الزمالة ؟

الكاتب : بو عابد | المشاهدات : 2,101 | الردود : 20 | ‏3 ابريل 2011
  1. بو عابد

    بو عابد بـترولـي نشيط

    55
    0
    0
    تنصحون بالاشتراك بصندوق الزماله ؟


    يسوى ولا ما يسوى ؟
     
  2. محمد73

    محمد73 بـترولـي نشيط

    74
    0
    0
    اكيد
    اشترك يفيدك حق التقاعد بس يبيلك سنين لين تاخذ فلوسك لووووووووووووووول
     
  3. بو عابد

    بو عابد بـترولـي نشيط

    55
    0
    0
    مشكور اخوي ..

    49 بس واحد رد ؟؟

    يا جماعه نفعوا غيركم راح اييكم يوم تبون معلومه و تحتاجون اي واحد يرد عليكم
     
  4. Al-Hammadi

    Al-Hammadi بـترولـي نشيط

    148
    0
    16
    السلام عليكم

    انا بصراحة ما انصح فيه لأنه ما له راس مال والمبلغ اللي راح تأخذه في نهاية الخدمة (بعد مدة طويلة ، سنين) يكون من الإستقطاعات الشهرية من الموظفين ، يعني إذا ما في احد مشترك في ذاك الوقت ؟؟؟؟؟؟؟؟؟؟؟؟؟؟؟

    غير جذي صارلي موقف معاهم بعده وقفت اشتراكي معاهم.
     
  5. إعلامي قديم

    إعلامي قديم بـترولـي نشيط جدا

    195
    0
    0
    أخوي إحنا تم نقل خدماتنا من نفط الكويت وبعدها رجعنا لحد ألحين ما عطونا فلوسنا يقولك إنتظر على الدور لحد ألحين واصلين 2001 هذا الكلام قبل سنتين ولك الخيار
     
  6. المشاكس

    المشاكس بـترولـي خـاص أعضاء الشرف

    998
    1
    0
    صندوق الزماله بشكل عام ممتاز وكلما زاد عدد المنتسبين زاد المردود المادي للموظف في نهاية الخدمه وأيضاً كلما زاد عدد المنتسبين صارت حركة التسديد للموظفين أسرع وتقل المدة.

    مبلغ الإستقطاع 15 دينار شهرياً + دينار رسوم إشتراك يعني 16 دينار شهريا بالمقابل تستلم تقريباً 8000 دينار أو أكثر ومثل ماقلت لك كل مازاد عدد المنتسبين زاد المبلغ وقصرت المده.
     
  7. Al-Hammadi

    Al-Hammadi بـترولـي نشيط

    148
    0
    16


    وإذا صار العكس ( كلما قل عدد المنتسبين أو ما في منتسبين )

    السؤال من وين راح تقبض ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
     
  8. المشاكس

    المشاكس بـترولـي خـاص أعضاء الشرف

    998
    1
    0
    ماعليه يالحمادي مع أحترامي الكبير لك...

    العدد يقل في حاله وحده لما يسمع الموظف الجديد عن كلام محبط من باقي الزملاء ... على سبيل المثال كلامك عن صندوق الزماله.

    لو كان في تشجيع من الكل بالإشتراك بالصندوق لتغير الحالو وزاد عدد الموظفين وقلت المده.
     
  9. Al-Hammadi

    Al-Hammadi بـترولـي نشيط

    148
    0
    16


    سنين ما تغير الحال !!!!!!!!!!!!!!!!!!!!!!!:(
     
  10. المشاكس

    المشاكس بـترولـي خـاص أعضاء الشرف

    998
    1
    0
    صح سنين ماتغير الحال بس

    وأعيد واقول لو كان هناك تشجييع للموظفين الجدد للأشتراك في الصندوق لأستفاد الكل وتغير الحال بس مع الأسف مافي إلا الإحباطات.

    16 دينار بالشهر مبلغ زهيد بالنسبة لحجم رواتبنا لكن مردوده بالنهاية ممتاز.

    16 * 12 =192 * 25 سنه خدمه = 4800 دينار بالمقابل انت راح تستلم ضعف المبلغ عند التقاعد صحيح المده طويله بس أعتبرها أدخار لأولادك.
     
  11. KNPC10

    KNPC10 بـترولـي نشيط جدا

    214
    0
    0
    ضحك على العالم والحسبه بوقه برضاكم

    وأكبر دليل هو عند الإنسحاب مايعطونك فلوسك إللي دفعتها إلا بعد 5 سنين أو تقاعده أيها أقرب

    والثانيه المتوضف من 2007 مايحق له ينسحب !!!!!!!!!!!!
     
  12. مهموم

    مهموم بـترولـي نشيط جدا

    261
    0
    0
    اخوي ممكن تحط قانون صندوق الزماله اذا تعرفه
     
  13. ام عيالي الحلوين

    ام عيالي الحلوين بـترولـي جـديـد

    49
    0
    0
    انزين سؤال واللي مشركينه واهو مايدري

    انا ما اشتركت ولا ابي اشترك فجأه لقيتهم يخصمون الدينار للعلم انا ما وقعت على اي ورقه ولا كلمت اي احد بالنقابه صارلي سنه مشتركه وانا مادري للعلم انا صارلي 11 سنه بالشركه

    دقيت عليهم تتوقعون شنو قالوا اكيد احد من زملائج المشتركين حط اسمج انزين انا لا وقعت ولا وافقت على الاشتراك شالطريقه هل اروح النقابه ولا ابلغ المحاسبه؟؟؟
     
  14. مهموم

    مهموم بـترولـي نشيط جدا

    261
    0
    0
    شوفي اختي اذا يخصمون دينار يعني مسجله بالنقابه مو بصندوق الزماله واذا فعلا متاكده انك مو مسجله والا وقعتي على اوراق من حقك مقاضاتهم قانونيا بس تاكدي الاول
     
  15. المشاكس

    المشاكس بـترولـي خـاص أعضاء الشرف

    998
    1
    0
    أخوي
    اول شي صندوق الزماله من أحد بنوده إن مايرد لك شي لما تنسحب سواءً كنت متوظف قبل قبل 2007 او بعده.

    بالنسبة للتأخير بالصرف بعد التقاعد تكلمنا عن أسبابه.

    إلا إذا انت تتكلم عن صندوق ثاني غير صندوق الزماله
     
  16. net1

    net1 بـترولـي نشيط جدا

    229
    0
    16

    انا متوظف 2007 وانسحبت وقاعد افكر اني ارد مادري شرايكم
     
  17. ممــــيز

    ممــــيز بـترولـي نشيط جدا

    420
    0
    0
    PISS Contribution TR
    PISS Increase Employee Contribution TR
    Tr PISS SI Leaving Benefit
    Tr Special Fund
    Tr Work Association

    هذي الخصومات اللي عندي فيـــها شي من صندوق الزمالة ؟
    انا ما اذكر اني اشتركت ولا اذكر اني وقعت ياليت تفيدوني يا اخوان؟
     
  18. ENG ABDULLAH M

    ENG ABDULLAH M بـترولـي جـديـد

    20
    0
    0
    كلام اخوي المشاكس صحيح

    تقبل تحياتي
     
  19. كعبول

    كعبول بـترولـي نشيط جدا

    496
    0
    0
    اخذها كاش

    ماينفع بالمرة ،

    واحد اعرفه متقاعد صارله سنتين ما اخذ فلوسه من هالزماله

    الحمدالله قطعتها ،،

    15 فيها شيشه وعشى لمدة اسبوع نعمة !
     
  20. BaNDaR AlShuiAL

    BaNDaR AlShuiAL بـترولـي جـديـد

    9
    0
    0
    W.S.M
    Q8
    السلام عليكم

    انا انصح بالاشتراك بصندوق الزماله لانه مفيد جدا للمستقبل

    انا كنت واحد من اللي مو مسجلين بسبب الكلام اللي سمعته من الناس بس بعدها سجلت لما سمعت من ناس ثانيه

    وبالاخص لما شفت عدد الموظفين الجدد زاد بالسنوات الاخيره من 2005 الى 2010 و الزياده من صالح الصندوق لزياده دخل الصندوق

    واذا انت اخوي متابع لاحظ من 2008 الى الى 2010 تم توظيف 5 دفعات و اقل دفعه فيها لايقل عن 300 - 450 موظف من جميع التخصصات

    و الصندوق له مستقبل من ناحيه المدخول و المردود للموظفين
     
جاري تحميل الصفحة...

مشاركة هذه الصفحة