شنو اخر تطورات كادر المهندسين يا جماعه؟

الكاتب : مو معقول | المشاهدات : 2,242 | الردود : 20 | ‏25 ابريل 2011
  1. مو معقول

    مو معقول موقوف

    663
    0
    0
    بسم الله الرحمن الرحيم

    انا ابي اعرف شصار على قضية كادر المهندسين النفطيين؟ وانا سمعت ان في بت قريب بهالقضيه و راح توجب المؤسسه بدفع الكادر بأثر رجعي للمهندسين....متى الحكم بهالقضيه وشنو راح يصير؟ بصراحه الاتحاد بهالسنه ه>ي بالذات خذلنا خذلان كبير وما شفناه يتكلم الا لما المهندسين يتكلمون....يعني اذا المهندس طالب بحقه اهم يتكلمون ويبون مع المهندسين واذا المهندسين ناطرين النقابات ساكته.................الحين المهندسين ساكتين يلا تكلموا يا نقابات؟؟؟؟؟ انا اراهن انهم ما راح يسوون شي الا اذا تحركوا المهندسين.....وينك يا طلال القحطاني والله بتصريح واحد لك تحركهم وتمشيهم غصب.

    بعد ما يأست من انتظار الزياده............الى متى يا مؤسسه؟ اذا ماعندكم ناس اكفاء او محترفين يقرون الزياده او يوافقون عليها ترى الامر سهل....خلوا الخدمه المدنيه تقوم بالواجب والا احد يتبرع لنا من اللي اقروا زيادة العسكريين ويمشي امورنا.


    بصراحه انا اشوف لو القطاع ما زاد فيه عدد الكويتيين جان شفنا الزيادات شلون تقر. وبالذات الاداره و مجلس البترول الاعلى.....اذا لي هالدرجه يسوون انا انصح الدوله انها تجيب ناس محترفه من المانيا والا امريكا وتخليهم يمشوون امورنا....لأن هالزمره هذي اثبتت فشلها في ارضاء الموظفين واعطائهم حقوقهم...


    انا تعبت
     
  2. Names

    Names بـترولـي نشيط جدا

    160
    0
    0
    لا تشتط .. طلال رحناله بريولنا بورشة العمل شهر 5 الماضي ... وحسافه خذلنا مع لجنة المخربين .. اقصد لجنة مهندسي القطاع النفطي التابعه لجمعية المهندسين !!

    الجمعية تعامل النقابات جنها شريجتها (زوجتها الثانية) ... كل ما تحركت النقابة تحركت الجمعية رد فعل مو اكثر (غيرة)


    اخر تصريح للجمعية بعد ما تحركت نقابة المؤسسة مع نقابة نفط الكويت ومعاهم مهندسين من القطاع وشكلوا " لجنة تعديل مرتبات مهندسين القطاع النفطي" وحصلوا على دعم من 1400 مهندس .. قامت الجمعية برد فعل غريب عجيب ... هاجمتهم بدال ما تدعمهم

    وقالت الجمعية - بعد ما افلست - نبي نرفع قضايا (هذا الكلام من 4 سنين) وردت قالته مرة ثانية قبل سنه ونص ... وقالته مرة ثالثة قبل شهرين !! قضايا مرفوعه من 2200 مهندس ضد القطاع النفطي !! ... مع الاسف ما رفعت الجمعية ولا قضية .. كلها كذب وتخدير و استخفاف بعقول المهندسين

    واللى رفع القضية لاقرار كادر المهندسين هم النقابات النفطية ( اقصد والحق ينقال .. عبدالوهاب الكندري و فيصل الكندري ) والحكم يقولون "قريب"

    ومن تعاملي مع شباب لجنة تعديل مرتبات مهندسين القطاع النفطي" ... ابشرك ان موضوع حقوق المهندسين بأيدي امينة
     
  3. مو معقول

    مو معقول موقوف

    663
    0
    0
    اخوي انا ابي اعرف شصار على هالتطورات...لان تعبنا نفسياً منها صراحه

    لا كادر ولا زياده....؟؟؟؟؟؟؟؟؟؟؟؟انزين نبي نعرف الرد النهائي على شان نعرف الوضع

    وبخصوص مشاركة النجاح بدال لا يحسسوننا بقيمتنا ويسعدونا فيها.....مجعصينها علينا لي الحين؟ السنه اللي طافت ماكو وهالسنه مو راضين حتى يعلنون عنها ويقولون لنا مبروك واستانسوا.....بصراحه شي يحز بالخاطر ولا قاعد نحس بقيمة هالمزايا...

    الزياده...........كل قطاعات الدوله تم زيادتهم الا احنا..............انا اخاف الحين لما يبون يقرون الزياده يشتكون القطاعات الاخرى ويتم الغائها وهالتأخير هذا تكون نتيجته عكسيه على الموظفين والاداء الوظيفي للقطاع كله

    بعدين الحين مو المؤسسه متفقه مع النقابه انه كل 3 سنين يتم دراسة معاشات الموظفين وتتم زيادتهم اذا في نقصان؟ الحين بيصيرلنا اربع سنين وماكو شي!!!!!!!!! لا يكون بيخلونها كل 6 سنين ومو عارفين شلون؟

    جماعه الموضوع بوجهة نظري قاعد يكبر ويجب اتخاذ اللازم من قبل الموظفين قبل الاداريين........لأن بوجهة نظري ان الاداريين فشلوا في المواضيع الماليه وبجداره للأسف.....لا اداره ولا مال
     
  4. Names

    Names بـترولـي نشيط جدا

    160
    0
    0
    تعبنا ؟!! اشدعوه !! الله يعينك على ظروفك التعبانه

    الحمدلله انا كموظف وكبير مهندسين في القطاع النفطي وضعي مرتاح ومعاشي مكفيني وحالتي مستوره .. ان جات الزياده خير على خير وان ما جات الحمدلله على كل حال


    وضعنا المالي احسن وضع في الدوله باستثناء المهندسين .. واللى يقول غير هالكلام يكذب


     
  5. AD-01

    AD-01 بـترولـي خـاص

    1,040
    2
    38
    القطاع النفطي اخذ زيادته قبل الكل في سنة 2008 وكانت من 200 -500 دينار اذا نسيت اخوي


    بعدين وقبل ال3 سنوات .. عملوا دراسه وشافوا ان الفئة الوحيده المظلومه هى المهندسين فقط ومع هذا زادوا الكل حسب جدول جريدة الانباء من 200 الى 880 دينار ( لاحظ ان المستحقين فقط المهندسين وغيرهم بدون استثناء رواتبهم اعلى من الحكومة او القطاع الخاص) وفوق هذا الكل مو عاجبه


    من قالك ان الحين صار 4 سنوات وراح يصير 6 سنوات وما راح يدرسون الرواتب ؟؟ اذا الموافقة من مجلس ادارة المؤسسة طلعت في شهر 1 سنة 2011 .. يعني قبل ما تكمل 3 سنوات ( ال3 سنوات تكمل في شهر مارس 2011 اذا حسبت الزياده الاخيره في مارس 2008 )


    بعدين شنو يعني "تعبت" نفسيا ؟!! يا اخى انت من كلامك مهندس .. وبشركة النفط وتقول تعبت ؟!! لا تكفر بالنعمة وكلنا ندري ان اوضاعنا فوق الزينه ورواتبنا عاليه حتى لو ماعطونا زياده .. عمرك سمعت باحد استقال ؟!! العدد بسيط وماكو شي .. لا تستغفل عقولنا وتقول ان وضعك سيء ..
     
  6. مو معقول

    مو معقول موقوف

    663
    0
    0
    جماعه انا برد عليكم وليش انا تعبت...احنا نداوم 8 ساعات والوزاره يداومون 6 ساعات وفي اماكن ما يدلون الدوام.

    والمعاش بالوزاره افضل باستثناء للمهندسين بالقطاع النفطي اللي دوامهم بعيد وانا مو منهم....


    انت يا كبير المهندسين ياللي مرتاح بدوامك جم سنه يبيلنا ونصير كبير مهندسين؟ وجم معاشك وجم الفرق بينك وبين الوزاره يا ليتك تقول لنا على شان ناخذ عبره ونصبر...

    يا جماعه مهندس قريد 12 بالبترول ومتزوج بالاحمدي يستلم 1100-1200 والاسكان مايعطونه بدل اجار....مهندس بالوزاره 1350+150 بدل اجار وفي بعض الامكان يستلم سياره......يا جماعه من الغير معقول هالكلام هذا...واخر شي تقولون ليش تعبت!!!!!!!!
     
  7. almostishar

    almostishar بـترولـي مميز

    567
    5
    18
    بمصر
    رسوم جامعه 500 ضرب 4 =2000 دينار + نثريات بخاشيش وتضبيط نسخ الاختبارات 1000 دينار Total 3000 دينار

    سكن ومعيشه روحة فترة الاختبارات 2000 دينار = المجموع الكلي 5000 دينار

    تهقون المهندس يطلع راس ماله خلال كم سنه .. بعد مايتعدل الوصف الوظيفي والدرجه والمميزات .

    .
     
  8. almostishar

    almostishar بـترولـي مميز

    567
    5
    18
    الاحلى شهايد الفلبين ههه ..
    حدث ولا حرج ..مايعرف انكليزي بالموت يمشى نفسه ويجي مممم ناجح أشلون .

    .
     
  9. مو معقول

    مو معقول موقوف

    663
    0
    0
    معاك حق والله و ما الومك لو اتطنز.......اصلاً انا ضاق خلقي لان القطاع النفطي يقبل مهندسين ذات كفاءه رديئه للاسف.....اقولك شي وتصدقني؟ تصدق اعرف مهندسين من جامعة الكويت مو مقبولين بالقطاع النفطي بينما مقبولين ناس بشهادات فاشله وذلك بالواسطه وهالشي صراحه يحز بالخاطر والمشكله ان بالمستقبل راح يمسك زمام الامور بالواسطه و راح يعفس ثروات البلد اهو وغيره...اصلاً في بعضهم ما يعرفون شلون ينطقون تخصصهم وفي بعضهم مايعرفون مثلث بالانجليزي شنو.........انا بصراحه اوجه رساله لوزير النفط بأن يرى من وراء هذا الامر والفساد الاداري اللي يدخل القطاع ناس مو مهندسين من الاساس ويرفض المهندسين اللي من جامعة الكويت اللي على الاقل تكنيكالي يشفطلهم.... اخوي انا اعذرك ولا الومك و يشهد الله اني رأيت ناس واتوقع بأن الاخوان مشغلين الحقول بشهاداتهم الثانويه افضل منهم ويشفطون لهم بالهندسه واللغه. وهذا العتب يجب ان يصل للوزراء ومعاقبه كل من وراء هذا الامر.

    اخوي انا ما كان موضوعي من وين اتيت بالشهاده فهذا الموضوع بعيد عن موضوعي...و موضوعي اهو مادي يعني انت بالذمه لو كنت مكاني ترضى او تتعب مثلي؟ يعني تشوف اللي نفس مستواك و مؤهلك العلمي بالوزاره ياخذ اكثر منك ويشتغل اقل منك....بالذمه ما تتعب؟؟؟؟؟؟؟؟؟؟

    انت من تعليقاتك اللي قريتهم ينطبق عليك المثل اللي يقول....(اللي ايده بالنار مو مثل اللي ايده بالماي)
     
  10. مهندس سياسي

    مهندس سياسي بـترولـي جـديـد

    28
    0
    0
    اول شي تكلم على نفسك وشكلك ماعندك عيال دخلتهم المدارس الخاصه تعلمهم احسن تعليم وشكلك ماعندك المسؤوليه الكبيره الي يتحملها الكثير من الموظفين في القطاع النفطي ومو معناه انك كبير مهندسين انك تقض النظر عن الكثير الي يعاني من المشاكل الماليه ليسد حاجته اليوميه من موظفين القطاع النفطي ولكن انانيتك غضت النظر عن مشغل الحقل الي انت ماتشتغل نص شغله وغضيت النظر عن الي يكونون بالرق تحت الشمس يعطونك التقارير وانت قاعد في مكتبك تحت المكيف وعلشان جذي انت ماعندك احساس بغيرك واذا انت كبير مهندسين ماعندك تعطي اهميتك لموظفينا الي يكرفون اكثر منك انت فأنا ككبير مهندسين امد ايدي لكل الموظفين وادعو الله ان يفرج عنهم ويرزقهم ويريح بالهم واذا يت الزياده فهي الخير خيران ومره ثانيه راعي شعور الاخرين وانا ماني محتاج لماعشي الي انت مستانس فيه لكن الحق يجب الوقوف مع الموظفين الاخرين ومراعاة شعورهم. تم
     
  11. Knpc lawyer

    Knpc lawyer بـترولـي نشيط جدا

    271
    1
    16
    لله يسامح التعليم العالي

    واضح جدا مستواك التعليمي وانك من ربع الفلبين والهند يعني من اشباه المهندسين اذا عندك كلام فيه خير قوله اما ادعم الطوف وحاسد غيرك وين توفق انا اقول غبر غبر يا ....
     
  12. أبوليلى

    أبوليلى بـترولـي نشيط

    92
    0
    0
    مسيتم بالخير:
    أقطع ايدي اذا تداومون 8 ساعات كامله كل ما مرينا مكاتبكم والا هي تصفر , تجون متأخر وتمشون مبكر والكلام مو للمهندسين بس, ولا مامنه بكره ترقى بكره ومسك تيم ليدر شاف نفسه وقال هذي من اساسيات العمل الالتزام بالدوام ,يبى الكويت بكبرها قلبل منهم اللي حافظ دوامه ,اخلص وانتم يامهندسين يا متعينين بواسطات وتقولوون القطاع النفطي طارد , أشوووف الاستقالات كثرانه لا مساكين
     
  13. مو معقول

    مو معقول موقوف

    663
    0
    0

    اخوي القطاع كله ما يداوم بالوقت ويطلع بالوقت....حتى اللي يداومون شفتات ما يداومون بالوقت ويطلعون بالوقت بشكل يومي...لا بد ان في يوم الواحد يتأخر ..لا بد ان الواحد بيوم يطلع مبجر...

    واذا عندك مهندسين ما يداومون يا ليتك تقدم كتاب لمدير الدائره على شان يعرف يتصرف وياخذ موقف معاهم. هذا المرض موجود بكل قطاعات الدوله اللي اهو التأخير والخروج المبكر وليس محصور على المهندسين او غيرهم...اخوي انت نقدك مو بمحله احنا قاعد نتكلم عن المعاش يعني الحين على كلامك شحقه ناخذ هالمعاش اللي الحين قاعد ناخذه؟ احنا نبي حقنا ومساوتنا مع الحكومه....انت ما راح ترضى ان يساوونك مع الحكومه لانه معاشك دبل الحكومه...احنا يالمهندسين مساكين ونكسر الخاطر ما نبي الا المساواه مع الحكومه...عرفت الفرق بينا وبينكم؟

    اخوي بخصوص التيم ليدر ويقول لكم لازم اتداومون بالوقت...اي انسان بأي شهاده اذا مسك منصب يكون برقبته ويجب عليه ان يضبط الموظفين اللي عنده. واهو راعي عليهم ويجب تطبيق القانون والحق ما ينزعل منه والا تبي التيم ليدر يقول لكم كيفكم تبون تداومون داوموا واذا ماتبون عادي انا اسوي شغلكم؟


    اخوي احترم مشاعر الناس في ردودك ولا تقطها على المهندسين وتقلل من قيمتهم...لان مايقلل من قيمة المهندس بالقطاع النفطي الا الغشيم او الجاهل
     
  14. Knpc lawyer

    Knpc lawyer بـترولـي نشيط جدا

    271
    1
    16
    ولله امركم غريب كلامك موبمحله اتحداك تلقى واحد بالتشغيل يطلع مبجر حدث العاقل بمايعقل مايطلع الا ابديل هذا شي وبالنسبه لموضوع كوادركم عليكم بالف عافيه بس القصد ماله داعي حاسد غيره ومايبي احد ياخذ كادر او زياده الا المهندسين اذا مرتاح ومكفيه معاشه خلاص لما انشالله تنزل الزياده والكوادر خل يتبرع فيهم لجمعيات النفع العام ودمتم ...
     
  15. LPG

    LPG بـترولـي نشيط

    149
    0
    0

    الله يعز زامات الليل اللى خلت الدوام يوم ب 3

    استر على ماواجهت ترى عندنا وعندكم خير
     
  16. Names

    Names بـترولـي نشيط جدا

    160
    0
    0
    ماقلت شي جديد .. ندري عن دوام الوزاره وندري عن معاشهم وللعلم المهندسين بالمحطات يداومون نفسنا 8 ساعات تقريبا ، والكل يدري ان معاش مهندس الحكومة يفرق 300 دينار عن مهندس النفط ولله الحمد والله يزيدهم ... لكن تعبنا !! اسمحلي اخوي ما تنقال هالكلمه واذا دوامك بالحقول ما راح يكون الفرق يسوى اذا ضفت تذاكرك السنوية .. ولا تنسى الانسنتف (اللي اغلب كبير المهندسين يحصلونه) وهم لا تنسى الشير اذا استلمتها لو راتب واحد

    اذا انت مهندس وتوك داش الشركة تقدر تروح للحكومة .. احسن ومعاش اكثر ... واسهل من استقالتك وانت كبير مهندسين



    ابشرك عند 4 عيال الله يخليهم لي ... وكلهم مدارس خاصه

    وعندى قرض 70 الف من التمويل ومتسلف 22 الف وشاري ارض وقاعد اقاسطهم

    وعندى بيت بالاحمدى قاصين مني اكثر من 350 دينار

    واداوم السبت او سبتين في الشهر بدون اوفر تايم لاني على الدرجة (17) واذا ما داومت تاخر الشغل و تنحسب ضدي بال sop

    وعندى التزامات ماليه ثانية حالي حال اي كويتي

    ومع هذا ... بفضل من الله ماني تعبان ماديا ... وراتبي مكفيني .. واموري طيبه


    ارجو انك تقرا كلامي عدل لو تكرمك ... انا ما قلت لا تعطونا زياده .. وما حسدت غيري ... انا اعتراضي على كلمة "تعبنا" .. هالكلمة عيب وما تنقال ... واحوالنا بالنفط افضل من قطاع الحكومة ومن القطاع الخاص.

    قارن معاش مساعد المهندس في النفط وشوف معاش مساعد المهندس في الحكومة .. وقيس عليها

    المطلوب تقول "الحمدلله على النعمة" ما تقول " تعبنا" ... اقرا كلامي عدل !
     
  17. Names

    Names بـترولـي نشيط جدا

    160
    0
    0
    تكلمني ؟

    يبيلك دوره علشان تتعلم تقرا عربي و تفهم كلامي ...

    ماني شايف اي رابط بين تعليقك وبين اللى انا كاتبه !!

    اقرا كلامي عدل والا خل احد يقراه لك ويشرحلك وراح تعرف اذا فيه حسد و مذمه ... والا كلام طيب

    اذا عن مستواي ، ماني من ربع الفلبين ولا من ربع الهند .. اللى يعرفني شخصيا يعرف انا من اي جامعه متخرج وشنو مستواي
     
  18. Knpc lawyer

    Knpc lawyer بـترولـي نشيط جدا

    271
    1
    16
    لله يصلحك انشالله ويكملك باخلاقك

    ادرسك اصول اللغه ياخريج المعادي تعليق بسيط انت شخص فارغ ، اللهم لاتحاسبنا بمافعل السفهاء منا...
     
  19. Knpc lawyer

    Knpc lawyer بـترولـي نشيط جدا

    271
    1
    16
    يعني انت الولد الفلته هههههههه

    تكلم عن نفسك ياعزيزي وماني بالقسم الي تقصده اداوم ست ايام وبالساعه وسلامتك..،
     
  20. Names

    Names بـترولـي نشيط جدا

    160
    0
    0
    هم تأكدت انك مسكين و تفكيرك على "قدك" .. الله يعينك على نفسك وعلى عقدت النقص اللى فيك

    اقرا كلامي مره ثانية والا خل احد يشرحلك علشان "تستوعب" اني ما حسدت احد


    ايضا ماني من ربع المعادي وما احتاج لمثل هالجامعات ... الله يعز الكويت اللي خلت التعليم العالي تبعث المتفوقين في الثانوية لاقوى الجامعات في العالم ;)


    اظن الحديث معاك ماله داعي .. موفق
     
جاري تحميل الصفحة...

مشاركة هذه الصفحة