فيدوني ياأهل الخبره..استقطاع التامين التكميلي

الكاتب : dead-line | المشاهدات : 1,172 | الردود : 4 | ‏27 ابريل 2011
  1. dead-line

    dead-line بـترولـي جـديـد

    33
    0
    0
    [السلام عليكم جميعا ياجماعه انه كان عندي استقطاع التامين التكميلي مال البترول وقفته قبل سنه بس تفاجات بموظف الشؤن الاداريه يقولي ان في قانون في البترول مايسمح لي أني أخذ هالبيزات اللي أهما فلوسي اللي استقطعوعهم مني طول هالسنوات من الخدمه راح استلم المبلغ بعد خمس سنوات مع ان المبلغ مو وايد 1650 دينار وطبعا كان هناك كتاب واصل من المؤسسه أني أوقع عليه علشان استلامهم لازم يمر عليهم خمس سنوات ليش حاطهم وديعه وماعطوني نسخه من الكتاب شنو اللي اقدر اسويه علشان أخذ حقي بطرق قانونيه وسليمه حلالنا مناشبينه عليه مانبي صندوقكم الفاشل التأمينات وكل مايتنا زياده قص منها اللي عنده خبر او يقدر يفيدني يبلغني ولكم جزيل الشكر. FONT="Book Antiqua"][/FONT]
     
  2. Names

    Names بـترولـي نشيط جدا

    160
    0
    0
    استوقفتني كلمة " صندوقكم الفاشل"

    والله يا اخوي المعاملات في الصندوق صارت معاملات شرعية .. وغريبه انك تقول عنه صندوق فاشل !!

    يستقطع منك 4% و اذا تقاعدت يعطيك 750 دينار فوق معاشك التقاعدى 1500


    اذا ممكن تفيدنا ليش صار فاشل ؟! اتوقع عندك معلومات احنا مانعرفها لو تكرمت
     
  3. خلف الشمري

    خلف الشمري بـترولـي نشيط جدا

    169
    0
    0
    بصراحه أنا واجهت ناس كثير ندمانين لخروجهم من الصندوق

    والكثير غيرهم دفع الآلاف للرجوع للصندوق

    وغيره كثير (كوني أحد موظفين الصندوق)

    المهم أنا أنصحك إنك تجد طريقه للرجوع عن موضوع الإنسحاب والخمس سنوات هذه لائحه وضعت للحد من موضوع الإنسحاب ثم الرجوع مره أخرى وكأن الصندوق وضع ليكون أسهل طريقه للحصول على المال لكل من إحتاج مبلغ ولو صغير

    قيسها لي قدام

    تتقاعد من الشركه أنت وأحد زملائك

    أنت تستلم 1500 التأمينات الإجتماعيه (هذا مثال) وبس

    وصديقك في العمل من أول يوم عمل في الشركه حتى التقاعد

    يستلم

    1500+712.5 = 2212.500

    وأنا أخوك نصيحه إحسبها صح وتوكل وترا إخوانك في الصندوق دائما مع الموظف ويختارون الذي في مصلحة الموظف وهذا شيء أنا ألمسه في نفسي من خلال القرارات اللي تحصل لكثير من الحالات اللي مرت علي


    وبالأخير :

    يبا أمانه خلك ويانه

    ^_^
     
  4. المحامي بدر

    المحامي بدر بـترولـي نشيط

    74
    0
    0
    السلام عليكم. أنا اضم صوتي مع اللي قبلي وهو صندوق مهم والاشتراك فية أيضاً مهم خصوصا بعد رفع السقف الي 750 دينار مستقلة عن المعاش التقاعدي لذلك أنصحك العودة مرة للاشتراك. فية. بعدين راح تندم مثل ما تندموا غيرك. وشكرا
     
  5. المحامي بدر

    المحامي بدر بـترولـي نشيط

    74
    0
    0
    السلام عليكم. ردا علي سؤالك ما هو سبب عدم إرجاع قيمة الاشتراك التامين الا بعد 5 سنوات لوحظ في الآونة الاخيرة بان بعض المشتركين في نظام التامين التكميلي يسحبون المبالغ دفعة واحدة. وبعد شهر يردون الي النظام التامين التكميلي. لذلك منعا للتلاعب تم وضع مدة زمنية للاسترجاع المبلغ حفاظا علي حقوق الأطراف وهم. المشترك والشركة. علما بان نسبة الاستقطاع 4،250 / اما الشركة تدفع 8،500/ عن مبلغ 750 دينار.
     
جاري تحميل الصفحة...

مشاركة هذه الصفحة