بلا عنوان << إقرأ وتفهم

الكاتب : Nz`3H | المشاهدات : 1,343 | الردود : 7 | ‏11 مارس 2011
  1. Nz`3H

    Nz`3H بـترولـي جـديـد

    17
    0
    0


    الموضوع : بلا عنوان << إقرأ وتفهم


    لقد نفُذ الوقت << والساعه بــ 5 جنيه $ والحسابه بتحسب


    ما أحب أتهجم إلا بعد إنتهاء الوقت , لكن المشكله تكمن عندما ! , لا يبقى إلاّ القليل من الوقت .


    المهم


    قبل البدأ في الموضوع , تذكرت سالفه ...



    - هذا واحد من الشباب , إتُهم عمّه بقضيه وإنسجن ( رغم أنه برئ ) لكن القانون له مجراه

    - وصار فيه تكتم على هالسالفه عشان محد يدري , وصارت السالفه عائليه فـــقط , إلاّ بعض الأصدقاء << وأنا واحد منهم

    - المهم : كل يوم يكون عندهم إجتمااع عائلي خاااااااص جدااااااا ...

    - في ثاني إجتماع , اللي يعتبر في اليوم الثاني من بعد ما إنسجن ولدهم , حضر الإجتماع شخص من أبناء العمومه .

    - هالشخص هذا ( مهايطي ) وكل ماتكلموا بموضوع بالإجتماع طمر بالسالفه ...

    - عم الصمت في المجلس , والجميع في حالة حزن , ولايعلموا ما يفعلوا ...

    - طمر المهايطي , وإنتبهله الجميع , وتلفت يمين ويسار , وقال لولد صغير موجود فالمجلس : روح شوف فيه أحد برى ؟؟

    - الجميع مستغرب !!!

    - رد الولد الصغير قال : مافيه أحد ... سئله المهايطي : متأكد ؟ ... جاوب الولد : اي متأكد ..

    - قال المهايطي : ياجماعه بقولكم عن شغله , لــــكن رجاءاً رجاءاً رجاءاً لا يطلع الموضوع ...

    - وافق الجميع ..

    - قالهم المهايطي : أنا وصيت شخص على ولدكم ...

    - فرح الجميع .. وسألوه : على شنو وصيته

    - قال المهايطي : ماتعلمون أحد ؟؟ ولا يطلع الموضوع ؟؟

    - وافق الجميع ..

    - قال المهايطي : وصيته يعطي ولدكم زقاير ..

    - سألوه وبعد ؟؟؟

    - قال المهايطي : وينتبهله ويعطيه تلفون إذا بغى يدق ..

    - إستغربوا الجميع !!! , وسألوه إنت منو موصي ؟؟

    - قالهم المهايطي : أنا موصي على ولدكم واحد ( مسجون ) , وإكتــــــــــموا إكتمـــــــــــــوا لحد يدري







    الموضوع :



    الزياده , ياااااااما راحت وياااااااااااما جت

    ومن شهر 10 / 2010 , والتلفون مايسكت من الجداول

    والكل راضي لو بــ 50 ك.د

    والبعض صار في داخله ( غِل ) على المهندسين !!!

    والوزير قال والوزير ضمن

    والشرثان طالب

    والقحطاني رفض

    وإجتماع عُقد

    وإجتماع إنتهى



    بالنهايه , وصلنا لمرحله ضمنا الزياده فيها !!!


    لكن للأسف شارفت السنه الماليه الحاليه على الإنتهاء << إقبض من دبش


    بس

    اللي محيرني بالموضوع , كل ماسولف أحد عن الزياده , ردوا عليه بحديث الرسول ( ص ) :

    "استعينوا على قضاء حوائجكم بالكتمان فإن كل ذي نعمة محسود " .


    يعني وصلنا لمرحلة معادلة


    الزياده = إكتـــــــــــــــــــــــــــــــــــــم لاتسولف


    والسبب ؟؟


    عشان مايحسدونكم القطاعات الثانيه !!!


    مايدرون إن القطاعات الثانيه , وافقوا على زيادتهم !!!



    راح نص شهر 3 , مدري متى بتنزل ؟؟؟



    الظاهر إني بقدم إستقالتي وبروح الحرس الوطني ولا الجيش واللي يوافقني على هالرأي , خلونا نسويها إستقاله جماعيه .



    إكتــــــــــــــــــــــــــــــــــــــــــــــــــــــــــــم​
     
  2. q8security

    q8security بـترولـي خـاص أعضاء الشرف



    :mad::mad:
     
  3. AD-01

    AD-01 بـترولـي خـاص

    1,040
    2
    38
    مع ان قدراتي وذكائي المتواضع ما قدرت اربط بين قصة المهايطي والزيادة لكن ...


    شنو اللي مزعلك بالموضوع اذا الجماعه مكتمين ؟

    سنة 2007 ما عطل زيادتنا الا الطيران المدني والجمارك وغيرهم .. حتى الموظفين بوزارة الاوقاف احتجوا .. وحكومتنا طخت وارضخت واجلتها ..

    وشنو مشكله السنة الماليه اذا انتهت او بدت ؟!

    الزياده راح تمشي والرياجيل قد كلامهم ان شاء الله ... هذي قدامنا عدت من مجلس المؤسسة والحين راح تعرض على المجلس الاعلى للبترول وقبلها موافقة اللجنة المنبثقه .. وباقيلها مجلس الخدمة المدنية


    يا اخوك اذا الوضع صعب عليك لا تضايق روح ولا تشاور .. الحرس والجيش يقبلك على قولتك وعندهم نقص و عليك بالف عافيه توهم مستلمين دبل راتب اساسي .. ولا تنسى الحديث :" استعينوا على قضاء حوائجكم بالكتمان"
     

  4. كل شوي كتمان وكتمان وعشان لايحسدونكم

    والله ماعندكم غير الدبش وبس

    قولو انكم متوهقين وماعندكم شي وانه خميس لعب عليكم وراح

    وانتو لحد الحين سريه تامه وسريه تامه لين لاعت جبدي من زياده
     
  5. VIBRATION

    VIBRATION بـترولـي نشيط جدا

    السلام عليكم ورحمة الله وبركاته

    يا أخوة الصبر مفتاح الرزق والفرج

    ومثل ما نقول بالكويتي طولوا بالكم ونطروا شوي

    ترى راح الكثير وما بقى إلا القليل

    وإن شاء الله راح تسمعون أخبار طيبة
     
  6. سلومكو

    سلومكو بـترولـي مميز

    563
    0
    0

    يابن الحلال السالفه مو سالفة نصبر وننطر ؟

    صبرنا من سنه اللي طافت واحنا ننطر وننطر

    ولكن شوفة عينك بالاخبار اقرو كوادر الناس وعسى الله يرزقهم يارب

    واحنا قطاع النفطي كرت احمر عطونا ؟


    الله كريم
     
  7. Names

    Names بـترولـي نشيط جدا

    160
    0
    0
    احنا اخذنا زياده في شهر 3 سنة 2008
    والمفروض يدرسون اي زيادة كل 3 سنوات يعني شهر 3 سنة 2011 يبدون من الشهر الحالي واذا نستحق زياده يعطونا
    ومع هذا بدوا بدري من شهر 11 سنة 2010 واحتمال يخلصون بعد شهر او شهرين


    وغيرنا ما استلم زياده ابدا وكان ناطر من سنين .. مادري ليش هالصيحه !
     
  8. Nz`3H

    Nz`3H بـترولـي جـديـد

    17
    0
    0


    مدري شاللي مزعلك طال عمرك ؟
     
جاري تحميل الصفحة...

مشاركة هذه الصفحة