقرر اذا الكوادر تنطبق علينا والا لا عقب الزيادة

    وبعدين شنو المشكله لما الاتحاد يصعد ويشد اذا حس ان الزيادة راح يصير فيها فيها ربكه او تعطيل ؟؟ الناس مجتهدين ويجهزون الدوا قبل الفلعه .. بالعكس خل يشعللونها وخل كل عامل يلتف حواليهم .. هذا العقل

    وبعدين شنو المشكله لما الدرجات العالية تاخذ اكثر ؟؟ عيل تبي الصغير يزيد اكثر ؟ بأي منطق هذي .. من متى الموظف ياخذ زياده اكثر من رئيس قسمه والا من متى رئيس القسم يستلم اكثر من مديره .. كل مركز وظيفي له مقامه ..

    وشنو هالمنطق نهب الميزانية لكبار المهندسين ؟؟ منو قالك ان الزياده مقسمه على المسمى الوظيفي ؟؟ الزيادة موزعه على حسب الدرجة .. وشي طبيعي ان المهندسين يكونون قيادات بشركة نفطيه ، وشي طبيعي ان المحاسبين يكونون قيادات في البنوك ، وشي طبيعي ان الاطباء يكونون قيادات في المستشفيات .. وين تبي توصل ؟؟

    اذا عندك نسخه من "توصيات" المجلس الاعلى انشرها لنا .. لا تييب كلام جرايد .. ترا كلها "توصيات"

    شي حلو انك توزن ردودك قبل ما تكتبها .. !!
     
  12. AD-01

    AD-01 بـترولـي خـاص

    1,040
    2
    38
    names

    امسحها بوجهي .. تمت خلاص :D


    العذر والسموحه هدي انت صح ;)
     
  13. almostishar

    almostishar بـترولـي مميز

    567
    5
    18
    أنتم الحين اللى يمثلكم جمعية المهندسين ..او .. النقابه ..؟؟؟

    انا مع كادر لجميع موظفى القطاع النفطي ..وان اقر كادر للمهندسين فأننا نطالب بكادر خاص للمحاسبين والحقوقيين وخريجي الاداره وغيرهم من أصحاب الاختصاصات ..

    .
     
  14. Names

    Names بـترولـي نشيط جدا

    160
    0
    0
    اذا في شهادة حق ودي اقولها

    كنت اتمنى المهندسين يكونون يد وحده لكن من احتكاكي بمجموعة فيصل و عبدالوهاب ومعرفتي بالاحداث منهم ما الومهم لما يبتعدون عن الجمعية بعد ما كانوا ربع .. و يأسسون "نقابة المهندسين الكويتية" و رئيس جمعية المهندسين الاسبق (عادل الخرافي) هو خصمهم امام القضاء في اشهار النقابة مع الاسف اللي المفروض يكون دعم لجميع المهندسين مو يصير ضدهم .. يا تعطوني النقابة يا انتوا اعدائي!

    شي طيب لما القى شباب يطلعون بنهج جديد غير نهج الجمعية ، واذا اشتغلت معاهم راح تتأكد انهم "قول وفعل" و يعجبني شغلهم عسى الله يوفقهم ويكفي ادائهم الحالي بالنقابة مع العمال مشرف ومع المهندسين يبيض الويه.

    بالنسبة لمطالبتك ، اذا اكسبوا الحكم راح يطبقون كل الكوادر الموجوده في الحكومة فقط .. القرار 27 يقول باختصار : اي كادر او علاوة بالحكومة اخذها و طبقها على المؤسسات العامة اللى منها "مؤسسة البترول الكويتية"

    اللى اسمع ان في كادر اطباء - كادر مهندسين- كادر مساعدين المهندسين - كادر المعلمين- كادر الصيادلة - كادر نظم المعلومات - كادر المحاسبين - كادر القانونيين - كادر التمريض ، هذا اللى اعرفه ، وما سمعت ان في شي اسمه كادر خريجين "الادارة" ..
     
  15. Names

    Names بـترولـي نشيط جدا

    160
    0
    0
    بغيت ابيعها فيك .. بس عزيز وغالي
     
  16. brilliant

    brilliant المـراقب الـعـام

    8,477
    0
    0
    Engineer
    Kuwait
    مافي ماده تنص علي انه يسقط بالتقادم

    ياليت الجمعيه تبين لنا هالماده
     
  17. AD-01

    AD-01 بـترولـي خـاص

    1,040
    2
    38
    على كلام (عبدالوهاب الكندري) كلمته اليوم يقول انها ماتسقط لانها دعوى تسوية راتب ، ونفس الكلام اكده فيصل بو صبوية

    و التقادم يسقط اذا كان الخلاف على مبلغ محدد ومتروك ما يزيد (نفس نهاية الخدمة) اما الكادر فهذا ماشي معاك ومستمر

    يعطيكم العافية يا نقابة المهندسين .. هاردلك الجمعية :D

    حتى استشارات مو نافعين ومضيعين الناس .. لا منكم فايدة ولا تنفعون بشي ;)
     
  18. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت

    لا إله إلا الله ياوالله السوالف واحلام اليقظة اللي ودك تسردها وماعندكم غير التظليل !
    راجع الأخ AD-01 وهو يفهمك سالفة الكادر اللي في حال تم الحكم لصالح المهندسين في كادرهم المستفيد الوحيد
    الموظفين في مؤسسة البترول الكويتية وماينطبق على الشركات التابعة إلا اذا الشركات التابعة تبي تعطيكم الكادر
    وهالشي يرجع للشركة نفسها والقانون مايلزمها
    ومن فترة تكلم واحد من الأخوان وشرح هالقضية بالتفصيل وادارة المؤسسة حذرت النقابة بان الموظفين بالمؤسسة
    في حال تطبيق هذا الحكم ستخسر مسمى ( العاملين بالقطاع النفطي ) لأن مافي المؤسسة عمال وبالتالي
    سيخسرون البدلات التي اعطيت للعاملين في القطاع النفطي بسبب مطالبة النقابة في شي أكبر من انهم يستوعبونه وينتج عنه الاضرار بمصالح الموظفين بالمؤسسة لأجل كسب كادر يخص المهندسين فقط !
    ومع ذلك خسر ت نقابة المؤسسة قضيتها المرفوعه بخصوص كادر المهندسين السنة الماضية
    وايضاً اذكر بيان نقابة نفط الكويت بخصوص كادر المهندسين وذكروا ان القضية في مراحلها الأخيرة
    عند الخبراء لحساب الفلوس اللي بيكسبونها باثر رجعي وباقي الخرابيط والكلام المأخوذ خيره
    المهم في نهاية البيان التوضيحي ذكر ان النقابة ستوافيكم في القريب العاجل بالاخبار الطيبة طبعاً العاجل صار له
    سنة او أكثر ممكن تفهمنا ياكبير المهندسين شنو وضعكم بالضبط ؟ شخصياً مايهمني وضع كادركم بس انت اللي تمطط
    السوالف ومسوي زحمة في الكادر والشارع فاضي ! وحبيت اذكر اللي اعرفه والله من وراء القصد

    شوف وناخوك ماعندنا غير الجرايد تعطينا العلوم وكثر الله خيرهم وانتم مايعجبكم إلا التكتيم !
    اللي عنده اعتراض على شي نشر في الصحف الكويتية يقدر ثاني يوم ينفي صحة الكلام المنشور
    عموماً مافيه احد اعترض على هالخبر واهم ماذكر فيه

    اللجنة المشتركة المنبثقة من المجلس الأعلى للبترول أقرت أمس زيادة العاملين في القطاع النفطي بموافقة جميع أعضائها البالغ عددهم 10، مشيرا الى قرار الموافقة جاء مشروطا بعدد من التوصيات التي لابد أن يؤخذ بها في عين الاعتبار.

    ركز طال عمرك

    من ضمن التوصيات التي شدد عليها أعضاء اللجنة هي ضرورة أن تكون الزيادة عادلة لجميع الدرجات الوظيفية، حيث لا ينبغي ان تستحوذ الدرجات الوظيفية العليا في القطاع على نصيب الأسد من الزيادة وان يهمل العاملون ذوو الدرجات الوظيفية الدنيا في القطاع، مشيرا الى أن هذه التوصية عدلت من نسبة الزيادة المقترحة للعاملين.

    وركز بعد في هالكلام

    اللجنة كان لها بعد نظر في إقرار الزيادة مثل التأكيد على حقوق العمال في المصافي والأماكن الخطرة في الشركات النفطية، حيث قررت اللجنة رفع بدل المخاطر من 200 دينار إلى 600 دينار وذلك أسوة بما هو معمول به في وزارة الكهرباء والماء، مشيرا الى أن هذا القرار من شأنه أن يجذب العديد من العمال إلى الوظائف الحساسة والطارئة في القطاع.

    وهم ركز في هالمعلومة علشان تعرف من اللي يبي يعطل الزيادة وهي خالصة

    ان موافقة اللجنة الإستراتيجية على الزيادة يعتبر المرحلة قبل الأخيرة من اعتمادها من المجلس الأعلى للبترول قبل رفعها لمجلس الوزراء لاعتمادها ومن ثم إحالتها إلى ديوان الخدمة المدنية لإقرارها بشكلها النهائي.

    كل هذا تم نشره في جريدة الانباء والاتحاد يعترض ويدعي ان المجلس يماطل في زيادة القطاع النفطي
    ويرفض اي انقاص للزيادة طبعاً يقصد انقاص زيادة الدرجات العالية وبالتالي هو يرفض في المقابل رفع زيادة الدرجات المتواضعة !
    وطلع منكم إشاعات ان الزيادة تم رفضها كل هذا القصد منه حسب كلامك (مجتهدين ويجهزون الدوا قبل الفلعه ويشعللونها وخل كل عامل يلتف حواليهم .. هذا العقل ) والحمدلله على نعمة العقل وبسكم استغفال الناس وعليكم احترام عقول الناس واحترام انفسكم قبل كل شي !

    حلو ان الواحد يتعامل مع الناس بشفافية ومو حلو انك تشطح في ردودك وتمارس التظليل وخلط الاوراق !
    على سالفة ( شي حلو )ذكرتني باستكانة شاي أخضر اللي يقدمها بابوو
    وسع صدرك واشرب شاي اخضر واقرأ هالموضوع وشوف بابوو شنو يقول في موحلو + وسؤال وجواب
    http://www.q8ow.com/vb/showthread.php?t=36604
     
  19. Names

    Names بـترولـي نشيط جدا

    160
    0
    0
    باختصار واضح انك مو فاهم القضية وما عندك شغل بس بكمل معاك ...

    القضية اللى رافعينها هي المطالبة بتطبيق القرار 27 .. والقرار 27 ما يقول كادر مهندسين ، يقول اي كادر او علاوة بالحكومة طبقها على المؤسسات العامة ومنها (مؤسسة البترول) وبما ان اللى رافع القضية مهندس فهو يطالب بكادر المهندسين ، لكن الصج ان المحكمة اذا وافقت راح يكون منطوق الحكم ان القرار 27 ينطبق على المؤسسة وراح تلتزم فيه .. ومعناته راح تطبق كل كوادر الحكومة بناء على الحكم الصادر للمهندس .. وضحت الصورة ؟؟ اتمنى لانك قاعد تتكلم عن كادر مهندسين فقط وهالكلام غلط.

    اما سالفه ان المؤسسة حذرت النقابة من الاثار المترتبة ، هذا كلام فاضي لاسباب كثيرة اولها ان الشئون القانونية ضايعه ودايخه وفي قضايا بالهبل يخسرونها من ابداعاتهم ، واذا تقدر تعطينا مثال على اللى راح يخسرونه العمال من ورا هالقضية اللى "اكبر" من النقابة بين لنا .. ترا احنا اخوانك الصغار وما انعرف.

    نقابة المؤسسة خسرت القضية الاولى لانها برفوعه باسم النقابة مو باسم شخص .. وردوا ارفعوها باسم شخص (عبدالوهاب)

    جدول الرواتب موحد بين المؤسسة وشركاتها ، واذا صدر حكم على شي يخص الراتب المفروض يتعمم على كل الشركات والا شنو فايدة اتفاقية 2003 اللى وقعوها الاتحاد ووحدوا سلم الدرجات والمميزات والرواتب ؟؟ يعني بالعقل .. معقوله مهندس بالمؤسسة يستلم الكادر واللى بالشركات لا وكلهم يتعينون على نفس الدرجة ؟ انا ما اعتقد


    الموضوع الثاني اللى يخص المجلس الاعلى ..

    مع ان قايلك لا تستند لاخبار الجرايد وانت تقول ما عندى غيرها ، بسألك سؤال .. ليش الاتحاد عارض على قرار اللجنه ؟؟ تتوقع علشان التوصيات والكلام الفاضي ؟ ترا محد شاف الارقام وصادق عليها الا الاتحاد وهم ادرى بالتفاصيل والسبب الرئيسي كان ان وزير النفط قايل انه راح يرجع الدراسة للمؤسسة علشان يدرسون التوصيات ويردون يصادقون عليها من مجلس ادارة المؤسسة (وكأنك يا بوزيد ما غزيت) والدراسه اللى من شهر 10 راح تنعاد وعلى الفاضي

    اما الكلام ان عداله وتوزيع الزيادة على الدرجات والكلام اللى انقال كله ماخوذ خيره ولو فيه شي صحيح جان شفت الاتحاد طالب بالتوصيات اللى منها رفع بدل مخاطر من 200 الى 600 ... اترك عنك اخبار الجرايد ;)


    اللى يسمعك يقول ان النقابات والاتحاد كلهم منهدسين ودرجاتهم 17 وفوق ما كانهم عمال ودرجاتهم عادية .. كلهم 5 مهندسين في 6 نقابات حتى الاتحاد مافيه مهندس !
     
  20. اهلا وسهلا

    اهلا وسهلا بـترولـي جـديـد

    12
    0
    0
    names

    اذا طلع حكم شلون نستفيد بالانتاج ؟ انا خريج دبلوم تكنولوجيا


    بنمشي وراكم والله يستر
     
جاري تحميل الصفحة...

مشاركة هذه الصفحة