الى الاخ مدير عمليات مطلق العازمى

يا جماعة أنا حضرت عدة دورات داخلية و لاحظت بصراحة ان اقل ناس في حضور الدورات هم دائرة العمليات و خاصة الشعيبة

كذلك الدورات الخارجية هم كذلك الاقل حضور

السؤال هو التالي:

عملكم هو الأصعب و الأكثر خطورة و الأكثر التزاما في الحضور و عملكم هو الأكثر قيمة و مع هذا حارمينكم من ميزة الدورات
أتسائل شلون ساكتين طوال الفترة الماضية

تدرون كل موظف له كورس خارجي مرة على الاقل كل سنتين

تدرون ان موظفي التسويق المحلي جمعوا قبل عدة سنوات توقيعات بشكوى ووصلت الادارة العليا والحين الدورات شغالة على طول عندهم مع ان دائرة العمليات اهم بكثير

كذلك فيه موظفين جدد في الادارة راحوا عدة مرات دورات خارجية و انتوا بعضكم قديم جدا و ما راح و لا دورة

اسمحوا لي اقول لكم انكم مو على قلب واحد ، كارفينكم كرف و مع هذا للاسف مو معطينكم كامل حقوقكم

 

نعم هناك ظلم في الشعيبه لايخفى على أحد
.. أنا شخصيا لم أحصل على دوره طوال خدمتي لاخارجيه ولا داخليه وخدمتي 23 سنه .. حسبنا الله وكفى

 

من ال 94 وانا موظف بالعمليات وبس اسمع انه في دورات بس طبعا حق ناس وناس

خلها على الله يا الحبيب

 

العمليات فعلا علي مستوى الثلاث مصافي محرومين من الدورات
ونحمل مدراء العمليات في المصافي الثلاث مسؤلية هذا الخلل
فالعذر دائما النقص في الدائرة
فهذا العذر غير مقبول لأن هناك جدول سنوي في بداية السنة ينظم عملية الاجازات
والدورات التدريبية للموظفين ممكن ان سد النقص بالعمل الاضافي

 

الشق عوووووووووووووووود طال عمرك..... الاوفرتايم ما يبون يصرفون من بنده اى شى والسبب عشان بوانص المسعولين ما تخسر فى اخر السنه وتطلع لهم مبالغ ترضيهم.... لكن العيب مو فيى المسعولين الى علا الاوبريشن , المسعول العود من مدير مصفاة وانت طالع وينهم ما يحركون المساله ؟؟؟ !!! ليش كل الى عندهم فى الابريشن من طقه (انشتاين ) وعباقره مثلا ؟؟؟؟؟؟؟؟؟؟

 

على عيني وراسي كلامك وتقديرك لشخصه الكريم

لكن هذا مايمنعنا من الكتابة

السؤال موجه لك

كم شخص تكن له تقدير وساكت عن زلاته واخطائه ؟؟؟؟

 

يابن زريق الحال واحد فى كل المصافى شمعنا اخترت الشعيبة !!!!!!!!!!!!

 

يا mra011
انت طلعت قبل ايام من مختبر الاحمدي ومشرفنا في مختبر ميناء عبدالله ليش زعلان على الشعيبه!!!!

 

من 93 ولالالالالالالالا ربع كورس خارجي ولا داخلي

نبي يفكونا من شرهم ويعطون الناس حقوقهم

 

الله يعينكم وبكل صراحه مجال العمل بعمليات الشعيبه ضيق ومايصلح لواحد كويتي وشدوا حيلكم يا شباب لان المصفاه تعتمد عليكم وعلى همتكم.

اما بخصوص الكورسات ترى على مستوى المصفاه كله بجميع الدوائر عندنا ضعف بالكورسات والمدراء يدزون اللي يحبونهم.......انا ما ودي اتكلم عن اللي شايفه بعيني ولكن دائماً اقول اذا لي حق راح يجيني ويجيبه لي رب العالمين سواء بالدنيا او بالاخره...واذا مالي حق فيه خلاص ليش ازعج الناس واعور راسي

 

في ناس تروح بالسنه اربع كورسات و دول مرموقه. وفي ناس ما راحت. والاغلبيه يروحون دبي فقط واذا تبي كورس بدوله مرموقه يقولون لك ممنوع

 

صباح الخير.
تتصور ما هو السبب؟

 

اذا كان رب البيت للدف ظارب فشيمة اهل البيت كلهم الرقص............. ما عند اداره سنعه ولايمكن تكون الاداره بهالطريقه من غير علم مطلق وانا اقوله اذا كنت تعلم عما يحدث في المصفات من محسوبيات وظلم واقع على الموظفين بكافه الاقسام وبالاخص وبالاخص وبالاخص الاوبريتر فتلك مصيبة وان كنت لا تدري فتلك مصيبة اعظم... وانا اتكلم عن واقع تجربه اذا حبتك عيني ما ظامك الدهر... وما في احد يدافع عن الاداره الا لان ايده في الماي بعد ما حاشها حر الجمر مثل ما حرق اغلبيه الموظفين

 

شوف الفرق بينكم و بيني...لو انتو مكاني جان قطيتوها براس الجيماز اللي ماله شغل بالموضوع. بس انا اقول لك السبب

المدير اللي علي يفضل ناس على ناس ويعطيهم مكافئة كورسات زياده....وفي ناس مثل حالتي لما يقدمون يصير الكورس ملغي او ماكو ميزانيه او الكورس مو عاجب المدير او شيء من هذا القبيل. وللعلم من حق الموظف اختيار كورس كل سنه على كيفه.

فالجيماز ماله شغل بالموضوع والمسؤول عن هذا الامر الشخص اللي يرفض ان اروح كورس خارجي من حقي اني اروحله