تخبط قسم المحاسبة يتحمله الموظف!!!

الكاتب : mech.eng.koc | المشاهدات : 1,720 | الردود : 7 | ‏2 ابريل 2011
  1. mech.eng.koc

    mech.eng.koc بـترولـي نشيط

    74
    0
    0
    السلام اعليكم

    ارجوا هذه الرسالة تصل الى المسؤلين ورؤساء النقابات

    قبل سنتين كان ينزل براتبي50 دينار تحت بند دعم مادي شهري وتوقفت قبل اشهر والآن قاموا بخصم الراتب 142 دينار لاسترجاع هذا المبلغ لانه قسم المحاسبة العزيز اكتشف انه لا استحقها كون راتبي اكثر من الف دينار

    لماذا نتحمل هذا الخطأ ؟؟ بتسديد مبلغ شهري يؤثر بالميزانية والتزاماتي الشهرية اقل شي ممكن يصلحون فيه الخطأ انه يخصمون المبلغ كما كان بنزل وهو خمسين دينار كما كان يخصم من قبل
     
  2. computer department

    computer department بـترولـي مميز

    725
    0
    0
    مهندسه كمبيوتر
    ديره الخير ( الكــويت )
    عندك وعندنا خير

    انا بعد خاصمين مني العلاوه التشجيعيه كانت تنزلي من سنتين توهم يستوعبون اني ما استحقها


    وقبل شهرين خاصمين على فلوس التذاكر قبل 3 سنين معطيني تذاكر ما كنت استحقها



    مشكورين يا شركه نفط الكويت
     
  3. Engineer Alghassab

    Engineer Alghassab بـترولـي جـديـد

    5
    0
    0
    مهندس تفتيش المشتريات


    السلام عليكم...
    كلامك صحيح وانا بعد وقفوها قبل اشهر وقاموا من هل الشهر ياخذون 128... فعلا شغله عجيبه وغريبه وللامانه لم اقتنع بكلامهم وبالاصح لم افهم.. كل واحد يقولك شيء وقسم المحاسبه والتعويضات اشوي امقصرين بالرد على هواتفهم... وكان عندي شك على سالفه استحقها ولا لا.. لاني اول ما توظفت على قريد 12 كان الراتب عقب قص التامينات يا دوب الف دينار وبعض المرات يتحول للبنك اقل من الالف.. ما اعرف شلون حسبتهم وعلى اي اساس... والخطأ من عندكم انزين انا شنو ذنبي.. كنت توني متوظف وعلى كلامي اخوي meh eng koc المفروض على العقل يخصمون 50 بس يقولك قانون الشركه يحق لها تخصم 10 من الميه من الراتب.... توكم تكتشفونها !!
    يا ليت احد من المسؤلين والي عنده ضمير وسلطه يراجع هل الموضوع ويدقق فيه مره ثانيه... يمكن للبعض مبلغ بسيط ولكن بصراحه ياثر بالميزانيه والالتزامات الشهريه...
    وشكرا لصاحب الموضوع...
     
  4. koc-76

    koc-76 بـترولـي مميز

    591
    0
    0
    مع احترامي للجميع الغلط انتوا مسؤولين عنه والسبب انكم اخذوا مال ليس لكم الحق فيه وانه صارلي نفس شغله التذاكر ورجعتها بلحظه نزولها وما اعتمدت على اتصال بالتلفون لاني بنفسي رحت لهم وطلبت انهم يخصمون المبلغ لاني ما استحقه وهالشي يعتبر مال حرام والله يبعدكم عن هالشي وكنت اتمنى لو انكم انتوا اللي بادرتوا بارجاع هذي المبالغ قبل لا يتم اكتشافها من قبل قسم المحاسبه وشكرا.
     
  5. Engineer Alghassab

    Engineer Alghassab بـترولـي جـديـد

    5
    0
    0
    مهندس تفتيش المشتريات


    السلام عليكم...

    يعطيك العافيه.. كلامك صحيح اذا كان الموظف عنده خبر وشغله مثل التذاكر او مبالغ اكبر واضحه.. اما في مثل حالتي كانت مع الراتب من بدايه تعيني شلون بعرف توني موظف جديد وعقب ما عرفنا الراتب كان تقريبا الف او اقل على حسب قص التامينات وانت ادرى بالشركه صارلي اكثر من سنتين وللحين عمره ما كان راتبي ثابت عمره ما كان مثل الشيء لازم في فرق اشوي فوق واشوي تحت (دش بالسيستم وجيك على الراتب من الاشهر القديمه) التامينات وعندي بدل خطر 100 دينار كل شهر يتغير على حسب جم يوم قليل تكون 30 يوم كامله بسبب الكورسات او الاجازات او المرضيات او حتى التاخير.... يعني موظفين جدد يتعينون والعدد ميه واشوي مثل هل الحالة وخطأ مثل هذا لا والمشكله بعد سنتين توكم تكتشفونها.. وللعلم يمكن قعدنا فترة ياله عرفنا الي لنا والي علينا... وفي قوانين او شروط بالشركة بس على الورق بس الواقع يختلف على حسب مجموعتك وفريقك وقسمك ومسؤلك..

    على العموم.. ما اعتقد الكلام اهني يقدم او ياخر شيء بالموضوع صار الي صار والشركة راح تاخذ حقها من غير خوف والدنيا ماشيه بس كان نوع من التعبير وابداء الراي عقب ما شفت الموضوع لكونه مثل الحاله... وشكرا :)

    اسمحولي على الاطاله...
     
  6. Names

    Names بـترولـي نشيط جدا

    160
    0
    0

    المحاسبه الله يعطيهم العافية يصرفون معاشات ودفعات خاصه و علاج في الخارج وفواتير مقاولين و اثر رجعي وفلوس للنقابة و تحويلات فلوس بين اقسام وتذاكر سفر ووو ...... و في بعض الحسبات مالها برنامج اصلا ويحسبونها يدوي

    انا شخصيا تعاملت بالفواتير مع منصور العوضي واراجع بامور ثانية عند محمد تراحيب و وفاء العذاب .. شغلهم جبار والله يعينهم


    الخلاصه ..


    الخطأ وارد .. شي مو لك رده

    الله الغني
     
  7. lolo

    lolo بـترولـي نشيط

    66
    0
    6
    محمد تراحيب العجمي والنعم فيه والله ونعم الاخلاق خدوووووووم لابعد درجهوالله اني ما عمري شفته بس بالتلفون عسى ما طلبتي شي راتب مقدم او معلومات على طول ما يقصرهذي الناس اللي تشتغل ونفسيتها حلوه اقولك يا تراحيب كثر الله من امثالك ونعم التربيه والاخلاق والتعم فيك
     
  8. مضاوى

    مضاوى بـترولـي جـديـد

    36
    0
    0
    وستين نعم بعد انا ما قصر معاى فى اى استفسار او مساعده سواء بالتلفون او اراجعهم اللة يجزاه خير ويكثر من امثالة
     
جاري تحميل الصفحة...

مشاركة هذه الصفحة