يستاهلون اخوانا العسكريين بس والله ظلم لنا؟

الكاتب : Alzaid82 | المشاهدات : 1,272 | الردود : 17 | ‏22 ابريل 2011
  1. Alzaid82

    Alzaid82 بـترولـي نشيط

    57
    0
    6
    صار حالنا حال باجي الدوائر الحكوميه بالرواتب لا وحنا نكرف ليه الثلاث والي اداوم شفتات الله اعينه او رواتب الحكومه اعلى لا هذا ظلم صراحه قبل كنا راظين لان الراتب الهم لك الحمد الحين اختلف الوظع العالم كلها زادت الا إحنا والله العظيم توني امكلم واحد من الربع بالجيش أنا اقدم منه متوظف ماشالله على هالزياده الله اهنيهم فيها فرق عن راتبي اب280 لا او في بدل خطر 120 دينار يليهم الشهر الجاي الله اهنيهم بس وين اخوانا الي بالنقابه مايطالبون بحقووقنا بالزياده تره إحنا ما قاعد نطلب الا حقنا او هذا حق مشروع مو قالو سوو دراسه الدراسه او سويناها لا او مو اي دراسه بعد دراسه دقيقه أنا اتمنا من الاخوان بالمنتدى تتحركان ابهل موظوع لانا صراحه شي احر الي قاعد أصير او هذا ظلم والله مايرظى بالظلم او لاتنسون يا إخوان ان النفط المدخول الاول بالكويت او اهو عصب ديرتنا حرام الي قاعد يشتغلون ابهل مكان الخطر أتكون رواتبهم جذي.......!!:mad::(
     
  2. KFUPM

    KFUPM بـترولـي جـديـد

    19
    0
    0
    كلامك سليم لكن هل من مجيب :(
     
  3. Alzaid82

    Alzaid82 بـترولـي نشيط

    57
    0
    6
  4. Eng.Vampire

    Eng.Vampire بـترولـي خـاص

    قولوا الحمدلله علي النعمه.... رواتب النفط تعتبر الاعلي بالكويت
     
  5. Alzaid82

    Alzaid82 بـترولـي نشيط

    57
    0
    6
    هذاك اول يالحبيب صباح الخير العالم طافتنا .........الله كريم
     
  6. العباس

    العباس بـترولـي نشيط

    57
    0
    0
    مو صحيح انت تتكلم عن اي درجات بالظبط من عشرة وتحت اردا رواتب اللي مستانسين سبعتعش وفوق المفروض الزيادة اتكون للاربعتش وتحت واللي فوق يسجدون لله شكر .....
     
  7. واحد من خلق الله

    واحد من خلق الله بـترولـي نشيط جدا

    296
    0
    0
    ياجماعة الكلام هذا تقولونه في مكان غير المنتدى النفطي اهنيه على قولتهم كلنا عيال قرية وكلا يعرف خيه شنو الي برا احسن كلام فاضي اتحداكم تجيبون مكان احسن من القطاع النفطي انا قريد عشرة استلم اقل شي 1300 وهذا الشهر الي مافيه اوفر تايم او هوليدي ومن غير مشاركة النجاح ومن غير التذاكر ومن غير ومن غير كله فضل من ربي الله لك الحمد والشكر المطالبات تكون من غير ماطالع الي عند خلق الله طالب ومالك شغل بالعالم هذا يسمونه حسد لاتقولي مو حسد الا حسد وحسد العسكري الي انت قاعد طالع معاشه تلقى عمره 30 وفوق ويجيك جاهل عمره 20 يامر عليه اهنيه الى يامر عليك تحط اصبعك في عينه صلوا على النبي ولاطالعون لقمة غيركم تراكم في نعمه.
     
  8. Alzaid82

    Alzaid82 بـترولـي نشيط

    57
    0
    6
    منو الي حسد شفيك شاد حيلك الله أزيدهم إحنا قاعد أنقول حرام الظلم لانا إحنا دوامنا متعب بس الحمدلله لانا رواتبها زينا فرق عن باجي الدوائر الحكوميه الحين صرنا حالنا من حالهم لا او اقل هذا واحنا اب اهم مكان بالدوله
     
  9. Eng.Vampire

    Eng.Vampire بـترولـي خـاص


    كلام مو صحيح انا أتكلم عن جميع العاملين بمختلف الدرجات رواتبنا تعتبر من الرواتب المرتفعه بالكويت مقارنه بالجهات الحكوميه والعسكريه وحتي الجهات الخاصه ..... ويمكن في بداية التعيين تشعر الراتب عادي نوعا ما لكن بعد 4 او 5 سنين خدمه الراتب يصعد بشكل كبير وهذه ميزة القطاع النفطي .....

    يكفي انه علاواتنا السنويه ما فيها 7 و8 دنانير مثل باقي الجهات وهالشي الي يخلي الراتب قوي
     
  10. Eng.Vampire

    Eng.Vampire بـترولـي خـاص


    أخوي كلنا نطمح بزيادة في رواتبنا مقارنه مع طبيعة عملنا وعدد ساعات العمل بالقطاع النفطي .... لكن انا مو معاك بموضوع "اللظلم" الي تقول عنه :)

    الحمدلله احنا مو مظلومين بالعكس غيرنا يتمني مكاننا :)
     
  11. واحد من خلق الله

    واحد من خلق الله بـترولـي نشيط جدا

    296
    0
    0
    اكيد شاد حيلي حسدكم الله يهديكم لعب فينا لعب لا مطر ولا زيادة والظاهر مافيه مشاركة نجاح اللحين اذا صار معاشه نفس معاشك مايصير وحرام ليش يابن الحلال هذا اخوك وصاحبك تمنى له ان معاشه يصير اكثر منك شالمشكله ياجماعة الخير ترا ذبحتونا بالحسد لاطالعون العالم مالكم شغل بالعالم وبالاخير الله يغفر لنا ولكم وهذا اخر رد عليك.
     
  12. Alzaid82

    Alzaid82 بـترولـي نشيط

    57
    0
    6
    اول شي مليوووووووووووووووووووووووووووووووون مره قلنا عليهم ابستين الف عافيه محد حسدهم بس انت موراضي تستوعب (قافل) احنا قاعد انقول انا احنا لازم ازيدون رواتبنا لانا احنا نستحق الافظل شركات النفط الي حوالينا مو احسن منا مثل ما ساوو العسكريين مع رواتب دول مجلس التعاون يا مستر فهيم لازم ازيدون رواتبنا الظاهر انا انت عسكري بالجيش انا شاك:cool:
     
  13. koc-76

    koc-76 بـترولـي مميز

    591
    0
    0
    بعد الدراسه رواتب القطاع النفطي الكويتي تأتي بالمرتبه الأخيره من بين القطاعات النفطيه لدول الخليج العربي والمطالبه بزياده رواتب القطاع النفطي حق مشروع ولا يجب مقارنته مع القطاعات الحكوميه والعسكريه والخاصه.
     
  14. sky-fly-man

    sky-fly-man بـترولـي نشيط

    108
    1
    18
    بشكل موضوعي

    بشكل موضوعي انا اوافق الاخوان الرئي من ناحيه وجوب تميز مردود القطاع النفطي عن باقي القطاعات ولا اقصد كل القطاعات فلقطاعات اخري خصوصيتها ايضا , ان القطاع النفطي مقارنه بالكثير من القطاعات الاخري قطاع طارد لما فيه من مجهود بدني و عوامل تلوث و خطر فعليه " انا اكلمكم و توني خالص من اختبار معده كان ممكن تودي بحياتي " بالاضافه الي الاشعاعات و الضوضاء و بعد المسافه و الظروف البريه و البحريه هذا غير الشفتات هذا من ناحيه اما الاداريين فالله يعينهم مسؤوليه حقيقيه ترتبط بثروه البلد و في كثير من الاحيان ارواح الناس الي يديرونهم, ان الي يمنع انزلاق دول الاقليم الي دوامه العنف المحيطه فيها هم هؤلاء الرجال و السيدات العاملين في القطاع النفطي مما يوفرونه من وفره ماليه و استقرار اقتصادي لدول المنطقه تحت القياده الحكيمه لحكامها, ما يطالب به العاملون هو ببساطه العدل و اني لشديد الثقه بعدل كل من القيادات السياسيه و المؤسسيه و ذلك لنها لا تعدم الحكمه و بعد النظر و من الجانب الاخر علي العاملين ان يعو قدر المسؤوليه الملقاه علي عاتقهم مهمى تناهى دورهم في المؤسسات النفطيه الحيوه للكويت و للعالم من اجل هذا الجيل و الاجيال القادمه.
     
  15. sky-fly-man

    sky-fly-man بـترولـي نشيط

    108
    1
    18
  16. بو عمر

    بو عمر بـترولـي نشيط جدا

    164
    0
    16
    المفروض رواتب القطاع النفطي تكون اكثر رواتب بفارق كبير عن باقي الجهات و بغض النظر عن طبيعه العمل المجهدة. كافي ان تقريبا كل دخل الدولة يأتي من هذا القطاع فيجب تمييزه و استقطاب الخبرات ليس تطفيشها.
     
  17. بو عمر

    بو عمر بـترولـي نشيط جدا

    164
    0
    16
    طبعا انا ما انكر انه يجب التمييز بالنسبه لطبيعه العمل و لكن السبب السابق كافي حتى بدون اي سبب ثاني.
     
  18. Alzaid82

    Alzaid82 بـترولـي نشيط

    57
    0
    6
    الله كريم انشالله الامور اتعدي على خير اوتنقر الزياده يااااارب
     
جاري تحميل الصفحة...
مواضيع مشابهة
  1. silent
    الردود:
    1
    المشاهدات:
    427

مشاركة هذه الصفحة