قصة سائق شاحنه على خط الوفره

الكاتب : الكويت اولا | المشاهدات : 1,324 | الردود : 6 | ‏3 مارس 2011
  1. الكويت اولا

    الكويت اولا بـترولـي جـديـد

    6
    0
    0
    سائقو الشاحنات على خط الوفره من منا لم يقابلهم بالطريق فما اكثرهم هذه الايام. ياتون من الكسارات و مشروع المدينه الجديده و التناكر. مهمته ان يوصل حمولته من التراب و الصلبوخ المتطاير باسرع وقت لانه يقبض فلوسه لكل درب. لايهمه سلامة من في الطريق خاصة انه لن يتاذى اذا حصل له اي حادث بما انه يسوق شاحنه حديديه عملاقه, فاسوء شي سيحصل له هو طعج خفيف بالشاحنه او حتى تقشر صبغة سيارته, اما السياره الثانيه فهو عدم لها ولسائقها. و مايزيد الطين بله هم وزارة الداخليه ووزارة الاشغال. فلا مراقبه للشاحنات و اوزانها بهذا الشارع ولا طرق معبده و يستغرق اشهر باصلاح هذا الطريق.
     
  2. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    هذه المشكلة للأسف ليست على طريق الوفره فقط
    بل على الطرق السريعه ايضاً
    تشوف الشاحنه محمله صلبوخ ورمل ومن غير حمايه وتتطاير من اجناب الشاحنه مما يسبب بأضرار للسيارات اللي تمشي خلف الشاحنه .
    ولو تروح مثلا حق اي دوله مجاوره تشوف الشاحنات اللي تحمل رمل او صلبوخ ماتترس الشاحنه ويكون مغطينه بطربال حمايه للسيارات الأخرى على الطرق
    والمفروض من رجال الشرطة مخالفه اي شاحنه ماتلتزم بالشي هذا
     
  3. bo-hamad

    bo-hamad بـترولـي جـديـد

    5
    0
    0
    خلوها على الله بس
    اهني كل شرطي على كيفه اللي بيخالف و اللي ما يبي يخالف
     
  4. Bo Hadeel

    Bo Hadeel بـترولـي نشيط جدا

    245
    0
    0
    خلها على الله ياخوي...
    حتى لو خلصت الاشهر وصلحوا الطريق ماكو فايده....الشاحنات شايله اكثر من حمولتها وقاعده تكسر بالاسفلت...
    الحصى طاير على خلق الله....وتلقى بعض السواقين مو نايمين من جم يوم و فاصلين يلف عليك جنه العيد...

    رايي حاول تغير طريجك للدوام في ناس قاعده تروح من طريج الزور و في خط الارتال كل حسب بيته...صج ان الطريج اطول وياخذ وقت بس روح بعيد وارجع سالم...وسلملي عالنقابه:)
     
  5. فزاع السهلي

    فزاع السهلي بـترولـي نشيط جدا

    يفرجها الرحمان

    يعطيك الف عافيه

    دمت بخير
     
  6. untouchable

    untouchable بـترولـي نشيط

    54
    0
    0
    الله يعينكم يا موظفي الوفرة
    بصراحة قمة المخاطرة والمغامرة على خط الوفرة
    وما تشوف دورياتنا الا اذا كان في رتل عسكري وغيرها سلامتك
    وزارة الداخلية نايمة والموضوع خطير وفي ارواح ناس على كف عفريت
    والله يا اخوان اني مرة شايف سايق نساف يسوق سرعة وحاط رجله على الطبلون ( قمة الاستهتار)
    ومسئولي العمليات المشتركة لازم يخاطبون الداخلية بدل ما يركبون كاميرات سرعة بالطريق الاداري
    والقهر انهم حاطين نقاط أمنية ع الفاضي................

    الله الحافظ.......
     
  7. API 18

    API 18 بـترولـي مميز

    513
    0
    0
    الحل الوحيد لهذه المشكله هي التعجيل بتطبيق اقتراح النقابه باستعمال طريق ام صفق. هذي ارواح ناس احنا قاعدين نتكلم عنها مو جريدات و الا فلوس. والله انه هذا الطريق ماساوي.
     
جاري تحميل الصفحة...

مشاركة هذه الصفحة