اخر احداث الزيادة

والله مادري شصاير بس بالفعل الهدوء هاليومين شي غريب

 

تصدق اول ما كثرت المواضيع عن الزيادة

بديت احسب جم راح اوفر كل شهر .. واخطط متى اتزوج :/

وطبعا كان شي ولا عالبال بالمرة !!

400 دينار فوق الراتب !!! يا ربااااه على قولة فارس عوض

بس عقب الاجتماعات والتأجيل والدراسات والتمطع والتقطع بالزيادة خلاص عافها الخاطر

سواء اقروها ولا ما اقروها بصراحة ما همتني

بس ما اقول الا حسبي الله ونعم الوكيل باللي كان السبب لانه حرم ناس محتاجة هـ الفليسات ورب العالمين اعلم بظروفهم

 

يا جماعه يا عمال البترول بدون استثناء تعبنى من ابر البنج اللي يضربنا فيها الاتحاد والوزير فا لازم يكون لنا موقف وتحرك جاد لهذه الابر
ودمتم

 

حلوه مغامرات - زيادات - تكتمات - تشكرات

وسلامات

 

انا اقولك بالنسبة للزيادة ....
.
.
.
تيتي تيتي مثل ما رحتي جيتي
.
.
.

توته توته خلصت الحتوته

ترقبو الجزء الثاني من مسلسل "باب الزيادة"... و ان ما كبرت ما ظهرت ... مبروم على مبروم ما ينبرم... لكان في اكبر من هيك شنب بالحارة...

 

امس قاعد بعرس وكلمت احد الاقارب يعمل مدير بأحدى شركات القطاع النفطي .. جاه واحد من النقابه التابعه للشركة وقال له الموظف الفلاني يبي نقل ومحتاج توقيعك .. قال ما انقله الا تقول لي شنو الزيادة .. قام يلف ويدور ...قاله له المدير استريح ما اوقع الا لمن تقول لي الزيادة كم ... وبعد معاناه نطق عضو النقابه وقال المبالغ ...فعلا مبالغ طيبه تتراوح بين 500 الى 800

شنو سبب تأخير صرف الزيادة ؟
قال عضو النقابه المجلس الأعلى للبترول لم يبلغ بالزيادة أو الارقام أو الدراسات التي اجريت على الدراسه الا يوم الاجتماع (اللي طلبوا فيه تأجيل الزيادة لمزيد من الدراسه) مع العلم ان النقابه متفقه مع الوزير على مفاجئة المجلس الأعلى للبترول بالأرقام بنفس يوم الاجتماع.

بصراحة انا كوني موظف قطاع نفطي .... ما ألوم المجلس الأعلى للبترول على تأجيل الزيادة ... تبونه يدرس ويقرر ويوافق على زيادة ما عرف عنها اي شي الا قبل الاجتماع بخمس دقائق

الكلام منقول من لسان المدير للمنتدى

وبصراحة انا أصدق هالمدير .

بالنهاية مو لازم تصدقون ....المهم انكم تعرفون هل فعلا السالفه هذي صحيحه ؟؟

 

حلو من 500 إلى 800 ليش مايوافقون عليها ويخلصون !
اتوقع هذي توصيات المجلس الاعلى للبترول لأنهم يقولون لابد من العدل في الزيادة
ومو معقوله الزيادة المستفيد منها الموظفين اللي درجاتهم عالية بنسبة كبيرة
لذلك خلوها متقاربه لأن بالاساس الاكثر حاجه في الزيادة هم اصحاب الدرجات الصغيره
وماعندهم امتيازات نفس اصحاب الدرجات 13 واعلى بدل ايجار وكورسات خارجية ........... بونص وتقييم غير !
الله يزيدهم بس يفكونا من شرهم وانانيتهم وطمعهم ويكفي قاعدين يقصون من علاوتنا السنوية في التقارير
علشان يستولون على الميزانية وهي عادة لايمكن ان تتغيير فحلاوتها حلاوة وعلشان محد يزعل اقول البعض منهم
ولو ان اللي اعرفهم كلهم قصاصيب في حسبة النسبة بس مايخالف البعض منهم

المهم ان المؤسسة والاتحاد هم سبب اللي احنا فيه
والمجلس الاعلى للبترول حسب تصريحهم انهم ناس تدور العدل والمساواة
وتصريح اتحادنا مو تكانه كله لف ودوران وتهرب من الحقيقة اللي راح نعرفها في نهاية الأمر !

 

في ظل هذا البرود والتراخي من عموم الموظفين سواء نقابيين او غيرهم
لا تستغربون ان الغيت الزياده او انتقصت

 

لا والله ي اخوي فيصل ما حنا باردين ولا متراخين
لكن محنا عارفين النقابة ناوية على شنو
لانه النقابه هي الناطق الرسمي باسم الموظف

 

الأخ العزيز فيصل..

أنا أوافقك على الثانية(إنتقصت) ولا أوافقك على الأولى(ألغيت)..

وكما لا يخفى عليك أن هذه هي سياسة البلد في جميع القوانين..

(التأجيل)(الدراسة)(التشاور)( اللجان)(تشكيل الحكومة)(الفتوى والتشريع)(الخدمة المدنية)(ديوان المحاسية)إلخ..

لكن بإذن الله الزيادة آتية آتية لا محالة.. وظروف البلد وضعف الوزير والإتحاد هي من أخرها..

والتلاعب بالأرقام وارد جدا..!!​

 

اخوي عندك علوم جديده ؟؟؟

 

الاضراااااااااااااااااااااااااااااااااااااااااااااااااااااااااااااااااااااااااااااااااااااااااااب هو الحل الوحيد

 

انا معاك ان الاضراب حل قوي

لكن نضرب على شنو ؟؟

احنا في دولة قانون ومؤسسات وشفافيه ... ليش الغموض ؟ طالما انك تخش عني .. معناته تخدعني

 

انا برايي انه الزيادة سواء الغيت او نزلو من قيمتها اقول اننا نستاهل كل اللي يصير فينا .

تدرون ليش ؟

لاننا بكل بساطة كانت النقابة تبي تتكتم على الزيادة وعلى الخير عن موظفين الحكومة يخافون لا يحتجون او يسون اضراب وتروح علينا الزيادة .

وكأن الزيادة والرزق بيدنا ليس بيد الله سبحانه وتعالى


ومثل ما احنا نشوف موظفين الحكومة خذوا زيادة وكوادر

واحنا اللي كانت نوايانا سيئة بسبب التكتم ( وانا هني اقصد كل من تكتم وشجع على التكتم) لالحين نقول شنو صار وانا سمعت وانا قريت واللي يقول سمعت واحد بعرس واللي يقول نسيب ولد خالة عمتي سمعته يقول .


تبون زيادة ( مثل صاحبنا تبون كاس آسيا ) لا تتكتمون على الخير ( واما بنعمة ربك فحدث )


فيه زيادة نقولها للعموم ونفرح فيها ونخلي اللي مافي قلبهم مرض يباركون لنا .

واللي يبي يسوي اضراب او يحتج نقوله اذا لك حق تبي تاخذه والرزق على ربك مو على اضرابك ولا على احتجاجك

وبالنهاية اتمنى نغير مواضيعنا بالمنتدى ونسولف عن اشياء تهم قطاعنا غير سالفة الزيادة .

 

صح السانك هذا احلا كلام سمعته بخصوص الزياده

 

بالوطن كاتبين التشكيل 17/5/2011

بتقنعوني إن النقابه راح تنطر لي بعد هالتاريخ عشان تكمل الإجتماعات والتأجيلات لا بالله يت الزيادة

 

اساسا مو عارفين كم الزياده ... عندهم كم ميزانيه وكل ميزانيه لها حسبه معينه ويبون المجلس الاعلى اهوا اللي يختار ويوافق ... يعني كددينا خير (حسب قرائتي للاحداث)

 

عام 2011


لا زيادة

لا مشاركة نجاح

لا تعيين القياديين

لا ترقيات


لا خيار لنا سوى الانتظااااااااااااار

_____________________________________________________________________________


ربي اشرح لي صدري ويسر لي أمري

 

الصبر يا إخواني الصبر مابقى شي خلونا نصبر ونشوف وكل تأخيره فيها خيره