رئيس النقابه مفقود مفقود مفقود ؟

حدد سبب اعتقال الاعضاء

 

..................

ماعليه اخييي البتروليي يمكن مالي حق اني اطرح السؤال هذا مو لاني ماني موظف في القطاع النفطي لا لاني ماعمري شاركت في الانتخابات للنقابه المهم سؤالي اهووو
منو الي حط الرئيس المفقود الي تسال عنه مو انتوو الموظفين القطاع النفطي ؟

 

اخي بتروووولي العزيز
بخصوص رئيس النقابة اللى قاعد انت تتكلم عنه اللى اختاروه ربعك منك وفيك سواء القبيلة او غيرها
وهو ما يمثل بس قبيلته ايضا يمثل القطاع النفطي بالكامل وانا ما ادافع عنه ولا حتى اعرفه
بس الكلام من خلال المنتدى ما له داعي يا خوي روح النقابة وطالب بجمعية عمومية واحضرها وتكلم على راحتك
واذا كان الانسان هذا غلطان ولا يستحق المكان صدقني حتى القبيلته راح تتخلى عنه لان هذا المكان مو ورث الى احد
او روح النقابة وكلمة وشوف ردة ويقول المثل لاتبوق لاتخاف
واحترامي للجميع

 

السلام عليكم ورحمة الله وبركاته

اخوي بتروولي اتمنى اول شي ان حنا نرتقي في حوارنا وماله داعي الأسلوب هذا اوصخ ايدي وطق وماطقق ومادري شنو . ولو اني متأكد لو انها توصل للمواصيل هذي كان صار علم ثاني .

على العموم نجي أول نقطة والتي تقول اعضاء النقابة مقبوض عليهم والرئيس في بريطانيا يشتري خيول .

مادري هل انت تتكلم عن حادثه قبل عشرين سنه ؟؟ ترى السالفه قبل سنتين وكلنا نذكرها والرئيس موجود ووقتها كان داخل المصفاة يوزع منشورات الدعوه للإضراب وكانت النقابه موزعه مجاميع كل مجموعه في مصفاة ومسكت المباحث مجموعه منهم بأمر فردي من رئيس المباحث واتصلوا النقابيين في الرئيس وقالو له لا تطلع من النقابه لانك ماراح تقدر تدخل مره ثانيه وكمل جولاتك ووزع المنشورات. وبيض الله وجهه في ذيك الفتره هو وباقي اعضاء النقابه. فبلاش نزور في احداث قريبه وكلنا نذكرها .

اما بالنسبه لسالفة المحطات فأنا معاك وضد خصخصتها .. ولكن احقاقاً للحق انا اخوي واحد من موجهي المحطات ومن الناس اللي طالبوا النقابه بالتوقيع مع الشركة لكي يحصلوا على الباكيج يعني العيب من الموظفين مو من النقابه . هذا كلام اخوي اللي هو من موجهي المحطات وبالفعل تم فصله قبل فتره ورجع بواسطه للشركة الأولى للوقود بعد انتهاء فترة العقد وهي خمس سنوات . اذا العيب من الموظفين اللي ضغطوا على النقابة للتوقيع مع الشركة لكي يحصلوا على الباكيج .

اما سالفة ميزانية السفرات فأقسم بالله انك ماصدقت ونقابتنا هي النقابة الوحيدة اللي اعضائها مايسافرون مهمات خارجية وهذا بقرار من الرئيس وبموافقة الاعضاء فشلون صارت هناك ميزانية للسفرات وهم اصلا مايسافرون .. بعدين اعضاء النقابة زملاء لنا في العمل عمرك شفت احد منهم ماخذ تفرغ من العمل لسفره خارجية نقابية ؟؟؟

يا أخي بلاش بهتان وتكلم بالحق اما الكشف عن الذمه الماليه فهناك جمعيه عمومية تعقد كل سنه للتدقيق في التقرير المالي والإداري بإمكانك الحضور ومناقشة التقريرين .....

أرجوا ان لا نربط المشاكل الشخصية او الانتخابيه في نقدنا للنقابة .
واقسم بالله لو انك تحدثت عن موقف النقابة مثلا من عاهد الخريف او من بعض الأمور الأخرى اللي قد يكونوا مقصرين فيها لوافقتك ولكن انت هنا تطعن في ذمة رجل يخاف الله وتبهته بكلام عار عن الصحة .

 

الله يسامحك يا بتروووولي الله يسامحك
كلامك هذا من قبل قرن وانت اللحين قاعد تتكلم فيه وفوق هذا غير صحيح
عيب والله عيب وافتراء بحق اخوانك اللي بالنقابة
تصدق بالله توقعت ان المباحث ماسكين النقابيين اللحين وحاكرينهم وطق فيهم على كلامك
لاني باجازة اللحين ولا ادري شنو صاير بالدوام
وبعدين ماله داعي كلمة طق وماطقق وين قاعدين يهال بالشارع

تدري ليش كلامك طلع الحين انا اقولك لك انت مصالح انتخابية وتبي تشوة سمعة الشخص او القائمة
يا اخي هذا اسلوب غير راقي او متحضر

 

انت قاعد تتكلم عن قضايا قديمة لا وتقول انك صوتت لهم المرة اللي طافت اسمحلي كلامك اشك بمصداقيته وكلام انتخابات
والمشكلة الثانية ان في ناس ثانية تقول خاصة في هالمنتدى ان النقابة الحالية بس رئيس
وواضح انك تتقصد رئيس النقابة يدل عالسطحية شنو من اين لك
هذا كله رئيس نقابة لا ومديونة بعد

 

السلام عليكم ورحمة الله وبركاته

صبحك الله بالخير اخوي تبرولي

الظاهر عندك معلومات محد يدري عنها

انت تتكلم عن ميزانيات وعن مصروفات المفروض محد يدري عنها

طبعا الاستنتاج هذا بنيته بناء على اتهامك لرئيس النقابه بأنه ماكل فلوس النقابه مثل ماتدعي سواء في سفرات او غيره .

اللي نبيه منك الحين طال عمرك تبين لنا على اي اساس بنيت اتهامك لرئيس النقابه؟
وهل عندك مايثبت صحة كلامك ؟

ننتظر الرد منك بالدلائل وان كان هناك مايثبت كلامك فأنا اول واحد اطالب بمحاسبة رئيس النقابة بل وتحويله الى النيابه ان كان هناك اي تبذير لاموال النقابه

 

يابوعبدالله أترك للأخرين حرية التعبير والنقاش , وهناك أمور كثيره لدي أعضاء ومتابعي هذا المنتدي , مشاركاتك المستمره للدفاع عن مجلس أدارة النقابه تجعل الأخرين ينفرون عن كتابة مواضيع أو المشاركه في أي موضوع مفتوح للنقاش , مارس دورك بحذف المشاركات المخالفه لقوانين المنتدي . وتأكد بأن أعضاء النقابه ومسئولين الشركه متابعين لما يطرح .

تقبل تحياتي .

 

السلام عليكم
الظلم ظلمات يوم الغيامه وكل انسان يغلط ويصيب بس الي مو متاكد من معلوماته لايظلم نفسه قبل ظلم الناس لان اهو الخسران
ليلة الاضراب انا مداوم ليل ويشهد الله علي اني شايف الريس في ايده اوراق ويفتر بالمصفاة ودش الكنترول روم Ccr
ومدير المصفاة كان موجود ولابس غتره وعقال .
والرئيس قالي ان في شباب ماسكينهم ومانعينهم من توزيع الاوراق والرجال يفتر ليله كله ويدافع عن ربعه وفزع اعضاء الامه للتدخل واخلاء سبيل ربعه
والله على ما اقول شهيد

 

الي الاخ سعود السبيعي ...الاخ بو عبدالله ما يدافع يذكر وقائع حقيقية تنفي الاتهامات المبالغ فيها من الكاتب ...واعتقد شهادة

الحق ما فيه اي حجر على الاراء ....ولا تظن اني من مؤيدين النقابة ..ارجع لكتاباتي وتشوف كم مرة انتقدتهم بشدة ..بس مو

معناه امارس الكذب والبهتان على من انتقدهم ...في مواضيع محددة ..نعم ستجدني اشد من ينتقدهم بها ..وفيه بهتان

لا نرضاه على اي شخص ....وقبل ان نمارسه اصلا حتى لا نصغر بعيون الاخرين ...نصغر بعيون انفسنا .....الزبدة ..

انا من اشد المؤيدين الي محاسبة النقابة وتخاذلها او برودها تجاه القضايا العمالية ولكن بارتقاء وبلا كذب مصطنع ..شكرا .

 

هلا بوفهد هلابك والله انا بنتظارك منذ زمن ليس ببعيد


بوفهد عزيزي انا ارى ان بوعبدالله حيادي ورجل يقول كلمة حق ولم يحرم احد من حرية التعبير سواء كانت ضده ام معاه

بوعبدالله يدافع عن رايه ويذكره حتى لو انتقدناه الرجل صدره رحب وواسع لجميع الاراء .....وبالاخير رايه سواء دافع عن النقابه او انتقدها الرجل لم يكبل احد ويحرمه من ابداء رايه

وللعلم ابوعبدالله شطب اكثر من مشاركة لي شخصيا عندما انتقدتك في اكثر من مناسبة من ايام قائمة الجميع اللتي كانت تشوبها الكثير من علامات الاستفهام ......ولم افاتحه بالموضوع

لاني مؤمن بأن المنتدى له قوانين والرجل يمشي عليها

اناشدك يابوفهد ياعزيزي اترك لنا حرية التعبير عن جميع مايدور في نفوسنا .....ولاترسل رسائل خاصه للادارة تطالبهم بشطب مشاركات لانها فقط انتقدتك ايام قائمة الجميع


بوفهد في كثير انتقادات خاصه في مصفاة الشعيبه لم ترد حتى بالنفي عليها او الاقرار بها ......فكيف تطلب مالم تطبقه انت ...؟؟!!!!

اذا تحب تعرف عن الانتقادات الخاصه بمصفاة الشعيبة انا حاضر ارسلك الروابط وانت رد واحكم!!!!!

 

أيو عبدالله تشرفت بمعرفته أيام أنتخابات النقابه وهو شاب خلوق مجتهد ..... وشهادة الحق مطلوبه لتوضيح الخلاف وأجلاء الحقيقه ... لكن أبوعبدالله ليس عضو عادي في المنتدي يكفي أن رقمه كشخه ( 1 ) وهو أداري المنتدي لذلك مشاركاته قد تحسب عليه وعلي توجه المنتدي بشكل عام . وتفسر بعدم الحياديه .

المنتدئ مقرؤ من شريحه كبيره وله متابعينه وقد طالبنا في وقت سابق أن يكون هناك صاحب صفه من النقابه لكي يرد علي الأعضاء ومحاورتهم والأجابه عي أسئلتهم وأستقساراتهم .

تقبل تحياتي ..

 

السلام عليكم ورحمة الله وبركاته
ابو فهد ماعليك زود وشهادتك اعتز فيها وانا اخوك
وقبل ان اكون اداري هذا المنتدى فأنا موظف في شركة البترول الوطنية وعضو جمعية عمومية في نقابة البترول الوطنية ومن حقي ابداء رأيي في اي موضوع بصفتي موظف وعضو جمعيه عموميه.
وسبق وان كانت هناك اتهامات موجهه بحقك ولم نرضى بتلك المشاركات وقمنا بطشبها ومحاسبة الشخص اللي كتبها في المنتدى .
وصدقني لو ماعندنا حياديه كان ماشفت مثل هذه المشاركات في المنتدى يابو فهد

 

أنا أشهد بوجود السيد رئيس النقابة في وقت الاضراب الأخير ..... وكان له دور فعال لا ينساه موظف

كلمة حق تقال



والنقطة الثانية : موضوع السفرات
لم نسمع عن أي عضو من نقابة البترول قد سافر لأي جهة من أموال صندوق الزمالة ولا حتى من الأموال المصروفة من وزارة الشؤون لذا وجب التنويه


نرجو من زميلنا تحري الصدق في النقل

قال تعالى

ولايجرمنكم شنئان قوم ألا تعدلوا

 

بوعبدالله أنت لم تكتفي بالمشاركه بل وصلت التهديد والوعيد . موضوع التسويق المحلي لاتقحم نفسك وأخوك في الموضو ع للدفاع عن مجلس النقابه أن ذاك . وأذا أردت الحقيقه لك أن تجري أتصال واحد مع الزميل السابق خالد الهملان ....

شطبك للمشاركات المسيئه صميم عملك وواجب عليك وعلي أدارة المنتدي ...
تقبل تحياتي