رسالة الي مشغل حقل لا مبالي

الكاتب : سهم نفطي | المشاهدات : 2,108 | الردود : 26 | ‏4 مايو 2011
  1. سهم نفطي

    سهم نفطي بـترولـي جـديـد

    9
    0
    0
    إخواني اول مشاركة لي بهذا المنتدى العزيز

    أنا اعمل في قسم العمليات ويحزنني ما فيه من لا مبالاه في العمل وعدم فهم الوحده التي يعمل بها المشغل الجديد وشبه الجديد
    إخواني الا تلاحظون ما اولاحظه الاغلبيه منهم وليس الجميع
    يأتي المشغل للوحده بعد التخرج ويهتم برسم للوحده ويحفظ الخطوط والكنترولات وغيرها ليجتاز الامتحان ويعتمد ليوقع على العقد اذا كان من خريجي الثانويه اما خريجي التطبيقي حتى يتم اعتماده من ضمن man power. للشفت
    وبعد ذلك يكون شغلهم الشاغل لهم توزيع العمل بينهم فقط كأخذ اsample & logbook& reading وبعد ذلك تبدأ الامبالاه في العمل ونسيان ما كتبوه ورسموه وحفظوه قبل الامتحان ولو سؤل من ال supervisor لا يعرف الجواب لذلك يجب تحذيره واذا لم يتجاوب يجب معاقبته بالزيادة السنويه القليلة التي يحرم من أخذ الترقية اذا كانت له حسب قوانين الشركة
    إخواني المشغلين اغلبكم في وحدات ذو اهمية قصوى وذات درجات ضغط وحراره عاليه واهتمامك بمتابعته وتطوير نفسك اولا لتحمي نفسك من مخاطر التشغيل وثانيا المحافظه على ارواح الاخرين والمتلكات وهذا رزقك ورزق اعيالك وراح ايلك يوم وتتكون انت في الواجهه وتاخذ قرار معين لمشكله تواجهك انت مع مشغلون اقل منك خدمه وخبره وسوف تندم على ذلك اذا تجاهلت تطوير نفسك من الان وصاعدا احذر احذر اخي المشغل من الامبالاه في العمل والبس معدات السلامه كامله عند دخولك للوحده إخواني أسف للاطاله ولكن يحترق قلبي حزنا والما لما يحصل حاليا في وحدات التشغيل واكد على اهمية ال supervisor and shift control and s.head في متابعته المشغلين جميعا ليعلموا بان في ناس تتابعهم وتقيمهم وأخيرا اتمنى لكم التوفيق والنجاح والصحه والعافية وان يحفظكم وشركتنا من كل مكروه ويحفظ هذا البلد المعطاء من كل شر تحت راية حضرة صاحب السمو الامير وولي عهده الأمين حفظهم الله من كل مكروه وادام علينا الأمن والأمان *
     
  2. Knpc lawyer

    Knpc lawyer بـترولـي نشيط جدا

    271
    1
    16
    حياك لله ياخوي وموضوعك جدا مهم

    موضوعك جدا خطير ومهم بس الظاهر ياعزيزي انك يديد موبالمنتدى يمكن بالعلميات، انا اؤيدك اميه بالاميه بالكلام الي قلته بس نرجع لاصل المشكله طبعا انا اعتبرهم شخصين اولا التطوير الوظيفي الي ست شهور نظري ولما يداوم بالمصفاة ينصدم بالنقيض وانه الي درسه كله بصوب والعملي غييييير، والشخص الثاني السكشن هيد او السوبرفايزر الي تقع على عاتقهم الخطأ الاكبر طبعا بتقول ليش بقولك لسبب بسيط لانه بيصكر النقص باي طريقه حتى لو على حساب الكفاءه ومعرفة الوحده.

    قواك لله ياعزيزي على طرح هالموضوع وانشالله راح تشوف تفاعل كبير من الاعضاء، استمر بطرحك لهالمواضيع وفالك البيرق :d
     
  3. سهم نفطي

    سهم نفطي بـترولـي جـديـد

    9
    0
    0
    اخوي knpc lawyer
    أنا ليس بجديد بألعمليات أنا ابن العمليات وخدمتي اكثر من ال 25 سنه ومراقب في وحدة من وحدات العمليات ومن اشد المهتمين بالشباب الجدد ومن اشد المتابعين لهم ولكن اليد الوحده ما اتصفق ابي مساعدة الأخوة المراقبين الاخرين والمسئولين الاخرين S/Head and shift control
    ارجوا من الشباب الجدد المشاركة بهذا الموضوع ونشوف ردهم وملاحظاتهم وماهي الأسباب لذلك*
     
  4. Kuwait-37

    Kuwait-37 بـترولـي نشيط جدا

    394
    0
    0
    صباح الخير
    كلام صحيح ومع الأسف أن عدد المشاهدين بدرجة عالية مقارنة في المشاركين !! بالنسبة لكلامك أدعمة لأخر درجة. بس المثل الشعبي شيقول: العين بصيرة والأيد قصيرة! أذا كان Shift Controller يالله السلامة بعضهم بس يفكر في المادة والأنترنت و Section Head لا تلوم بعضهم كل يوم عن يوم يالله يلحق كل صبح أجتماعات ويشوف الشغل المتعطل ولا تنسى بعد تلاقية جايك من وحدة ثانية بس يبي يلحق الدرجة ولأن في هذي الوحدة شاغر. أي تدريب وأي ملابس سلامة. يارجال بعض Shift Controller صدقني من كثر ما نايم في العسل تلاقية ما يدري أن اليوم دوامة شنو و Section Head واحد فقير كل يوم يلملم ألي يطيح منة والأخ Team Leader من فندق لي فندق وكورسات خارجية.!!!؟؟ أي Field Opeartors الله معاهم بس هذا أقدر أقولة. وأحلا شيء تشوف Emails فزنا في الميدالية الذهبية وغيرة الفضية !!!!!!!!!!!!!!!!!!!!!!!!!!!!!!!!!!!
     
  5. Knpc lawyer

    Knpc lawyer بـترولـي نشيط جدا

    271
    1
    16
    تحياتي يااستاذي الفاضل

    لله يعطيك العافيه وطولة العمر انا موقصدي اقلل من قيمتك انت عالعين والراس وكل الاعضاء والاخوان الموجودين بس كان هدفي اوصل نقطتي والا شرايك ماتعتقد انه لازم يعاد النظر بطريقة تسليم الشباب الجدد وتصحيح السياسه الدارجه حاليا الي هدفها تصكير الاوفرتايم حتى لوكان على حساب الكفاءه والسلامه العامه للوحده.

    حفظ لله الكويت وشعبها من كل مكروه...
     
    آخر تعديل: ‏5 مايو 2011
  6. wal3li

    wal3li بـترولـي نشيط

    116
    0
    0
    ياخوي اكيد بيكون شغله العينات وتسجيل الحراره والبرشرات وفي اخر الشفت بيسجل الدفتر في حال اي تغيير يذكره في الدفتر


    شتبيه يسوي مثلا !!


    والامبالاه اذا وجدت انا اصف معاك بالراي لكن في سوبر فايسر اهو اللي يشوف وينظم ويحاول انه يطور من مستوى الشباب ويعلمه مدى الخطوره اللي يتعامل معاها واللي ممكن تسبب له اذى بليغ



    ولله الحمد في وحدتنا الشباب كلهم بدون استثناء شقرديه ويعتمد عليهم وخاصه في الاميرجنسسي



    وشاكر لك موضوعك
     
  7. مجموعة نفطية

    مجموعة نفطية بـترولـي خـاص أعضاء الشرف

    694
    0
    0
    وانا بدوري ارسل رسالة الى السوبرفايزرية اللي مايدرون الله وين قاطهم

    بس همهم تكبير كروشهم عن طريق العشيات اللي عند الاوتسايد ابريتر .......

    وعقب مايعلفون فيه الشباب يروح يحطلهم تقدير ضعيف

    والى السويرفايزرية اللي خاص بدوام النايت ياخذ سيارته ويلبد ورا تانكي ينام او يرضع بالتلفون مع الصاحبه رجال متزوج

    وعنده صاحبة مايتسحي وتراهم واجد بالمصافي تحب اعطيك اسماء

    وين حب العمل ومصلحة الوطن

    والا بس على الغلابا المساكين الاوبريتر وانت وربعك بس تكبير كروش وشخري
     
  8. سهم نفطي

    سهم نفطي بـترولـي جـديـد

    9
    0
    0
    مشكور على ردك ولكن النقطة التي تفضلت بها طريقة تسليم الشباب طريقة ممتازة ويتم تسليمهم وتغطية النقص العددي للمشغلين مع توفير مبالغ O/Time والجميع يجتاز الامتحان النظري والعملي ولكن يا إخوان المشكلة تبدأ بعد ذلك الا وهي عدم تطوير نفسه ومراجعة ما حفظه قبل التسليم ومعرفة حلول ال Emergency و Start up & Shutdown
     
  9. سهم نفطي

    سهم نفطي بـترولـي جـديـد

    9
    0
    0

    يا اخوي الله يستر على الجميع وانا لما حطيت الموضوع ابي الفايده لهم وانا ما قلت كلهم قلت الاغلبيه والله العظيم ان فيه شباب من بعد التسليم لم يهدا ويتكاسل بل أكمل مشواره بالتدريب وتقوية نفسه بالوحده وصار احسن من اللي قبله بجم سنه وأخذ زياده سنويه افضل منهم اللي بدفعته واللي قبله بجم سنه وانا اشجع واكافئ هذا المشغل الطموح واللي ياي يشتغل
    بالنسبه للسوبرفايزرية اللي تتحجا عنهم الله يصلحهم وانا قلت باول موضوعي يجب المتابعه من السوبرفايزر والشفت كنترول والs-h

    سالت جم واحد من الشباب الغير مبالي ليش قاعد اكثر الوقت بالشلتر ليش ما اتابع وتقوي نفسك قالي على انفراد لان السينير القديم بو 15 سنه واكثر قاعد وما يطلع الا القليل رديت عليه وقلت خلك نفسه بس بنفس مستواه الفني هذا السينير عارف شغله عدل وعارف شيسوي باي مشكلة لانه عارف الوحده زين ليش تقارن نفسك فيه هذا الخطأ الكبير الذي يقعون فيه ومع الاسف بعض السوبرفايزر لا يهش ولا اينش ولا يهتم الا بالأكل والسوالف مثل ما ذكرت وكانه بديوانية مو بمصفاة نفط والنوم اللي ذكرته اخطر شي بالمصفاه مثل الكرش اللي ذكرته خطر أيضاً على الصحه
    احنا كنا قبل مثلهم شباب حافظون الوحده صم برغي برغي ونتحدى بعض بالأسئلة يوميا بدوام العصر والليل وكان السوبرفايز مرتاح لان معاه مشغلون قواياعارفين الوحده عدل بس تنقصهم الخبره التي تأتي من عملك اثناء حالات الطوارئ وتوقف الوحدة للصيانة الدوريه والتوقف المفاجئ بسبب انقطاع التيار الكهربائي او لاسباب اخري فنية *
     
  10. الساحوت

    الساحوت بـترولـي نشيط

    104
    2
    18
    الله يعطيك الصحه والعافيه
    لكن اخي الكريم انت من الممكن تكون متابع ومنصف وحقاني لكن غيرك والاغلب لا وغير مبالي
    لكن ياخي كثر الدق يفك اللحام .. اذا كان الموظف في بدايته ممتاز ويشتغل .. ويطلع له واحد يظلمه بتقريره السنوي شنو اتوقع من الموظف يتشجع ويطور نفسه ؟ طبعا لا شغله محبطه
    او ان الموظف الجيد يجتهد بالجو الحار وحنا على ابواب الصيف وانت تدري ان طبيعت شغله بالحر والرطوبه والغبار .. واخر شي يقوله الاخ الكريم .. ليش مو كاتب الريدنك ؟ او اللوق بوك .. يااخي جلا من لايسهو .. هذيل عيالكم او حسبت عيالكم .. واللي في راسه مخ مو هارد ديسك ... وترا لحم ودم مايشتغل بالكهربا او البانزين
    اتمنى تكون وصلت الفكره مثل مانا اقصدها
    وعل عموم قواك الله على مجهودك
     
  11. pato

    pato موقوف

    28
    0
    0
    F.O
    M.I.L.A.N.O
    موضوع خطير .. بعض السوبر فايسريه يتصيد عالشباب باللووق بوك والريدنق ومرات بيشوف مستواهم يسأل اسأله مستوى عالي ويمكن سنير وكثير من الشباب مقصرين بحق انفسهم والاعتماد الكلي على الاجنبي

    اقتراحات بسيطه يمكن تفيد: اقامة كورسات داخليه للشباب بكل وحده ويكون المسؤول احد السوبر فايسريه او الدي سوبر فايسر .

    او يخلون بنل اوبريتر مترشح انه يطلع سوبر يسوي كورسات ويعلم ويراجع معلومات .


    ومن الضروري متابعه السكشين هيد للشباب عن طريق التواصل معاهم وتحفيزهم .
     
  12. Kuwait-37

    Kuwait-37 بـترولـي نشيط جدا

    394
    0
    0
    صباح الخير

    Section Head مسكين وين يقدر يلحق شي من كثرة الأجتماعات في KNPC
     
  13. سهم نفطي

    سهم نفطي بـترولـي جـديـد

    9
    0
    0
    عموما الله يعطيكم العافيه على المشاركات الطيبه واتمنى من كل قلبي اهتمام الشركة بالشباب الكويتي ومكافئة المميزين بكتب الشكر والهدايا الرمزية والزيادة السنوية والبونص لمن يستحق مو دورية حسب ما نشوف والاهم من ذلك عدم الانصياع من المسئولين في الشركة للواسطه والمحسوبيه والطائفية والمفروض اللي يشتغل ويعمل بامتياز ان يكون له الاولويه بكل شيئ وانا على يقين بان اغلب الشباب الكويتي منتج وذكي بس شد عليه وخلي مبدأ العقاب والثواب موجود بكل الاوقات مو على المزاج هذا اعاقبه والثاني لا وهذا اكافئه والثاني لا وهذا ارقيه والثاني لا وهذا اعطيه بونص والثاني لا ووووووووو
    ما ذبحنا وخلا الشباب محبطين الا هالواسطات والمحسوبيات
    والله يوفق الجميع لما يحب ويرضى
     
  14. Knpc lawyer

    Knpc lawyer بـترولـي نشيط جدا

    271
    1
    16
    احسنت

    اشكرك على طرحك لهالنقطه الي بصراحه يبتها عالجرح بس خنكون منصفين جيلنا او دفعاتنا كما احب ان اسميهم (الحرس القديم) كان وضعنا غير ناخذ على سبيل المثال منو كان مسؤولينا او الغالب من العمال معانا انت عارف اقصد منو فغصبن عليك تشد حيلك لانه داقينك وكان للسنير دور المراقب وله الف حساب ان لم يكن خوفا من المسؤوليه خوف من انه تكون ضعيف بالوحده وتكون الحلقه الاضعف للمسؤولين او المراقبين والا شرايك ؟ وهمن الطريقه قبل كانت افضل وفيها جديه اكثر من الوقت الحالي .
    الشي الثاني بالنسبه للاخوه الزملاء اليديد فيهم الكفاءه واللي ينافس حتى القديم من المشغلين لعدة اسباب منها رغبته بتطوير نفسه والترقيه وعلى النقيض بعض الشباب الاخر بس انا عن نفسي مالومه اذا ماكان هناك من يحاسبه وعلى قولتهم يوقف على راسه ويتابعه ويطبق عليه مبدأ الثواب والعقاب وفي شي اخر الاداره والمسؤولين تتحمل الجزأ الاكبر مت الوضع الخطأ لسببين لانه صار هدفها تصكير الاوفرتايم حتى لوعلى حساب الكفاءه وهذا موطعن بالاخوان المراقبين انا اقول البعض ان لم يكن الغالب الا من رحم ربي مثل اخونا صاحب الموضوع لله يكثر من امثاله والسبب الثاني انا اشوف طريقة التسليم يجب اعادة النظر فيها .

    ودمتم...
     
  15. Kuwait-37

    Kuwait-37 بـترولـي نشيط جدا

    394
    0
    0
    صباح الخير.
    مشكور وايد وايد وايد يا "سهم نفطي" والله يكثر من أمثالك وشد حيلك ونصيحة لا تلتفت لي الوراء. وصدق وأمن بالله وبأذن الله راح توصل للأفضل وتكون الأقدر.
    ولا أنسى شكري المتكرر knpc lawyer .
     
  16. مو معقول

    مو معقول موقوف

    663
    0
    0
    فعلاً كلامك سليم....هذا عيب الكويتيين..يبون كل شي يعلمونهم.......ماكو علم بدون تعب.....لازم تشمر عن ذراعك وتعلم نفسك بنفسك..عندك المانويل اقراها واحفظ وتعلم و طور والكويت تحتاج هالنوعيه من الشباب وما تحتاج اللي يتذمر ويدور العذر......شمرو عن ذراعكم
     
  17. Kuwait-37

    Kuwait-37 بـترولـي نشيط جدا

    394
    0
    0
    مساء الخير.
    أنا أؤيد كلام المشارك (مو معقول) وأزيد شوي بعد والكويت ما تبي بس الي يدور ورأ الفلوس وزيادة رواتب بدون اي انتاج يذكر. ونسيت بعد المهندسين يبون كادر؟؟؟؟؟؟؟
     
  18. سهم نفطي

    سهم نفطي بـترولـي جـديـد

    9
    0
    0
    الله يبارك فيكم جميعا وشكري الخاص لمن شارك بهذا الموضوع الذي يجعل اخواني الشباب الاهتمام بالعمل ورفعة هذا البلد والحفاظ على استمرارية العمل الامن في المصفاه وادري واعلم بان هؤلاء الشباب راح يهتموا اكثر واكثر وادعوا لهم بالتوفيق والنجاح
     
  19. gogo78

    gogo78 بـترولـي جـديـد

    25
    0
    0
    والله يااخوان العيب بالسوبرفايزر اللي يسلمون المشغل وهو موفاهم شي ويقولك حرام عشان يتعدل وضعة وياخذ معاشه كامل وبعدين يتوهقون فيه ربعه اللي معاه بالشفت لأنه محسوب على المانبور وهو مايدري وين الله قاطه وبعدين يقول انا الحين استلمت وطبهم مرض ونقعد كلنا ندعيله عسى الله يهديه ويتعلم
     
  20. مو معقول

    مو معقول موقوف

    663
    0
    0
    اي اخوي من حقه ان الواحد يطالب بحقوقه.......اذا انت تشوف عكس هالكلام...اتمنى انك تحلف وتقول اقسم بالله ان المهندس بالقطاع النفطي لا يستحق اي زياده تميزه فيها. وناخذ حقنا منك يوم القيامه
     
جاري تحميل الصفحة...
مواضيع مشابهة
  1. قائمة الرؤيه
    الردود:
    0
    المشاهدات:
    886
  2. المحرر النفطي
    الردود:
    0
    المشاهدات:
    688
  3. المحرر النفطي
    الردود:
    1
    المشاهدات:
    1,360
  4. mutairi
    الردود:
    31
    المشاهدات:
    1,750
  5. صريح جدا
    الردود:
    13
    المشاهدات:
    991

مشاركة هذه الصفحة