مناور المطيري خذلتنا

الكاتب : ضمير الأمة | المشاهدات : 2,178 | الردود : 15 | ‏24 فبراير 2011
  1. ضمير الأمة

    ضمير الأمة بـترولـي نشيط

    100
    0
    16
    السلام عليكم ورحمة الله وبركاته

    استبشرنا خيراً عندما علمنا ان مناور المطيري مدير عمليات الاحمدي يتفاعل مع مايكتب من المنتدى على عكس باقي المسؤولين الذين يشوفون ويطنشون ولا يخافون الله .

    ولكن في المقابل تفاعل بو صالح فقط مع المواضيع البسيطه او خل نقول على حسب المشتهاة.

    يعني مع معقوله عشرات المواضيع عن المنطقة الثامنة ومايحصل فيها من تجاوزات ومع ذلك نرى رده على مشكلة الباصات وكأنه لم يرى مشاكل المنطقة الثامنه . هل ذلك لان التيم ليدر صديقك المقرب ؟
    ان كان هذا مبدأك في التعامل مع المشاكل فنرجوا من الله ان لا يتم التجديد لك وان يرزقنا الله بشخص يخاف الله في الناس ولا يميزهم على حسب قربهم او صداقتهم .

    مو معقوله يامناور تسكت عن الكم الهائل من المشاكل في هذه المنطقة بالذات وكل هذا علشان سواد عيون صاحبك والموظفين واصلين الى مرحلة الإنفجار .

    يابو صالح حنا ندري ان ساسك طيب فلا تخذلنا وتخلينا نتحسف على كلامنا الطيب عنك لان الواقع يقول العكس.
     
  2. أبـو سعــــــــــود

    أبـو سعــــــــــود بـترولـي جـديـد

    33
    0
    0
    السلامــ عليكمــ ورحمة اللة وبركأته ...


    اخوي ضمير الامــه انت قلت وجهة نظرك وانا احترمهـا ( مع التحفظ على الاسلوب وبعض العبارات ) رغمـ التجنـي الواضح على مدير المنطقة الثامنه خالد الهاجري ورغمـ الحملـه المتعمـده ضده واللي الكل ملاحظـها خلال الفتره هـذي مع العلم ان ابومحمد طيبه وطيب فعايله تغنينا عن الدفاع عنـه ..

    لـكن همـ انا عندي وجهـة نظر واتمنى توصل بعد الى مناور المطيري اللي نقدره ونحترمـه واللي ماننسى مواقفه الطيبه الكثيـره واقوله يابوصـالح ابومحمـد ماقصر معانا في المنطقـه لاصغيرنا ولاكبيرنا وفي امور كثيره سواء على مستوى العمـل ومتطلباته او مستوى الاشخاص وانت يابوصالح ادرى بوضع المنطقـه من حيث الاهميه والمسؤليه وعدد الموظفين وحجم المنطقـه وانه في بعض الامور تحكمـ سياسة الشركه اللي مايقدر يتجاوزها ابومحمد او غيره وهذا عتب الاخوان يبون من ابومحمد يغير سياسة الشركة ويحملونه فوق مسؤلياته للاسـف . انا اقول ان ابومحمـد صدره وسيـع ويسمع من الكل وقريب من الجميــع والعمـوم عارف الشي هذا فاللي يحس انه مظلومـ يمر على ابومحمـد ويعطيـه ماعنده وانا متأكد مثل منت متأكد يابوصالـح انه راح يرجع ومعه حقـه هذا اذا هو مظلومـ فعـلاً ..

    وانت يابوصالح تعرف ابومحمد اكثر منا لكـن واجب علي اقول رأيي وابري نفـسي من كلامـ كاتب الموضوع وبحكم اني في نفس الدائره ..

    هذي وجهة نظري ومن حقي اقولها .. واللي يبي ينفجـر جعلـه ينفجــر
     
  3. ابوراشد

    ابوراشد بـترولـي نشيط جدا

    303
    2
    18
    ياجماعه شسالفه

    يعني لو واحد فيكم عيال عمه عنده ماراح يظبطهم ؟؟

    خلو الرجال يظبط عيال عمه شفيكم عليه.

    خلوا الاوفرتايم لهم والاجازات لهم والدرجات لهم والبونص لهم والتقارير الزينه لهم

    انتوا لاحقين على الخير انشالله:)


    بس عجبتني كلمة الاخ بو سعود يطبق قوانين ولوائح الشركه ههههههههه

    قويه قويه ودي اصدق
     
  4. المنطقة الأولى

    المنطقة الأولى بـترولـي جـديـد

    37
    2
    8
    ابو صالح من أفضل المدراء اللي مروا على مصفاة الأحمدي
    وهذا مو كلامي انا شخصياً مع اني عاصرت ثلاث مدراء قبله
    ولكن كلام اغلب الموظفين اللي تعاملوا معاه شخصياً

    ولو اني اتفق مع كاتب الموضوع في بعض النقاط مثل التغاضي عن بعض المناطق مع كثرة مشاكلها

    اتمنى من ابو صالح ان تكون نظرته للجميع بعين واحده
     
  5. DiverQ8

    DiverQ8 بـترولـي جـديـد

    40
    0
    0
    يا شباب اولا ابو محمد انا اشتغلت معاه في اليوتيليتي وكان سكشن هيد والي فوق سالم العجمي التيم ليدر

    انا من ناحيتي الاثنين هذيله احترمهم احترام كبير
    وبالنسبه لكلام الاخ ابو راشد وكلامه الي افهم منه انه ما في احترام لرئيسه بالعمل فا انا اقول لا اتحجى من ورى الريال واجهه بالويه وكلمه مو احسن ؟؟

    وثانيا بالنسبه لصاحب الموضوع ياريت لو اتحسن سلوبك اكثر لانه احنه اعلى من المستوى هذا بالكلام

    وثالثا بالنسبه لابو صالح اذا تفاعل او ما تفاعل بالمنتدى اهوه مو ملزوم فيكم

    يا اخوان اعرفو اولا واخيرا انه كل واحد متخصص في شغلات معينه بالنسبه للباصات الي سواها ازمه صاحب الموضوع
    ***************************
    وشكرا
     
  6. سراب الصيف

    سراب الصيف بـترولـي نشيط

    اللي كتبو ضد المنطقه الثامنه حججكم ضعيفه ومبنيه على صيغه المبالغه واي خدمه يقوم فيها التيم ليدر لا شخص تنسبونها لابناء عمومته ولو ان اللي خدمه مايمت له بصله من قريب او بعيد ... اشلون تبون ابو صالح يتفاعل معاها ؟؟
     
  7. فيصل العجمي

    فيصل العجمي مؤسس المنتدى أعضاء الشرف

    6,420
    1
    36
    السلام عليكم ورحمة الله وبركاته

    ابو صالح له مواقف في كثير من المناطق ومع الكثير من الموظفين ومن ينكرها فهو جاحد
    ويعلم الله انه ليس دفاع عنه ولكن الحق يجب ان يقال.
    لا اعلم حقيقة ماهي المشاكل في هذه المنطقة بالتحديد ولكن اللي انا متأكد منه ان ابو صالح يحقق في كل قضية تصله معلومتها وقد ترون الرد قريبا منه ان شاءالله
     
  8. DiverQ8

    DiverQ8 بـترولـي جـديـد

    40
    0
    0
    انا اقول الي عنده مشاكل سواء كانت صغيره او كبيره حلها سهل ولها طريقتين :

    الاولى : انها اتكون رسميه :

    ويكتب كتاب مفصل عن المشاكل الي تواجه العمال في المنطقه الثامنه

    ويتم ارسالها الى السكشن هيد و اذا ما نفع يوديها للتيم ليدر و اذا ما نفع يوديها لابو صالح و اذا ما نفع يوديها للدي ام دي .

    الثانيه : طريقه غير رسميه : <<< ارجحها :)
    ان يقوم صاحب الموضوع بنفسه بالتوجه الى التيم ليدر ( خالد الهاجري ) <<<< اطال الله عمره وابقاه في المنطقه الثامنه ان شاء الله

    ويقوم بالتكلم معه و يأخذ بالحسبان انه تيم ليدر <<< يعني مو فاضي يالله يالله يكون عنده وقت فاضي :)

    ويحاول انه يخرج من عنده و قد حلت المشكله <<< اهني اتجمل على ربعك انك ساعدتهم ويمكن تنزل انتخابات مجلس الامه :)

    وشكرا
     
  9. oily oliy

    oily oliy بـترولـي جـديـد

    23
    0
    1
    انا اقول بو صالح ذيب
    بس على المزاج :)
    وياشين المزاجيه ماحبها
     
  10. بترولي عاقل

    بترولي عاقل بـترولـي نشيط جدا

    230
    20
    18
    السلام عليكم
    اما بالنسبة لخالد الهاجري الصراحة قمة في كل شي اما ابوصالح ماخذ سمعة اكبر من حجمة كثير
    التيم ليدرز شايلين كل شي عنة وهو ماأضاف ولا شي
     
  11. mtm

    mtm بـترولـي نشيط جدا

    419
    0
    0
    سبحان الله وبحمده سبحان الله العظيم

    ان شاء الله تتيسر اموركم وتتحسن

    وكلنا عانينا من مشاكل كثيره وبالنهاية يا ننساها او تنحل مع الوقت
     
  12. red_valve

    red_valve بـترولـي نشيط

    94
    0
    0
    الباصات مو شي مهم شوفوا شي أهم يامعود لو تاخذها مشي أحسن رياضه.....

    شوف شي أهم
     
  13. جمايكا

    جمايكا بـترولـي جـديـد

    5
    0
    0
    يا معود اي باصات ... خل احد ينقذنا من اللي احنا فيه .....
     
  14. الصدق عنوانى

    الصدق عنوانى بـترولـي جـديـد

    1
    0
    0
    ما شفنا الظلم الا بايام السيد ابوصالح
     
  15. بوطاقيه

    بوطاقيه بـترولـي جـديـد

    6
    0
    0
    الله يعينك يابو صالح
     
  16. نفطاوي حر

    نفطاوي حر بـترولـي جـديـد

    3
    0
    0
    التفكير في مصلحة الشركة على حساب الموظفين وهم اساس المصفاة هذا شي غير مقبول او ماهي الهقوه با بوصالح يرجى اعادة النظر الى الامور الخاصه بالموظفين
     
جاري تحميل الصفحة...

مشاركة هذه الصفحة