خبر عاجل

الكاتب : ابن الحر | المشاهدات : 3,505 | الردود : 26 | ‏14 ابريل 2011
  1. ابن الحر

    ابن الحر بـترولـي جـديـد

    28
    0
    0
    خبر عاجل
    من مصادر موثوق فيها ان هناك تجاوزات ماليه في ادارة المحاسبه في عمليات الخفجي المشتركه هذا وسوف اوافيكم بالادله يوم الثلاثاء القادم

    والخبر الثاني العاجل

    تاخير البرموشن القريد في عمليات الخفجي كان سببه الجانب الكويتي وليس نفس مايدعي انا التاخير من الجانب السعودي وباالاخص الملحان
    لان كانت هناك مساومات من الجانب الكويتي لزيادة راتب الايدي الاداره العلياء الثلاثا الكبار طبعا اتعرفون اساميهم
    وسوف اكشف المبلغ الذي تم زيادته الاسبوع المقبل يوم الثلاثاء

    سوف اكشف الكثير من التجاوزات في عمليات الخفجي المشتركه
     
  2. جابر

    جابر قــلــم بــتــرولــي أعضاء الشرف

    حياك الله وبإنتظار أخبارك .. :)

    وإن كان سالفة إن الملحان إو (الشمرى) مالهم شغل ..وإن المشكله بالجانب الكويتى ..قويّه حيل ..
    المعلومات اللى عندى تقول إن المشكله بالجانب السعودى ..وحتى الترقيات اللى طافت ماتمت الا (وخيّة) الغصب وخلصوا جزء كبير منها ..اللى مستحق عطوه ..واللى باقى له كم شهر وماعليه شى ..عطوه بتاريخ إستحقاقه ..حتى لايتعطل وتكرر مأساة الناس اللى قبله

    وأيضا المعلومات اللى عندى تقول إن الجانب السعودى كان يبى يستغل (اللغه) حتى يمنع بعض الترقيات ..ولما شاف الناس معظمها عندها ...المستوى المطلوب ...إنهد على العالم وقام يطالب إن الأختبارات تتم بالكويت تحت إشراف معاهد أجنبيه و(مختصه) ...

    كل هذا حتى يحشرون العالم والإبقاء على نسبة الدرجات العاليه لصالح السعوديه..أطول مده ممكنه ..

    وأنت تقولى الجانب الكويتى ..الله يهديك بس

    اما مبالغ الزياده ..فإن طالبوا فيها فهى مستحقه ..تبى تقارن دوام إدارتنا مع باقى الأدارات الكويتيه هنيه ..فيه منهم من نشوفه ست ونص الصبح على الحدود ومايطلع إلا بالثلاث ....مسابق ويّاه على الخط :D.وفوق هذا معزولين عن العالم والمصالح بالكويت ...الا يستاهلون ونص....

    وعلى العموم هذا خبر زين لأن هذا معناه إن الأداره الكويتيه ناويه تقعد بالخفجى على الأقل سنتين .. :)

    خل كل هذى بعيد ...... ولاتربطها بالتجاوزات ..إن كنت تبينا نثق بباقى كلامك :D
     
  3. عذبي

    عذبي بـترولـي نشيط

    121
    0
    0
    الاخ ابن الحر

    لو سمحت راجع مصادرك و معلوماتك .. و لا ترمي الكلام على من غير حساب .

    سلملي على بو ملحان
     
  4. Engr q8i

    Engr q8i بـترولـي نشيط

    57
    0
    0
    لا يالغالي الادارة العليا موظف حالك حله وهو مطلوب منه اداوم من 7-3 فقط اذا داوم اكثر هذا شئنه ليش الجانبين يتحملون الزيادة وبعدين ماعاجبه الراتب اروح مكتب الكويت انت سيارات ماصرفولك ومعادلتك مأخرينه والتوظيف عن طريق شركات للالتفاف على التكويت والسعودة وزيادتك 20 ٪ صارلنا سنين نسمع فيها ولا لما ارفعو السيلينج قامو ثبتو زيادتك السنوية ويبون زيادة على رواتبهم الله اهنيهم ويرزقنا وياهم
     
  5. ابو هاني

    ابو هاني بـترولـي نشيط

    146
    0
    0
    مصيبة اذا كان الكلام صحيح
     
  6. ABC123

    ABC123 بـترولـي جـديـد

    2
    0
    0
    معلومه غير دقيقه انا موظف في المحاسبة ونعرف ما يصول ويجول في الدائرة لا توجد تجاوزات ماليه ، نعم هناك تخبطات ادارية ولكن ليست تجاوزات ، انا استغرب من صاحب الموضوع يقول الثلاثاء بالادله ما ادري اي ثلاثاء يقصد وشكرا
     
  7. ابن الحر

    ابن الحر بـترولـي جـديـد

    28
    0
    0
    السلام عليكم
    بالنسبه للاخوه المشاركين المؤيدين لاادارة الشركه
    سكوتي وعدم الادلاه بالادله ذلك بسبب بعض الامور التي تخص العامل في الوقت الحالي وسبب مطلب بعض الموظيفين بعدم الافصاح عن الامور الماليه وتجاوزات الماليه في الوقت الحالي
    واما بالنسبه للتجاوزات الاداريه كثيره ياموظف المحاسبه وبما انك موظف في المحاسبه عطني كم عدد الموظفين الكويتين الحاصلين على الزياده السنويه (d) وعلى اي اساس تم تقيمهم مع العلم لاتوجد وصوف وضيفيه
    وللعلم راح اعطيك نبذه صغيره عندك خبر ان الاداره العليا قبل لايطلع اجازه ياخذ بزنس استرب يصل الى خمسين الف وذلك بمساعدة الدفجن هذا للعلم وانت موظف محاسبه تقدر تتاكد
    اما بخصوص تاخير البرموشن ياخي اذا كنت لاتعلم ان التاخير من الجانب الكويتي فالسكوت من ذهب للعلم ان جميع الموظفين يدامون من 7الي 3 فاذا كان يستحق الزياده فالزياده يستحقها جميع الموظفين ولا الاداره العليا على راسها ريشه
    وانت يالي ادافع عن الاداره العليا عندك خبر بسبب المساومه وصل راتبهم الاساسي الي فوق 80000 الف ريال
    وفي الوقت المناسب سوف اوافيكم بااخبار تكشف لكم كل تجاوزات الاداره العليا وتجاوزات الاداره
     
  8. desalter

    desalter بـترولـي نشيط

    135
    0
    0
    خفجاوي
    الكويت
    والله انك حر يا ابن الحر
    افضحهم وخلهم يحسون ان وراهم رقيب وحسيب.

    ولكن عليك أخي بتحري الدقة في مثل هذي المواضيع
    لأنها حساسة وقد يساء فهمها وتعم النظيف الشريف مع المتواطيء والمتنفع من وراءها.
     
  9. جابر

    جابر قــلــم بــتــرولــي أعضاء الشرف

    راح أرد على الجزء اللى يخصنى ..وأترك الباقى للشباب
    لا.. أعرف سبب التأخير ..وأعرف منو بالضبط وقف كل شى حتى ينتهى الوصف الوظيفى ومدى الدرجات ..ولما خلص كل شى ..السنه اللى طافت ..قال مايعرض علينا فجأه ..لازم يعرض على (لجنه أصغر) ...وبعدين علينا ...وتسحب الى أن وقعت الأوراق ...سعودى ...سعودى ...سعودى .. وفعلا اللى مايعرف سكوته من ذهب ...

    بالنسبه للرواتب ..المقارنه مو بين رواتبنا ورواتب الأداره ياعسل ..ولا بين دوامنا ودوامهم ...
    المقارنه بينهم وبين الأدارات الكويتيه ..ووقوع (ظلم) علينا كموظفين ..لأن رأس الشركه فى مكتب الكويت ..غير متفهم لظروفنا ...مو معناه إننا نتمنى (الظلم) أو نسعى له لأدارة الخفجى ...
    وعلى هالأساس نقول ..أى شى يقدرون يحصلونه لهم أو لنا من الجانب السعودى ...مبروووووووووووووك وعليهم بالعافيه ...
    شوف الأدارات بالكويت كم يأخذون غير الأنسنتف والعلاوات ..والدوام ..ديوانيه ..وقدّام البيت
     
  10. اللهم عليك بالظالمين

    اللهم عليك بالظالمين بـترولـي نشيط جدا

    273
    13
    18
    على فكرة زيادة الادارة العليا تمت يوم الاثنين اللي طاف بعد اجتماعهم المعتاد... و يانا اتصال باضافتها في السستم خلال ساعة من اقرارها لانهم يبونها قبل ما يسكر payroll... اذا هذي ادارتنا و شفاحتهم على الزيادة ما ينلامون المظوفين اذا طالبو بزيادة اكثر من مجزية وخلال ايام فقط ...
     
  11. العباس

    العباس بـترولـي نشيط

    57
    0
    0
    انشالله تصيرون مدرا وتاخذون اعلا منهم وانا بعد وياكم الله يرزقنا
     
  12. ابن الحر

    ابن الحر بـترولـي جـديـد

    28
    0
    0

    يا اخ جابر انا واثق انك ماتعرف شي انا اقولك التاخير كان بسبب الجانب الكويتي واكبر دليل زادو رواتبهم بعدين وقعو البرموشن وللعلم يا اخ جابر في موظفين يستحقون القريد من قبل سنتين والحين خذو القريد باثر رجعي من ا-1-2011 بس مو حرام راحت عليهم سنتين بسبب ادارة الطمع والجشع فياريت تسكت وتاخذ الذهب

    بالنسبه حق ادارة الشركه بالكويت بلعكس اداره متفهم والي مومتفهم اداره الخفجي لانهم مشغولين بزيادة رواتبهم .

    انا قتلك يا اخ جابر انت ماتعرف شي لان الفرق بين ادارة الكويت وادارة الخفجي يفرق بالراتب اكثر من 2000 دينار يااخي قبل لاتتكلم روح تاكد وخل سكوتك من ذهب احسن لك من الفضه
     
  13. جابر

    جابر قــلــم بــتــرولــي أعضاء الشرف

    لاتحول النقاش شخصى ...ولاتلبخ ..خلنا زملاء ..:)
    ماتصدق .....على راحتك ...معلوماتى عندى ...ومعلوماتك عندك ..والناس تصدق اللى تبى
    بس إذا كان الدليل من النوعية اللى لونتها لك بالأزرق (فى ردك) ...الظاهر إن تعريف الدليل مختلف عندك ...هذا مو دليل.... ولاحتى قرينه ....
    وبالنسبه للناس اللى مستحقين من سنتين ..أدرى عنهم ..ويدرى عنهم ناس كثيرين بالشركه ...وزين بعد عطوهم من بداية السنه ..مظلومين ..صح ...بس كل نظام يوضع مهما كان زين ..لابد له من ضحايا ..وهذا مو أول نظام يتغير بالشركه ...ولاراح يكون الأخير ...
    قلتلك من الأول ....خلك من هالسالفه ...
    عطنا التجاوزات الماليه اللى ذكرتها...هذى فايدتها أعم على الجميع ..ويمكن تكون لها مصداقيه أكثر من باقى الحجى ..
     
  14. ابن الحر

    ابن الحر بـترولـي جـديـد

    28
    0
    0
    السلام عليكم

    بلعكس يااخ جابر انت عزيز وغالي

    اذا انك تعتبر هذا مودليل تقدر تراجع علاقات الموظفين وهم يعطونك تفاصيل رواتبهم
    واذا انك تعتبر زيادة رواتب الاداره العليا مافيها اي تجاوزات هذا شي راجعلك
    وبما انهم طلبو زيادة رواتبهم من الاولى يزيدون رواتب الموظفين جميعا بدون اسثناء
    ومدامك اتمون على الاداره ودافع عنها كلمهم على موضوع تعديل ساعات الاوفر تايم وتعديل رواتب الشفت حالنا حال موظفين التابعين حق المؤسسه وكلمهم بعد في موضوع الاطفائين
    وبالنسبه حق تجاوزات ادارة المحاسبه سبق اني رديت عليك ووضحة ليش ماكشفت هذي التجاوزات في الوقت الحالي بس اوعدك اني راح اكشفها وراح ارسلها

    حق رئيس المؤسس ووزير النفط ولاتزعل وهذا وعد وانشاء الله كل شي راح يبان في الوقت الناسب
     
  15. جابر

    جابر قــلــم بــتــرولــي أعضاء الشرف

    يعطيك العافيه ...
    اللى تقرصه الحيه يخاف من الحبل ...وفيه شباب (الله يستر عليهم) بس تخالفه بالرأى ..قام يشيل عليك ويحط ..
    زين إنك طمنتنى .إنك منت منهم :)

    انا ماقلت كلامك مو صحيح عن الزيادات ..ركز الله يهداك ...إنا قلت الربط مو صحيح
    أما زيادة الرواتب ..ما أعتقد إنها غير قانونيه ..أو فيها تجاوز ..أكيد لها مستند قانونى ..لأنها واضحه وماتنخش ..والأصل فى المسلم إبداء حسن الظن إلا إذا ثبت عكس ذالك

    وبالنسبه للإداره ..لا والله ماأمون عليهم ..ومثلى مثل غيرى ..مرات أحصل حقى ومرات يضيع على ..بس الحمدلله نطلب العوض من رب العالمين ..ومانى شكاى

    وأخيرا كشفك عن أى تجاوزات ماليه ...يسعدنى قبل أن يسعد غيرى ...من قام أو ساعد على أى تجاوزات ماليه لايستحق البقاء على كرسيّه ....وعساك على القوه مقدما :)
     
  16. Engr q8i

    Engr q8i بـترولـي نشيط

    57
    0
    0
    يااخوان مافي شيء بالخفجي مو قانوني لان في شيء اسمونه بلوائح الشركة (اوت اڤ بولسي) في كل شيء بهالشركة رسمي ومافيه شيء والله يعين الجميع
     
  17. desalter

    desalter بـترولـي نشيط

    135
    0
    0
    خفجاوي
    الكويت
    كملوا نقاش..
    والله حنا مستانسين
    وقاعدين نفش خلقنا..

    يالله يابن الحر ما رديت على جابر الميكروفون معاك:p

    دائرة التدقيق طلعت النتائج الاسبوع اللي طاف ويا كثر التجاوزات أو ان صح الملاحظات اللي على الدوائر كلها وليست المحاسبة لوحدها.
    طلعت شركتنا هشك بشك!
    التقرير رفع للادارة العليا
    والحين بعض الدوائر!!!! قاعدة ترقع وتسكر الثغرات بمساعدة دائرة التدقيق ( للاسف )
     
  18. عذبي

    عذبي بـترولـي نشيط

    121
    0
    0
    السلام عليك

    الاخ المحترم مع كل احترامنا لك الا ان مصادرك تدل على انها بعيده كل البعد عن دائرة المحاسبه ( سامحنا ) خل يكون بعلمك ان كل شىء خاضع للتدقيق و حتى لو كان مدير ما يقدر يتعدى هذي القوانين .

    كلامك عن البروموشن اخوي ايضا يدل على كلام بعيد عن الحقيقه (( اما انه و ليس التاخير من الملحان )) هذي شوي قويه مثل ما قال اخوي جابر ... الشمس ما يغطيها غربال يالحبيب .

    كلامك في رواتب الاي دي .. اخوي اقولك من حقه و حقه بعد . راتب الاي دي لازم كا يقل عن 100 الف ريال .. خصوصا اننا احنا كويتيين و اهل خير و نعمه .. و بوزيشن اي دي مو بوزيشن عادي تقارن نفسك انت او غيرك من الموظفين فيه . لا تكشف ولا اتعب نفسك الناس قانونيا يبون يزيدون رواتبهم عيل اي دي راتبه مقارب لراتب مدير دائرة قريد 30 ؟؟ وين صارت هذي ؟؟ و اذا زادوهم عليهم بالف عافيه بو فجحان و بو علي و بو خالد رجال و النعم فيهم ..

    و ننتظر منك الكير من التجاوزات .. و الله يخليك بطريجك جيب لنا اخبار الملحان و تجاوزاته مادام عروقك بالماي و عارف البير و غطاه .

    و سامحنا كثرنا عليك
     
  19. عذبي

    عذبي بـترولـي نشيط

    121
    0
    0
    . لا تكفه لا تفضح الناس ؟؟ و خصوصا في المنتدى !!! انا خاfر اللي عنده فضايح يحيلها للتحقيق على طول مو يركض فيها لمنتدى .. مع احترامنا للمنتدى .


    الكويتيين الحاصلين على الزيادة دي هذا لانهم ما يداومون كم واحد مو مشكله المشكله في انهم ليش ماخذين دي .

    بصراحه اول مره ادري ان ديفيجن يساعد اي دي مثلا في سفراته !!

    اما المساومه و 80 الف اقولك شوي لازم يوصلون 100 الف :) الظاهر المساومه ما كانت عاله :) الله يرزقهم و يرزق من بعدهم .


    و احنا بانتظار الفضايح .. يالله سترك الكل قام يعرف اسرار الشركه و الكلام اللي يدور بين المدراء :D
     
  20. عمليات الخفجي

    عمليات الخفجي بـترولـي نشيط جدا

    349
    13
    18
    يستاهلون ان زادو نفسهم .. وصدقني من افضل المدراء المتواجدين حاليا بالادارة الكويتية


    وصدقني من الصعب راح تلقى مثلهم .. اكيد اي واحد مبزوط بيسبهم واي واحد مايستاهل بيسبهم

    اما المواظب وعارف الي عليه والمتطلب منهم ومهتم بانتاجيته بيجيهم حقه وزياااااادة .. انا طال الزمن ولا قصررر



    ان كانت لك واسطة وعروقك واصله .. جبلنا اخبار تجاوزات الملحان الفاضحـة والواضحـة والي حطها بالبوابات الي يسويها
    والدورات الي شغال فيها كل اسبوع نشوف بوابة ندخل منها والاسبوع الي وراءه نشوووف دوار بيويمين مسويـه ...
     
جاري تحميل الصفحة...

مشاركة هذه الصفحة