رسالة لرئيس الاتحاد ولجميع العاملين

الكاتب : يا وطن لك من يحبك | المشاهدات : 2,345 | الردود : 29 | ‏3 ابريل 2011
  1. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية
    الأخ الشرثان من قالك إن احنا بنضرب أصلا علشان تصرح بالتأجيل ؟؟؟!!!!!!
    من قال إنا نأتمر بأمرك ؟؟؟!!!!!! أو ننطر تعليمات منك ؟؟؟
    وفوق هذا بتعلمنا بمصلحة الوطن وين
    إنت دخلتك ورئاستك الإتحاد كان فيها انتهاك لعقول البشر
    ولمصلحة الوطن بعد
    من زمان نقول "حدث العاقل بما يعقل"
    والحين نقول "إقعد أعوج .. وتكلم عدل"
    الإضراب أسلوب مرفوض بالأساس
    ومن الأساس كان مفروض أن يكون الإتحاد والنقابات قد الأمانه اللي أءتمناهم عليها
    سواء اللي صوت فينا لصالحهم أو اللي لم يصوت
    المفروض هاللي قاعدين يصرحون بالأساس تكون عندهم مهارات إدارة مجاميع
    وفوقها القدره عالتفاوض وفرض الذات
    بس للأسف
    للأسف ..
    ما ألوم إلا من شارك بهالمهزله وكنا باستمرار نكرر
    احترموا عقولنا وبلا سخافة تكتم وحساد
    والله ويعلم الله إن ما همتني الزياده كثر ما همني إن يتم التعامل معانا بأدب ورُقي
    بس مو هذا اللي صار
    تعاملوا معانا على إنا ناس ناطرين الخرده وبلداء ما تهمهم التفاصيل
    وألهوا العاملين بالكلام عن مؤامره من جمعية المهندسين
    ومؤامره من الحرس القديم
    ومؤامره مِن منَ يريد أن يتآمر
    وبالنهايه
    نكتشف أن المتآمر الحقيقي هو الاتحاد والنقابات ضد عقول العاملين
    كانوا يعتقدون إن الزياده نازله نازله
    فطلعوا دعاية إنهم على درايه بكل التفاصيل
    وإنهم مشاركين بكل الخطوات
    حتى إذا تم إقرارها ينسبون الفضل لأنفسم
    نفس المسرحية اللي تعودنا نشوفها تتكرر بكل الاتحادات والنقابات
    حسبنا الله ونعم الوكيل
    حسبنا الله ونعم الوكيل
    حسبنا الله ونعم الوكيل
    مو لأنكم عشمتوا ناس برزق ما حصلوه
    لأ ..
    لأنكم امتهنتوا عقول بشر واستخفيتوا فيها
    عقول كرمها ذو العزه والجلال ولكنكم جهلتوا حكمته
    حسبنا الله ونعم الوكيل
    حسبنا الله ونعم الوكيل
    حسبنا الله ونعم الوكيل
    فيكم وبكل من ساندكم بهالجرم
     
  2. اللهم عليك بالظالمين

    اللهم عليك بالظالمين بـترولـي نشيط جدا

    273
    13
    18
  3. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية
    بارك الله فيك
     
  4. بترولي حر

    بترولي حر بـترولـي مميز

    775
    22
    18
    توني ادري ان الاضراب اسلوب مرفوض ....الاضراب قانونا حق للنقابات ...ومن متى عندهم شيء غيره ؟ هل عندهم توقيع رسمي

    باقرار القوانين ؟؟ جميع نقابات العالم الحديث المتطور عندهم نفس القانون .....
     
  5. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية
    يا أخ بترولي حر
    آنا كنت أعبر عن رأيي ورأي الكثيرين
    وعلشان نتكلم بصراحه
    عادة الإضراب يأتي كآخر خطوه
    ودنا نعرف شنو الخطوات اللي قاموا فيها الاخوان في الاتحاد والنقابات و"الجهود الحثيثه" اللي من كم شهر نسمع عنها ؟؟؟
    والبلا إنا من كم شهر نسمع المطبلين لهم يشكرونهم على هالـ"جهود الحثيثة"
    الإضراب مو شيء سهل علشان يتم بهالطريقه العشوائية وبدون أي مقدمات
    وآنا كشخص أقول الحمدالله على النعمه والصحه
    لو مهما يكون ماراح أقبل أضرب
    لو كل العاملين بالقطاع النفطي طلعوا
    بتلاقيني انشالله مجابل شغلي ويا عل بس ربي يتقبل مني
    عِبْنا على غيرنا مجرد استخدامهم لكلمه "إضراب"
    ومو لأن الأوضاع في البلد ما تسمح
    حتى لو سمحت
    لا ننسى إن هالبلد يااااما عطانا
    ترا الحسبه ماهي دنانير
    ويكفي إنا كويتيين ولله الحمد
    وأرد أقول يعلم الله إني أعتب على الشرثان وربعه أسلوب تعاملهم
    مع موضوع الزياده
    أما الزياده بحد ذاتها فانشالله كلنا ما ننظرلها إلا رزق
    ووحده ربنا الرزاق أهو اللي يقسم أرزاقنا بالأرض
     
  6. سلومكو

    سلومكو بـترولـي مميز

    563
    0
    0
    عز الله كفيت ووفيت وبارك الله فيك بكل حرف كتبته

    والله العظيم كنت أشك اصلا من وقت مواضيع ( هدية الزيادات ) انه السالفه كلها اخرطي في اخرطي

    حتى خميس الخامس ترا هو لحد الحين موجود اصلا من زمان بنك ثاني (وكان يرد على نفسه بنفس الموضوع في نكه الثاني )

    ****************************

    عموما ماخليت شي ازيد عليه

    ياخي حسسونا جنا عيال فقر وميتين على البيزات

    احنا بخير والف حمدالله يارب ولكن عيب اللي يستهين بالناس ويستخف عقولهم

    والحين ابو الشباب يالله خل نضرب .!! أمر يبا خير عسى ماشر وين رايح انت يبا

    نضرب على عمى ؟؟ تبيهم يضربون وهم مايدرون على شنو يضربون وعلى جم يضربون ؟


    مع أني أرفض سالفة الاضراب هذي اللي كل من هب ودب قال بضرب


    ( ياكثر الناس اللي قالو الجدول عندي والجدول عندي بس اتفقت مع الاداره مانزله موليه ولا احطه ابد )

    هاا يالله وينكم الحين ؟؟ وينكم ماتحطون الجداول يوم شفتو السالفه كلها اخرطي في اخرطي ؟

    كلهم اطلعو فالصو

    ويوم شفت انكشفت وانفضحت ودرو الناس انك صفر على الشمال قلت نسوي اضراب تبي ترقع لنفسك يعني


    بارك الله فيك ياوطن وماقصرت بحروف كلماتك هذي فرغت كل الل في خاطري
     
  7. Roxen

    Roxen بـترولـي نشيط

    139
    3
    16
    احنا ما انوقف بلد علشان جم دينار احنا كويتيين اعيال عز وخير وشايفين خير دايما فكروا بالمصلحه العامه قبل الخاصه
    واكيد مراح نضرب مع احد كان من كان وبنجابل شغلنه واما عن رءيس الاتحاد لا تعليق لأن اغلب الناس اللي وصلوا من ربعه وجماعته ولا هذا اشعرفاه بالمناصب القايديه وخل يفيدهم الحين والمشكله ماينطق اله في الآخر وعقب ما فات الفوت انا اقول تعلموا الدرس وعرفوا منو اتنقون حق هالمناصب اللي يبيله حلوق مو تدهين سير وألف لا للإضراب
     
  8. Golden1973

    Golden1973 بـترولـي جـديـد

    33
    0
    0
    الأخ سلومكو .. والله ردك ذكرني بشي :
    تذكرت لما الأخ خميس قال إن الجدول عنده بس ماراح ينشره وبيتواصل مع الأعضاء المسجلين "فقط" بالخاص :

    المشاركة الأصلية كتبت بواسطة خميس الخامس عشر
    ان شاء الله خير

    انا راح اطرش بالخاص لجميع المتواجدين اون لاين من الاعضاء تفاصيل الزيادة ..

    في الرسائل الخاص.. على الاعضاء المسجلين فقط لاغير ..

    لأنه في ضيوف من جمعية الحسودين الكويتية ياخذون المعلومه ويشوهونها ..


    وقعدوا الكل ينطرون إيميل منه
    وسجل مجموعه كبييييره من العاملين بس علشان يحصلون هالإيميل
    وفي منهم متشفقين دزوله إيميلات يسئلونه عن الجدول
    وبعد جم ساعه طلع قالهم بأحد مشاركاته ( في موضوع : هدية الزيادات ) وقال :

    المشاركة الأصلية كتبت بواسطة خميس الخامس عشر
    السلام عليكم ..

    ارجو من الاخوان والاخوات احترام ادراة المنتدى ..

    انا قلت بطرش للمسجلين بس مو اليوم ووضحت لكم في السابق ..

    بس الجماعه مايصدقون يلقطون حرف يشخلون الأمه .. انا بسألكم ماعندكم شغل انتوا ؟؟؟

    شوف هالمشاركة من الصبح حاطها بوكس الرسائل 48 رساله انفجر ..

    شوفو هالمشاركه من الصبح واستوعبوا اللي قلته وارجوكم التزموا بكلام الاخوان المراقبين ..


    وطلب إن محد يطرشله إيميلات
    وكان خلال نقل الأخبار من الاجتماعات يقول (كالعاده) : "آنا رايح أصلي"
    كان تصرفه بقمة الإهانه للي قاعدين ينطرون خبر منه
    والكل بلع هالكلام
    وكان تصرفه بمنتهى اللا احترام لهم لأنه يدري إنهم كلهم ناطرينه يعطيهم أخبار فاستغل حاجتهم له


    الله لا يحوج أي أحد إلا لك يا رب العالمين
     
  9. قلم من رصاص

    قلم من رصاص بـترولـي جـديـد

    49
    0
    0
    احب اعلق على من يقول برفض الزياده واننا بخير وما الى ذلك

    نعم ولله الحمد والمنه ولكن

    نحن لنا حق كما لغيرنا في كل قطاعات البلد بمختلف وزاراتها ولكن

    ليس على طريقة رئيس الاتحاد صعب الاسم ( نطقا وكتابتا ) !!

    الاجدر ان نسأل ( خميس ..... اسمه طويل ) و ( سوا ربينااااااا )

    كنتما حافلان بالرد والبشارات لكل من يسال ولمدة شهرين

    وفجاة اختفيتما حتى اتتنا صاعقة الاظراب وما الى ذلك

    وقبلها حذرتمونا بعدم السؤال ونبهتمونا من القيل والقال

    وان نصمت صمت النائمين حتى لا تقتلنا اعين الحاسدين

    واخيرا وين الجدول ؟؟؟
     
  10. نفطاوي مملوح

    نفطاوي مملوح بـترولـي نشيط

    87
    1
    8
  11. Golden1973

    Golden1973 بـترولـي جـديـد

    33
    0
    0
    أخوي "قلم من رصاص"
    آنا بصراحه من أنصار نظرية الأخ سلومكو اللي ذكرها فوق
    خميس الخامس عشر = ربينا سوا
    يعني الأثنين واحد
    أو بالأحرى هذا شخص واحد بنكّين
    ونفس الشخص موجود بنك ثالث بعد
    الله لا ياثمني على هالظن
    موضوعنا مو خميس ولا ربينا
    موضوعنا أهو اللي ذكره الأخ "يا وطن لك من يحبك" بكذا مشاركه
    لو سمحتوا يا اتحاد
    ويا نقابات
    ويا خميس
    عاملونا كناس فاهمين .. مو بلاعين بيزه
     
  12. مقص الرقيب

    مقص الرقيب بـترولـي جـديـد

    22
    0
    0

    تحليل منطقي من صديق يجيب العلم

    ان اخر لجنه درست الزيادات اللي كان راضي عنها رئيس الاتحاد
    وصاحبه خميس وسواربينا
    _ رفضت _ :)
    وعليه قلب الهرم من اعلى الى اسفل
    وبدل ما كانوا اصحاب الدرجات العاليه لهم نصيب الاسد
    اصبحت الزيادات لصغار الموظفين :)
    وعليه جائت فكرة الاظراب
    لانها ما جات على مايشتهون كبار الموظفين
     
  13. سلومكو

    سلومكو بـترولـي مميز

    563
    0
    0


    أستغفر الله ربي العظيم ,, لاحول ولا قوه الا بالله العلي العظيم

    ومنو قال انه احنا رافضين الزياده ياباشا ؟؟

    منو قالك انه احنا رافضين الزياده ياقلم رصاص؟؟؟؟؟؟؟؟؟؟؟؟؟؟

    محد يعيف الزياده مهما كان ولكن مو بالطريقه هذي اللي قاعد يحصل

    ولا نضرب ونعطل عشان جم بيزه يبا

    ليش تقرأ نص الموضوع او اطراف الموضوع وترد ؟

    من تعليقك هذا حطه في ذمتي انك مافهمت ولا شي من اللي مكتوب ابدااا

    هذا اذا انت قريت الموضوع كامل اصلا .!

    مادري شن ارد عليك ؟؟ شقول الموضوع واضح وضح الشمس وتعليقات الزملاء ماقصرو


    ****************************

    وبالنسبه للمدعوين اعلاه ابشرك هذيلا لحد الحين معانا بالمنتدى ترا بس بنكات ثانيه

    ومادري شاللي خذيته منهم عشان تقول وينكم وينكم ؟

    وثاني شي ليش تدور عليه ؟ أسأل اللي ماشالله كل من هب ودب وياكثرهم اللي يقولون الجدول عندي والجدول عندي بما فيهم بعض افراد الاداره منتدى ويحلفون يالله وين الجدول الحينENTER]
     
  14. سلومكو

    سلومكو بـترولـي مميز

    563
    0
    0
    وأزيدك من الشعر بيت

    والله العظيم نشوف وندري ولكن نسكت من كيفنا ومن مزاجنا مو من احد

    الاخ اللطيف حاط أيميله ورقم تلفونه وكاتب للتواصل >>> يعني كلش مايبي يغازل

    لفت انتباه بأسلوب مغلف بالفهاميه وانه واصل ويعرف كل شي

    وزين سوا انه طلع


    وانا أقسم بالله العظيم ادري من ايامه انه ماكو زياده اصلا لانه صج صج صج الارقام اللي كانت مذكوره كانت ارقام لاتصدق ابدا ولا تدخل العقل ابدا

    ولكن اسكت مابي ادعي الفهاميه وسكت من كيفي وقلت كيفهم خلهم يصدقونه


    الله يكتب اللي فيه الخير انشالله
     
  15. q8security

    q8security بـترولـي خـاص أعضاء الشرف

    السلام عليكم

    أخي سلومكو أنا بعلق من وجه نظر وقناعتي الان

    تدرون شنو المشكلة المشكله ان المعلومات الدقيقة تنقصنا

    كموظفين

    بصراحه مصادري الخاصه كانت تاكد لي وهالشئ لم اكتبه من قبل واكتفيت بالتريث والرتقب

    كانت تاكد انها زياده مجزيه

    بس المصيبه ولا واحد عنده الجدول عن طريق الاتحاد


    الجداول المسربه اكتشفت انها من مؤسسة شباب جايبنها بطرقهم خاصه

    فبالتالي كانوا مصدقين الوضع

    لكن اللي نعرفه ان المفاوضات والجداول المتفقه وهي كذا اقتراح
    كما اشيع وكما اكد لي احد نقابيين من كم شهر

    ونفس المصدر قالي انه شاف الجدول بالاتحاد

    لكن ليس لديه نسخه


    بالتالي هذا اربطه بالاشاعات اللي وصلتني ان الجدول بس عند رئيس الاتحاد




    طيب دام الامور هاللون


    شلون تبون الناس تحكم او تساند الاضراب


    يا اخوان مطلوب اجتماع طارئ واتاحة الجدول لمن يريد الاطلاع عليه

    ولو في مقر الاتحاد


    اذا تبون التفاف الموظفين


    مايجوز الاستخفاف بالعقول اللي صاير

    والواحد لما يتصل على نقابيين كل واحد يعطي معلومه ولو انها متقاربه

    دليل على ضياع تنسيق

    وان اللي ماكله هم عمال القطاع


    واتمنى توصل الرسالة

    التسريبات اللي حصلت كلها من اطراف مطلعه

    لكن موشرط تكون اجداول النهائية او المتفق عليها بشكل نهائي


    وبالتالي بناء قناعات على امر مبهم

    لايصح اطلاقا


    وعلى النقابات مطالبة الاتحاد عن طريق ممثليها ازالة الغموض وتنسيق الجهود

    فممثلي نقابات هم اللي يشكلون الاتحاد


    والنقابات مع الاتحاد متضامنون في مايحدث ويلحقهم اللوم تجاه اي تقصير لانهم الممثلين القانونيين لنا


    اتمنى تكون رسالتي الشخصية وصلت


    ويتم تنسيق ونبذ التشتت وتوحيد الصفوف مع الشفافية والمصداقية

    على الاقل تجاه ماهي المطالب وماسقفها الادني
     
  16. سلومكو

    سلومكو بـترولـي مميز

    563
    0
    0
    بارك الله فيك

    وازيد عليك بعد

    ومشكلتنا شنو ؟؟ انه أكثرنا وانا واحد منهم نصدق أي شي

    انا واحد مادريت والله قلت بخاطري انه في رياييل وثقه انشالله ..... وألخ

    ولكن ياحيف بس


    وفوق هذا بعد أذكرك واذكر زملاء

    لما قال اقرار تذاكر سنويه كويت لندن كويت بدل مصر .!!

    رحت بنفسي بوقتها للشركه وسألتهم وكانت الأجابه >>> نعم ؟ شنو ؟ خير يبا ؟ اي لندن واي تذاكر ؟


    اطلعو مايدرون عن شي اطلاقا وماكو شي اسمه بدل لندن ,,.. لحد الحين على مصر ترا وماكو شي تغير

    لكن اللطيف كان عايش الجو وصدق نفسه


    ولحد الحين اقول .. كل اللي كانو يقولون الجدول عندي والجدول عندي ,, ها وينكم الحين ؟؟ وين جداولكم اللي تتكلمون عليه بوقته ؟؟


    انا من رأيي قلت لكم من زمان اني احس السالفه اخرطي وفالصو


    انسو الزياده يبا واحنا الحمدالله محنا نايمين على الرصيف

    الله ماكتبها لنا وعسى بالأمر خيره أنشالله


    ومشكور أخوي وبارك الله فيك

    رأيك وقناعتك نحترمه ونحترم راعيه
     
  17. q8security

    q8security بـترولـي خـاص أعضاء الشرف

    والله ياسلوم ان رجال نقابي من ربعنا اكدلي انه شاف الجدول
    بالاتحاد

    هذا اضافه معلومات اخرى لكن الان احنا ضعنا بالطوشه

    لان انت لما تعرف فلان وتثق فيه ثم تتفاجا بان الوضع صار امور لم تتوقعها
    خصوصا مع تطمينات

    شئ محزن جدا
    وللاسف ماكو فايده اذا حطوا جدول شباب مادام مسرب
    من مؤسسة لان ممكن لحقه تغييرات
    دام جدول متكتم عليه اتحاد
    وهوا الجدول اللي علي اساسه تم تفاوض
    فماكو حل الا ان يبين الاتحاد شنو كان يطالب لنا
    وبالتالي الواحد يقدر يدعم اتحاده

    وبالنسبه الحين ماعادهيب بلحية

    تطمينات شفوية وفلان ابن فلان ونعم
    تراه يقول كذا وكذا

    هالحجي هذا ماياكل خبز
     
  18. العوضي

    العوضي بـترولـي خـاص

    1,054
    3
    0
    خلاص ملينا من الكلام عن زيادة القطاع النفطي
     
  19. يا وطن لك من يحبك

    يا وطن لك من يحبك بـترولـي نشيط جدا

    353
    0
    0
    نفطي متنفط وأشم يومياً H2S أم قدير
    العالية .. الغالية
    يا اخوان
    غلطتنا الكبيره بكل اللي صار إنا ما وقفنا وقفه للي حاولوا يستهزؤون فينا
    الأخ سلومكو وGolden73
    بتخلوني أقول كلام كنت أحرص إني ما أقوله علشان لا أظهر بمظهر المتحامل على الأخ خميس
    وكنت أحاول ما أحيد عن أساس المشكله وهو طريقة تعامل الاتحاد والنقابات مع العاملين
    ولكن لابد من أن أتكلم .. وهو ما أعتبره كلام موجه لإدارة المنتدى وليس لخميس
    أذكر مره واحد كتب لخميس "قاعد ترقصنا"
    والسبب :
    كان هذا باليوم اللي كان خميس ينقل أخبار "من داخل" أحد الاجتماعات (كما كان يقول باعتباره واصل)
    كان يومها طريقته غريبه ويمكن اعتبارها غايه بالإهانه
    يدخل يقول نطروا شوي ويغيب نص ساعه ويرد يقول نطروا الحين جاي
    ويرد يغيب تالي يجي يقول آنا قاعد أكتب الرد
    لما قال الأخ "رقصتنا"
    وهو ما كان واضح كالشمس من طريقة خميس
    الأخ خميس طبعا عصب ورد رد قاسي على المشاركه
    تماما مثل ما كان يرد ردود قاسيه على كل من لا يعجبه رده أو أسئلته
    ولما أقول قاسي فقصدي إنه ساعات يتجاوز حدود اللياقه
    ولكن للأسف المنتدى سمحوا له إنه يستخف بالأعضاء
    ويخدعهم
    ويهينهم
    ويعلق تعليقات غير لائقه عليهم
    وما ننسى لما صار الجدل بينه وبين معشي الجن وبعض الأعضاء اللي ببساطه شكوا بعلاقته برئيس الاتحاد
    بعد ما كتب موضوع وجه له تهديد ونقد حاد
    بعدين كتب بنفس الموضوع إن الشرثان كلمه وعطاه توضيحات ووووو
    بينت السالفه للكثير كأنها تمثيليه تهدف لتلميع الشرثان
    لما عبر بعض الأعضاء عن استغرابهم وشكهم بنوايا خميس وعلاقته بالشرثان
    حط توقيع مهين "للجميع" ينتهي بكلمة "جزم"
    (آسف لذكر الكلمه وعز مقدار الجميع)
    للأسف لم يُطلب منه تغيير توقيعه
    واستمر مسلسل التجريح والاستقواء على الأعضاء
    ويؤسفنا أن نقول "بمباركة إدارة المنتدى"*
     
  20. سلومكو

    سلومكو بـترولـي مميز

    563
    0
    0
    ياخوي أقسم بالله العظيم بانه كل اللي قلته انت أدري فيه من زمان وبوقته بعد

    ولكن مثل ما ذكرت بالرد السابق اني كنت أسكت بمزاجي وبكيفي انا وبطيبي انا


    حتى على توقيعه اللي مايمثل الا نفسه فيه او على قولة المثل (( كلن يعمل على أصله وتربيته ))

    ماسكت ترا , ولمحت له مجرد تلميح ولكن مارد علي وكان تلميحي بمثابة رساله للاداره شوفو توقيعه

    وكان جملتي له بالحرف الواحد ( ولو أني شايل بخاطري شوي على توقيعك )

    ولكن عمك أصمخ

    ووين اللوح اللي كان مسويلي مشكله عشان ماقلت كلمة ( البعض ) في رد من ردودي في موضوع مااذكره

    وينه عنه لما يقول بتوقيعه ( كله جزم )


    والاداره مثل ماتشوف , يقولون مايدرون وعبالهم ريال .!

    واشوا انه طلع مسوي نفسه زعلان ابو الشباب مايبي احد يعترض طريجه يعني

    بسبب موضوع وكان فيها تشويه صوره للكويت وحضرته عباله منزل موضوع يستحق الاشاده فيه .!!

    انا عن نفسي خلاص زوعت ولاعت جبدي من سوالف الزياده ومن اني اسولف بالمدعو خميس

    واقسم بالله انه لحد الحين موجود اهنيه ووده يرد علينا ولكن مايقدر لانه راح ينكشف بوقته .!!


    نصيحتي للأداره انهم يحذفون أي موضوع يذكر فيها الزياده
     
جاري تحميل الصفحة...

مشاركة هذه الصفحة