تخبط جديد لنقابتنا الموقرة

الكاتب : الكويت وبس | المشاهدات : 1,309 | الردود : 16 | ‏19 ابريل 2011
  1. الكويت وبس

    الكويت وبس بـترولـي نشيط جدا

    231
    0
    0
    من 4 أيام تقريبا وصلنا على ايميل الشركة تعميم من نقابتنا الموقرة بخصوص اعتماد كتاب موافقة من المؤسسة بخصوص اعادة اختبار مستوى الانجليزي خلال شهر وبالفعل اتجهت لمبنى الادارة لطلب تقديم الاختبار باقرب وقت ولاحظت وجود اكثر من موظف لنفس الغرض ولكن المفاجأة انه رئيس الفريق ابلغني بانه لا يوجد اي كتاب رسمي وكيف انه النقابة تقوم باصدار تعميم رسمي عن طريق البريد قبل ان يردهم كتاب من المؤسسة

    بالتالي ابلغني بانه هذا التعميم غير فعال لحين وصول كتاب رسمي من المؤسسة


    صح النوم يا نقابة بسكم مهايط
     
  2. nawaf52

    nawaf52 بـترولـي نشيط

    127
    0
    0

    الكتاب مكتوب فيه تم التوصل ماقال تفعيل وبعدين النقابه كاتبين عن طريق الاتحاد ولما الكتاب يتأخر أكثر من شهر إعتب لكن الموضوع الاسبوع اللي طاف وتبي تطبيقه اليوم انسى موقبل شهر من الاتفاق .
     
  3. الكويت وبس

    الكويت وبس بـترولـي نشيط جدا

    231
    0
    0
    احترم ردك ولكن احب اوضحلك يالحبيب

    اولا
    بالإشارة الى الموضوع اعلاه ، يطيب لنقابة العاملين في شركة نفط الكويت ان تزف لكم تحقيق احد مطالب النقابة والتي تمت عن طريق اتحاد عمال البترول وصناعة البتروكيماويات والذي يتمثل بتقليص مدة اعادة اختبار التخصص واللغة الانجليزية من ست شهور لتصبح شهر واحد ، وذلك اعتبار من تاريخ 3/4/2011.

    مكتوب انه التطبيق من هالتاريخ المذكور

    ثانيا
    لا تسوي روحك فاهم وتقول انه مو اقل من شهر للتطبيق لانه التطبيق من الاسبوع القادم

    بس الظاهر عند احد من جماعتك بالنقابة هههههه

    وعموما تشرفنا واسعدني مرورك
     
  4. nawaf52

    nawaf52 بـترولـي نشيط

    127
    0
    0


    ترا على فكره أنا شايف الايميل هذا بس للأمانه ما إنتبهت لتاريخ التنفيذ ومحدد لكن قريت إنه تم عن طريق الاتحاد .
    لا لو إنك قديم بالشركه لما كان هذا كلامك وللأسف حاليأ أكثر اللي يشاركون بالمنتدى جدد على القطاع النفطي ماتعدوا 10 سنوات واقل فلما نشوف المشاركات كلها إستهزاء وواحد يطب بالثاني وان اهم اللي يعرفون وغيرهم لا يا أخي صارلي بالشركه 18 سنه وعرف الشركه عدل قوانينها كلها يطلعون القانون اليوم وتنفيذه بعد مده الا بحالة لما يكون واحد قوي مستفيدمن الموضوع تشوف التطبيق ثاني يوم .

    شوف إذا عند احد من جماعتي ابشر مرني ومالك الا طيبت الخاطر :)

    انا اللي تشرفت .
     
  5. zeeroo

    zeeroo بـترولـي نشيط

    134
    0
    0

    وشفيهم الجدد الناس مو مدة خدمتها كثر مطالعتهم ومتابعت الأحداث ( والتركيز في إلي يقرونه)
    مشكلتنا هذا جديد ما يعرف شي وهذا قديم متخلف الناس بمضمونها مو بعمرها
    وتبونا نتطور ..... خير أنشاء الله

    بس صراحة صادك المفروض تشكرة على التنبيه وتعتذر عن فهمك الي كان خطأ عدي كل أبن آدم خطاء وخير الخطائين التوابين

    تقبل مروري
     
  6. الكويت وبس

    الكويت وبس بـترولـي نشيط جدا

    231
    0
    0
    ضبطنا يمعود ابي سيارة وقريد وكورس خارجي وديوتي واذا امكن بيتين لزق بالشمال واذا ما عليك كلافة ابي اقعد بالبيت ويوصلني المعاش عالجاهز مع المرفقات اللي اهي طبعا الانسينتف والبونص والاوت ستاندينغ وشاكرلك مقدما
     
  7. الكويت وبس

    الكويت وبس بـترولـي نشيط جدا

    231
    0
    0
    كلنا اخوان وبموقع واحد والهدف الاسمى خدمة هالبلد اللي ما قصرت معانا بيوم من الايام وقصد اخوي نواف من منطلق المنطق مو اكثر انه الجديد باي موقع ما يملك الخبرة الكافية بكثير من الاحداث وما يمنع طبعا انه كلامك عين العقل وفيه موظفين جدد وما صارلهم سنة لكن درايتهم بقوانين الشركة اكثر من موظفين خدمتهم 30 سنة ولكن القصد اعتقد انه كان من منطلق المنطق لا اكثر وان شاءالله بتتطور انت والشباب اللي مثلك وبتغطون مكان هالاجانب اللي خابينا فيهم وصدقني عندكم اكثر من اللي عندهم وفيكم الخير
     
  8. nawaf52

    nawaf52 بـترولـي نشيط

    127
    0
    0
    إنت فهمت الموضوع غلط أنا ما تفلسفت على الجدد أنا قصدت شغله غير عن اللي بالك كثير يا أخي الفاضل شوف المنتدى وشوف المشاركات وبتعرف معنى كلامي وبعطيك مثال حي موجود بالمنتدى وهو الزياده كل المشاركات توحيلك إن الموضوع بخلص بيوم وليله بس الواقع يقول شوف الزيادات القديمه شكثر خذت وقت أكاد أجزم إن أكثر المشاركين مايدرون شكثر خذت وقت وانا بعطيك نبذه عن تسكين وتوحيد الدرجات اللي تم 2003 هذا موضوعه من سنة 1998 تقريبأ والزياده اللي تمت بسنة 2007 هذي المطالبه من سنة 2005 تقريبأ فا ماكو قرار ينوخذ بيوم وليله بس تشوف المشاركات تم لم يتم وهذا اللي قصدته .
     
  9. nawaf52

    nawaf52 بـترولـي نشيط

    127
    0
    0
    الكويت وبس ضبطنا يمعود ابي سيارة وقريد وكورس خارجي وديوتي واذا امكن بيتين لزق بالشمال واذا ما عليك كلافة ابي اقعد بالبيت ويوصلني المعاش عالجاهز مع المرفقات اللي اهي طبعا الانسينتف والبونص والاوت ستاندينغ وشاكرلك مقدم


    تصدق أول مشاركه بالمنتدى تعجبني وما أقدر أرد عليها لأن الرد فيه مصايب .
     
  10. Names

    Names بـترولـي نشيط جدا

    160
    0
    0
    شنو المشكله ؟؟


    اذا كانت النقابة والادارة باجتماع واتفقوا على شي من صالح العمال وتثبت في محضر الاجتماع


    بالعكس المفروض النقابة تبشر الناس بالانجاز .. والادارة راح تصدر قرار بالموافقة ويحتاج وقت على ما يتوقع ويتعمم


    ماني شايف الموضوع فيه تخبط ... الا اذا البشارة ما تبيها بعد هذا كلام ثاني


    النقابة مطلوب منها تحرك اعلامي علشان الكل يشوف شغلها وانجازاتها
     
  11. مرسى الحزن

    مرسى الحزن بـترولـي جـديـد

    6
    0
    0
    مع احترامنه لاشخاص النقابه فهم اخوان اعزاء, ولكن بالنسبه للعمل والانجاز فهم في سبات عميق,
    (كل شي قابل للزوال , ألا العلم الغانم)
     
  12. دهــ العـود ــن

    دهــ العـود ــن بـترولـي نشيط

    72
    0
    0
    صباح الخير
    عندى موضووووووووع للأمانه غير حاب أتكلم فيه وبإختصار جدا علشان ما فيه احد يقول ظلمنا أحد بهذا الموضوع اللى راح اطرحه بكل صراحه وجرأه.
    هل يعقل إن أمين سر نقابه نفط الكويت والكل يعرف هذا الشخص من غبر طرح اسمه يتدخل في موضوع تنقلات الموظفين اللي بالحقول وطبعا كان ولا يزال هو موظف بالحقول ولكن حاب أبين لكم معلومه بسيطه إن هذا الموظف اللى حاب يتدخل في نقله من مكان لآخر هو من جماعته الخاصه واللى يمت بصله به وأقرب الأشخاص وهو ( إبن أخيه ) واللى يعمل بالحقول وكان معارضا لنقل إبن أخيه نهائيا حتى وصلت الجرأه فيه للإتصال برئيس فريق الموظف المذكور أعلاه. ولكن رئيس الفريق رفض طلب أمين السر حتى وصلت الجرأه فيه إنه يتصل بالعضو المنتدب لوقف نقل إبن أخيه.
    مع العلم أخطأ بحق الموظفين اللى أعلي منه وطعن بنزاهتم. والنقل لمده بسيطه جدا ولأيام معدوده.
    هل وصلت الأمور لموظفي نقابه نفط الكويت لهذى الأمور والتدخل بشغل الغير وترك مصالح العاملين وطلباتهم بالنسبه للإداره والدفاع عنهم وعن حقوقهم السؤال المطروح والذي أريد الإجابه عنه ( أين رئيس النقابه عن هذى الأمور)
    الموضوع يحتاج إلى رد سريع وتعامل بكل جديه وكل صراحه.
    أنا لستوا من معارضين النقابه وعلى مطالبهم لحقوق العاملين ولكنى معارض بكل شده عن هذى المهزله.
     
  13. الكويت وبس

    الكويت وبس بـترولـي نشيط جدا

    231
    0
    0
    هذه الصورة اللي بغيت اوصلها عن النقابة بس بشكل اخر وتشكر على توصيلها بشكل مباشر


    وتره من عمر نعرف النقابات ولكن وللاسف العمل النقابي تغير 180 درجة ولا من عمر نعرف انه النقابي درجته بالنازل والسبب انه معارض للادارة وهمه الوحيد رحاة باقي الموظفين ولكن الوضع الحالي العكس تماما
     
  14. نهج نقابي

    نهج نقابي بـترولـي جـديـد

    6
    0
    0
  15. Eng.q8

    Eng.q8 بـترولـي نشيط

    91
    0
    6
    السلام عليكم جميعا .........

    النقابه مثل ماذكروا الاخوان قبلي ....... انهم اخوان وزملا اعزاء لاكن الحق ماينزعل منه النقابه نايمه بالعسل وناس بصامه ولا انجازات تذكر

    بأختصار نقابة بطييييييخ
     
  16. Names

    Names بـترولـي نشيط جدا

    160
    0
    0

    تعتقد ان الموضوع بالصورة هذي فقط والا في شي حصل وانت ما ذكرته او ماتعرفه ؟؟ لان الشغله فيها شي غريب

    اقصد (اذا السالفه صحيحه) ليش النقابه تروح حق عضو منتدب علشان ينقل موظف من شفت الي شفت ثاني ؟؟
     
  17. الكويت وبس

    الكويت وبس بـترولـي نشيط جدا

    231
    0
    0
    للتذكير فقط وللتنويه

    تره للحين التعميم اللي نزلته النقابة عالايميل ما صار معاه اي شي جديد هههههههههههه ليتهم يحطون ربع سرعتهم بانزال التعميم عالايميل بتفعيله
     
جاري تحميل الصفحة...

مشاركة هذه الصفحة