baker hughes بيكر هيوز

الكاتب : Mechanical Engineer | المشاهدات : 4,594 | الردود : 5 | ‏6 ابريل 2011
  1. Mechanical Engineer

    Mechanical Engineer بـترولـي نشيط جدا

    359
    0
    0
    السلام عليكم,

    سؤالي لرئيس نقاية العاملين بالقطاع الخاص عن بيكر هيوز

    ابي جم موظف كويتي فيها؟
    و متى اخر مره توظف كويتي فيها؟



    لاني حدي مستغرب مرتين خلال سنتين متتاليتين يسوون معاي مقابله على التيلفون يدقون علي من امريكا و يقولون لي ان الوظيفة اللي طالبها غير متوفرة حاليا اذا صار شاغر ندق عليك و نناقشك فيها.

    علما بأن يوم سألوني عن الوظيفة اللي اتوقع اني احصلها قلت يا مهندس صيانة معدات او بالتخطيط و يكون العمل في الحقل.

    ما ادري هل في هذه الشركة وظايف الحفر؟؟؟؟؟؟؟؟؟

    علما بان بموقعهم طالبين مهندسين من كل التخصصات!!
    وله بسبب نظام المقاولين بالكي او سي يمنعهم من ان يوظفون عن طريق الانترنت او عن غير طريقهم؟؟؟؟؟؟؟

    ولا الخيار الاخير اني انا كنت سيء بالمقابله؟؟​
     
  2. سالم bj

    سالم bj بـترولـي مميز

    805
    1
    0
    مدير العلاقات العامة
    الكويت
    حياك الله اخوي بنسبه لسؤالك عن عدد الكويتين ماعندي علم للاسف بعدد الموظفين الكويتين.


    اما بخصوص متي تم توظيف عندهم اعتقد قبل شهر وتم تعين عدد 2 مهندسين عن طريق مؤسسه البترول.


    وخصوص انهم يدقون عليك انا اعتقد انه الشركة لا توظف مباشر بل عن طريق مؤسسه البترول.

    واذا كنت تعمل علي عقد آخر في شركة نفط الكويت يمكنك التحويل إلى نفس الشركة عن طريق طلب نقل من شركة نفط الكويت.


    واذا اقدر اساعدك انا حاضر يااخي الفاضل وتقدر تكلمني يوم الخميس لاني حاليا خارج الكويت وشكرا لك
     
  3. Mechanical Engineer

    Mechanical Engineer بـترولـي نشيط جدا

    359
    0
    0
    تسلم والله ما تقصر على ردك السريع

    اذا في موقعهم حاطين وظايف للكويت؟!

    و بالنسبة لي أنا موظف حكومة

    و كل ما اطقها بالخاص اشوفها عوية والله قمت احس بإحباط و اظاهر مالي نصيب بالخاص

    لانه همن قبل سنه تقريبا كانوا داقين علي و انقطع الخط كنت بره الكويت طبعا حق المقابله الهاتفية..

    اول مارديت الكويت حاولت اوصل لمسؤول بالشركة ما قدرت إلا لمن وصلت لمسؤول لبناني اسمه علي مادري شنو

    و قالي وقتها انه بروح دبي عشان يكلم الشركة!!

    و لمن رد سحب علي نوعا ما..

    تالي قالي أن التقديم لازم عن طريق المؤسسة قلتله انا ناجح باختباراتهم و مقابلتهم بس الشركة مو عاجبتني فحاول انك تاخذني عن طريقه لانه انا اولريدي ناجح

    والله احترت صراحه؟!
     
  4. eng-q8ii

    eng-q8ii بـترولـي نشيط

    123
    1
    0
    هالشركة توني ادري ان لها مشاريع بالكويت غير المكتب
     
  5. مهندس قلوب

    مهندس قلوب بـترولـي نشيط

    79
    0
    6
    السلام عليك ورحمة اللة وبركاته

    هذي الشركة تصنيفها الثاني على مستوي العالم وعندها عقود مع شركة نفط الكويت اعتقد فقط.

    طبعا نظام الشركة عالمي وتحط وظائفها على النت وتقدر تقدم اي وقت هناك نوعين من الوظائف عندهم اما لتحقيق وتوفير نسبة التكويت..

    وهذا للاسف في الوقت الحالي لا يتم التعيين إلا عن طريق kpc والتقديم بالنت..

    والنوع الثاني انك تتوظف وتعامل على انك اجنبي يعني يوم بالكويت ويمكن شهر بالمكسيك وانت فاهم الطريقة .


    اما عن عدد المهندسين فيها ما اعرفه بس صديقي تم تعيينه عن طريق التكويت داوم فيها 3 اشهر منها شهرين تدريب بالكويت وشهر في دبي في مقرهم التدريبي للعالم ماعدا امريكا وكندا..

    وطلع لقي وظيفة احسن بشركة اخرى طبعا وظيفتة مهندس حقل في حفر الآبار بعقد مع koc .

    وانا اللي اكلمك قابلة فيها على وظيفة Radiation Protection Supervisor وما عديت الاختبارات لها ولحد الان قاعد احاول معاهم لوظيفة مهندس حقل بس سالم العجمي ناسينه .

    لاني عندي كتاب نقل داخل التكويت لاني موظف عن طريق التكويت تراها من انظف الشركات ونظامهم حلو ودورات وتدريب وادارتهم مو كويتية احسن شي ومكاتبهم بالاحمدي شوف عناوينهم وروح لهم.


    شوف اخي العزير التكويت بالقطاع النفطي قاعد يمر بمشاكل وفي ناس وراه خرابه انا فيه 3 سنوات بالنسبة لنا كمهندسين وندور على الافضل ما يصلح لنا حاليا لانه محارب وفي كسر عظم بينهم وحنا بالمنتصف مع الاحترام الى الجميع.


    فكر عدل ترا ما يبون المجتهدين انا قاعد يحاربوني ويبوني ارجع لوزارة وراجعت ديوان الخدمة بس نارهم ولا ابرة تخدير الوزارة.

    وشكرا
     
  6. eng-q8ii

    eng-q8ii بـترولـي نشيط

    123
    1
    0


    كفو و الله مهندس قلوب يعجبني اللي صامد على رايه​
     
جاري تحميل الصفحة...
مواضيع مشابهة
  1. Halliburton
    الردود:
    2
    المشاهدات:
    891
  2. algabry911
    الردود:
    9
    المشاهدات:
    2,469

مشاركة هذه الصفحة