كيف نحصل على الزيادة ؟ دون اللجوء للاضراب

الكاتب : بو عابد | المشاهدات : 1,045 | الردود : 9 | ‏2 ابريل 2011
  1. بو عابد

    بو عابد بـترولـي نشيط

    55
    0
    0
    السلام عليكم يا اخوان


    كيف حالكم ؟

    كثرت المواضيع الي تطالب بالزياده و الان صار الموضوع موضوع اضراب و تهديد للقطاع النفطي المساهم بنسبة كبيرة من قطاع البلد


    يا اخوان هل يعقل ان نضرب على شي لا نعرفه ؟ ضد شخص ما نعرفه ؟ و لا حتى نعرف رأيه ؟!

    العقل يقول لأ ,,


    1- على الاتحاد او النقابات اي كان ان يفصح عن الجدول السر .. لأنه ما عاد سر احنا ساكتين و خايفين و غيرنا قرو زياداتهم و كوادرهم " على البراد "

    هل يعقل نعرف متى الاجتماعات و باي ساعه و ما نعرف مجتمعين عشان شنو ؟

    انا الي اعرفه المفروض نعرف الزياده شنو و الاجتماعات تاخذ و ضعها الروتيني


    2- عدم اللجوءالى الاضراب حاليا لأنه قرار متخبط و سابق لأوانه كثيرا و فيه تهديد لمصلحة البلد و انت لا تستطيع اجبار

    اي احد ان يضرب فالكثير الكثير ماراح يضربون اخذها مني


    3- بحكم انه احنا عاملين و انتخبنا جهة تمثلنا ف ما يحق لنا انه ناخذ قرارات عنها حتى لو كانت مو عاجبتنا لكننا اخترناها

    و لازم نتحمل نتيجة اختيارنا مهما كان لذلك المنطق يقول انه النقابه او الاتحاد اهم الي يتحركون الموظفين مالهم دخل

    دام انت تمثلنا على اي اساس تطلب فزعتنا ؟ و انت شنو مهنتك !!!


    الواجب يا اخوان النقابة تنطر شوي الى ان تشكل الحكومه بعد ذلك تشيل شلايلها و تروح للوزير

    تقوله الموضوع كيت و كيت و كيت و الموظفين مستائين و يبون حقوقهم و الا احنا ما نتحمل العواقب الي تصير و يخلونها

    مبهمه لا يقولون اضراب ولا شي لكن تهدد و تقول بضرب اضرب روح و ماراح يصير شي الاجانب ما راح يضربون و تقص

    علي تقولي الشغل ماراح يمشي ؟ بيمشي و جنا العيد


    ما نبي سياسة خذوه فقلوه نبي شي مدروس احنا وظيفتنا ناثر على النقابه و الاتحاد و اهم يمثلونه ولا جان ما حطو لا

    نقابه و لا اتحاد و اذا اهم مو قد الحمل و ما عندهم خبره يتنازلون و نشوف غيرهم من اهل العلم و الخبرة يمثلوننا
     
  2. بترولي حر

    بترولي حر بـترولـي مميز

    775
    22
    18
    طيب الان بين انهم متواطئون ...العمل بايدينا لعقد جمعية عمومية غير عادية برقابة الشؤون لازالتهم ..المسالة ليست صعبة .
     
  3. واحد فاهم

    واحد فاهم بـترولـي مميز

    762
    4
    18
    كومبيوترشي
    درة الخليج
    كلمة متواطئين كبير شوي يالغالي ...لا تنسى انهم موظفين حالهم من حالنا وناطرين الزيادة مثلنا ويمكن اكثر ..
     
  4. jemi

    jemi بـترولـي نشيط جدا

    239
    0
    0
    انا معاك بكلامك ان لو يصير اضراب اكثر العالم الى تطالب فيه ماراح تشوفهم ... بس كلام مو اكثر
    وان شاء الله تنحل الامور والاتحاد يبيض الوجه.
     
  5. بو عابد

    بو عابد بـترولـي نشيط

    55
    0
    0
  6. brilliant

    brilliant المـراقب الـعـام

    8,477
    0
    0
    Engineer
    Kuwait
    في حل مع هالحكومه العاجزه غير الإضراب

    اذا عندك أفدنا فالاضراب اخر الحلول معهم للأسف
     
  7. بو عابد

    بو عابد بـترولـي نشيط

    55
    0
    0
    قلت لك يا اخوي الحل انه النقابه تجتمع و تروح للوزير

    و اذا ماكو استجابه نختار الرجال الكفأ من العاملين بالقطاع ذوو الخبرة و نخليهم يروحون للزنكي و الوزير بعد

    هذا راح يسبب احراج للمتقاعسين ايا كانوا و يدفعهم للعمل
     
  8. koc-76

    koc-76 بـترولـي مميز

    591
    0
    0
    قولوا الحمدلله على النعمه اللي احنا فيها والزياده ان صارت خير ونعمه من الله وان ماصارات والله انه عن نفسي ماراح اضرب مع اي اضراب لان الدوله تعطينا رواتب تكفي وتوفي والله يديم عزج ياكويت و الله لايجيب اليوم اللي نفحط فيه ليل نهار عشان نحصل ربع هالرواتب اللي العالم الحين تطالب بزيادتها وشوفوا اوضاع الدول المجاوره وانتوا راح تعرفون الفرق بالرفاهيه بينا وبينهم والله يديم هالنعمه.
     
  9. KNPC10

    KNPC10 بـترولـي نشيط جدا

    214
    0
    0
    كيف نحصل على الزيادة ؟ دون اللجوء للاضراب


    الحل / مسؤول كبير يضرب عن الطعام
     
  10. برميل النفط

    برميل النفط بـترولـي جـديـد

    48
    0
    6
    فعلا هذا هو الحل
     
جاري تحميل الصفحة...

مشاركة هذه الصفحة