مرثيه للفقيد مبارك القحطاني رحمه الله ..

الكاتب : q8alotaibi | المشاهدات : 1,749 | الردود : 10 | ‏23 مارس 2011
  1. q8alotaibi

    q8alotaibi بـترولـي جـديـد

    2
    0
    0
    يا الله يا منزل تبارك والأنفال .. ويا منزل سورة محمد وياسين
    يا بو علي لاصرت تنشد عن الحال .. حالي عليل و خاطري يا حمد شين
    من عقب علم كدر الحال والبال .. قالوا رحل نسل الرجال السلاطين
    نسل الحرار معرّب العم والخال .. نبكي على فقده وتبكي القحاطين
    ما كل رجّال يعوّض برجّال .. القلب يدمع له قبل تدمع العين
    يا المشعلي غلاك في القلب لا زال .. حبك وسط قلبي يباري الشرايين
    والله لو العمر يشرى بالأموال .. إني على عمرك لا أسوق الملايين
    والله لو العمر يهدى والآجال .. لا أهديك عمري وما بقى لي من سنين
    بس القدر مكتوب في كل الأحوال .. الموت حق يقوله الشرع والدين
    يا الله نزّل صاحبي خير منزال .. في جنة الفردوس وسط البساتين
    وأنزل على قبره من الغيم همّال .. وتنبت على قبره وروود ورياحين
    يا الله نطلب منك تثبيت الأعمال .. في يوم ترجح به جميع الموازين

    أخوك / محمد فهد العتيبي ​
     
  2. RUSTY F

    RUSTY F بـترولـي نشيط

    58
    0
    0
    صح لسانك يالعضيد والله إنك حركت مشاعرنا في هالقصيده وأثرت فيني شخصيا مبارك رحمة الله عليه نعم الأخو والصديق وما شفنا منه الا العلوم الطيبه الله يغفر له ويتجاوز عنه ويرحمه برحمته ..
    جزاك الله خير يا بو فهد أصيل وما تنسى خوياك بارك الله فيك ..
     
  3. الاسباني

    الاسباني بـترولـي جـديـد

    1
    0
    0
    الله يبيض وجهك يابو فهد
    ويرحم اخونا مبارك القحطاني
    وعز الله انه فقيده ابو محمد
    والله يرحمه بواسع رحمته
     
  4. قانون كيفك

    قانون كيفك بـترولـي جـديـد

    32
    0
    0
    الله يرحمه ويغفر له هالانسان مع أني مااعرفه بس مجرد سلام بس جداا اثر فيني خبر وفاته /

    الله يصبر اهله ونطلب من الله ان يحتسبه شهيد اللهم أمييييين /
     
  5. عامل بترولى

    عامل بترولى بـترولـي جـديـد

    31
    0
    0
    صح السانك يابوفهد

    واللة يرحم مبارك ويسكنة الجنة
     
  6. كويتى 43

    كويتى 43 بـترولـي نشيط

    63
    0
    0
    ت

    رحمك اللة يا مبارك وانزلك فسيح جناتة والهم اهلك الصبر والسلون امين يا رب العالمين
     
    آخر تعديل: ‏24 مارس 2011
  7. q8alotaibi

    q8alotaibi بـترولـي جـديـد

    2
    0
    0
    تنوية

    يوجد خط مطبعي والتعديل (الموت حق يقولة الشرع والدين)
     
  8. ما يصير

    ما يصير بـترولـي جـديـد

    8
    0
    0
    الله يرحمه ويسكنه فسيح جناته ،، وقصيده رائعه
     
  9. اليلنجوج

    اليلنجوج بـترولـي جـديـد

    12
    0
    0
    صح لسانك يبو فهد
    وقليل في حق أبومحمد رحمة الله عليه
    والله نعم الرجل ذهب وترك العلم الغانم خلفة
    وياليت الرديين من الرجال يعتبرون
     
  10. ام ريما

    ام ريما بـترولـي مميز

    الله يرحمه ويسكنه فسيح جناته ،، وقصيده رائعه
     
  11. أصيل

    أصيل بـترولـي جـديـد

    6
    0
    0
    صح لسانك يا بو فهد والله يرحم مبارك ويسكنه الجنه ويلهم أهله وأحبابه الصبر
     

مشاركة هذه الصفحة