سؤالين عن الزيادة السنوية والمشاركة بالارباح

الكاتب : a78 | المشاهدات : 2,258 | الردود : 11 | ‏12 ابريل 2011
  1. a78

    a78 بـترولـي نشيط

    65
    0
    0
    استفسار يا جماعة عن الزيادة السنوية السنة المالية انتهت ودخلنا بسنة جديدة وانا للحين ما اعرف تقييمي سنو علشان اعرف زيادتي ربعي بالشركات الزميلة الي تقدر موظفيها دزت ايميلات حق الموظفين والي ما ياله ايميل مديره قاله تقييمه شنو واحنا لا حس ولا خبر يبا مو حاسدينكم لعبو بالشركة مثل ما تبون وسوو الي تبون مادام الكل شايف لعبكم يا ادارة وساكتين عنكم واحنا صغار الموظفين محد سامعنا ليه متى يا ادارة بس ملينا

    سؤالي الثاني عن المشاركة بالارباح اذا احد عنده خبر ينورنا مادام شركتنا غير عن باقي الشركات الزميلة فيمكن احنا مشاركتنا بالارباح غير تدرون ارباحنا زايدة (ثلاث سنوات وكل مالها بالحضيض) لا وشكلهم يبون يمددون حق نفس هالادارة انا ما ادري شنو ديوان المحاسبة والمراقبين الي بالمؤسسة ما يدرون عن لعب هالشركة والفوضى الي فيها ولا مطوفين

    الله كريـــــــــــــــــــــــم
     
  2. Marinor

    Marinor بـترولـي نشيط

    55
    0
    0
    أسأل الله الهداية لي وللمسلمين

    أول شي على الأقل بوجود الأخ بو بدر شفت تفعيل لموضوع التظلم على حسب ما شفته

    بس ما قبل فترة التظلم شي عجيب يا أخي موضوع السرية في التقييم !! مع إن المفروض إن فايدة التقييم هي أن يتم توجيه الموظف إلى الطريق الصحيح في حال كان عنده خلل في الحضور أو أداءه في العمل
    بس إحنا عندنا الإخوان متمسكين بموضوع السرية !!! والأدهى والأمر إن الموظف لما يتظلم يسألونه ؟ قعدت مع مسؤولك؟شفت التقييم؟ !! شلون يشوف التقييم والموضوع سري بسري !!
    والبلوى الأخرى إن إذا ما خاب ظني وفقا لاجراءات المؤسسة لازم الموظف يشوف تقييمه بل وفي الشركات الزميله يقعد الموظف مع مسؤوله ويشوف التقييم ويوقع عليه بعد !!!
    يعني هل يرى بعض المسؤولين إن سرية التقييم نجاح إداري مثلا !!!!!!! لأن أشوف السرية هي فشل إداري يتمحور في خوف المسؤول من المواجهة وضعف في قدرته على توضيح الحجة ويمكن خوف من الموظف بعد!!! يا أخي ليش المجاملات والخوف! ناد الموظف وقوله إنت ضعيف في كذا وكذا .. لي متى إحنا نمشي الشغل بالمجاملات والعلاقات الحميمه والصداقة !! يا أخي كلنا زملاء ونحترم بعض بس قاعدين ناخذ معاشات مقابل العمل
     
  3. Marinor

    Marinor بـترولـي نشيط

    55
    0
    0
    يا عمي قاعدين ننفخ بجربة مقظوظه!!!

    المشاركة بالنجاح أعتقد عند المؤسسة وفقا لحسبة الأرباح لكل الشركات , المهم أعتقد يجمعون الأرباج ويقسمونها على عدد سنوات أو ياخذون متوسط الأرباح لعدد من السنوات , عموما تحسب المؤسسة وإن شاء الله يعطونا الشيك ونقولهم شكرا جزيلا
     
  4. a78

    a78 بـترولـي نشيط

    65
    0
    0
    اخوي انا باخذها على حسن النية الي دايما يصورها لنا الجيرمن ان كله ما يدري عن شي ومسكين لكن ابيه يطلب الكشف ويشوف منو ماخذ امتياز ومنو الي خاسفين فيييييييييه وراح يعرف انها نفس الاسماء مالت كل سنة ما تتغير واهم نفسهم الي دوامهم اي شي وعافسين الشغل
    لكن مثل ما يقولون بين كل شي ثلاث سنوات اعتقد فترة كافية للجيرمن ونوابه الي كل واحد صافطله جم موظف وقعدو ينقزون فيهم وطمروهم على خلق الله والباجي الي كارفين كراف مساكين خلهم يقولون لا يا انهم يشوفون ايام سودة والامثلة كثيرة بالشركة
    لكن ما نقول الا ما يصح الا الصحيح وحسبي الله ونعم الوكيل
     
  5. mars

    mars بـترولـي نشيط

    63
    0
    0
    3 رواتب
    انشاء الله
     
  6. Marinor

    Marinor بـترولـي نشيط

    55
    0
    0
    والله مادري شقولك ، طبعا في ظلم لكن الصراحة في بعد ناس يتظلمون وإهم لا دوام ولا شغل والعكس صحيح مثل ما تفضلت بس إللي يشوف تقييمه أقل من إللي يستحقة خل يتظلم ، وأنا عن نفسي سبق أن تظلمت والصراحة خذيت حقي والحمدلله

    بس أنا عندي مشكلة في أسلوب سرية التقييم إللي ماشي بالشركة لا وبعد أسلوب إن نسبة التقييم حسب الرتبة الوظيفية !! يعني ما يصيير المحلل ياخذ أكثر من كبير المحللين ! وما يصيير رئيس فريق العمل ياخذ أكثر من المدير !! مادري من وين يايبين المعلومات هذي!!
     
  7. a78

    a78 بـترولـي نشيط

    65
    0
    0
    والله اخوي هذا الي لا دوام ولا شغل ليش ساكتين عنه ليش الادارة ما تتخذ اجراءاتها معاه ولا من ربهم وما يبون يزعلونه بس فالحين على الي يتأخر يوم ولا يومين يحطون حيلهم فيه

    اما سالفة نسبة التقييم هذه معروفة عط جماعتك والي له ظهر بالقطاع (ابوه واصل في القطاع) والباقي قولهم تره ما اقدر عندي نسبة لازم التزم فيها

    الظلم ظلمات يا ادارة وتره كل الي يتمصلحون عندكم تره اول ناس بينسونكم لما تمشون لأنهم متسلقين

    نصيحه سمعو للي يقطها بويهكم ويصدقكم القول ولا تسمعون حق الناس الي ينوقلون حجي وخلوها ببالكم تره القطاع كبير ويشيل ويستقبل الكفاءات التي تحاربونها
     
  8. @فهد@

    @فهد@ موقوف

    7
    0
    0
    4رواتب انشاءاللة
     
  9. بن زريق

    بن زريق بـترولـي مميز

    804
    0
    0
    اخوى المصدر لاتلعب على عقولنا
     
  10. Marinor

    Marinor بـترولـي نشيط

    55
    0
    0
    ها شلون عيل لازم تظبيط ، هذا ولد عم وهذا ولد خال وهذاك يقعد وياه بالديوانية
     
  11. senior spencer

    senior spencer بـترولـي جـديـد

    12
    0
    0
    وهذاك وقف ويا اخوه لمن نزل بالانتخابات وخسر بس كل يوم بالمقر والامووور السياسية مو مستقرة بالله حلوا المجلس اخوي يرد يرشح نفسه ... شلوون يعني احاسبه واخسر اصوات اهله .. اكيد لا ... اعامله في في اي بي وكلكم طقوا راسكم بالطووووفه
     
  12. العباس

    العباس بـترولـي نشيط

    57
    0
    0
جاري تحميل الصفحة...

مشاركة هذه الصفحة