الثورة يا عمال النفط علي النقابة

الكاتب : بطرس الاصغر | المشاهدات : 1,005 | الردود : 5 | ‏26 ابريل 2011
  1. بطرس الاصغر

    بطرس الاصغر بـترولـي جـديـد

    43
    0
    0
    السلام عليكم ورحمة الله وبركاتة
    اما بعد
    ياعمال سبق وقلنا لكم الرئيس و اعضاء النقابة الجماعة يديرون مصالحهم الخاصة والله ماهمهم العمال انتم ذكرتو امين السر ( الامين علي حقوق العمال ) يتوسط لولد اخوه وتدخلاتة لكسر القوانين في الشركة
    وهجومة علي مدير مستشفي الاحمدي لانة يبي يرجع اخوة التيم ليدر للمستشفي و رفضة المدير بيض الله وجهة
    وهجومة علي العضو المنتدب في مؤسسة البترول لانة رفض مطالب لهم خاصة غير قانونية اصحو ياعمال واحد من اعضاء النقابة كان رئيس الاتحاد درجتة 13 صار بقدرة قادر درجة 17 الحين نئب لرئيس الاتحاد العمال والخافي اعظم
    الكل يتذمر من النقابة و افعالها تدرون ليش لان رئيس نقابة نفط الكويت ( مثل ملكة بريطانيا ) ماعندها اي صلاحية
    ياعمال خلونا نعمل ثورة ونطردهم شارع شارع دار دار زنقا زنقا
    اتحدو ياعمال و خلونا انحط ايدنا بيد بعض ونغير نظام النقابة الي تفشت فيها الواسطات والمحسوبية و ضرب القوانين عرض الحايط و الظلم لجميع العاملين في جميع دوائر الشركة .



    و لله الحمد و الشكر علي كل شي
     
  2. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0
    صباح الخير
    لله درك يا بطرس
    يعجبني الانسان المبادر والي يتحدى الصعاب ما دام مؤمن بالقضية التي يتبناها
    أنا من الناس إلي مستعد أحط إيدي بيدك
    لأني مؤمن بأننا نستحق نقابه أفضل في الأداء من هذه النقابه
    لأني مؤمن بأن العمل النقابي قائم على الدفاع عن الحقوق والحفاظ على المكتسبات
    لأني مؤمن أننا في هذه الالفيه وزمن الانفتاح الفكري لايزال ابناء قومي بعقلية الألفيه الماضية

    لنكن مبادرين
    لنكن منتجين ......ننظر الي الامور الايجابيه
    نحن نستحق الافضل ونحن قادرون على صنع هذا الافضل
    نحن من يصنع الضروف لا هي من يصنعنا
     
  3. مهموم

    مهموم بـترولـي نشيط جدا

    261
    0
    0
    يمكن نظرتي سوداويه بس اللي اشوفه ان التمثبل النقابي وقيس عليه باقي الانتخابات 3 انواع يا وصولي يا امعه يا واحد يبي يحاول يصلح وينصدم بالواقع ويمشي معاهم ويصير يا وصولي يا امعه او يبتعد ويترك الامور هذي
     
  4. AD-01

    AD-01 بـترولـي خـاص

    1,040
    2
    38

    بطرس !!

    اهلا وسهلا .. تو ما نورتنا يا اخوي .. علامك ما قمت تسير على النقابة والا عطوك حقوقك اللى تبيها 388 فلس مالت الحفر وكبر راسك ;)

    نرجع لموضوعك العجيب ..

    اول شي .. تقول ان امين السر يتوسط لنقل ولد اخوه ... اذا عرفت السالفه راح تعذره و السالفه ما تنقال اصلا ولو انك تفهم كان دخلت الرابط هذا وشفت صاحب الموضوع يعتذر للزعبي في رابع مشاركة .. هذا الرابط الاول :

    http://www.q8ow.com/vb/showthread.php?t=36294


    ثاني شي .. قلت ان الزعبي يهاجم رئيس المستشفى علشان يرجع اخوه ولكن مدير المستشفى رفض ... احب اوضع نقطه "للناس الفاهمه" وانت مو منهم .. لان مقامك اعلى من مقام العارفين وانت سيد الكل

    مافي "مدير" في القطاع النفطي يقدر "يختار" او " يوافق" او " يعترض" على نقل او تعيين اي تيم ليدر تحته وهذا الامر بيد رئيس مجلس الادارة .. ومو من صلاحية المدير الاختيار او الرفض ولا ياخذون برايه اصلا ;)

    ثالث شي .. تقول ان العضو المنتدب في المؤسسة رفض للنقابة طلب غير قانوني فهاجموه .. اتمنى تقولنا شنو هالطلب .. ماني قايل اتحداك واذا وووووو ... انا من معرفتي الشخصية فيك .. ادري انك "بن حلال" و "طيب" وصعبه عليك تدش بمواضيع اكبر منك نفس هذي ;)

    رابع شي .. تقول ان واحد كانت درجته 13 وصار رئيس الاتحاد وبقدرت قادر صار 17 .. اظن انك تقصد جاسم الناصر .. جاسم دش النقابه سنة 2008 وهو اصلا على الدرجة 15 من سنتين او اكثر (من 2006 يمكن) .. وتخرج من الجامعه 2008 وعدل وضعه 2010 (بعد سنتين) ، وقبل شهرين فقط اخذ مسمى chief وبدون درجه .. يعني ليلحين على الدرجة 15 .. والمفروض ياخذ الدرجة 16 بعد تشكيل الحكومة ، ويياخذ 17 بعد مرور "سنتين" من حصوله على الدرجة 16 ... بالعربي انت "تتبلى وما تخاف الله وعليك ذمه عجيبه"

    خامس شي .. الحمادي او ملكة بريطانيا على قولتك .. له كلمه مسموعه عند النقابة وعند الادارة وبيض الله وجهه اللى قاعد يحقق انجازات في عهده.

    سادس شي .. يا اخي انت غريب .. تسب النقابه .. وتكذب .. وتتبلى عليهم .. وثاني يوم تجيهم تشرب عندهم شاي و تجيب كتب لك وشكاوي .. يا اخي استح على وجهك ترا الناس كاشفينك وساكتين ;)


    بس والله لك وحشه .. يا شيخ !! :D
     
  5. مسوي زحمة والشارع فاضي

    مسوي زحمة والشارع فاضي بـترولـي نشيط جدا

    166
    0
    0
    أفى يا بطرس
    كل هذا ...... نصيحه يا ترد يا تعتذر
    تبي انقلاب يله ورنا بياض صفحتك من الاتهامات
     
  6. ENG ABDULLAH M

    ENG ABDULLAH M بـترولـي جـديـد

    20
    0
    0
    هههههههههههههههههههههههههه بصراحه رد اخوي Ad 01 قوي حيل وانا جاسم الناصر اعرفه شخصيا ريال الي بيقوله يقوله بالويه ما يخاف ولا يتصنع و الريال اساسا مو ناطر يدش النقابه على شان يعدل وضعه لانه انسان محبوب وشايف شغله وانت حتى لو ماتعرفه وعندك شغل عنده ما يقصر ويخلص اشغال خلق الله فليش تتبلى على الريال اما بخصوص الاخوان الباقين فانا ماعرفهم ولكن اكيد فيهم البركه

    على العموم هل نقابه ممكن افضل من سابقيها ولكني اتفق معاك ان بعض اعضاء النقابه يستغلون منصبهم لمصالح شخصيه وصدقني انت لو كنت مكانهم كنت راح تسوي نفس الشي ولا بتقنعني ان ياك ولد عمك وطلبك بمعامله بتقولي مايصير وحرام :)
    لا تعيش حياة مثاليه وايد ياخوي وتحسسني انك الفاروق رضوان الله عليه :)
     
جاري تحميل الصفحة...
مواضيع مشابهة
  1. المحرر النفطي
    الردود:
    0
    المشاهدات:
    6,235
  2. المحرر النفطي
    الردود:
    0
    المشاهدات:
    1,606
  3. المحرر النفطي
    الردود:
    1
    المشاهدات:
    6,867
  4. عامل نفطي غيور
    الردود:
    1
    المشاهدات:
    718
  5. المحرر النفطي
    الردود:
    0
    المشاهدات:
    7,285

مشاركة هذه الصفحة