تطوير نظام الاجازات

الكاتب : كنترولkoc | المشاهدات : 1,751 | الردود : 16 | ‏11 مارس 2011
  1. كنترولkoc

    كنترولkoc بـترولـي جـديـد

    11
    0
    0
    السلام عليكم ورحمة الله وبركاته ,,

    بالنسبة لموضوع الاجازات والاخطاء الي قاعده تصير فيه وبطء اجاراءاتها والمحسوبيات والواسطات الي فيها

    ليش مايتم عمل نظام الكتروني على الايميل الخاص بالموظف ويكون التوقيع فيه عن طريق باسورد خاص بالموظف ومن ثم يتم ارساله للمسؤول المباشر وسي سي لرئيس فريق العمل ويتم الموافقه عليه بنفس الطريقه ومن ثم ترسل للادمن وكل هذا يكون عن طريق الايميل وعلى اساس القوانين الاداريه الخاصه بالاجازات بحيث ماتدخل السستم اذا كان فيها تجاوز وبهالطريق يكون فيها انصاف وابتعاد عن المحسوبيات لان كل واحد متابع شغل الثاني بالايميل ومحد يقدر يمشي الي يبي والي مايبي يخليه لانه اي خطا او تباطؤ في انجاز معاملة الموظف راح يكون عليها محاسبه وبادله ملموسه من الشخص الي واقع عليه الظلم لانها مثبته بالايميلات مو بس بالكلام والاوراق الي يتم التلاعب فيها لمصالح شخصيه وعلى شان يكون فيها سرعة بالانجاز من ناحية الادمن او محاسبته اذا تم التقصير منه او محاسبة الشخص الي يتم منه التقصير ,,,,, وهذا كله راح يكون له فايدة كبيره للموظف اول وتالي ومنها اكيد راح تزيد انتاجيته وشكرا ااا ;)



    رجاااااااااااء يا نقاااااابة حسواااااا فيناااا تعبنا خلاص تعبنا ماااااااااااانبي الواسطه تدش بكل شي طبقوا هالنظام وفكونا
     
  2. AD-01

    AD-01 بـترولـي خـاص

    1,040
    2
    38
    شنو التقصير اللى صاير ؟!!

    انت طلبت اجازه ووقعت الفورمه وسلمتها مسئولك .. تروح للادمن ويجيك ايميل انه اجازتك معتمده

    شنو اللى انت خايف منه وممكن يصير بالواسطة وتبي النقابة تتدخل !
     
  3. كنترولkoc

    كنترولkoc بـترولـي جـديـد

    11
    0
    0
    حياك الله اخوي
    الكلام سهل وكل واحد يمدح سوقه توقع وتروح لمسؤولك ويجيك ايميل الكلام سريع وحلو ولكن الفعل اين الفعل يقولك لاتبوق لاتخاف واذا صارت عن طريق الايميل يكون احسن واسرع ولا خايف على شي معين طال عمرك هههههه
     
  4. nawaf52

    nawaf52 بـترولـي نشيط

    127
    0
    0
    والله الشي اللي تطالب فيه مومهم المهم يصير حالنا حال المؤسسه والشركات الثانيه للأسف تابعين للمؤسسه بكل شي الا الاجازه ، الكي او سي لازم تخلص اجازتك بالسنه الماليه نفسها والمؤسسه والشركات الثانيه يخلون رصيد بكيفهم اللي بيطلع يطلع واللي مايبي لا يطلع هالسنه ، والملاحظه الثانيه انه إذا صار نقص قالولك ماكو اجازه وإذا صار شهر 12 وبقوا يطلعون العالم طلعوا كل اللي عنده رصيد مال السنه هذي وشغولوا اوفر تايم لو مايبقى بالقسم الا موظفين من 100 مومهم بس يخلص الرصيد .

    فا أنا أقول اللي بطالب يطالب بشي يستاهل طال عمركم .
    وسووا الاقتراح وانا أول الموقعين على تعديل القانون بمساواتنا بموظفي المؤسسه والشركات النفطيه إما نصير نفسهم ولا يصيرون نفسنا .
     
  5. المشاكس

    المشاكس بـترولـي خـاص أعضاء الشرف

    998
    1
    0
    يالحبايب

    قانون الإجازات بالشركة نفس قانون المؤسسة تقدر ترحل إجازتك لين السنة الجاية بس عندنا بالعمليات بشكل عام مايبون يصير تكدس في عدد أيام الإجازات بعدين يصير نقص كبير بالموظفين وألي عنده أحد يداوم بالأحمدي بأي قسم ثاني راح تشوفون أن عندهم رصيد إجازات.

    عندنا مافي ألتزام بتطبيق نظام الإجازات حسب الجدول ولذالك تشوفون آخر السنة تكدس بالإجازات ونقص كبير.
    وهم أعيد وأقول عدم المبالاه عن الإدارة هو سبب الي قاعد يصير.
     
  6. AD-01

    AD-01 بـترولـي خـاص

    1,040
    2
    38


    انا الاجازة عمرها ما كانت مشكله معاي .. اسوي اللى قلتلك وتوصلني بالايميل بعد اعتمادها بالاوريكال

    بعدين ليش الواحد يخاف من الاجازة اصلا ؟! اهي اصلا اجراءاتها سريعه وواضحه وما قط سمعت ان احد تضرر منها


    حتى لو تأخرت بالسستيم او ما دشت الاوريكال او ضاعت .. مسئولك يدري انك مرخوص والفورمه موقعه عنده .. وعندك صوره

    نورنا شنو الخوف اللى عندك ؟!

     
  7. مهموم

    مهموم بـترولـي نشيط جدا

    261
    0
    0
    يا اخي ad1 اقتراح ويقوله ما فيه مشكله يمكن الرجال مرت عليه مشكله بالاجازات
     
  8. كنترولkoc

    كنترولkoc بـترولـي جـديـد

    11
    0
    0
    السلام عليكم ورحمة الله وبركاته. اخوي مهموم. خله يقول إلي يقوله أهو أكيد من المستفيدين من النظام إلي موجود ومن ناحية المشاكل الكل مرة عليه مشاكل إلا إذا كان فيتامين وأو حاضر ههههههه واعتقد لكل شخص رأي وله حرية التعبير ؤارد وأقول لحبتك عيني ماضامك الدهر. وأنا الحين ذكرت اقتراح مجرد اقتراح ؤانشألله عن قريب بذكر بعض المشاكل
     
  9. AD-01

    AD-01 بـترولـي خـاص

    1,040
    2
    38
    الاخ كنترول KOC

    انا رديت عليك لاني اول مره اشوفك تشارك وتوقعت هدفك من الموضوع هو المصلحه العامة ، مع اني ما شفت في ردك الاخير الا الاستظراف وكلام يدل ان ما عندك سالفة لكن بشوف اخرتها معاك ، هل منك فايده والا حالك حال غيرك اللى ماعندهم شغل فما اضيع وقتي وانا اقرا مشاركاتك ;)

    اقرا كلامي راح تلقاه واضح .. شنو المشكله اللى واجهتك علشان تقترح هالشي ويكون حل لمشكلتك ؟! .. خلنا نعرف ما واجهت ويكون اقتراحك منطقي ويمشي اذا تبنته النقابة و نبدي صفحة جديده مع بعض :D



    الاخ مهموم

    وعليكم السلام ورحمة الله وبركاته

    انت اكبر مطالبك وهمومك انهم يعتمدون طبيتك من المستوصف .. وكلمت لك النقابة واعتمدوها لك ، والحين كنت اكلم الاخ كنترولKOC عن مشاكله علشان نستفيد من تجاربه .. فشنو اللي منقزك الحين ؟ هل كلامي كان فيه غلط لما سالته عن مشاكله اللي خلته يقترح هالمقترح ؟!
     
  10. مهموم

    مهموم بـترولـي نشيط جدا

    261
    0
    0
    شدعوه اخوي ad1 جاي من اقصاك يا اخي اعتقد ردي ما فيه مشكله والا غلط عليك انا قلت اقتراح ومن عضو وفي المنتدى ما فيه مشكله اذا قال اقتراحه وبعدين تعايرني بطبيه انهم اعتمدوها من المستوصف اعتقد انا طرحت الموضوع هذا مو شرط انه اكون انا المستفيد هي فايده للموظفين كلهم خاصه اللي في الجهراء واللي داخل الديره والفروانيه واذا انا غلطان آ سف يا اخوي
     
  11. كنترولkoc

    كنترولkoc بـترولـي جـديـد

    11
    0
    0
    أحي العزيز المسأله واضحه وضح الشمس انت إلي داش بقوة وزعلان من كلامي كاني قاعد أتكلم عنك أنا اقترحت اقتراح والاقتراح هذا يسهل على الموظفين ككل وبنفس الوقت شرحت لكل المشكلة أرجع لكلامي واقرا وتعرف بالمختصر. صيطرت الواسطه وألمحسوبيات واستغلال وظيفة الادمن للتكسب انتخابيا وبط الانجاز. ؤانا اقترحت اقتراح يحد من هالأمر ويسهل على الموظفين بس انت اظاهر قاعد تقرأ إلي تبي وتغظ الطرف عن إلي ماتبي. وأدبيا أخي الفاضل ونضيحة أخ من عمل عمل لوجه الله. يخليه لوجه الله ولا يقعد يمدح نفسه _
    | )
    \ \_____
    \ (_____)
    ( (______)
    ( (_ ____)
    /__(_____)
    أوكي وشكرا
     
  12. مهندس نفطاوي

    مهندس نفطاوي بـترولـي جـديـد

    12
    0
    0
    مهندس
    دار جابر
    خل يموتون

    السلام عليكم

    الله يرحم لي والديك خلهم يدفنون نفسهم احسن لهم اهما ونظامهم

    والله كنت قاعد مع تيم ليدر بقسم الموارد البشريه بالبترول الوطنيه وشرح لي نظام اجازاتهم وشلون ترحلها والخ

    والله اكتشفت ان الي عندنا تخلف
     
  13. كنترولkoc

    كنترولkoc بـترولـي جـديـد

    11
    0
    0
    صباح الخير. أي ولله صدقت وهذا الكلام الكلام إلي أنا قاعد أتكلم عنه وبعض الناس مو راضيه تقتنع. وإلي مخلي شركتنا بكل شيء متأخره عن غيرها من الشركة الشلليه إلي عندنا والاحزاب إذا مالك حزب معين الله يعينك الشركات كل ماله واحسن واحنا لنا الله للحين نظام العصور الوسطى :(
     
  14. AD-01

    AD-01 بـترولـي خـاص

    1,040
    2
    38

    كنترول KOC ..

    اول شي لا تستظرف بالرد وتحاسبني ليش داش بقوه عليك بعدها :rolleyes:


    نرجع لموضوعنا ..

    انت تقول تبي نظام الاجازة يصير بالايميل علشان في واسطات ومحسوبيات مصالح انتخابية وكلام فاضي ... من فينا راح باجازه وقام الادمن ومسك اجازته علشان يتجمل فيه ؟!! واشدعوه الشغله تسوى انه يتجمل فيك .. الاجازه ماشيه ماشيه ومسئولك وقعها وانت طلعت بسلامتك

    مشكلتك تقول في مشاكل ومحسوبيات وواسطات وتكسب انتخابي ... في فورمة الاجازة !! سئلتك شنو المشكله عطنا مثال .. طلع ماعند سالفه .. ;)

    قول ودي يتطور النظام ويصير بالايميل وماله داعي تشبك فورمة الاجازه بالمشاكل وواسطات وتخلي عندنا بلاغة شف انعرف شنو هالمشكله اللى ممكن تصير بفورمة الاجازه !

    ابشرك حتى وجبات الغدا راح تصير بالايميل .. راح تطلبها وانت قاعد بمكتبك ... هذي اهداء لك اذا انت تبي التطوير


    مهموم

    حياك الله اخوي .. عزيز وغالي واذا عندك مطالب ثانية الساعه المباركه الربع بالنقابة ناطرينك
     
  15. مهموم

    مهموم بـترولـي نشيط جدا

    261
    0
    0
    اي اخويad1 كذا تعجبني بس خاف اقترح اقتراحات ثانيه وتعيرني فيها جاتني فوبيا من الاقتراحات
     
  16. كنترولkoc

    كنترولkoc بـترولـي جـديـد

    11
    0
    0




    السلام عليكم ورحمة الله وبركاته ,,,

    اخوي ad01 انتبه لالفاظك كلام فاضي وماعندك سالفه عيب !!!! وعلى شان شخص ايد كلامي وتكلم بصراحه الي اهو اخوي الفاضل مهموم تبدى تمن عليه وتجرح بكلامك هذا رايي و مهموم له رايه وكل شخص له راي ولله مايصير هالكلام !! اذا انا كنت استظرف دمي فهذا لتلطيف الجو وهالكلام اعتقد انا ما وجهت لك بصفه شخصية كان كلامي بشكل عام وليس بيني وبينك عداوة شخصية ولا اعرفك ولا تعرفني والاقتراح الي قلته بسيط وليس انا المستفيد الوحيد ولكن لي ولك ولكل الموظفين واذا كان فيه ضرر فهو للمستفيدين من الواسطة فقط لاغير ,, ولكل شخص حرية التعبير وارجع لمشاركتك الاولى اذا انت شخص واصل وامورك ماشيه مع الادمن مو معناته ان الموظفين كلهم ماشي شغلهم المسألة اكبر من بس تاخير اجازات المسألة الناس قاعده تعطل مصالحهم الموظف من حقه انه ياخذ اجازته بكل سهوله وشفافيه وبدون تعقيدات الي انت طبعا مو قاعد تشتكي منها وامورك ماشيه ولله الحمد والمنه وليس لاحد سواه عدة مرات مو مره او مرتين يتم تاخير الاجازة وماتنزل بالموفمنت مع انها خلصت من عند المسؤل ومثل التأخير هذا عند العودة للعمل مو سالفه ان الموظف يطلع اجازه ويرد واجازته مانزلت ويظل طول فترة اجازته يدق ويسال كل هذا بغرض ان شخص من الادمن يتفضل عليه بتنزيلها بالموفمنت ويكون بحكم الي انجز انجاز خارق للعادة مع العلم انها حق الموظف بعد تعب سنه كامله من العمل اذا انت تقول مو مشكله لا اخوي مشكله ونص هذا عمل الادمن اذا تاخروا بعملهم بعد الموظف يحق له يقول مو مشكلتي مشكلة الادمن ليش مو كل واحد يتابع شغله ويأديه بامانة مع العلم ان هالموضوع يعاني منه العديد من الموظفين وليس انا المتضرر الوحيد ,,,, والمنتدى لابداء الرأي والرأي الاخر اخي الفاضل ومثل مالك راي تقبل الراي الاخر بصدر رحب ,,, والنقابة ممثلين لنا كلنا وليس لك انت وحدك ولم يصلوا الا من خلال صندق الاقتراع باصوات الموظفين وهذا لانهم كفوا لتحمل المسؤلية ولكل موظف الحق بالرجوع لهم ولا انت ولا غيرك يا الواصل :rolleyes: صاحب فضل هذا حق لكل موظف ,,,, وشكرا
     
  17. Elking

    Elking بـترولـي جـديـد

    11
    0
    0
    أول شي أحب أقوله
    عشان في جم واحد يتمصلحون من شغلهم حق الانتخابات مو معناته انه الكل يسوي مثلهم.

    ثاني شي مبين من كلامك انك في الانتاج او الماي.

    الاجازات مافيها واسطات. اذا اجازتك تنطبق عليها الشروط اللي حطتها المؤسسة (مرة تعاقدية و 3 جزئية أكثر من 3 أيام) محد يقدر يردها. مو تدزها وانت تدري انك طايف الاربع مرات.

    اكثر المشاكل تصير لانه الموظف يقدم اجازته قبل يوم من طلعته و يبيها حضرته تخلص في ساعه. و اذا دق يسال عنها ليش ما نزلت يالايميل يلاقي التيم ليدر ماله نايم عليها.

    واذا في تقصير من موظف الموارد البشرية ارفع عليه شكوى عشان لا يعيدها. مو تقعد تعمم على كل الموظفين.
     
جاري تحميل الصفحة...

مشاركة هذه الصفحة