مشاركة النجاح من تويتر فيصل الكندري واخبار اخرى

الكاتب : kaka22 | المشاهدات : 5,288 | الردود : 17 | ‏29 ابريل 2011
  1. kaka22

    kaka22 بـترولـي نشيط جدا

    169
    0
    0
    اخبار مشاركة النجاح .. الرئيس التنفيذي يبلغ نقابة نفط الكويت باتصال هاتفي ان حسابات بعض الشركات النفطيه لم تقفل حتى الان ..وانه (متفائل) جدا بان تصل قيمة مكافأة المشاركة في النجاح الى (4) رواتب والتي من المفترض صرفها في بداية شهر مايو

    اجتمعت نقابة نفط الكويت بالسيد/ فاروق الزنكي يوم الاثنين الماضي وتم النقاش حول مواضيع كثيرة منها:
    1- علاوة تميز العاملين في الانتاج
    2- بدل العمل الاضافي للدرجة 17
    3- منح الدرجة (17) لغير الجامعيين
    4- اعادة تقييم وظائف السكرتارية
    5- منح رؤساء الفرق للدرجة 19
    6- تعديل الائحة الادارية بالشركة بما يتوافق مع الحكم القضائي الصادر من محكمة التمييز بخصوص الميزة الافضل
    7- تفعيل علاوة التخصص النادر
    وعدة مواضيع اخرى .. وستقوم النقابة باصدار بيان حول المواضيع المتفق عليها مع الرئيس التنفيذي خلال الاسبوع القادم باذن الله

    منقول من صفحة التويتر لاخونا فيصل الكندري
    twitter:mad:Faisalalkandary

    بارك الله فيك ولله درك يا فيصل الكندري ماشالله مجتهد ومو مقصر بالاجابات على من يسأله
     
  2. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    فهمت من الموضوع
    1- الرئيس التنفيذي متفائل بان توصل مشاركة النجاح 4 رواتب
    2- صار فيه كلام عن علاوة تميز العاملين في الانتاج
    3- صار فيه كلام عن مطالبات لكبار الموظفين !

    اللي مافهمته شنو الفائدة او المعلومة اللي تفيدنا من هالكلام ؟
    اجتماع من الاثنين الماضي ! ويالله طلع منهم هالكلام يعننا متابعين !

    وهالمعلومة خذيناها من فيصل العجمي قبل تجيبها من فيصل الكندري

    اسأل فيصل الكندري عن الزيادة وخله يعطينا العلوم اللي هو مكتم عليها اذا يبي يفيد الموظفين لكن مع الأسف
    الإجابة معروفه راح يصرفك ولاتاخذ منه لا حق ولا باطل !​
     
  3. kaka22

    kaka22 بـترولـي نشيط جدا

    169
    0
    0
    وهذي البشاره الاخيره من الاخ فيصل بالرد على استفسار احد الاخوان بالتويتر


    " الزياده تحت اشراف الاتحاد وابشرك ان امورها طيبه .. الاتحاد اجتمع باعضاء مجلس الخدمة وطمنوهم انها راح تمشي بعد تشكيل الحكومة وصدور المراسيم"

    يا شباب الرجال معطي من وقته وهو غير ملزوم ونحن نشكره على ذلك ويرد على الناس للي عنده سؤال خله يدخل ويسأل
     
  4. KNPC15

    KNPC15 بـترولـي مميز

    521
    0
    16
    ذكر
    CHEN
    الكويت
    كافي جهدك يا اخ كاكا ما قصرت حبيبي

    الله يعطيك العافيه وكل الشكر للاخ فيصل والاخوان

    بالتوفيق
     
  5. الصامت

    الصامت بـترولـي نشيط جدا

    171
    0
    0
    شمعنى بس القطاع النفطي ينتظرون التشكيل الوزاري الجديد؟؟؟؟
     
  6. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    ماقصرت اخوي kaka22 وندري ان الزيادة تحت اشراف الاتحاد وندري ان الاتحاد تحت اشراف فيصل الكندري
    وباقي الاخوان ( اللجنة الاستشارية للاتحاد جماعة نقابة نفط الكويت ) وندري ان كل السلبيات على رأس رئيس الاتحاد
    والايجابيات لازم تطلع باسم نقابة نفط الكويت شفت شلون نعرف كل هالسوالف !
    وندري ان الزيادة لصالح كبار الموظفين وندري ان المجلس الاعلى للبترول عدل فيها بتوصيات على ان تكون لصالح الجميع
    ورفض فيصل الكندري وكبير المهندسين وقالو للاتحاد صعد الموقف بدون مايعرفون الموظفين السبب الحقيقي !
    وكل هالامور نعرفها ونعرف ليش التصعيد الاخير من النقابتين التويكس اللي ماجابو ا طاري الزيادة ويضغطون على المؤسسة
    بامور ثانية علشان يرفضون توصيات المجلس الاعلى للبترول واللي كانت بتمشي زيادتنا بسرعة !
    والحين نقعد ننتظر ونتابع التويتر وكل اسبوع يعطينا فيصل الكندري معلومة بلاطعم ولا فائدة يعني تصبيرة مع توصياته للاتحاد
    بمواصلة التكتيم والصبر على الانتقادات مهما كلف الامر المهم ان كبار الموظفين وكبير المهندسين تكون زيادتهم كبيرة نفسهم !
    وندري وندري ولكن ماندري عن مصير زيادتنا ولا اي شي عنها غير التكتيك اللي ما ندري شنو آخرته ! الله يجيب العواقب سليمه
     
  7. BURGAN

    BURGAN بـترولـي نشيط جدا

    181
    0
    0
    يا جماعة بالنسبة للطيران المدني اللي كانوا يهددون على الدوام بالاضراب في اي وقت كانت الاخبار تتسرب عن زيادة القطاع النفطي . زيادتهم اقرت بشكل رسمي والحبل على الجرار للبقية وباذن الله يتم اقرار زيادتنا حتى وان كانت في آخر الامر.
     
  8. AD-01

    AD-01 بـترولـي خـاص

    1,040
    2
    38
    العفو اخ oilkw

    شنو الحكمة لما تقعد تتكلم علي فيصل وتفتري عليه ؟؟؟
    من متي فيصل له كلمه علي الاتحاد ويمشيه بكيفه؟؟ تواجد وحضور الشرثان ممتاز في كل المواضيع .. وليش هالكلام اللي يحسس الليي يقرا كلامك يتصور الاتحاد بصورة ضعيفه و عكس الواقع

    وشنو المصلحه لما حضرة جنابك تبي تعرف ارقام الزياده الماليه اللي متكتم عليها الاتحاد باتفاق مع علي الهاجري لمصلحة الكل ؟؟

    اول شي الاتحاد ناقش الارقام والزياده واتفق مع المؤسسة عليها .. يعني توصيات المجلس الاعلي للبترول مرفوضه من الاتحاد ومن اي "عاقل" .. اشلون تكون زياده وحده متساويه لكل الدرجات ؟؟ من يقبل ان الجديد ياخذ نفس زيادة القديم .. المهام تختلف والشغل والمسئوليه تفرق .. وعلي فرض ان جدول جريدة الانباء صحيح .. من العقل ان في تفاوت بالرقم وهذا الاساس في اي زيادة في العالم


    ثاني شي .. ليش متضايق من نقابات التويكس ؟ شي حلو ان النقابات تتحالف وتحصل علي انجازات .. الفايدة لنا كلنا احنا العمال .. شي محزن ان انشوف النقابات الباجيه نايمه .. نقابة البترول والا البتروكيماويات والا نفط الخليج والا ايكويت والا اوسكو او الناقلات ساكتين في حين انشوف الاتحاد يطالب معاه نقابتين مجتهدتين فقط !! المفروض انشجعهم علي تحركاتهم وانقعد النايم لعل وعسي المارد يصحي

    ناس في المنتدى تجيب الهم !
     
  9. AD-01

    AD-01 بـترولـي خـاص

    1,040
    2
    38
    الكل ناطر تشكيل الحكومة مو بس النفط
     
  10. انسان

    انسان بـترولـي نشيط

    72
    0
    0
    اخوي استميحك في بعض النقاط من تكون تقيم اداء نقابات النفط انت مجرد فدواي لاشخاص معينين في النقابه والكل عارف ولما تتكلم عن نقابه شركه البترول الوطنيه حط خط علشان ما تقع بالمحظور لان الكل عارف شنو نقابه البترول وماذا تعمل في الاجتماعات ومنهم اعضائها الموقرين الذين تجلى موقفهم واضح من خصخصه القطاع النفطي في قاعة عبدالله السالم بينما باقي النقابات لم تحضر اساسا الجلسات وحضور ضعيف فلذلك انصحك انا لا تكون تابع لشخص معين بل تكلم بكل وضوح بعيدا عن الافضليه وشكرا
     
  11. دلالي

    دلالي بـترولـي نشيط

    74
    0
    0
  12. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    يالحبيب صدقني فيصل الكندري يستانس من هالكلام لأن غايته تحقيق طموح المهندسين وكبار الموظفين وكلامي مايعارض مصالحه

    اطلب مساعدة الجمهور في الإجابة على هالسؤال ويمكن اطلب مساعدة صديق بعد ! صعب

    لا عاد مو متساوية لكل الدرجات كانت الفروقات معقولة ويرضى فيها اي عاقل لكن وين العاقل ؟! مافيه إلا قوة زرط عند ربعكم كبار الموظفين والمهندسين !
    ابسط مثال على الظلم بدل الايجار ناس تنزل لهم وتزيدهم وناس مالها شي بالاساس وانسى انكم مفكرين فيهم !
    يا اخي المجلس الاعلى للبترول شاف شي مو معقول ابداً ويبي يعدله بالعدل بين الجميع مع مراعاة كل ماذكرته انت بخصوص الفوارق لكن فوارقهم تختلف عن فوارقكم !

    اي فائدة لنا كلنا الله يجزاك خير ! لنا كم سنة ماتكلمون إلا عن اصحاب الدرجات العالية والانجازات لهم ماشوف غير درجة 16 و17 و18 و19 في تصاريحكم ونفس الشي
    اتحاد البترول اذكر فترة مايصرح الناصر إلا لهذي الدرجات ياخوي لكم سنين ماتشوفون إلا فوووووق ! وناسين إخوانكم العمال !


    يالحبيب اللي تسويه النقابتين خطأ واسمحلي اخوي اقول انهم ملاقيف ان احسنت النية !
    اما باقي النقابات ان جيت للحق والكلام يخص مصلحة جميع العمال اقل شي نقدمه لهم هو الإحترام
    فوالله ماتأخرت نقابة في واجبها بالوقوف مع اتحاد البترول ومتى ماجاء وقت الجد نشوف منهم اللي يسر
    ويبقى إتحاد البترول هو الممثل الشرعي لجميع النقابات النفطية لكن شنو نقول عن شطحات بعض النقابات !
    نقابة المؤسسة لها وضعها الخاص وماعندها مشكلة في التعاون مع اتحاد البترول فماله داعي احد يشطح ويعنني نحن هنا !
    ولو الله يفك اتحادنا من مجلسكم الاستشاري كان وضعنا افضل من هالوضع التعيس ومن متى عرفنا انشقاق العمال
    والظلم في الانجازات ! إلا على وقت المجلس الاستشاري برئاسة كبير المهندسين والقياديين !

    كل نقابة تقابل جمعيتها العمومية وتخلي اتحاد البترول يشوف شغله تجاه مصلحة الجميع في القطاع النفطي

    الله يهديك طول بالك وجيب لهم الحق عسى ربي يبعد عنا وعنك الهم والغم ويشرح لنا صدورنا ويرزقنا الرزق الحلال​
     
  13. AD-01

    AD-01 بـترولـي خـاص

    1,040
    2
    38
    والله يا اخوي كلامك ماني شايف فيه منطقيه وخلنا نبلش باللي يستاهل الرد عليه ! بما انك الوحيد اللى تكلم بعقل معاي والباجين يذمون فيني لمجرد دفاعي عن نقابة نفط الكويت :p


    فيصل مهندس وراح يخدم مطالب المهندسين وبنفس الوقت يخدم كل من يكلمه .. واتمنى انك تجرب تتصل فيه وتشوف استقباله لك و لغيرك .. وهذا الكلام اسمعه من الكل عنه

    اما كلامك انه يدير الاتحاد و يامر عليهم وانه السبب في تصعيد الاتحاد ... كلام فاضي وفيه تصغير من ربعه في الاتحاد وهالكلام ما يجوز وظلم له اهو بعد


    الزياده كانت مقبوله والدليل ان تفاوتها و نسبتها اقتنع فيها اتحاد البترول واعتمدها في مفاوضاته مع المؤسسة

    بدل الايجار ينزل للدرجة 13 وفوق (اللى ما عنده بيت) ليش حكرتها على المهندسين ؟ ومن قالك ان الاتحاد مو مفكر فيهم ؟؟ ما قالوالك ان الاتحاد يطالب في تعديل مسمى علاوه السكن علشان يستفيدون الموظفين على الدرجة 12 وتحت من بدل ايجار (وزارة الاسكان)

    بعدين منطق .. واحد شهادته ثانويه عامه وداش الشركة من سنتين او ثلاث تبي معاشه او زيادته نفس الدبلوم اللى صارله سبع سنوات ؟؟ والا نفس الجامعي اللى عنده 5 سنوات ؟؟ ما يستقيم الامر وما يقبله عقل .. انا اتمنى الخير لكل الناس لكن مو بالمنطق اللى انت تبيه !!

    بعدين شنو اللى شافه المجلس الاعلى للبترول ؟! نورنا اذا تدري ;) وشنو الفوارق اللى شافها ولا اشوفها انا او كبار المهندسين والقيادسسن على قولتك ؟ اتمنى توضحلي هالنقطه


    يا اخي من عمر الدنيا والنقابات تطالب لصغار الموظفين شنو المشكله لما تجي مجلس ادارة يطلب للصغير وللكبير ؟؟ كلهم يدفعون دينار رسوم العضوية !! ليش متضايق من الشي هذا ؟؟

    ترا الموظفين على الدرجة 16 و 17 في نفط الكويت عددهم 1300 (وهالمعلومه عرفتها قريب) يعني تتكلم عن ربع الجمعية العموميه .. ليش ما يصير يطالبولهم ؟!! وبعدين شنو الشي اللى يبونه (صغار الموظفين) على قولتك وما سعت فيه النقابه ؟ اللى يسمعك يقول مطنشين الكل ومجابلين 16 و 17 و 18 و19 !! خل عندك عداله و عطني شي ما صار علشان اعرف ارد عليك (ابي مثال لو تكرمت على تطنيش النقابة للعمال)

    كلامك اللى تقوله ما اشوف فيه تعارض بينه وبين تحالف نقابيتين ;) .. تحالفهم جاب الدرجة 17 للجامعيين على سبيل المثال ، والمجلس الاستشاري اذا كنت تقصد "لجنة تعديل رواتب المهندسين في القطاع النفطي" هي اللى جابت الزياده الحاليه بصورتها العاليه لان الهدف من الزياده كان اصلاح اوضاع المهندسين في النفط بعد ما زادوا مهندسين الحكومة بشكل كبير



    تبي تقنعني ان الجمعية العمومية راح ترضي بمنطقك ؟؟ تبي النقابة تترك المطالب العامه للاتحاد وتحمله المسئوليه كامله ويصير شماعه اذا تأخر في تحقيقها ؟؟ ما اعتقد ان الاتحاد نفسه يرضى بهالكلام ، التعاون شي طيب وانتمنى كل النقابات تتعاون مع بعض بدل سباتها ونومها .. الانجازات في الاخير اذا كانت لكبار العمال او لصغارهم راح تكون للجميع


    انت من صجك ؟؟ وين انشقاق العمال ؟!! اصلا ما توحدوا العمال الا من مجلس الاتحاد الماضي فقط .. ايام جاسم الناصر و المجلس الحالي برئاسه الشرثان .. شكلك ما لحقت لما كان كل رئيس اتحاد يتم عزله من زميله ويسرق الاختام منه ويسوون جمعيه عمومية غير عاديه ومسخره .. خالد الهملان استقال بعد ما استبعد من تشكيل البترول بتكتيك ومسكها عقبه عبدالله طالب ، وجاك محمد مساعد عزله بجمعية عمومية غير قانونية ورجع عقبه عبدالله طالب بحكم محكمة .. كل هذا خلال مده وجيزه ما تتعدى سنتين.. كل فتره نسمع بهوشه صارت بين فلان وفلان وان الشرطه جات تفرق هوشه في الاتحاد ، والا رئيس الاتحاد السابق صفع عضو جمعية عمومية .. وتقولي ان نقابة نفط الكويت بتحالفها مع نقابة المؤسسة مسويه انشقاق ؟!! اسمحلي خانك التعبير فيها وجانبك الصواب :D

    الانجازات ما جات الا هالايام طال عمرك .. الله يوفقهم


    صج ناس ما تجيب الا الهم ! :D .. الله يعينكم يا نقابتنا على هالناس
     
  14. AD-01

    AD-01 بـترولـي خـاص

    1,040
    2
    38


    اهم شي انك تستميحنى !!

    انت من صجك تتكلم والا تستعبط ؟؟؟! القطاع النفطي ما ارتاح وشاف الانجازات الا بعد ما فارقت نقابة البترول من رئاسة الاتحاد

    اي اداء تتكلم عنه ؟!! واي محظور ؟؟ عهد كله مخافر ومحاكم وقضايا والسبب كرسي الرئاسه اللى يبيه سعادة الريس ؟! اكو رجل (محترم) يضرب الناس بالعقال بجمعية عمومية والمضروب مسكين كان ينظم الجمعية

    والا تبي تقولي عن ابداعاته العظيمه ؟؟ مو كافي انه مختفي لما اضراب البترول الوطنية الاول وقاط كل شي بوجهه محمد حضيري ؟ والله اني احسدكم على هالرجل "محمد حضيري"

    والخصخصه كان الكل رافضها مو بس نقابة البترول وترا صار مهرجان خطابي بالاحمدى ضد الخصخصه ما بقى احد ما حضره .. مادري شنو الموقف الجلي اللى سووه ، ما نسمع بالبترول الا محمد حضيري والا غيره مع قمة احترامي لهم .. ناس محد يسمع لهم صوت .. نعم كان لهم دور حالهم حال اي نقابة رفضت الخصخصة .

    وبعدين شنو اللى صار في قاعة عبدالله السالم ؟؟ ماكان حاضر الجلسه الا اعضاء النقابات والاتحاد وما يتعدى عددهم 100 نفر ... وصار فاصل فكاهي لما عبدالله الرومي (رئيس الجلسه) فصل على سعادة الريس وطلب من الحرس يطردونه لما اعتقد انه يصفق :d.. وما فكه الا مرزوق الغانم لما تدخل وهدى الموضوع .. اذا قصدك هذا موقف رجولي اسمحلي !! والخصخصه عموما ماكانت ذات اهتمام عند العمال وانا منهم .. والا المفروض القاعه تنترس من عمال البترول الرافضين للخصخصة


    انا اللي بنصحك .. كلامك اللى كاتبه ما فيه خير ولا يفيد احد في المنتدى ... دور الكلام اللى يفيد الناس والا علق على كلامي اذا لقيت فيه شي غلط .. مو تقولي لا تتكلم عن نقابة البترول ترا تقع بالمحظور


    قال ايش ... انت فداوي والكل يدري .. هههههههه

    الله يسامحك يا شيخ !
     
  15. مو معقول

    مو معقول موقوف

    663
    0
    0
    اصلا جان زين مسوين خصخصه على الاقل يمشي لنا دعم عماله و300 مالت المهندسين......مو عاجبه اللي مايبي خصخصه.... يعني مستانس على الزياده اللي لي الحين ناطرينها ولا جت؟
     
  16. والله لو تعرف يعني شنو خصخصه كان ماقلت زين يسوون خصخصه هههههههههههههههه​
     
  17. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    عساه على القوة ودنا كل النقابيين فيهم خير مع جميع الموظفين في حضورهم وغيابهم

    مافيه ظلم هذا الصحيح الاتحاد يديره المجلس الاستشاري وهو اللي عفسنا ومايشوف إلا شغل الكبار من الموظفين !
    الاتحاد ضحية تكتيك اتحاد النقابتين ! ماظلمتهم هم اللي ظالمينا والله حسيبهم


    اللي اقتنع فيها المجلس الاستشاري اللي كله مهندسين وتابعين لكبار الموظفين
    اول مره ادري منك واعتقد كل من يقرأ هالكلام اول مره يدري ان اتحاد البترول يسعى في تغيير مسمى بدل السكن !
    يا اخي ليش كل هذا يسعى في شي ممكن انه مايمشي وهذا هو الارجح
    ليش ماسعى في شي تحت يده ويقدر يساعد الموظفين اللي مايستلمون بدل ايجار ويزيدهم نفس مازاد الدرجات العالية
    وهم بالاساس عندهم !
    شي مايقبله اي عاقل ناس ماعندها شي وتحرمها منه مع ناس عندها كل شي وتزيدهم فوق اللي عندهم !
    مع العلم انه زادهم في بدل حتى لو استلم بيت ماتنقطع منه هالزيادة لأنها غير منحة السكن اللي زادها لهم
    قول الحق ياخوي هل يعقل هالكلام تزيد منحة السكن وبدل السكن لناس وتحرم ناس منها ؟
    يا اخي هالبدل يختلف عن البدلات الباقية ومافيه اي منطق يسمح بالتفرقة فيها !!


    معد فيه ثانوية آخر توظيف لهم كان من سنين طويلة ولو حسبت كم موظف تحصلهم قليل
    واي خير تمنونه لكل الناس وانتم حاسبينها على موظفين نفط الكويت اللي كلها دبلوم حسب كلامك في هالمقارنة
    ياخوي ناس ثانوية عامة لهم سنين طويلة ودرجاتهم عادية ونفس الشي الدبلوم ليش تحرمهم من الخير وحاكرين البدلات
    للجامعيين ومو اي جامعيين بعد الفائدة للمهندسين أكثر شي يعني هذا اللي يستقيم فيه الامر !!


    يعني ماتدري ولاقريت تصريح المجلس الاعلى للبترول تارس الجرايد والمنتدى والسبب اللي على اساسة رفع التوصيات لإدارة مؤسسة البترول بتغيير الحسبة لأنها مو معقولة ابداً ان يستولي كبار الموظفين على الميزانية المخصصة للزيادة العامة
    يعني لط عيني عينك وظلم كبير على صغار الموظفين اللي ماصفا لهم إلا القليل
    ولاشفنا رد واحد من الاتحاد او النقابتين اياها جاب طاري تصريح المجلس الاعلى ويوضح وجهة نظرهم او اللبس اذا كان فيه شي خطأ في تصريح المجلس الاعلى بس يلفون ويدورون على العمال ويطلعون اشاعات ان الزيادة تم التعمد في تاخيرها او رفضها او انقاصها !
    وشرايكم بتوقفون معنا في الاضراب لو نضرب يعني يجسون النبض يدرون انهم مخملين وقارفين العمال


    واضحة وجهة نظرهم هالزمن هو زمن كبار الموظفين
    الامثلة مايحتاج راجع طلبات النقابة للعمال اللي تنتهي بسوينا اللي علينا والباقي طلع من يدنا اما راحت للاتحاد او راحت وطي !


    التحالف هذا مو نظيف ونقابة المؤسسة اما تحالف مع الاتحاد او تحالف مع نفط الكويت اما اتحالف مع الاثنين شنو يعني هالكلام ؟
    عموماً هو تكتيك لإضعاف الاتحاد على كل حال وتهميش دور باقي النقابات في اتحادها !

    الحين انت ماقريت تصريح اللجنة في توضيحهم الأخير بمعنى نعلن توقفنا عن زيادة المهندسين لحين الانتهاء من الزيادة العامة
    للعاملين للقطاع النفطي في ذاك الوقت يوم رئيس جمعية المهندسين مناشبنا في الجرايد او بالاحرى ينافس لجنة المهندسين
    فيصل الكندري وباقي الشباب في كسب المهندسين في صفهم !
    والحين نبي نعرف هل الزيادة جات من لجنة المهندسين ولا من الدراسة اللي كلفت بلاوي ؟!

    انا قصدي واضح عليكم شطحات مالها داعي وسوالف مالكم فيها فليش التهويش على غير سنع
    شنو فرقكم عن جمعية المهندسين اللي تصرح في اصعب الظروف للتخريب هذا ينطبق على تصريحاتكم الاخيرة
    وكان الافضل تستغل في شي اهم منها وهي الزيادة العامة مو انتم تقولون انها متعطله ؟ الواضح ان التعطيل منكم !

    ياخوي انا اقصد اللي حاصل الحين هذا مهندس وهذا مو مهندس وهذا له مميزات يستاهلها والثاني خله يولي
    هذا له بدل سكن وهذا خله يولي وهالموظفين حالتهم حالة المهندس ماينظر للموظف العادي بشي
    والموظف العادي مقهور من تصرفاته وصار يبادله نفس التصرفات السيئة وبدأ يشكك في شهادته بسبب تصرفاته
    الحين فريقين في تنافس من اللي يستحق الانجازات هل هم المهندسين او الموظفين العاديين بما فيهم الجامعيين العاديين
    واضح وناخوك الشغل كله للمهندسين لأن المجلس الاستشاري مهندسين وين تبي الناس تاخذ حقوقها وانتم محتكرينها وكل فائدة لكم وبس !


    هداك الله الحين حقوق الناس صارت هم على قلوبكم
    الله يعينكم على دعاوي هالناس​
     
  18. انسان

    انسان بـترولـي نشيط

    72
    0
    0
    اهم شي انك تستميحنى !!

    انت من صجك تتكلم والا تستعبط ؟؟؟! القطاع النفطي ما ارتاح وشاف الانجازات الا بعد ما فارقت نقابة البترول من رئاسة الاتحاد

    اي اداء تتكلم عنه ؟!! واي محظور ؟؟ عهد كله مخافر ومحاكم وقضايا والسبب كرسي الرئاسه اللى يبيه سعادة الريس ؟! اكو رجل (محترم) يضرب الناس بالعقال بجمعية عمومية والمضروب مسكين كان ينظم الجمعية

    والا تبي تقولي عن ابداعاته العظيمه ؟؟ مو كافي انه مختفي لما اضراب البترول الوطنية الاول وقاط كل شي بوجهه محمد حضيري ؟ والله اني احسدكم على هالرجل "محمد حضيري"

    والخصخصه كان الكل رافضها مو بس نقابة البترول وترا صار مهرجان خطابي بالاحمدى ضد الخصخصه ما بقى احد ما حضره .. مادري شنو الموقف الجلي اللى سووه ، ما نسمع بالبترول الا محمد حضيري والا غيره مع قمة احترامي لهم .. ناس محد يسمع لهم صوت .. نعم كان لهم دور حالهم حال اي نقابة رفضت الخصخصة .

    وبعدين شنو اللى صار في قاعة عبدالله السالم ؟؟ ماكان حاضر الجلسه الا اعضاء النقابات والاتحاد وما يتعدى عددهم 100 نفر ... وصار فاصل فكاهي لما عبدالله الرومي (رئيس الجلسه) فصل على سعادة الريس وطلب من الحرس يطردونه لما اعتقد انه يصفق :d.. وما فكه الا مرزوق الغانم لما تدخل وهدى الموضوع .. اذا قصدك هذا موقف رجولي اسمحلي !! والخصخصه عموما ماكانت ذات اهتمام عند العمال وانا منهم .. والا المفروض القاعه تنترس من عمال البترول الرافضين للخصخصة


    انا اللي بنصحك .. كلامك اللى كاتبه ما فيه خير ولا يفيد احد في المنتدى ... دور الكلام اللى يفيد الناس والا علق على كلامي اذا لقيت فيه شي غلط .. مو تقولي لا تتكلم عن نقابة البترول ترا تقع بالمحظور


    قال ايش ... انت فداوي والكل يدري .. هههههههه

    الله يسامحك يا شيخ !




    انا برد عليك بمثل لمولانا علي عليه السلام بما معناه خير لي ان اجادل الف عالم على ان اجادل شحص جاهل

    اشوفك مزج في تفتيد الامور والظاهر على يميمنك مدرس مصري وحاط نفسك انا نيوتن اقول خل منك فايده ودع ما يريبك الا ما لا يريبك يكون احسن لك وللقراء
     
جاري تحميل الصفحة...

مشاركة هذه الصفحة