الحريه النفسيه Eft

الكاتب : Blue angel | المشاهدات : 1,521 | الردود : 6 | ‏12 مارس 2011
  1. Blue angel

    Blue angel بـترولـي خـاص


    السلام عليكم و رحمه الله و بركاته

    اشلونكم خواتي و اخواني الاعزاء

    اتمنى انكم كلكم بخير و خصوصا مع الجو اللندني ماشاء الله .... سبحان الله هالجو مريح يعدل النفسيه و فرصه انه الواحد يدعي بالمطر فاستغلوا هالشي و الله يحقق لكل انسان امنياته و احلامه يارب


    بعد انقطاع طويل عن المنتدى حبيت ارجع بموضوع مفيد ....

    اليوم حبيت اتكلم عن دوره خذيتها ... وايد استفدت منها بحياتي و حبيت اشارككم فيها ...

    الدوره اسمها الحريه النفسيه او EFT
    اختصار Emotional Freedom Techniques

    الحريه النفسيه هي تقنية ذو تطبيقات واسعة تعتمد على مسارات الطاقة وتربط العقل مع الجسم والمشاعر من خلال نظام الطاقة في الجسم. وكانت بداية هذا العلم في عام 1991على يد العالم قيري كريق (بالإنجليزية: Gary Craig‏).

    لمحة عامة هي مدرسة علاجية حديثة أثبتت فاعليتها في إزالة جميع أنواع القلق والمخاوف. وتحرير جميع المواقف السلبية من الماضي بكل سهولة ويسر. والتحرر من الإدمان والعادات السلبية والرغبات المضرة والقناعات المقيدة. وقد ساهم في انتشارها في العالم العربي الدكتور حمود العبري والملقب برائد الحرية النفسية في العالم العربي وقد ترجم مذكرة مؤسس التقنية وألف كتاب مع الدكتور تام إدوردز (بريطاني الجنسية) وله عدد من المواقع أشهرها موقع الحرية النفسية www.eftinfo.com


    تستهدف هذه المدرسة إزالة الخلل في مسارات الطاقة في الجسم والتي يعود أساسها إلي الطب الصيني القديم مثل الإبر الصينية أو العلاج بالضغط وتقنية الحرية النفسية استفادة من المفاهيم القديمة وحورتها إلى تقنية حديثة سهلة التطبيق وسريعة التأثير مع نتائج دائمة ومستمرة.

    وهي من أنجح العلاجات الطبيعية حيث لايوجد بها أي جانب كيميائي وتعتمد في أغلبها علي التفكير وبعض الحركات



    انا خذيتها عند الدكتوره ليلى الربعي و هي تعتبر :

    الممثل الرسمي للاتحاد التطويري لمسارات الطاقة AAMET في الكويت
    مدرب معتمد بتقنية الحرية النفسية EFT من AAMET
    معالج ومدرب معتمد في العلاج بطاقة الألوان
    معالج ومدرب في العلاج بالطاقة الحيوية
    ممارس معتمد في العلاج بخط الزمن من ABTLT
    ممارس متقدم معتمد في التنويم الإيحائي من ABHT
    ممارس متقدم في البرمجة اللغوية العصبية معتمد من ABNLP
    مدرب دولي معتمد من الأكاديمية البريطانية لتطويرالموارد البشريةHRDA


    و هدا موقعها الالكتروني
    www.mbandsoul.com


    الدوره وايد مفيده علمتني اشلون اتحكم و اسيطر على مشاعري ... اشلون اكون متزنه .... علمتني ما اتاثر بكل شي .... و الاهم ساعدتني في بعض الالام الجسديه مثل الصداع ..

    بحياتنا وايد نتخذ قرارات خاطئه بلحظه ضعف او غضب او توتر ... الدوره هذي بالذات علمتني اشلون اكون قويه ... اتخذ قرارتي بهدوء ....

    علمتني اشلون التمس الاعذار للناس و ما اتاثر مهما يصير معاي

    علمتني معنى التسامح ... و معنى العطاء ... لاني اقدر اساعد اي انسان متضايق :)

    علمتني اشوف اي موضوع بكذا جانب و مو بنظره وحده ....


    مجرد تمرين بسيط يوميا ما ياخذ الا دقايق يمكن يغير من حياه الانسان ....


    اتمنى تعطون من وقتكم دقايق و تدخلون الموقع الالكتروني و تقرون عن هذا العلم ...


    و اذا فيه اي استفسار ... انا حاضره



    و ان شالله يعجبكم الموضوع

    تحياتي للجميع :)
     
  2. Bos3ayd

    Bos3ayd بـترولـي مميز

    523
    4
    18
    يعطيج العافيه على مشاركتنا تجربتج مع الدكتوره ليلى الربعي و موضوعج الشيق ، انا عندي استفسار بسيط بخصوص الدوره الي خذيتها ، هل هي دورة توعوية ؟ او دورة تجارية حالها حال اي دوراة خارجيه نسمع فيها من المعاهد التدريبيه؟ هل لها رسوم معينه ؟ ويعطيج العافيه :)
     
  3. oilkw

    oilkw بترولي خاص أعضاء الشرف

    693
    11
    18
    ذكر
    عامل
    الكويت
    وعليكم السلام ورحمة الله وبركاته

    الله يعطيج العافيه الموضوع ممتاز وان شاء الله برجع مره ثانية بعد ما ازور الروابط اللي حطيتيها وشوف علومهم
     
  4. مستر خبره

    مستر خبره بـترولـي نشيط

    125
    0
    0
    يعطيج العافيه Blue Angel
    بما ان هالدوره اسمها الحريه النفسيه فهل تعتقدين ان لها علاقه بحل الحالات النفسيه اللي اصابة موظفين القطاع النفطي من خلال المعاناه اللي سببتها متابعة أخبار الزياده :) واللي انا طبعا احد هؤلاء الضحايا :) !!! صار لنا سنه واحنا خبر يودينا وخبر يردنا وتصريح يرفعنا وتصريح ينزلنا !!! لغاية ماتعبنا ... تعبا ... تعبناااااااااااااااااااا !!! :) تصدقين قمت احس هاليومين فيني بداية حاله نفسيه ؟؟؟!!! :) حسبي الله عليك ياخميس علقتنا وخليتنا !!!! :)
    وكل مادشيت المنتدى لقيت الاخوان جزاهم الله خير يقولون ادعوا ياشباب ادعوا فاروح ادعي وارجع ! القاهم يقولون ادعوا ياشباب بعد ادعوا ! اروح ادعي وارجع ! القاهم يقولون ادعوا بعد ادعوا ! قلت شنهو ماكوووووووووووووا شغل ؟؟؟؟ !!!!!! :)
    تصدقين سمعتهم يقولون ان الدعاء وقت المطر مستجاب فصار لي ثلاث ايام قاعد تحت المطر بالحوش ادعي !!!
    حتى الاهل قاموا يسألوني علامك قاعد بالمطر ؟؟؟!!! قلت لا عادي قاعد اسوي يوقا كويتيه :)
    وسمعت يقولون ان دعاء المسافر مستجاب فرحت الخفجي وانا ادعي امس خمس مرات !!! يعني مسافر !!! :)
    لغاية ماوصلت لقناعه ان الزياده ما الله كاتبها لنا و دعائنا ماتحقق بسبب ان نيتنا مو مضبوطه !!! :)
    او ان الجماعه اياهم اهم اللي نيتهم مو مضبوطه !!! :)
     
  5. Blue angel

    Blue angel بـترولـي خـاص


    الله يعافيك اخوي ... و تسلم ما قصرت ... و مشكور على مشاركتك بموضوعي .... اي الدوره لها رسوم
    و مدتها 3 ايام بس .... و فيه مستويين ... بعدها تاخذ شهاده عاليه و اتكون ممارس لل EFT

    بس ملاحظه الدكتوره ليلى ما تعطي هالدورات الا للنساء ... بس اظن مستقبلا امفكره تعطيها للرجال

    يعني لو قدرت اتخلي اي احد من اهلك يستفيد منها و ينقلها للبيت كله

    انا حاليا علمت امي و اختي و حتى عيال اخواني الصغار قاعده احاول اعلمهم

    لانها مفيده تنظم طاقه الجسم و بالتالي تقوي مناعه الجسم و وقايه من الامراض باذن الله سبحانه
     
  6. Blue angel

    Blue angel بـترولـي خـاص


    الله يعافيك اخوي اشكر حضورك بموضوعي ... و حياك الله علم الطاقه وايد مفيد ... اهم شي فيه انه مستحيل يضرك
    لا من الناحيه النفسيه و لا الجسديه .... اتمنى لك قراءه ممتعه :)
     
  7. Blue angel

    Blue angel بـترولـي خـاص

    الله يعافيك اخوي لووووووول ضحكتني .... الله يسعدك و يوفقك يارب .... شوف عندنا وايد موظفين بحاجه الحريه النفسيه .... مو عشان موضوع الزياده طبعا لا عشان يعيشون حياتهم بمحبه و تسامح ... صدقني لو كل بيت فيه احد يطبق EFT صدقني كنا راح انعيش بسلام ..... انا ما اقولك هالكلام بناءا على خبرتي بس ... لا اعرف وايد ناس تغيرت حياتهم للاحسن ....

    كلنا انعاني من ذكريات حزينه او حتى لظروف معينه ... الحلو بهذي الدوره اتخليك متزن ما تنفعل و لا تتاثر حيل ... و دايما بتكون انسان متسامح ... يا حلو التسامح يخليك اتعيش براحه ....

    موضوع الزياده هذا رزق اذا الله سبحانه كاتبه لنا راح ناخذها مهما يصير .... و الدعاء عباده بالعكس كثر من الدعاء ... الاحلى لما تدعي مو بس لك بروحك دايما ادعي لامه المسلمين و شوف النتيجه....

    و اقولك شي احنا دايما انفكر بالزياده و الفلوس ... بس شوف العالم حولينا معفوس ... الحمد لله على نعمه الامن و الامان و الله يديمها علينا يارب و يحفظ لنا ديرتنا

    مشكور وايد على مداخلتك اللطيفه صج ضحكتني .... الله يوفقك و يستجيب لك دعائك يارب
     
جاري تحميل الصفحة...

مشاركة هذه الصفحة