الإنسنتف

الكاتب : ناصر koc | المشاهدات : 2,684 | الردود : 12 | ‏29 ابريل 2011
  1. ناصر koc

    ناصر koc بـترولـي جـديـد

    31
    0
    0
    السلام عليكم ورحمة الله
    يعطيكم العافيه شباب حبيت اسألكم شنو صار على الإنسنتف
    هل تم رفع اسماء المرشحين ؟ شلون أعرف انه تم ترشيحي ؟
    هل المفروض أن يبلغني مسؤلي المباشر بذلك لو كنت من
    ضمن المرشحين ؟
    ومن هو المسؤول عن ترشيحي .. انا حاليا في البرقان
    صار لي 6 اشهر وتمت كتابة تقريري sop من مسؤولي
    الي بالنورث ؟
    ومشكورين ويعطيكم الف عافيه
     
  2. majroo__7

    majroo__7 بـترولـي نشيط

    64
    0
    0
    علشان ترتاح

    راح ارد عليك اخوي بطريقة تريحك من التفكير والمحاتاة...
    اولا: الترشيح يتم من كبير المهندسين.. بطلب الانجازات لكل موظف خلال السنة الماضية يعني من ابريل 2010 الي ابريل 2011
    ويكتبلهم الانسينتيف ويحط بالرصاص رقم الاولية.. على الورقة..
    ثانيا: يحدد التيم ليدر العدد اللي ياخذه من كل سينيور حسب ترتيب الارقام.

    بالنسبة لك يعتمد على تقدير السينيور الجديد مالك اذا كان ينظرلك كمستحق اولا.. .وترتيبك بالاولويات مقارنة مع زملائك الموظفين تحت نفس السينير..انا باعتقادي.. انه ممكن يفضلهم عليك كونك توك نازل من مكان مميز ببدل طريق في الوقت اللي كانوا فيه الموجودين لم يستفيدوا منه.. وهذي تبقى وجهة نظر

    تحياتي
     
  3. ناصر koc

    ناصر koc بـترولـي جـديـد

    31
    0
    0
    يعطيك العافيه اخوي .. بس انا في دائرة الاوبريشن
    Op2
     
  4. المشاكس

    المشاكس بـترولـي خـاص أعضاء الشرف

    998
    1
    0
    اخوي ناصر

    الي يرفع لك الأنسنتف هو رئيس الشعبه (المشرف سابقا) وحسب كلامك راد من الشمال قبل 6 أشهر يعني تقريباً شهر 10 .

    اذا فعلاً انت راد بشهر 10 المفروض تقريرك ينكتب في المكان الحالي الي انت فيه لأن مر عليك 3 أشهر في مكانك الحالي قبل وقت التقارير.

    أما بالنسبة للأنسنتف يعتمد هل تم تغيير الكود من الشمال الي المكان الحالي .... اذا تم تغييره قبل شهر 1 الأنسنتف من المكان الحالي اما اذا لم يتم تحويله ف انت محسوب على الشمال
    اما كيف تعرف اذا لك انسنتف عندك واحد من الأثنين

    تسال رئيس الشعبه عن طريق المراقب او .... الوااااااااااااااااااااااااااااسطه او ....... تنطر تنزل بحساب الموظفين وتشوف

    الله يوفقك
     
  5. جونم جقرم

    جونم جقرم بـترولـي خـاص أعضاء الشرف

    8,202
    0
    0
    منــدوب نفطـي (: ---> 66698897
    خـيـمـة فـُـوق طـِـعـسـ
    أنا قريت عنوان الموضوع قلت يمكن في توزيع انسنتف بالمنتدي :D

    يا شيــخ أذا مسؤول النوبـة يحبك وصافطلك الخير بيرشحك عنـد رئيس الشعبة

    لأن كل رئيس شعبـة يسأل مسؤولين النوبات عن الموظفين المتميزين والي يستحقون الترشيح

    وبالتوفيـق وأذا إن شـاء الله حصلك انسنتف لا تنسانا يا أخوانك غـداء أو عشـاء في مطعم الصفـدي :D
     
  6. واحد من خلق الله

    واحد من خلق الله بـترولـي نشيط جدا

    296
    0
    0
    سؤال جوهري. السنتف كم يعني راتب ولا راتبين ولانص مليون ولا مليون لان نسمع فيه ولا عمرنا شفناه
     
  7. koc-76

    koc-76 بـترولـي مميز

    591
    0
    0
    السينير اللي علينا كتبلي انسينتف وقال ان التيم ليدر وافق عليه يعني بينزلي ام لا؟
     
  8. المشاكس

    المشاكس بـترولـي خـاص أعضاء الشرف

    998
    1
    0
    غدا شرك إن شاءالله ينزل لك
     
  9. koc-76

    koc-76 بـترولـي مميز

    591
    0
    0
    ان شاء الله ولو اني مو متفائل كلش لان صارلي 12 سنه بالشركه ومره وحده نزلي الانسنتف اذكر قبل 7 سنين مع ان تقديري ماينزل عن جيد جدا
     
  10. البردكشن z

    البردكشن z بـترولـي جـديـد

    14
    0
    0

    ياوجه الله ياجونم جقرم ,, وش تدور له في الصفدي :D
     
  11. seal-oil

    seal-oil بـترولـي نشيط جدا

    161
    2
    0
    هههههههههههههههههههه
    اي والله وش تدور له في الصفدي
    بي يعاقبة في انسنتفة،،، اترك الرجال يا جونم جقرم
     
  12. hadawe

    hadawe بـترولـي نشيط

    54
    0
    0
    Q8
    تم الترشيح ووصلت لنا اوراق الناس اللي مرشحينهم وماشين في الاجراءات لكن اذا تبي تعرف ماكو إلا من مسؤولك لان السالفه سرية على قولتهم ومن شروط المكافأة التشجيعية
    ان يكون لك انجازات و تقييمك السنوي جيد جدا منخفض وطالع
    واتوقع الحين اذا انت صارلك اكثر من سنة بالشركة ولك انجازات فريقك اللي في برقان يقدرون يرفعون لك وشكرا
     
  13. mas7oor

    mas7oor بـترولـي نشيط

    115
    0
    16
    يعطيك العافيه اخوي hadawe

    متى تتوقع تخلص الاجراءات ؟؟
     
جاري تحميل الصفحة...

مشاركة هذه الصفحة