شمعنى مهندسين القطاع النفطي فقط!!!!!

الكاتب : ظهر الحق | المشاهدات : 519 | الردود : 1 | ‏17 مارس 2011
  1. ظهر الحق

    ظهر الحق بـترولـي جـديـد

    6
    0
    0
    بسم الله الرحمن الرحيم

    يا جماعه مهندسين الوزاره تم اعطائهم كادر واسعدنا هالكادر لان المهندس بالوزاره كان مهضوم حقه...
    يا جماعه مهندسين القطاع الخاص تم صرف لهم بدل ب300 دينار واسعدنا هالشي لانه يساعد المهندس على التوجه الى القطاع الخاص

    شمعنى بس مهندس القطاع النفطي اللي ما خذا شي ولما يطالب بحقوقه نلقى هجوم عليه؟ واذا دافع عن نفسه يتم طرده من المنتدى؟

    يا جماعه المهندس يستحق الكادر...واي شخص دبلوم يدش القطاع النفطي او رابعه ثنوي معاشه يشفط للمهندس. فليش ما شفنا احد يطالب لهم من اخوانا اللي بالمنتدى؟ ولما يتكلم المهندس تقولون حسودي والا مايسوي شي والا خريج الفلبين والا سلوفاكيا والا مصر والا الاردن والجامعات بو طقه؟ ليش هالعقليه هذي؟ يعني اي واحد يقول انا استحق تتهمونه هالاتهام؟


    يا جماعه انا لي الحين ما شفت مهندس يقول عطوني ولا تعطون غيري....المهندسين يطالبون بحق مكتسب لهم اللي اهو الكادر ويقولون اذا لكم حق طالبوا فيه و الله يوفقكم....يا جماعه انا ادري ان العسكرين خذوا زياده ومن حق الموظفين المطالبه بزياده مقارنه بالعسكرين لان شهاداتهم اعلى من شهادات العسكرين...بس مايجوز تقولون المهندس ما يستحق


    انا والله عجبني بس تعليق واحد ولا ادري من هو صاحبه لان من زمان قاريه وما كنت بسجل بالمنتدى....يقول الظاهر ان احنا مو مصفين النيه وهذا اللي أخر الزياده وموضوع الزياده بكبره
     
  2. eng 87

    eng 87 بـترولـي نشيط

    54
    0
    0
    Drilling Engineer
    Kuwait
    يعطيك العافيه وان شالله تنفرج علينا

    وصراحه غثونا على سالفة خريجي الفلبين

    انا شذنبي اذا متخرجه من جامعة الكويت وناس بكل برود اتي وتقول شهادات بوطقه؟؟

    عليهم بألف عافية مهندسي الوزارات والقطاع الخاص

    بس ليش الظلم؟ احنا مو مهندسين؟

    ماشوف أحد تحجى وقال عن مهندسي الوزارات والخاص ماخذين شهاداتهم من الفلبين ومصر ... يعني بس بالنفط اللي شارينها وماخذينها بسهوله؟

    وبافتراض انه البعض ماخذها من جامعات بوطقه..

    شفايدة امتحانات القدرات والانجليزي والتخصص اللي يعطونا قبل مانتوظف؟
     
جاري تحميل الصفحة...

مشاركة هذه الصفحة